Sun ke boli koyal ki
kukuhu, kuhuku karti koyal,
Geet madhur ye gati......
Apni sureeli aawaj se,
Sabke man bha jati.................
Sun ke boli koyal ki,
Ghar bante meethe pakwan..
Sabko ye lagti pyari,
sab karte uska samman.........
Nahi lagte paise koi,
Meethe bol bolne ko...............
Koyal hame yahi sikhati,
Bolne se pahle tolne ko..........
Sabse pyari pakshayi koyal,
Jahan kahi bhi jaati hai........
Man ghoomne lagta hai,
''deep'' prem jab barsati hai...
''Poet''
Deepak kumar ''deep''
This poem has been Published Copy right issue in Nirankari Magazine ' Hasti Duniyan' on 2009
poem by Deepak Kumar deep
Submitted by Poetry Lover
Vote! | Copy!
Related quotes
Basant ritu in hindi by Deepak kumar deep
Man me jab hariyali aayi,
phoolon ne jab gandh udai.
bhagi thandhi der saber,
ab basant ritu hai aayi.
Koyal gati ku hu ku,
bhauren karte hain gunjar.
rang birangi rango wali,
titliyo ki mauj bahar.
Bag me hai chidhiyon ka shor,
nach raha jangal me mor.
nache gayen jitna par,
dil mange once more.
Nadiyon ne nay geet sunaye,
badal ne hai dhol bajaya.
sanan sanan pawan chali,
amber bhi thoda muskaya.
Hothon pe muskan sajakar,
masti me ras prem ka gholen.
''deep'' basant sikhata hamko,
kisi se na kadhwa bolen.
''poet''
Deepak kumar ''deep''
This Poem has been published Copy right issue in Nirankari magazine ' Hasti Duniyan'' on Mar 2011
poem by Deepak Kumar deep
Submitted by Poetry Lover
Vote! | Copy!
Holi Poem Sara Ra ra Holi hai
Sara ra ra Holi hai
Baat yahi batayenge hum
Daud daud kar bhag bhag kar
Sabko rang lagayenge hum.
Koi bachga na humse
Nar ho chahe naari
Rango ka godam pas me
Aur rango se bhari pichkari.
Meethe meethe pakwan khilakar
Apna harsh prakat kar payen
Vair virodh ko rakhen door
Sabko apne gale lagayen.
Dhol majeera ki madhur taal par
Khub ghoome nachen gayen
Deep bhula ke bhed bhaw ko
Pyar se ye tyohar manayen.
poem by Deepak Kumar deep
Submitted by Poetry Lover
Vote! | Copy!
Jago huwa savera
Jago bachho huwa savera
aalas me na samay gawaon
uath jaldi subah savere
saare sukh sahaj hi paoo....
Subah jo jaldi uathta hai
swastha wo hardam rahta hai
aalas jo bhi karta
wo khud ko dukh se bharta hai...
Subah uath vyyayaam karo
adhoore sare kaam karo
parishram se jab thak jaao
thodhi der aaram karo..................
gyan ka deepak jala kar
door karo agayan andhera
'deep'' sabse yahi hai kahta
jago jago huwa savera.....................
''Poet''Deepak kumar ''deep''
[This poem has been Published on Copy right Nirankari Magazines 'Hasti Duniyan' on December 2008]
poem by Deepak Kumar deep
Submitted by Poetry Lover
Vote! | Copy!
Wo Bharat Hame Jaan Se Pyara
Bahti jahan gyan ki dhara
wo bharat hame jaan se pyara
seeta ram ki dharti hai jo
aisa bharat desh hamara
Hai bharat ki shaan tiranga
isse na ghukne denge ham
veeron ki kurbani ko
vartha na jane denge ham
Na jaati na bhasha dekha
sabko apna meet banaya
ho bangladesh ya pakistan
hamne sabko gale lagaya
di sharan hamne sabko
jab koi hai sankat aaya
bhookhe rahkar bhi hamne
padhosee ko khana khilaya
bharat ma ke sewak hain ham
maa ki raksha ham karenge
buri neeyat se jo dekhega
''deep'' uska anta karenge
poem by Deepak Kumar deep
Submitted by Poetry Lover
Vote! | Copy!
Gazal-Muskurate rahiye
Zindagi mili hai muskurate rahiye,
kaam dukh dard me, aate rahiye..
Aakhon me na aason aayen kisi ke,
hasen aur sabko hasante rahiye....
shool na bichaye rahon me kisi ke,
phool hi rahon me bichhte rahiye....
vair nafrat ko ab aao door karen,
pyar hi dil me basate rahiye.............
andhera khud hi mit jayega,
''deep'' jag me jalate rahiye...............
''Writer''
Deepak kumar''deep''
This Gazal has been Published Copy right issue Nirankari Mazagine 'Ek Nazar' on Feb 2007
poem by Deepak Kumar deep
Submitted by Poetry Lover
Vote! | Copy!
Desh ki khatir
Bhadta hi ja raha hai Karwan
Aazadi ke Deewano ka
Kya khoob nazara hai
Shamma ke Parwano ka
Ched diya hai jung dusra
Bhrashtachar ki khatir
Nahi chodna hai unko
Ho chahe jitney bhi Shatir
Kin Shabdon me tariff karun
desh hamara bada kimti
Isko hame nahi hai khona
meri yahi hai tumse Vinti
Jaago zara neend se apne
Desh ko har haal me bachana hai
Hamari khatir lad rahe jo
Hame unka sath nibhana hai
Sone ki chidiyon wala desh
Aaj mahangai ke hanthon mar raha
Corruption bhi badha hai itna
Sab kuch hi khona pad raha
Lokpal bill ko lana hai
Bhrashtachar mitana hai
Sabhi ko rojgar dilakar
Berozgari ko hatana hai.
Gar Khatam huwa bhrashtachar
Khushiyan aayengi besumar
Jhel rahe jo mahangai ki maar
“Deep” sawarega ghar sansar.
Poet
Deepak Kumar 'deep'
16-09-2011
poem by Deepak Kumar deep
Submitted by Poetry Lover
Vote! | Copy!
Chiragh-e-Muhabbat
Ghazal
Halaat badalne lage hain unhe dekh kar
Khushi ab chhupaye chhupai na jati
Batein hain dilon ki, badi hi purani
Jo har ek mehfil mein sunai na jati
Hai kashish Jo Tum mein woh aur kahan
Teri yadein iss dil se bhulai na jati
Chiragh-e-muhabbat yun hi jalaye rakhna
Yeh woh roshni hai jo bujhai na jati
Parwah na kar zamane ki kar de izhhar ‘deep'
Yeh aag dil mein ab dabai na jati
Written by
Deepak kumar deep
29.11.2012
poem by Deepak Kumar deep
Submitted by Poetry Lover
Vote! | Copy!
New Year Poem in Hindi by Deepak Kumar Deep
Aman chain ki pawan chale aur
Dharti par khushihali aaye
Khila rahe yun har ek gulshan
Kali koi na murjha paye.
Shans len saken sabhi chain ki
Gamon ke badal na mandrayen
abhishap bane na karm hamara
Chhod paap ko punya kamayen.
milkar rahenge hum sab sare
pal! chahe jaisa bhi aaye
Ghreena vair aur Nafrat taj ke
Hriday me bhi prem basayen.
Sath na jana kuch bhi yaron
Mahal ho jitna aalishan
sada raha na koi yahan par
rank ho chahe ya sultan.
Maut to hai ek kadwi goli
jo sabhi ko khani padti hai
lagta suna sara jahan fir
kyon vyarth me jhagda karti hai.
apne ban jate hain begane
Jinhe bhi apna kahte hain
bhul ke gum wo maut ka tere
giddha, bhangdha karte hain.
naye saal me nayi umang ho
na tangdily badhaali aaye
Bhare rahen bhandare sabke
Sabhi diwali eid manayen.
Na ho koi aatanki hamla
apne hon ya hon begane
chaman na uzade kisi ke ghar ka
gayen khushi ke sabhi tarane.
Tajke dooree dilon se apne
manavta ka farz nibhayen.
'deep'bhulakar bhed bhav ko
Sabhi ko apne gale lagayen.
HAPPY NEW YEAR-2012
poem by Deepak Kumar deep
Submitted by Poetry Lover
Vote! | Copy!
Night
Its time to make a plan for life
To gain some thing or
Hearing the koyal singing
At seven pm I realise it came night
At nine pm want to know
What did today
At ten thirty get to know
It nothing
poem by Ainan Ahmad
Submitted by Poetry Lover
Vote! | Copy!
December! ! !
Ab k phir December hay
khirkiyon k pardon say
jhaank kr zara dekho
kesa sard mosum hay
bheega bheega manzar hay
soi soi shaamen hen
hum hen or yaden hen
kyun na apni yadon say
gard jharr kr dekhen
soey soey jazbon ko
phir ubhaar kr dekhen
sath sath ye puchhen
zakam zakhm yadon se
khoon to nahi rista?
dilfigaar sapnon ko
chot to nahi lagti?
Phir jab in sawaalon ka
jo jawab bhi aey
uss ko maan lena hay
kyun k ye to hona hay
kyun k phir December hay.
Aasman pe kia dekhen?
dhund ki hukoomat hay
kuchh nazar nahi aata
urr chukay parinday bhi
sard sard podon se
phool bhi to ghaiyb hen
aik wo jo gulshan mein
khush gulu si koyal thi
wo bhi ab nahi gaati
kyun kharray darakhton pr
chhai ye udaasi hay
zard zard pattay hen
kis qadar khamoshi hay
aik sard mehri hay
Ghaur se zara dekho
doobta hua suraj
apni be-zubani mein
keh raha hay dunia say
iss gulab manzar say
doobnay ka ye lamha
kisqadar sitamgar hay
kia kahen December hay
zeest ki kahani ko
sochh ki rawani ko
rokna hi behtar hay
khirkiyon k pardon say
jhaank kr zara dekho
bheega bheega manzar hay
ab k phir udaasi he
Ab k phir December hay.
poem by Shahzia Batool
Submitted by Poetry Lover
Vote! | Copy!
Gazal Badi Ajeeb hai ye Zindagi in hindi by deepak kumar deep
Badi ajeeb hai ye zindagi,
khushi ek pal ke liye
dukh verson baras ke liye
koi sukh chahta hai is jeevan me
to usse dukhon ki bhari bori hi mil jati hai
jahan foolon ke milne ki aaasha hai
wahan katon ki sej bich jati hai
Badi ajeeb hai ye zindagi.....................
Kuch satya kuch ghooth
Kabhi aasha kabhi nirasha
kabhi sawpno ko pane ki lalasa
inhi me ulagh kar rah gayi hai zindagi
Badi ajeeb hai hai ye zindagi................
Kabhi jati kabhi varn
Kabhi bhasha kabhi dharm
viwadoke ghere me hai aaj ki sanskriti
kaise kahen, kya yahi hai zindagi?
badi ajeeb hai ye zindagi...........
Pyar doge pyar milega
satkar doge samman milega
mehanat se har chij hai sambhav
kam se chori hai dukh ka anubhav
ham jaisa hain sochte nahi hai aisi zindagi?
fier bhi log kahte hain,
badi ajeeb hai ye zindagi.............
Manav jeevan ek baar hai mita
nahi milta hai barambar
har manav se pyar karen
nafrat ko de dutkar
Krodha chod dhairya apnayen
paap chod punya kamayen
ye dharti hai dharam ki
jitni marji fasal ugayen
Ek baar yatan kar dekhen-
Hai khusnasheeb ye zindagi
nahi hai ajeeb ye zindagifir bhi log kahte hai,
badi ajeeb hai ye zindagi.........
poem by Deepak Kumar deep
Submitted by Poetry Lover
Vote! | Copy!
Humanity poem in Hindi by Deepak kumar deep
Aasman me sitaron ko
kisi se ladte dekha hai?
kya suraj chanda taaron ko
raushni sene se adhte dekha hai.
Kya kabhi shikayat ki hai hawa ne
ki mai muft me kyon bahun
nadee ke sheetal jal se poocho
kya kabhi inkar kiya usne
apna jal dene se..
Pashu pakshai bhi apne anusar
sewa jagat ki kare hain
pedh paudhe sabhi ke liye hai
dhoof, chon, hawa
verna, jaati, dekh nahi dete..
Kintu,
ye insan hi aisa kyon
apni khudgarj lalsaon ki khatir
dusron ka sukh chain cheen raha
''Manavta'' sabad ki to isne
hinsha hi kar dali hai.
Aakhir kyon hai aisa insan.
Ham bhi apne aham ko tyagen
aur manavta apnayen
jitna ho ham sabse,
par sewa se punya kamayen
laden na ham baat baat par
prem se har baat sulghayen
jab ek prabhu ke balak hain ham
fir kaisa hai ghagda
chod ninda nafrat ko
har manav ko gale lagayen
chote baden ki baaten ab
rahne hi den kitabon me
saccha pyar karke sabse
is jeevan ko safal banayen.
Aakhir kyon ke is sawal ko
ye jahan kyon duhraye
aisi karni bane hamari,
'deep' jag me ujiyara ho jaye...
poem by Deepak Kumar deep
Submitted by Poetry Lover
Vote! | Copy!
Gazal Haal-e-Dil By Deepak kumar deep
Gazal: - Haal-e-Dil
Haal-e-dil apna gairon se sunaya na karo
Dard hai gar dil mein, chhupaya na karo
hain sabhi gair yahan apna na koi yaar hai,
Bewajah rishte yahan banaya naa kao
Mumkin nahi hai rah me sabko sambhalna,
Gar uthha sakte nahi giraya naa karo
Aankhon me chubhti hai duniya ki khushi kyun,
Aise kisi jazbaat se sataya naa karo
Shukra hai khuda ka jo nawaza hai issi ne,
Heere rahmaton ke gawayan naa karo
Daman bhara hai isne(Khuda) mere mangne se pahle,
Deep ispe tohmat bewajah lagaya naa karo
Hard Word's-
Nawaza- Kabil, Layak(Bestow or Confer)
Rahmaton- Kripa(Grace)
Tohmat- Lanchhan(Blame)
Written By
Deepak Kumar 'deep'
Editor
New Delhi
10.10.2012
poem by Deepak Kumar deep
Submitted by Poetry Lover
Vote! | Copy!
Kaise Banayen Riste
Gazal- Kaise banayen riste
Buland hain irade dushmani ke aaj
Kaise banaye rishte dosti ke aaj
Hinsa hawas me, hai bhukh daulat ki
Maksad ban gaye hain, Zindagi ke aaj
Kare- khair dekhe nahi aabgeenon me
Ye salika hai nahi bandage ke aaj
Shkal surat me Manavta nahi shyad
Paribhasha hai nahi aadmi ke aaj
Nafrat bhare dil me, jab “deep” jala nahi
Pyar ho saka na issi kami ke aaj
Writer
Deepak kumar deep
Editor, Singer, Writer
20-07-07
poem by Deepak Kumar deep
Submitted by Poetry Lover
Vote! | Copy!
Chitke pyare taare in hindi by deepak kumar deep
Neele neele amber par,
chitke pyare taare hain..
Suraj ki kirno se,
chamakte ye saare hain..
kabhi ladhte n ghagarte ye,
milkar sare rahte hain....
door door tak dhara pe,
ujiyara ye karte hain.......
shwet dhawal prakesh se apne,
bhoole pathik ko raah dikhate..
karo nishwarth sewa sabki,
''deep'' paath yahi padhte.......
''Poet''
deep ak kumar ''deep''
Video Editor
Renukoot, sonbhadra
23-11-08
poem by Deepak Kumar deep
Submitted by Poetry Lover
Vote! | Copy!
Diwali Poem, Diwali ke is tyohar ko
Raam prabhu jab van se aaye
Ayodhyavasi khusi manaye
Saji Ayodhya dulhan jaisi
Sabne ghar me diye jalaye.
Tab se mana raha har koi
Diwali ke is tyohar ko
Jeet huwi hai sach ki hardam
Sandesh hai ye sansaar ko
Thaal saje hain deepon se
Hathon me phulon ki mala
Deep se deep jale chaun orr
Door andhera huwa uzzla.
Rang birange balbon se hi
Saja huwa hai har ek aangan
Main nahi kahta kahte sare
Parav hai kitna ye manbhawan.
Amber me bhi chamke tare
Rocket jo aakash me jate
Wo bhi khud ko rok na pate
Dekhne ko wo zami pea ate.
Kitni sunder hai ye dharti
Par pradhushan ne kiya prahar
Deewali me jalte patakhe lakhon
Jo karte watavaran ko bekar.
Pran Karen is diwali par
Nahi chuvenge koi bom
Hamari dharti bachi rahe
Tute na insano ka dum.
Khao khub, khilao khub
Har insan ko gale lagayen
‘deep’ Mubarak deta sabko
Milkar ye tyohar manayen.
poem by Deepak Kumar deep
Submitted by Poetry Lover
Vote! | Copy!
Aise Hain Anna Hamare...
Khuskismat hain hum sare
mile hame jo Anna Hazare
Sath do milkar duniya walon
Pakar inke Har ek ishaare
Khuskismat hain hum sare
mile hame jo Anna Hazare
Diya hai maa ne ratna hame
Jo sabki aankhon ke hain tare
Desh ki khatir jee rahe jo
Aise hain Annaa hamare
Khuskismat hain hum sare
mile hame jo Anna Hazare
Hoga khatam ab bhrastachar
Anna ki ye har saans Pukare
Swarg sa sunder bane ye desh
khushiyon ke hon har or nazare
Khuskismat hain hum sare
mile hame jo Anna Hazare
Ishwar do sadbudhhi sabko
Karte gunah kyon itne sare
Rukhsat hoge duniya se “deep’’
Hoga na kuch sath tumhare
Khuskismat hain hum sare
mile hame jo Anna Hazare
poem by Deepak Kumar deep
Submitted by Poetry Lover
Vote! | Copy!
Hindi Poem- Chehra
Sari Raat Yuhi Bita Di Maine,
Kitabo Ke Panne Palat Te Hue,
Kuch Khwab Bunte Hue,
Palko Tale Kuch Aansu Samete Hue,
Sari Raat Yuhi Bita Di Maine,
In Nain Naksho Ko Niharte Hue,
Apni Kamiyo Ko Dhundhte Hue,
Apni Majburi Par Rote Hue,
Soch Rahi Thi Main,
Kya Kiya Tha Maine,
Kyu Kiya Tha Maine,
Kya Achi Nahi Thi Sirf Vo Jaan Pehchaan,
Ki Dena Chaha Use Mohabbat Ka Naam Maine,
Soch Rahi Thi Main,
Kya Keh Gaya Vo Itni Asani Se,
Kyu Keh Gaya Vo Itni Asani Se,
Kara Gaya Mujhe Meri Badsurti,
Meri Kamiyo Ka Ehsas,
Aur Thukra Gaya Mujhe Itni Asani Se,
Kya Dil Nahi Tha Uske Paas,
Ya Un Shabdo Ki Mithaas Kahi Kho Gayi Thi,
Aakhir Kiya Kya Maine,
Jo Mere Ehsaso Ki Zamane Bhar Me Khilli Udayi Gayi Thi,
Bas Pyar Hi To Kiya Tha,
Use Apna Dil Hi To Diya Tha,
Phir Bhi Kyu Sabke Samne Ek Mazaak Ban Kar Reh Gayi Thi,
Par Galti To Thi Hi Meri,
Ki Uski Neeli Aankho Me Dubti Chali Gayi Thi,
Uski Har Hasi Me Ek Sapna Bunti Chali Gayi Thi,
Dosh Uska Nahi Mera Hain,
Sirf Main Aur Mera Yeh Badsurat Chehra Hain,
Phir Bhi Kyun Aaj Khud Ko Bikhra Sa Mehsus Karti Hu,
Shayad Is Chehre Ke Karan Kisi Ko Ab Apna Dil Dene Se Darti Hu,
Kyunki Bahut Gehra Hota Hain Is Dard Ka Ehsas,
Par Ab Karti Hu Yahi Ardas,
Ki Ae Khuda!
Is Chehre Ko Vo Noor De,
Ki Dekhne Vala Aur Kuch Soch Hi Na Paye,
Par Is Dil Ko Dildar De,
Jiske Pyar Ke Liye Yeh Umar Bhi Kam Pad Jaye,
Aur Jisne Mujhe Thukraya,
Use Khud Koi 'Na' Keh Jaye,
Aur Tab Shayad Use Apni Galti...
Aur Mere Is Dard Ke Ehsas Ho Jaye.......
poem by Apurva Jain
Submitted by Poetry Lover
Vote! | Copy!
Udd Chal Tu Kahi Kise Aur Jahaan Me.
udd chal tu kahi kise aur jahaan me...
kuch kar le ise jahan me tu...kuch karle tu ise jahaan me tu....
le chal tu asman me dur kahi....
raste nahi hote asan par muskil bhi nahi hote darmiyan....
chaah kar ruk na na kabhi tu, Na Rukha mod na kabhi tu...
udd chal tu kahi kise aur jahaan me...
ped ki tarha rakh soch tu, bekher kar bhi naya hosla pa tu.
kuch kar le ise jahan me tu...kuch karle tu ise jahaan me tu.
dur sabhi hey lekin dil se taar jode le tu..
udd chal tu kahi kise aur jahaan me..
udd chal tu kahi kise aur jahaan me...
kuch kar le ise jahan me tu...kuch karle tu ise jahaan me tu..
-JAHAAL
poem by Sandeep Jahaal
Submitted by Poetry Lover
Vote! | Copy!
Veer Kahlate
Jo kewal kahte nahi kar dikhlate, wo hi sachhe veer kahlate
Mar kar bhi jo vachan nibhate, wo hi sachhe veer kahlate
Zindagi gar apne liye jiya to kya jiya
Jo dujon ki khatir mar jate, wo hi sachhe veer kahlate
Mumkin hai rahon me katen bichana
Jo rahon me phool bichhate, wo hi sachhe veer kahlate
Aag lagana ghar jalana hai aasan
Jo ughde ghar hai basate, wo hi sachhe veer kahlate
tan man ki Apne parwah na karke
Jo rahon se hatate kante, wo hi sachhe veer kahlate
Hon lakh badhaye jeevan me gar
Rahte sada jo muskurate, wo hi sachhe veer kahlate
Yun to marte roz hazaron par
Vatan ki khatir jo mit jate, wo hi sachhe veer kahlate
Koi sataye lakhon unko
Jo uff bhi nahi kar pate, wo hi sachhe veer kahlate
‘Deep’ naman hai aise veeron ko
Jo jag me har bar na aate, wo hi sachhe veer kahlate
poem by Deepak Kumar deep
Submitted by Poetry Lover
Vote! | Copy!