hindi poem- Astitv
Aaj Aasuon Se Dil Bheeg Gaya,
Par Sharir Par Ek Boond Bhi Na Pad Payi Thi,
Aaj Duniya Ki Bheed Se Kayi Aage Nikal Aayi Mai,
Par Vahi Ki Vahi Khadi Reh Gayi Thi,
Aaj Kamyabi Ko Kadam Chumne Par Majboor Kar Diya,
Par Rishto Ki Raho Se Hi Juda Ho Gayi Thi,
Kayi Sathi Pa Liye Maine,
Par Sath Hi Na Pa Payi Thi,
Royi Thi Main Par Aasu Sukh Gaye The,
Hasi Bhi Thi Shayad Par Aatma Jhuthi Ho Gayi Thi,
Har Labz Par Apna Naam,
Har Jagah Apne Chehre Apni Aawaz Ko Pa Liya,
Par Khud Khokhli Ho Gayi Thi,
Jisne Apne Dum Par Bade Bado Ko Maat Di,
Aaj Khud Ki Nazaro Se Maat Kha Gayi Thi,
Jise Aaj Puri Duniya Dekhne Ko Tarasti Hain,
Jane Vo Khud Kaha Kho Gayi Thi..........
poem by Apurva Jain
Submitted by Poetry Lover
Vote! | Copy!
Related quotes
Hindi Poem- Chehra
Sari Raat Yuhi Bita Di Maine,
Kitabo Ke Panne Palat Te Hue,
Kuch Khwab Bunte Hue,
Palko Tale Kuch Aansu Samete Hue,
Sari Raat Yuhi Bita Di Maine,
In Nain Naksho Ko Niharte Hue,
Apni Kamiyo Ko Dhundhte Hue,
Apni Majburi Par Rote Hue,
Soch Rahi Thi Main,
Kya Kiya Tha Maine,
Kyu Kiya Tha Maine,
Kya Achi Nahi Thi Sirf Vo Jaan Pehchaan,
Ki Dena Chaha Use Mohabbat Ka Naam Maine,
Soch Rahi Thi Main,
Kya Keh Gaya Vo Itni Asani Se,
Kyu Keh Gaya Vo Itni Asani Se,
Kara Gaya Mujhe Meri Badsurti,
Meri Kamiyo Ka Ehsas,
Aur Thukra Gaya Mujhe Itni Asani Se,
Kya Dil Nahi Tha Uske Paas,
Ya Un Shabdo Ki Mithaas Kahi Kho Gayi Thi,
Aakhir Kiya Kya Maine,
Jo Mere Ehsaso Ki Zamane Bhar Me Khilli Udayi Gayi Thi,
Bas Pyar Hi To Kiya Tha,
Use Apna Dil Hi To Diya Tha,
Phir Bhi Kyu Sabke Samne Ek Mazaak Ban Kar Reh Gayi Thi,
Par Galti To Thi Hi Meri,
Ki Uski Neeli Aankho Me Dubti Chali Gayi Thi,
Uski Har Hasi Me Ek Sapna Bunti Chali Gayi Thi,
Dosh Uska Nahi Mera Hain,
Sirf Main Aur Mera Yeh Badsurat Chehra Hain,
Phir Bhi Kyun Aaj Khud Ko Bikhra Sa Mehsus Karti Hu,
Shayad Is Chehre Ke Karan Kisi Ko Ab Apna Dil Dene Se Darti Hu,
Kyunki Bahut Gehra Hota Hain Is Dard Ka Ehsas,
Par Ab Karti Hu Yahi Ardas,
Ki Ae Khuda!
Is Chehre Ko Vo Noor De,
Ki Dekhne Vala Aur Kuch Soch Hi Na Paye,
Par Is Dil Ko Dildar De,
Jiske Pyar Ke Liye Yeh Umar Bhi Kam Pad Jaye,
Aur Jisne Mujhe Thukraya,
Use Khud Koi 'Na' Keh Jaye,
Aur Tab Shayad Use Apni Galti...
Aur Mere Is Dard Ke Ehsas Ho Jaye.......
poem by Apurva Jain
Submitted by Poetry Lover
Vote! | Copy!
Main Jo Tha Mom Ka Putla
main jo tha
vo mom ka putla
har kisi ko pasand aata tha
ye mom ka putla
na kuch kehta tha
na kuch samajta tha
ye mom ka putla
phir ek din mujme jaan daal di gayi
insaano ki duniya mein meri naam daal diya gaya
kuch pasand karne lage
kuch hue jealous
kuch pyar karte
kuch takrar karte
main jo tha ek mom ka putla
kisi ne mujme jaan daal di
ab hone lagi dheere dheere nafrat mujhse
kisi ne mujhme khot nikal di
har cheez bikti thi us duniya mein
par mera koi mol na paya
main jo tha ek mom ka putla
kisi ne mujhme jaan daal di
sauda hua jo beedh ke bazaar mein
kahin bik na paya main
mera mol kaha tha
us aamir ki dukan pe
jo kudh hi lut chuka ho
vo kya chukata mol mera
padha raha aasman mein
mom ka putla ban kar
phir ek din meri jo jarurat na thi
bej diya mujhe khadan mein
aag jo meri meet thi
mil gayi khushi is jahan ko
main jo tha mom ka putla
kaam na aaya is jahan ke
main jo tha mom ka putla............................................ .......
poem by Imnt Alive
Submitted by Poetry Lover
Vote! | Copy!
Akelapan
Mai akela toh nahi tha,
ab kaise ho gaya?
Maano sab kuch ek pal mai kho gaya,
Zindgi ki hakikat saamne aayi,
Sab bhram mit gaya,
Sacchai chaayi..
Kyun maan raha tha khud ko sabse sukhi?
Uss guroor k saamne ab nazrein jhuki,
Ab chain bass tab hi mil sakta hai,
Mit jaayein iss dil ki diary k panne sabhi..
Uss shor ki toh maano manzil hi dhah gayi,
ab toh bass akelapan accha lagta hai..
WO hansi, wo shor..ab hume kahan jachta hai?
Kash! kyun na hum pahle se hi akele hote
kyun ye bojh jhoothi yaadon ka dhote..
Na aaye ab yahan koi aur
mai dekhna chahta hu ab duniya ka chhor
iss dukh k liye
khuda maine kyun wo sab sukh saha? ? ?
Mai Akela toh nahin tha
ab kaise ho gaya? ? ?
poem by Smriti Sharma
Submitted by Poetry Lover
Vote! | Copy!
Kuch Dur Tak Hi Sahi
Kuch dur tak hi sahi
Hum sang to chale.
Kuch pal hi sahi
Tumhare labo pe
mera naam to raha
Aarso gujr rahe the
Bethe mahfil mein tanha
khud se poochte the
aapne ghar ka raasta
Tum mile to
Shayad darpan dekha
Pahli bar.
Aaparachit khud se
Parichay hua
Pahli bar.
Kuch dur tak hi sahi
Hum sang to chale.
Kuch pal hi sahi
Tumhare labo pe
mera naam to raha
Yo to har mausam
patjhad hi raha
jivan ka
Kuch der hi sahi
Thahari to bahar
Humare yahan.
Kuch dur tak hi sahi
Hum sang to chale.
Kuch pal hi sahi
Tumhare labo pe
mera naam to raha
Sadiya beet gayi
Aur sanse chalti rahi
Tum aaye toh
saso ke is door ko
jivan ka naam mila
pehli baar.
Kuch dur tak hi sahi
Hum sang to chale.
Kuch pal hi sahi
Tumhare labo pe
mera naam to raha
Yo to virano
Aur uujado
Ki aadat ho chali thi
Tum sang
Pal bhar hi sahi
ye sheher
aabad to hua.
Kuch dur tak hi sahi
Hum sang to chale.
Kuch pal hi sahi
Tumhare labo pe
mera naam to raha
poem by Anjali Kakati
Submitted by Poetry Lover
Vote! | Copy!
Hindi Poem- Zindagi Me Mera 'Khas
Zindagi Me Mujhe Kisi Ka Sath Na Raha,
Jise Apna Samjha Vo Bhi Mere Pas Na Raha,
Jab Waqt Tha Tab Kadr Nahi Ki Usne Meri,
Isliye Jab Usne Mujhe Khas Samjha
Vo Mere Liye Khas Na Raha.....
Jab Kho Diya Humne Khudko,
Tab Vo Humse Milne Ki Guzarish Liye Pahuche,
Hamari Ankhon Me Apna Aks Dhundhne Pahuche,
ShayadHumse Phir Bewafai Karne Pahuche,
Par Hum Kaha Ab Hum The,
Hazaro Sawalo Ke Sath,
In Ankhon Ke Aasu Abhi Bhi Nam The,
Haqeeqat Me Aa Chuke The Hum,
Un Sapno Ki Duniya Ko Chodkar,
Har Pal Har Bat Ko Chodkar,
Unke Sath Ko Chodkar,
Isliye Jab Humse Mil,
Un Palo Ki Duhai Deni Chahi Unhone,
Afsos...
Ki Hume Vo Ek Bhi Pal..
Ab Yaad Na Raha........
Zindagi Me..........
poem by Apurva Jain
Submitted by Poetry Lover
Vote! | Copy!
Khilauna Pyara Pyara
Maa mughko chahiye,
aasmaan ka ek taara..
ghat se lakar de do mughko,
khilauna pyara pyara..
Maa boli bete se apne,
kaise laungi mai usko..
yahan nahi wo door bahut hai,
khilauna kahta hai tu jisko..
Bachha rone laga chillane,
meri mang poori ho............
ek dana nahi khaunga,
chahe halwa poori ho..........
Ab to maa hairan ho gayi,
ghat thali me paani laya.....
khilauna apne paas dekh,
bachha khub muskuraya...
Mil gaya bete ko mere,
khilauna usne jo mangwaya....
''deep'' sunakar lori maa ne,
bete ko bhar neend sulaya......
poem by Deepak Kumar deep
Submitted by Poetry Lover
Vote! | Copy!
The Last Ride Together!
Dur hona he naa guzeer magar
hey jo janay me thori der agar
aao kuchh dur mil k sath chalen
aao kuchh der tk to sath chalen
chaand ko, kehkashan ko, taaron ko
or khilti hui baharon ko
or khud apne dil ko dhoka den
mil k tanhayyon ko dhoka den
un ko ehsas bhi na ho paey
raaz afsha kaheen na ho jaey
hum me pehle si dosti na rahi
raastay hen alag magar phir bhi
koi herat, qalaq, malaal nhi
mere dil me tera khayal nhi
iss lye khud fareb khanay se
sir ta paa dukh me doob janay se
laakh bahtar he in ko dhoka den
apni tanhayyon ko dhoka den
aao kuchh der mil k sath chalen
aao kuchh dur tk to sath chalen
asma'n se barastay baadal ko
mouj ko, kashtiyon ko, saahil ko
apnay hi aansuo'on ko dhoka den
sub ko hum muskura k dhoka den
aakhri pal hen hans k sath chalen
akhri baar mil k sath chalen! ! !
poem by Shahzia Batool
Submitted by Poetry Lover
Vote! | Copy!
Tham Lo
Tham lo
Vakth ko,
Tumse
Kuch aaur bhi kahna hai.
Vakth ki raftar me
Sahme, simte se
Kuch labz,
Jo hotho pe rah gaye
Dabe dabe se
Unko bhi chahakna hai
Tham lo
Vakth ko
Rok lo
Raho ko
Tum sang
Kuch aaur duur tak jana hai
Rishto ki anban me
Jhllaye, uljhaye se
Kuch kadam
Uuthe hi nahi jo kabhi
Ruke ruke se
Unko bhi thoda chalna hai
Rok lo
Raho ko
Bandh lo
Sanso ko
Kuch dhadkano ko tumhari
Abb bhi jan na hai
Soch ki takrar se
Ghabraye, bahkaye se
Kuch pal
Tham se gaye jo
Unko bhi dhadkna hai
Bandh lo
Sanso ko
Tok do
Palko ko
Tumhari najro me
Abb bhi khud ko
Khojna hai
Dooriyo ke pardo me
Sharmaye bharmaye se
Kuch jahalak
Bevajah hi jukh gaye jo
Uunko bhi uudna hai
Tok do
Palko ko
poem by Anjali Kakati
Submitted by Poetry Lover
Vote! | Copy!
Hindi Poem- Ankahi
Aaj kagaz pe syahi failane ka man to bahut hain,
Par kuch nahi hain khas,
Kash aaj main kuch likh pati,
Kash kuch keh pati,
Par pata nahi kyun,
Aaj shabd nahi hain mere pas,
Kin khayaalo ke bare me sochu main,
Jab kuch lamhe hi nahi saheje apne pas,
Kuch dhundhli yaadein bhi nahi mere sath,
Kya bayaan karu aaj jazbaat apne,
Kuch jazbaat hi nahi mere pas,
Jazbaat chodo,
Lagta hai aaj kehne ko to apni saasein bhi nahi mere pas,
Log kehte hai... jazbaat aur saasein to dil me basti hain,
Lagta hain... Aaj shayad dil hi nahi mere pas....
poem by Apurva Jain
Submitted by Poetry Lover
Vote! | Copy!
Hindi Poem- Mera Sapna
Ek Sapne Ke Piche Bhaag Rahi Hu Main,
Na Jane Yeh Sach Hoga Bhi Ya Nahi,
Phir Bhi Umeed Ka Man Me Deep Jalaye,
Chali Ja Rahi Hu Main,
Ek Sapne Ke Piche.......................
Mera Yeh Sapna Sirf Sapna Nahi,
Meri Khwaish Hai Yeh, Hai Yeh Meri Tamanna,
Ya To Banega Mere Jivan Ka Sach,
Ya Rahegi Sirf Ek Kalpana,
Is Sapne Ko Na Jane Kitne Dino Se,
In Ankho Me Paal Rahi Hu Main,
Ek Sapne Ke Piche............................
Andheri Rat Dekhi Hain Maine,
To Ujale Savere Ko Bhi Dekha Hain,
Jalte Diye Se Faili Roshni Dekhi Hain,
To Uske Tale Chipe Andhere Ko Bhi Dekha Hain,
Usi Roshni Ki Ek Kiran Ke Liye,
Andhero Mein Bhi Jaag Rahi Hu Main,
Ek Sapne Ke Piche........................
Sapna Kya Hain,
Jo Chahu Use Pal Mein Hi Pa Lena,
Sari Duniya Ko In Hatheliyo Mein Bhar Lena,
Yakeen Hain Mujhe,
Apni Lagan Se Ise Zarur Sach Kar Dikhaungi,
Par Dar Hai,
Ki Is Matlabi Duniya Mein Na Kho Jau Kahin,
In Logo Ka Shikar Na Ho Jau Kahin,
In Jaisi Hi Na Ban Jau Kahin..................
In Jaisi Hi Na Ban Jau Kahin..................
poem by Apurva Jain
Submitted by Poetry Lover
Vote! | Copy!
Kyon?
Kabhi hum aapko dhundhte hai.
Kabhi aap humko dhundhte ho.
Bheed me jamane ki
Khoye hai,
Shayad dono kahi.
Ya bandhe huai hai,
Baediyoo se,
Khud ko yo hi.
Phir bhi
Dhundhte hai
Nain aapko
Nirantar
Yo hi.
Kuch hai jo joode rakhta hai
Humko,
Samay ki parato ke pare.
Kuch hai jo bandhe rakhta hai
Aap ke mann se mujhe.
Tamam swachand hone ki
Koshishso se pare.
Hum bhid me kho kar dekh liye.
Bhag kar samay se pehle nikalne
Ki koshish kar liye.
Chip kar tammam pardo ke
Peeche ho liye.
Auur har baar
Khud ko,
Aapko dekhte paya humne.
Har baar
Paya aapko bhi
Yo hi
Khojte huai.
Bheed ko pyyasi aakho se takte huai.
Phir dekh kar humko
Oot me chipte huai.
Kis se chip rahe hai?
Khud se,
kab tak yo hi chipte phirengee?
Dard ke selab me
Yo hi doobte rahenge?
mana,
Ye galat hai,
Aapka mera yo
Benam rishton me joodna.
Ye galat hai,
Beboonyaad se dhadhkano ko
Dil me dhadkana.
Ye galat hai,
Bemanzil rahoo me
Yo sang chalna.
Par phir kyon
Aakhir kyon?
Bheed me aap hi
Humsafar milee?
Kyon
tanha se raaho me
aap hi raahgir mile?
Hum nahi jaante hai..
Kyon
Jab sazde par
Sar zhuke
Toh
Aap hi raab aur aap hi maseeha mile.
-anjali
poem by Anjali Kakati
Submitted by Poetry Lover
Vote! | Copy!
Humanity Poem- Manavta Ki Khatir
Rog laga hai har manav ko, main bada hoon tumse pyare
Tu tu may may ki issi aag me, jal rahen hain ye sare
Pyar nahi hai dilon me apne, Lagate Vishva-bandhutva ken are
Seekhen zara prakriti se bhi, jo milkar rahte chand sitare
Gar ghukaden apne aapko to, mit jayenge ghagde sare
Gair nahi koi vair nahi hai, sab hain apne mit hamare
Manav me manavta na ho, to insaan ki kaam ka
Aisa manav chalti phirti lash hai, aur lash hai kis kaam ka
Dhairya, kashma, karuna nahi to, vidya ka gyan kis kaam ka
Bistar hai par neend nahi, wo saaman hai kis kaam ka
Dhan se hai bharpur par shanti nahi, aisa dhan kis kaam ka
Duniya jise such kahti hai, wo such hai kis kaam ka
Tarraki kar li insano ne, gyan aur vigyaan se
Vhed dala antrikash ko bhi, roket wayun se
Much pe baten badi badi, par dil abhi pashan se
Haasil sab kuch kar liya par, bach na sake abhiman se
Manav me manavta hogi to sirf guru ke gyan se
“Deep” milegi mukti to bas, rab ki hi pahchan se
poem by Deepak Kumar deep
Submitted by Poetry Lover
Vote! | Copy!
Tree Plantation Ped lagayen, Paryawaran bachayen
Vrikash paryawaran ki shan hain
Vrikashon ko na katen hum
Ped lagayen, paryawaran bachyen
Vrikash hamari jaan hain.
Vrikash lagana acchi baat hai
Par Vrikash ki rakasha bhi Karen
Apne swarth ki khatir
Ped kaatna galat baat hai.
Ped pradushan se hame bachte
Ped hi barish late hain
Ped hi sunder fal hain dete
Aur hamari sehat banate.
Ped hamari khatir jeete
Kitna bada hai unka upkar
Khud sahkar dhoop aur toofan
Dete hame thandi bayar(Hawa) .
Vrikash hamare bade kimti
Inhe yun hi na barbad Karen
“Deep” eke k ped lagakar
Ghar apna aabaad Karen.
poem by Deepak Kumar deep
Submitted by Poetry Lover
Vote! | Copy!
Zindagi
Kabhi socha na tha, ek din zindagi is kadsr ruth jayegi
Mangege khushi to tanha chorh jayegi
Khushiya to jese lehre hai
Or ye zindagi ek sahil
Na jane kyu aaj dil udaas hai
Dil ko shayad kisi ka intzaar hai...
Khushi khilaf hai mere
Magar dard ko mjhpe naaz hai
Seh liya maine bina kuch bole use...
Chalti rahi har kanto me...
Aakho me nami thi
Bs aasu peeke,
or dard sehke jinda hu aaj
Ehsaas hua ki ek gum hi mera apna hai, to tanhai mera sahara hai... Hr pal drd ko apne kareeb rkhti hun,
Kbi kbi jhalakta hai ye aakho se
........
poem by Neha Poemlover
Submitted by Poetry Lover
Vote! | Copy!
Gazal Badi Ajeeb hai ye Zindagi in hindi by deepak kumar deep
Badi ajeeb hai ye zindagi,
khushi ek pal ke liye
dukh verson baras ke liye
koi sukh chahta hai is jeevan me
to usse dukhon ki bhari bori hi mil jati hai
jahan foolon ke milne ki aaasha hai
wahan katon ki sej bich jati hai
Badi ajeeb hai ye zindagi.....................
Kuch satya kuch ghooth
Kabhi aasha kabhi nirasha
kabhi sawpno ko pane ki lalasa
inhi me ulagh kar rah gayi hai zindagi
Badi ajeeb hai hai ye zindagi................
Kabhi jati kabhi varn
Kabhi bhasha kabhi dharm
viwadoke ghere me hai aaj ki sanskriti
kaise kahen, kya yahi hai zindagi?
badi ajeeb hai ye zindagi...........
Pyar doge pyar milega
satkar doge samman milega
mehanat se har chij hai sambhav
kam se chori hai dukh ka anubhav
ham jaisa hain sochte nahi hai aisi zindagi?
fier bhi log kahte hain,
badi ajeeb hai ye zindagi.............
Manav jeevan ek baar hai mita
nahi milta hai barambar
har manav se pyar karen
nafrat ko de dutkar
Krodha chod dhairya apnayen
paap chod punya kamayen
ye dharti hai dharam ki
jitni marji fasal ugayen
Ek baar yatan kar dekhen-
Hai khusnasheeb ye zindagi
nahi hai ajeeb ye zindagifir bhi log kahte hai,
badi ajeeb hai ye zindagi.........
poem by Deepak Kumar deep
Submitted by Poetry Lover
Vote! | Copy!
Kuchh Bhi to Nahein Hai Naam Mein Mere. [A poem in Hindi]
Kuchh bhi to nahien hai naam mein mere
Na koi arth hai na mahatav hi
Samay ke raigistan mein jaisey
Tum ne ik naam likha tha
Jo mit sa gaya hai
Waqt ki aandhi se.
Ab jab teri nai duniya mein
Naiye saathi sang hain tere
Kya rakha hai beeti yaadon mein
Bharte rahein aanso in aankhon mein
Rait par likha hua ik shabd tha mein
Jo mit sa gaya hoon.
Lekin jab bhi naiye sab saathi
Sang chhod tujhe peddit kar dein
Naam tum lena mera priye tab
Aur moorat kar ke yaad tum meri
Kehna thha ik sachha shaksh bhi
Jiske pyaar ne jeevan mein thhey
Aashaon ke phool bikhere
Jise waqt nigal gaya hai
Aur jo yaadon ke aakash mein
Ik tara ban kar chamak raha hai
Chhahey uska koi naam nahien hai........[1992]
Awareness poem in Hindi by Deepak kumar deep
Sadiyon se khamosh ye dharti
Pata dhoondh rahi hai insanon ka
Kash! Kahin koi mil jaye
Kya shahar hai ye veerano ka?
Dhadhak rahen hai dil par hoth hain band
Iltaza hai kuch kahne ki
Par! sari nakam koshish
Mai chala gaya tha mudon ke shahar me
The naam wahan gude huwe sunhare patthron par
Wo bebas the, chilla rahe the,
Ro rahe the apni lachari par
Zuban na thepaas unke, kuch kahne ko
Kyonki wo bebas the lachar the……
Jane laga jab wahan se main
Pukar rahi thi wo sari lashen mughe
Chilla chilla kar kar kah rahi thi-
Mat banna aise, jaise the mere karm
Yaad kar un baton ko, aati mughe abs harm
Banna tha jab narm mughe, huwa main narm
Andhvishwashon me ghira tha mera apna dharm….
Jao jakar bata do unko
Meri tarah hi unka hoga haal
Maine ta umernahi ki bhakti, sirf kiya dikhawa
Jo bana aaj ka sawal
Maine apna waqut gawaya, duniyawi such ko pane me
Shareer ko sajane me,
Imarte banana me,
Danga fasad karne karane me
Par zara bhi na diya dhyan
Manav jeevan sawarne me.
Murakhta aur pagalpan ki bhi had hoti hai
Maine samay ke satguru ko nahi pahchana
Sirf libas dekha, shaklon par dhokha khakar
Har yug me maine mara taana.
Main bhi kitna badnaseeb tha
Manjeel mere karib tha
Phir bhi daud raha tha paglon ki tarah
Wo waqut bhi kaisa ajeeb tha.
Khair! Min to apne kiye ki bhugat raha hoon
Par jao jakar kahna un ghamandi, ahankari, papai,
durachari, anachari, Vyabhichari, atyachari logon se
Kyon kar raha hai apne aap se gaddaari.
Kar le apne aapki pahchan
Kaun hai tu? Kya hai tera asthan?
Mat kar mat kar itna abhiman
Jana padega ek din shamshan
Jag me rahegi ek dastaan
Aur bhul jayenge tughe naadan
Mubarik hai tera achha khan paan
Neend se apne jag re Insaan
Main bhi teri hi tarah hi nadani kar baitha
Par tun na kar!
Ja satguru ki sharan
Kar de apne aapko arpan
Fir dekh! Tu yahan nahi aayega
Aur na hi churashi me jayega
Tun to seedha rab me mil jayega
Tera jeevan saphal ho jayega
Jakar mil le NIRANKARI BABA JI SE
Jo mufat me baat rahen hain gyan
Iss gyan ko pakar
Sewa simran satsang karke
Bhakti Ki dritha pa le
Phir dekh! Tu bhi Ram, Krishna, Gurunanak
Kabir, Tulsi, Hanuman ki tarah amar ho jayega
Jakar dekh satguru “deep” jala raha hai
Andhera mita raha hai
Savera la raha hai
Tub hi jag ja, jag ja
poem by Deepak Kumar deep
Submitted by Poetry Lover
Vote! | Copy!
Aise Hain Anna Hamare...
Khuskismat hain hum sare
mile hame jo Anna Hazare
Sath do milkar duniya walon
Pakar inke Har ek ishaare
Khuskismat hain hum sare
mile hame jo Anna Hazare
Diya hai maa ne ratna hame
Jo sabki aankhon ke hain tare
Desh ki khatir jee rahe jo
Aise hain Annaa hamare
Khuskismat hain hum sare
mile hame jo Anna Hazare
Hoga khatam ab bhrastachar
Anna ki ye har saans Pukare
Swarg sa sunder bane ye desh
khushiyon ke hon har or nazare
Khuskismat hain hum sare
mile hame jo Anna Hazare
Ishwar do sadbudhhi sabko
Karte gunah kyon itne sare
Rukhsat hoge duniya se “deep’’
Hoga na kuch sath tumhare
Khuskismat hain hum sare
mile hame jo Anna Hazare
poem by Deepak Kumar deep
Submitted by Poetry Lover
Vote! | Copy!
Kaha Dhoondhe Kisko?
Kaha dhundhe kisko?
Jo mila,
Woh milke,
Khota hi gaya.
Kabhi ujalo ne jala diya.
Kabhi andhero ne cheepa liya.
Jo mila,
Khawab ban,
Oojhal hota hi gaya.
Badi mannate ki
Takdeeron se,
Kabhi bandh darwaza
Bandh hi raha
Toh,
kabhi khulkar bhi
Khali hi raha.
Kaha dhundhe kisko?
Ret ke gharondoo me?
Jo har lahar ke saath
Badle sahar?
Ya un baadloo me?
Jo har jhoke me
Badle nagar?
Bahut bhagee hai manzilon ke peeche..
Kabhi manzil badal gaye,
Toh
Kabhi rahee badal gayee.
Kaha dhundhe kisko?
Jo mila
Who milke
Khota hi gaya.
Kabhi ujalo ne jala diya.
Kabhi andhero ne cheepa liya.
poem by Anjali Kakati
Submitted by Poetry Lover
Vote! | Copy!
Maa
Maa to meri jaan hai.
dundle andhere me bhi vo, meri pehchan hai
Sehti rahi jo hr pal,
Marti rahi har pal jiske liye vo,
Kuch or nahi bs vo meri muskaan hai,
Har gaya har lamha jiske samne,
Jhuk gaya har dard jiske samne
Vo koi or nahi meri maa mera bhagwan hai.muskurati rahi har dard me vo tumhe hsane k liye,
khud jalti hai vo har pal, sirf tumhe roshni dikhane k liye, rehti hai andhero me tumhe chand dikhane k liye,
Aaj bhi intzaar krti hai vo tumhe chamkta dekhne k liye,
Tadapti hai vo bs ek bar tumhe seene se lagane k liye.
Dedo use itni khushi ki gham bhi na use chu paye is zamane me...
Bna do uske har aasun ko moti,
Chamka to uski zindagi kuch is kadar,
Ki heera bhi feeka parh jaye is zamane me,
Bs ye hi jaan lo, maa hi sabkuch hai,
Har zamane me...
poem by Neha Poemlover
Submitted by Poetry Lover
Vote! | Copy!