En.Citatepedia^®.ro

Salamat Kaibigan

Salamat at ika'y naririyan
kasama kong humahalakhak
sa tuwa.

Salamat at ika'y naririyan
kasama kong umiiyak
sa dusa.

Salamat sa iyong mga palakpak
sa aking kantang di kasing galing
ng isang tunay na mang-aawit.

Salamat sa iyong mga sermon
sa mga pagkakataong
ako'y mali.

Salamat sa pagtulak sa akin
upang abutin
aking mga pangarap.

Salamat at ika'y naririyan
....kaibigan.

poem by Marites C. Cayetano
Submitted by Poetry Lover
Vote! | Copy!

TRECE AÑIO DE AMO (13 years of love)

Nakasanayan ko nang ilapat sa tula,
aking nadarama...
Kadalasan kase di ko masabi,
mga katagang dapat ay sinasabi...

Sa ika-13 taon ng ating pagsasama
Di ko ma plano ang mga dapat sinta...
Gusto kitang masolo,
Yung tayo lang at wala ng iba

Gusto kong magpasalamat
Sa pagmamahal na iyong pinadama,
Pang unawa sa mga pagkakataong
Di ko na kaya...
Sa iyong katapatan, Sa ating pagsasama
Maraming salamat aking sinisinta...

Aking dalangin at sanay laging dinggin...
Tanglaw at liwanag ng Panginoon
Ay patuloy na magningas sa mga puso natin

Maraming salamat...salamat sa mga panahon
Na sa amin ay ginugol...

Lagi mong tatandaan,
Di ka maaalis sa aking puso,
Hanggang sa huling hibla ng buhay ko....

Happy 13 years of Love...
Happy anniversary daddy

poem by Ana Maria Ogena Rosarda
Submitted by Poetry Lover
Vote! | Copy!

Bebot

Bebot bebot
Be bebot bebot
Be bebot bebot be
Ikaw ang aking
Bebot bebot
Be bebot bebot
Be bebot bebot be
Ikaw ang aking
Bebot bebot
Be bebot bebot
Be bebot bebot be
Ikaw ay
Filipino!!! Filipino!!! Filipino!!! Filipino!!!
Hoy pare pakinggan nyo ko
Eto nang tunay na filipino
Galing sa baryo sa pangbato
Pumunta ng LA nagtrabaho
Para makatulong sa nanay
Dahil sa hirap ng buhay
Pero masaya parin ang kulay
Pag kumain nagkakamay
Yung kanin, chicken adobo
Yung balot, binebenta sa kanto
Tagay mo na nga ang baso
Pare ko inuman na tayo
Filipino!!! Filipino!!! Filipino!!! Filipino!!!
Bebot bebot
Be bebot bebot
Be bebot bebot be
Ikaw ang aking
Bebot bebot
Be bebot bebot
Be bebot bebot be
Ikaw ang aking
Bebot bebot
Be bebot bebot
Be bebot bebot be
Ikaw ay
Filipino!!! Filipino!!! Filipino!!! Filipino!!!
Masdan mo ang magagandang dalaga
Nakakagigil ang beauty mo talaga
Lambingin di nakakasawa
Ikaw lang ang gustong kasama
Yung bahay o kubo
Pagibig mo ay totoo
Puso ko'y laging kumikibo
Wala kang katulad sa mundo ko
Pinoy ka sigaw na, sige
Kung maganda ka sigaw na, sige
Kung buhay mo'y mahalaga, sige
Salamat sa iyong suporta
Filipino!!! Filipino!!! Filipino!!! Filipino!!!
Filipino!!! Filipino!!! Filipino!!! Filipino!!!
Bebot bebot be bebot bebot
Be bebot bebot be
Ikaw ang aking
Bebot bebot be bebot bebot
Be bebot bebot be
Ikaw ang aking
Bebot bebot be bebot bebot
Be bebot bebot be
Ikaw ang aking
Bebot bebot be bebot bebot
Be bebot bebot be
Ikaw ang aking
Bebot bebot be bebot bebot
Be bebot bebot be
Ikaw ang aking
Bebot bebot be bebot bebot
Be bebot bebot be
Ikaw ay
pinoy ka sigaw na, sige
kung maganda ka sigaw na, sige
kung buhay mo'y mahalaga, sige
salamat sa iyong suporta, sige
pinoy ka sigaw na, sige
kung maganda ka sigaw na, sige
kung buhay mo'y mahalaga, sige
salamat sa iyong suporta
...Filipino ...Filipino ...Filipino ...Filipino

song performed by by Black Eyed Peas
Submitted by Lucian Velea
Vote! | Copy!

Sa Mundo

Tama ka
maraming pangit na bagay sa mundo.

Naririyan
ang digmaan
ang sakit at kahirapan
ang panlalait at panlilinlang ng kapwa
ang mga krimen at mga kalamidad.

Mga bagay na kadalasan
ay kayhirap unawain at tanggapin...
mga bagay na kadalasan
ay nagbibigay ng katanungan
bakit nga ba nagaganap?

Subalit sa mundo
mayroon din namang magagandang bagay
na sa aking paniniwala
ay higit pa sa sapat
upang ating ipagpatuloy
ang buhay.

Naririyan
ang pamilya at mga kaibigan
ang pag-ibig at mga pangarap
at higit sa lahat, naririyan
...ang pag-ibig ng Diyos.

poem by Marites C. Cayetano
Submitted by Poetry Lover
Vote! | Copy!

Mga Luha ng Kandila

Ako ay papunta sa mundong ibabaw
Nang ang liwanag mo'y una kong mamasdan
Liwanag na siyang matiyagang gumabay
Sa isang pares ng mabubuting kamay
Na sa akin ay sumahod mula sa karimlan
Na aking daigdig hanggang siyam na buwan
Ako'y inilapag nang buong lumanay
Sa siping ni Ina ako'y inilagay

Noon ko nakita luha mong napatak
Na kung para ano'y di ko madalumat
Iyon ba ay luha ng kaligayahan
Ang magiging akin, buhay na tiwasay
O 'yun ba'y mga luha ng kalungkutan
Ang daranasin ko'y pawang kabiguan

Muli kong nakita ang iyong liwanag
Sa araw na takda noong aking binyag
Muli, nakita ko iyong mga luha
'Yon ba'y pahiwatig o kaya'y babala
Ng dahop na buhay o kaya'y sagana

Ang iyong liwanag muli kong nakita
Nang ako't ang mahal ko'y kinakasal na
Init ng 'yong tanglaw noon ko nadama
Sing init ng isang tunay na pagsinta
Pagal kong katawan binigyang ginhawa

Ang huli mong sindi di ko na nakita
At ang iyong init di ko na nadama
Tanging naririnig ko'y mga panaghoy
Panangis ng mga nagluluksa noon
Pagkat ako noon na ay nakahimlay
At na'y paparoon sa kabilang buhay

poem by Pacific Hernandez
Submitted by Poetry Lover
Vote! | Copy!

Hari Ng Musika (edited)

Oh, Hari ng musika
anong kapangyarihan meron ka
at tila nababasa mo
ang laman ng aking dibdib.

Oh, Hari ng musika
anong kapangyarihan meron ka
at iyong musika
ay tila gamot
sa aking kalungkutan.

Oh, Hari ng musika
anong kapangyarihan meron ka
at iyong musika
ay tila isang kamay
na nagtutulak sa akin
sa pangarap.

Oh, Hari ng musika
sa iyo ay aking hiling
na sana
sa iyong musika'y ituro
sa aking mahal ang daan
pabalik sa akin.

poem by Marites C. Cayetano
Submitted by Poetry Lover
Vote! | Copy!

Sa Iyo

Salamat
Kahit papano, naging tulay ka sa pagbabago ng buhay ko,
Nagbigay ng 2 anghel sa mundo,
Nawala man ang isa,
Cya ang anghel na aagapay sayo at ako...

Nawala man tayo,
Maging magandang simbolo ka sana ng anak mo na asa tabi mo..
Kaibigan pa rin ang turing ko sau at ama ng anak ko,
Kahit naging pangit ang buhay nating binuo,
Naging maganda ng wala na tayo.

Ang anghel nating natitira sa mundo, pakaalagaan mo,
Cya lng ang mundo ko at buhay mo,
Ngayung meron ka ng bago,
Wag mong iwaglit ang anak ko..

Alam ko mahal mo ang balong ko,
Gusto ko lang ipaalala sayo,
Kung ano nakikita nya,
Tumatatak sa isip nya.

Sana kahit sinusunod ka nya,
Isipin mo sana, nasasaktan na cya,
Pero wala ako reklamo sa pagpapalaki mo,
Dahil alam ko naging mabuti kang ama sa knya.

Nawala man tayo,
Tulad ng sabi ko,
Kaibigan pa rin turing ko sayo...
Dahil don tayo nagsimulang nabuo...

Salamat.....SA IYO.....

poem by Donna Delizo
Submitted by Poetry Lover
Vote! | Copy!

Nasaan Ka

Hinahanap kita sa ating tagpuan
Ngunit wala ka do'n, ikaw ba'y nasaan
Doon sa waiting shade na hinihintay ka
Ikaw ay wala rin, ika'y nasaan ba
Sa park na pasyalan natin ako'y lagi
Wala ka rin doon, ano ba ang sanhi

- 0 -

Sa iyong daigdig, huwag mo 'kong hanapin
Alaala na lang mong ako'y ituring
Ang iyong daigdig na aking nilisan
Ay masalimuot, huli kong nalaman
Ang iyong kahapon na tinatakasan
Ay dinala mo pa sa aking harapan
Ang ating relasyon ay di mabubuo
Ng iyong taksil at sugatan kong puso

poem by Pacific Hernandez
Submitted by Poetry Lover
Vote! | Copy!

Thank You Tai Chi

for not
including
me
in the list
of the nameless
and
shameless

in some
respects
i am shamelessly
devoted
to you.

salamat po.

poem by Ric S. Bastasa
Submitted by Poetry Lover
Vote! | Copy!

Balatkayong Pag-ibig

Balatkayong pag-ibig
sa akin
ay huwag mong ialay
sapagkat ang nais kong pag-ibig
ay yaong tunay lamang.

Kahit na iyong ginto
ay hindi tunay
kahit na iyong rosas
ay hindi tunay
ay ligaya kong tatanggapin
basta't iyong pag-ibig
ay tunay lamang.

Balatkayong pag-ibig
sa akin
ay huwag mong ialay
sapagkat ang nais kong pag-ibig
ay yaong tunay lamang.

poem by Marites C. Cayetano
Submitted by Poetry Lover
Vote! | Copy!

Nectar, Tears and Blood

Araw na nagdaan natin nilingon ko
Aking inaninaw, dahilan ba'y ano
Landas ng puso ko't landas ng puso mo
Ay nagkahiwalay, may sala ba'y sino

Tayo'y nagsumpaan na magmamahalan
Sa simula hanggang magpakailanman
Ang mga araw na sa ati'y nagdaan
Ay alaala na kay tamis balikan

Sa mga gabi na tayo'y namamasyal
Mga halakhak mo'y kay sarap pakinggan
Matamis na halik, sa iyo natikman
Di ko hahanapin kahit kanino man
Ang mga pangarap natin ay binuo
Parang ng panahon, di kayang iguho
Ang namagitan sa atin na pag-ibig
Nectar ang katulad, walang gasing tamis

Ngunit bakit ganoon, hindi natagalan
Puso mo'y nalihis, ng landas naligaw
Ang iyong puso ay naging salawahan
Ang aking pag-ibig, iyong sinuklian
Ng di pag-ibig din kundi kataksilan
Tula ng pag-ibig natin ay natala
Sa papel ng dusa, tinta'y aking luha

Ang taksil mong puso ay nais bumalik
Sa puso kong wasak, sa sakit na'y manhid
Di ko matatanggap ang iyong pag-ibig
Pag ako'y lumingon, aking nadadama
Ang pait ng iniwan mong alaala
Nakaraan nati'y may bahid ng dugo
Ng aking naluray, nadurog na puso

poem by Pacific Hernandez
Submitted by Poetry Lover
Vote! | Copy!

Hibang Na Pag-ibig

O pag-ibig kailan ka titigil
Mata mo'y buksan at ng iyong mapansin
Mapagsamantalang puso iba ang hangarin
Kahinaan mo ay di dapat gamitin

Isip ay buksan at ng iyong malaman
Ang mali kahit kailanman ay di naging mainam
Pang-unawang kaytagal nang nalalambungan
Maling akala'y dapat ng maparam

Tuna'y ngang pag-ibig ay sadyang wagas
Nguni't paano kung ito'y magamit ng isang ahas
Mapanukso niyang galaw at ng angking tikas
Sa kamandag ng kanyang dila ika'y di makaiwas

Sa isang sulok ng mundo kong tahimik
Ni sa isang saglit di ko naisip
Puso kong sugatan ay iyong masagi
At ang kirot nito ay biglang napawi

Mga sandali ay pinuno mo ng sigla
Kahit sa simula ay may pagdududa
Mata ay ipinikit sa ligayang iyong dala
Kahit puso'y nagtatanong, 'tunay bang talaga'

Ngunit kahit anong tago'y pilit sumisilip
Ang katotohanang ako ay sakdal nagamit
Kahinaan ko ay naging kalasag man din
Ng isang pusong sa palaso'y kumapit

Hanggang kailan iyong itatanggi
Kung patuloy na gagamitin ang pusong api
Tumayo ka at ipagtanggol ang iyong sarili
Kung ang paghatol ko ay pawang mali

Nasaan ang pag-ibig na sa tuwina'y sinasabi
Hanggang sa buka lang ito ng iyong mga labi
Patunay kailanman ay di kayang magawi
Sapagkat puso'y hungkag at iba ang nais

Puso ko'y naninimdim at gusto ng tumigil
Sa pagtibok nito sana'y di ka na hanapin
Sa alaala ko'y pilit kong buburahin
Pagsuyo sa aking lubhang huwad man din

Ilang ulit ko na bang ito'y sinabi
Paulit-ulit lang at di maiwaksi
Pag-ibig ko'y hihintayin na lang matigil
Hanggang puso'y maging manhid
at buhay ay mapawi

poem by Rose de Ramar
Submitted by Poetry Lover
Vote! | Copy!

Tagumpay Nating Lahat

(gary granada)
Akoy anak ng lupang hinirang
Kung saan matatagpuan
Ang timyas ng perlas ng silangan
Nagniningning sa buong kapuluan
Taglay ko ang hiwaga ng silangan
At saan mang bayan o lungsod
Maging timog, hilaga at kanluran
Ang pilipino ay namumukod
Refrain:
Sama-sama nating abutin
Pinakamatayog na bituin
At ang aking tagumpay
Tagumpay ng aking lahi
Tagumpay ng aking lipi
Ang tanging minimithi at hinahangad
Hangad koy tagumpay nating lahat
Ako ay may isang munting pangarap
Sa aking dakilang lupain
At sa sama-sama nating pagsisikap
Sama-sama ring mararating
Ang ibat ibang galaw, iisang patutunguhan
Dito isang araw, isang kapuluan
Sama-sama nating abutin
Pinakamatayog na bituin
At ang aking tagumpay
Tagumpay ng aking lahi
Tagumpay ng aking lipi
Ang tanging minimithi at hinahangad
Hangad koy tagumpay nating lahat
Hangad koy tagumpay nating lahat

song performed by by Lea Salonga
Submitted by Lucian Velea
Vote! | Copy!

Sa Dulo ng Landas

Landas ng buhay ko nang aking simulan
Kay daming pangarap akong tinatanaw
Pinilit kong sila ay aking marating
Subalit mailap, hindi naging akin

Sa dulo ng landas, ako na'y naroon
Ang dinaanan ko ay aking nilingon
Walang mga bakas ako na naiwan
O kahit na anong pagkakakilanlan
Na minsang ako'y do'n sumagi't dumaan

poem by Pacific Hernandez
Submitted by Poetry Lover
Vote! | Copy!

Identity Crisis

Sa aking buhay ay may mga komedi
Na naranasan ko, sila ay marami
na nakakatawa, so makinig kayo
Isa-isa sila'y isasalaysay ko

Isang araw ako ay nasa bangketa
Ang sasakyan kong dyip ay hinihintay pa
Nang sa akin ay mayroong kumalabit,
si Mr. C. Santos, Director ng Roosevelt

Ako ay natuwa, ako'y nasiyahan
Na kay daming taon na ang nakaraan
Ako'y binati niya't pa'y natatandaan
Isang bagay na di ko inaasahan

Sa isang student na hindi nag-excel
At sa kanyang iskul di naging outstanding
Ito'y isang honor nang maituturing
Isang karangalan na para sa akin

Matapos ang konting kwento't kumustahan
Si Mr. Santos ay sa 'kin nagpaalam
'O, TONY, diyan ka na, ako'y aalis na,
at kumusta ulit sa iyong pamilya.'

Nang si Mr. Santos, wala na't malayo
Ang naramdaman ko ay pagkasiphayo
Aking kasiyahan, napawi't umalis
Di ako si Tony, siya'y aking KAPATID

Isang araw naman, ako'y nakatambay
Do'n kay Pareng Miniong, sa kanyang tindahan
Dumating ang ex-Mayor ng Marikina
Si Hon. Gil Fernando at wala nang iba

Ako'y kinausap, ako'y kinumusta
Ako ay natuwa, ako'y siyang-siya
Na akong anak ng dating ka-ticket niya
Ay natatandaan, kanya pang kilala

Narito ang siste, nang siya'y magpaalam
'O, aalis na ako't di na magtatagal
Sa iyong ama ay kumusta na lamang,
Kay Dr. Siasoco, aking kaibigan.'

Ako ay nanlumo, paano ba naman
Tatay ko'y Hernandez, Ayong ang pangalan
At siya'y hindi doktor, isang employee lang
Which only shows na 'ko'y napagkamalan lang

Mas masaklap itong aking ikukuwento
Sa isang bangketa'y naglalakad ako
Classmate sa grade school,19kopong-kopong
Nakangiti pa nang aking masalubong

Ang sabi niya agad, 'Kilala ko kayo.
Kayo'y taga-Nangka, natatandaan ko,
ang tatay ng kakalase ko'y di ba't kayo?
Ang ngalan niya ay Hernandez, Pacifico.'

'Ay! bakit ba ganoon, bakit ba ganito,
Paano bang ako ay naging tatay ko? '
'Biktima ka Amang ng Identity Crisis,
Pasensiya ka na lang at huwag mainis'.

poem by Pacific Hernandez
Submitted by Poetry Lover
Vote! | Copy!

Sa Bulalakaw

Sa Bulalakaw
aking hiniling
pangako mo'y
iyong tuparin.

Usad ng panahon
ay di mapigilan
gayun din ang pagkulubot ng mukha
at pagputi ng buhok.

Pangako mong magpakailanman
sa aking tabi'y mananatili
sa aking puso
ito'y nakatatak.

Sa bulalakaw
aking hiniling
pangako mo'y
iyong tuparin.

poem by Marites C. Cayetano
Submitted by Poetry Lover
Vote! | Copy!

Pusong Tuliro

Bakit ba kung minsan
Mapaglaro ang tadhana
Bakit pa pinagtagpo mga pusong di na malaya
At ang pag-ibig ay umusbong nang kusa

May mga panahong hindi ko na kaya
Puso't isipan ko'y suko na talaga
Isipin ko lang na kapiling ka ng iba
Dibdib ay nagsisikip at di makahinga

Hindi ako sigurado sa iyong nararamdaman
Maaaring ako'y iyong pinaglalaruan lamang
Subali't heto ako at laging naghihintay
Sa tinig mo pa lamang lumbay ay napaparam


Kahit malayo ka
At cellphone lang ang tanging nag-uugnay
Asahan mong ikaw lagi ang nasa aking isipan'

Hindi ko na inaasahan
Ang makapiling ka kailanman
'Pagkat alam kong kahit ang langit ay sadyang hahadlang

Kung kasalanan mang ika'y aking minahal
Tatanggapin ko ang hatol ng Poong Maykapal
Sapagkat hindi ko kayang ika'y aking kalimutan

poem by Rose de Ramar
Submitted by Poetry Lover
Vote! | Copy!

Ang Matanda Sa Munting Dampa Sa Gitna Ng Mga Puno Ng Bayabas

Doon sa munting dampa
sa gitna ng mga puno ng bayabas
nakatira ang isang matandang
walang makapagsabi
kung lalaki o babae.

Mula sa malayo'y
tanging maputi niyang buhok
ang aking natanaw
dahil sa mga kahoy na bakod
na nakapalibot
sa kanyang munting paraiso.

Kanyang kuwento'y
di ko gaanong narinig
sapagkat sa mga kapitbahay
siya'y walang ugnay
tanging alam ng lahat
siya'y nag-iisa't matagal na doon
at baka pa nga daw aswang
kaya't sa kanya'y
walang nagtangkang lumapit.

Sa gabi'y
tanging liwanag niya'y
lamparang hindi man kasing liwanag
ng bombilyang aming gamit
kapag yao'y aking natanaw
naruon ang init
at hindi ang panglaw.

Ang matanda sa munting dampa
sa gitna ng mga puno ng bayabas
sa kanya ako'y naninibugho
sa buhay niyang datapwat aba
sa paningin ng marami
ay malayo sa ingay ng mundo
malayo sa nakakasilaw
na mandarayang liwanag
ng mundo.

Subalit,
sa luho, luha at tuwang
aking natikman
kasama ng mga kaibigan at pamilya
natitiyak kong aking buhay
kailanma'y di maging tulad
ng kanya.

poem by Marites C. Cayetano
Submitted by Poetry Lover
Vote! | Copy!

Kinabukasan

(r. ongpauco/e. dela cruz)
Ang buhay sa mundoy hindi malaman
May luha, may galak at lumbay
Di mo alam ang kapalaran
May ligaya kayang makakamtan, oh
Ang palad ng aking kinabukasan
O, langit ang bahalay ikaw
Tanging pag-asa ng aking buhay
Ang maykapal patnubay kong tunay
(instrumental)
Di mo alam ang kapalaran
May ligaya kayang makakamtan, oh
Ang palad ng aking kinabukasan
O, langit ang bahalay ikaw
Tanging pag-asa ng aking buhay
Ang maykapal patnubay kong tunay

song performed by by Lea Salonga
Submitted by Lucian Velea
Vote! | Copy!

Ipagpatawad Mo

Ipagpatawad mo aking kapangahasan
Ang damdamin ko sana'y maintindihan
Alam kong kailan lang tayo nagkatagpo
Ngunit parang sayo ayaw ng lumayo
Ipagpatawad mo ako ay naguguluhan
Di ka masisi na ako ay pagtakhan
Di na dapat ako pagtiwalaan
Alam kong kailan lang tayo nagkatagpo
Ngunit parang sayo ayaw ng lumayo
Ipagpatawad mo minahal kita agad

Haaaaaaaaaaaaaa
Minahal kita agad
-matagal ko ng gustong sabihin sayo to
Haaaaaaaaaaaaaa
Minahal kita agad
-kahit na ngayon lamang tayo nagkatagpo
Haaaaaaaaaaaaaa
Minahal kita agad
-lagi kong pinapangarap na ikaw ay sumakay
Haaaaaaaaaaaaaa
Minahal kita agad
-sa aking pedikab akoy maghihintay

RAP
Ng ikaw
Unang beses kong masilayan
Diko malaman bakit nagkaganito
Inutusan lang naman ako ng aking inay na pumunta ng palenket bumili ng pito pito
Sinigang sa miso
Ang ulam namin sa umaga tanghali hapunan abutin man ng gabi
Pabalik-balik mang lumakad sa harapan ng inyong tindahan kahit wala akong pera na pangbili
Nilakasan ang loob at nilapitan kita
Baka sakali na pwede kitang maimbita
Kahit di gaanong maayos ang aking suot
Ang polo ko na kulubot
Pagkatapos akoy nagsalita
Mawalang galang na miss
Teka wag kang mabilis
Lumakad so pwede ba kitang maihatid
Gamit aking pedikab
Na aking pinakintab
Wag ka ng magbayad sana sa akin ay bumilib
Ako ng magdadala ng payong at ng bag mo
Paligi kong pupunasan ang mga libag mo
Kahit di ako ang pinapangarap hinahanap pag kaharap ay palaging binibihag mo
Ang katulad kong maralitang umiibig at pilit na inaabot ang mga bituin
Gano mang kadaming salitang aking ipunin balutin ilihim sabihin ang tangi kong hiling
Makinig ka sana sakin...
[ Lyrics from: http: //www.lyricsmode.com/lyrics/g/gloc_9/ipagpatawad_ mo.html ]
Haaaaaaaaaaaaaa
Minahal kita agad
-matagal ko ng gustong sabihin sayo to
Haaaaaaaaaaaaaa
Minahal kita agad
-kahit na ngayon lamang tayo nagkatagpo
Haaaaaaaaaaaaaa
Minahal kita agad
-lagi kong pinapangarap na ikaw ay sumakay
Haaaaaaaaaaaaaa
Minahal kita agad
-ang aking sidecar laging maghihintay

RAP
Halika na saking pedikab girl, sakin mainlove girl
Ipapadama ko sayo
Habang umaandar aking pedikab girl, laging sayo lang girl
Pagibig ko na ganito
Kahit ano pang iyong
Gustong gawin kapag nababagalan ay kayang kaya ko ng pabilisin
At kahit na ano pang hirap ay di ko pansin
Mga daan na matarik ay aking pipidalin
Paliging ikaw
Ang nilalaman ng aking isipan mapaaraw man o mapa gabi
Di ka idadaan sa putik kaw lamang nakaukit sa puso ko kahit mapasaisang tabi
Sa pagsikat ng araw inaabangan ka na
Makita lamang ang iyong mga magandang mata
Palagi ko dinadalangin kahit di mapasakin ay lagi kong sinasabi na mahal kita
Pero ang buhay ay talagang napakapait
Di pwedeng sumabay ang tag ulan sa tag init
Bakit laging minamaliit
Diko pwedeng makamit ang katulad mo pilitin ko mang dumikit
Pasensya kana sa wallet ko na manipis
Sa mumurahing pabango na dimo matiis
At kung hindi talagang pwede sabihin lamang sa akin asahang hinding hindi ako maiinis
Dahil tubig at langis

Haaaaaaaaaaaaaa
Minahal kita agad
-matagal ko ng gustong sabihin sayo to
Haaaaaaaaaaaaaa
Minahal kita agad
-kahit na ngayon lamang tayo nagkatagpo
Haaaaaaaaaaaaaa
Minahal kita agad
-lagi kong pinapangarap na ikaw ay sumakay
Haaaaaaaaaaaaaa
Minahal kita agad
-sa aking pedicab ako'y maghihintay

Haaaaaaaaaaaaaa
Minahal kita agad
-matagal ko ng gustong sabihin sayo to
Haaaaaaaaaaaaaa
Minahal kita agad
-kahit na ngayon lamang tayo nagkatagpo
Haaaaaaaaaaaaaa
Minahal kita agad
-lagi kong pinapangarap na ikaw ay sumakay
Haaaaaaaaaaaaaa
Minahal kita agad
-ang aking sidecar laging maghihintay

Haaaaaaaaaaaaaa
Minahal kita agad
-lagi kong pinapangarap na ikaw ay sumakay
Haaaaaaaaaaaaaa
Minahal kita agad
-sa aking pedicab ako'y maghihintay

poem by Sirius White
Submitted by Poetry Lover
Vote! | Copy!

Na Kasama Ka (With You)

Maaari bang magpakatatag ka
pagsubok ay iyong lagpasan
sapagkat nais kong matanaw
ang bughaw na kalangitan
at nais ko ring makipaglaro
sa mga alon sa dagat
samyuhin ang mga bulaklak
...na kasama ka.

poem by Marites C. Cayetano
Submitted by Poetry Lover
Vote! | Copy!