Phagoon Ki Raasta Khoi Hawa
Kya dhoondhte hai?
Kyoun dhoondhte hai?
Kise dhoondhte hai?
Sara jahan hai..
Kabi mutthi me,
To kabhi
Kadmo tale,
Phir bhi jaane kya chahte hai?
Na jaane kis ki khoj me rehta hai,
dil bechara.
Kyon aasthir hai?
Itna asantust,
Itna vyakul ye mann mera?
Peeneko toh puri dariya hai
Na jaane phir kyoun lout aate hai
Pyase he kinare se
Lekar koi naam anjana.
Kyoun nahi chal paate hai
Un raasto par
Jis par chalta hai jag sara?
Na jaane kyoun bhatakte phirte hai
Pagdandi, pagdandi
Jangal, khalihan sara?
Shayad phagoon ki
Rasta khoyee hawa hain,
Kabhi ek tinke se jala dete hai
tamam umar ki kamaiee,
Kabhi usi tinke koi bana lete hai
Doobte ki parchyee.
Kya dhoondhte hai?
Kyoun dhoondhte hai?
Kise dhoondhte hai?
poem by Anjali Kakati
Submitted by Poetry Lover
Vote! | Copy!
Related quotes
Din na beete..na beett ti ye raat
Din na beete
na beettti hai raat,
yaad me aapke
na subah ka hota hai ujjala
na khatam hoti kali se ye raat.
Rook paate aapko
Palko ke darmayan
Itni na thi kabiliyat
Na hi koi chah.
Phir kho kar aapko
Kyon hota hai ye mann udass.
Bemanzil rahee thi
tanha musafir the.
Phir kuch pal ke saath se
Kyoun ho gaya hume
Aapke humsafar hone ka
Ehsas?
Jante thee
dil tab bhi Tha tanha,
Kal bhi rahega tanha
Phir tanhaee kyoun
Lage itni tanha
Aur dil itna khali
Aapke bina.
Sannate se ghabrate hai
Shor me sambhal jaate hai
Ab shor bhi lage hai sannata
Jaane ab kab sammbhalanga
Ye mann mera
bhulbhuliya me jo khoya
sa hai aaj.
Din na beete
na beettti hai raat- anjali
poem by Anjali Kakati
Submitted by Poetry Lover
Vote! | Copy!
Aei Ajnabi
Aei ajnabi
Kyon tum mujhko
Itne aapne se lage?
Ki jante the janmo se
Tum ko
Iitne chir parichit lage.
Yo to
Sath hota hai chand lamho ka
par kyo ye sath tumhara
hume sadiyo ka sa lage?
Aei ajnabi
Kyon tum mujhko
Itne aapne se lage?
Na to nayana mile
Na hi kabhi tan mile
Phir bhi man tumhara
Na jane kyo itna
Aapna sa lage.
Kahne ko hum hai paraye
Tum bhi na jane kaha se aaye
Phir bhi na jane kyon
Tum sang aant tak
chalne ka dil kare.
Aei ajnabi
Kyon tum mujhko
Itne aapne se lage?
Jante hai hum
Tumhara rasta hai dooja
Humara doosra
Shayad
Ek din humko
Tumse duur hi hai jaana
Par kyoun
Inehi raasto me thahar jaane
Ka mann kare
Aei ajnabi
Kyon tum mujhko
Itne aapne se lage?
-anjali
poem by Anjali Kakati
Submitted by Poetry Lover
Vote! | Copy!
Tumhi Me Hai Jo Basa
Na jaane umar bhar kya dhundh rahe the?
Na jaane tum me kya mil gaya,
Koi naam, koi pata hota toh
Shayad,
Jaan hi lete…
Koi nak-naksh hota toh
Shayad,
Pehchan batate..
Voh jo bas tum me hai
Sirf tum me.
Ha…tumhi me hai voh basa.
Humari nazaro ko hai pata
Shayad,
mann ki kisi gahrayee meiHai chipa
uske astitva ka naksha.
Dikhta hai sirf hume hi jo,
Kaash,
Tumhe bhi dikha paate voh wajah.
Phir shayad,
Tumko nahi lagta
Youn tumpar humara mar mitna,
Koi julm, ek khata.
Par afsos,
Koi nak naksh nahi hai
Koi naam paata tak nahi hai
Uska,
Jo basta sirf tum me hai,
Aur dikhta sirf hume hai
Na jaane us tak pahuchta hai
Kaha se…koun sa raasta…
poem by Anjali Kakati
Submitted by Poetry Lover
Vote! | Copy!
Tumhare Saath
Tamam jindagi kaati humne
Tak -taki laga,
Uss tat ko nihar,
Choote he jo ho jata raha,
Dur,
Bahut dur.. har baar.
Tumhare saath,
Sochte hai,
Choo hi lenge kadam,
Us tat ko…. is baar..
Tamam umr kaati humne
Becheeni me,
Us subah ka raat se,
Aur us raat ka subah se,
Palko pe liye
Na jaane kaun sa intezar.
Tumhare saath,
Lagta hai,
Jee hi lenge aakhir,
Voh subah, voh raat
Ek hi din, ek pal hi mei,
ek baar.
Tamam umr dhoondhte rahe jo
Dar dar..bhatak bhatak,
Gali gali, dastak de hr deewar,
Tumhare saath,
Shayad,
Voh mil hi gaya hai,
Haath aa gaya hai,
Jo mil ke bhi khota raha
Har baar.
Bahut jindagi jee le humne
Kuch khali, kuch aadhoore se lekar
Na janne kitne kitne aahsas,
Tumhare saath,
Na jaane kyun
Bharne laga hai khalipan
Poore se lagne lage hai…
Voh tamam aadhoore aahsas..
poem by Anjali Kakati
Submitted by Poetry Lover
Vote! | Copy!
Tumme humme jo hai khas
Na jaane tumme-hum me,
Kya khas hai
Jo batayee nahi banti,
Chipayee nahi chipti.
Bahut rooka raab ko
Par,
Cheep cheep kar
Tumme voh dikhta hi raha.
Bahut tooka khud ko
Par,
Ruk ruk kar,
Tum par voh lootta hi raha.
Kaie baar soocha tumko
Seene se nikal
Jamee par khada kareen
Par,
Jamee ne jagah nahi di
Aur
Seene ne raasta.
Tumhe seene me kaid kar,
Hum jamee par raasta khojte rahe.
Tum kabhi thee?
Tum nahi thee,
Kabhi nahi,
Aaj bhi nahi ho,
Aur kal ki ummeed kya Karen
Shayad kal toh
Hota hi hai nahi…
Par,
Phir bhi tumhari rah par
Palke bicha,
Yeh soochte hai…
Na jaane tumme hum me,
Kya khas hai
Jo batayee nahi banti,
Chipayee nahi chipti.
poem by Anjali Kakati
Submitted by Poetry Lover
Vote! | Copy!
Na jaane kab tak
Na jaane kab tak
Hootho ki hansi se
Palko ki naami ko
Cheepayee phirenge?
Dard ko kabhi dawa,
Kabhi duua mante rahenge?
Dil ki dhadkano aur
Chalti Saanso ko kab talak
Jindagi kehte rahenge?
Baandh aankho ki nahi
Khuli palko se dekhe ko
Kab tak khawab bulate rahenge?
Hum nahi jaante
Kab tak khuda ko nahi
Aapko rab bana
Yo hi
Poojte rahenge?
Eay saavan,
tum kab baarsoge?
Kya hum tab talak pyaase tarsenge?
Baaras jaoo na ek baar
Kam se kam tere bahane se
Hum bhi ro lenge
Aur pheele kajal ki sayahi me
Thoda chip kar jee lenge.
Na jaane kab tak
Hum yo hi
Kafan oodh ke
Dafn ka intezaar karenge?
Na jaane kab tak.-anjali
poem by Anjali Kakati
Submitted by Poetry Lover
Vote! | Copy!
Udd Chal Tu Kahi Kise Aur Jahaan Me.
udd chal tu kahi kise aur jahaan me...
kuch kar le ise jahan me tu...kuch karle tu ise jahaan me tu....
le chal tu asman me dur kahi....
raste nahi hote asan par muskil bhi nahi hote darmiyan....
chaah kar ruk na na kabhi tu, Na Rukha mod na kabhi tu...
udd chal tu kahi kise aur jahaan me...
ped ki tarha rakh soch tu, bekher kar bhi naya hosla pa tu.
kuch kar le ise jahan me tu...kuch karle tu ise jahaan me tu.
dur sabhi hey lekin dil se taar jode le tu..
udd chal tu kahi kise aur jahaan me..
udd chal tu kahi kise aur jahaan me...
kuch kar le ise jahan me tu...kuch karle tu ise jahaan me tu..
-JAHAAL
poem by Sandeep Jahaal
Submitted by Poetry Lover
Vote! | Copy!
Ajnabee Mera Mann
Iss ajnabee se mann ka
Hum kya kare?
Koi sandook do,
Tala laga,
Chaabi samandar ko sonp aaye.
Ya phir,
Sandook hi ko
Samandar me pheek aaye.
Iss ajnabee se mann ka
Hum kya kare?
Koi khoota ho,
Baedi phasa,
Bandh ke rakhe,
Ya phir,
Khoote ke hi supurd
Mann aur baedi kar aaye.
Par…
Kya kare…
Mann hai,
Dhadkan mei basta hai,
Seene me rahta hai
Aur vahi se,
Sara shor karta hai.
Jakhmi hai,
Darun vilap karta hai,
Kabhi beraham,
Aatahas karta hai,
Lakh samjzhaye
Nahi samajhta,
Kabhi bina kahe hi
Maan jata hai.
Kabhi bahti nadiya se bhi
Pyaasa lout aata hai,
To kabhi,
Bul bule par
aapni shristi loota aata hai.
Koi kahe,
Koi toh kahe….
Iss ajnabee se mann ka
Hum kya kare? -anjali
poem by Anjali Kakati
Submitted by Poetry Lover
Vote! | Copy!
Kash...
kash....
Kabhi aap samajh paate
Mere shabdo ki nahi
Mere hriday ki bhasha.
Dekh paate,
Mere hotho ke muskarahat ke pare
Mere palko me chuupi ghata.
Kabhi sunte mere sannate
Ki bojhal vayatha.
Mehsoos karte
Har saaans me
bujhti,
jalti
Mere sapno ki shama.
Kabhi jaan pate
iss nashwar se deh
me base
aatman ki ankahi dastann.
Par shayad
Ye hona na tha
Hume youn tooth kar bikharna hi tha
Aap aakhir marichika ho mere ragistan ke
Yo aap ko paakar khona hi tha.
Par phir bhi
kash...
kabhi aap....-anjali
poem by Anjali Kakati
Submitted by Poetry Lover
Vote! | Copy!
Chahat
tumhay chahat ka mutlab hm kabhi samjha na pain gay
magar phir bhi tmhain dill se kabhi bhula na pain gay
jalaya hath se apne tri hr ik nishani ko
mgr aankhon se ashkon ko kabhi hata na pain gay
toot'ti saans bachaun to kis k naam pr jiyun?
ab saanson se nata hm kabhi nibha na pain gay
ye woh benaam jazba hai jissay budnaam kertay hain
jfa kerna mhbt ko kabhi sikha na pain gay
meri qabar pr aa kr tm ab aansu na bahao
ab tmhain sinay se kabhi hm laga na pain gay
poem by Abdullah Sulehri
Submitted by Poetry Lover
Vote! | Copy!
Tum Kyun Nahi Aaye Pehle Kabhi?
Tum kyun aaye abhi?
Duniya bhar ki roshni liye?
Hume andhere ki aadat
Ho chalee thee.
Kabhi youn khud ko dekha nahi,
Andhere me sheesha nazar aaya hi nahi.
Tum kyun aaye abhi?
Itni sari khusiyan liye
Hume gamo se mohabbat
Ho gayee thee.
Dekho..
daman me sambhali jaati nahi!
Kabhi issko batorte hai,
Toh kabhi uss ko kho dete hai!
Tum kyun aaye abhi?
Umar bhar ki guftagoo liye?
Bheed me tanha phirte the,
Kabhi bewazah haste,
Kabhi bewazah rote the,
Par aah tak nahi karte the.
Abb samajh aata nahi..
Tumse shikayat kare..
Ya kare gila
Tum kyun nahi aaye pehle kabhi?
poem by Anjali Kakati
Submitted by Poetry Lover
Vote! | Copy!
Kyon?
Kabhi hum aapko dhundhte hai.
Kabhi aap humko dhundhte ho.
Bheed me jamane ki
Khoye hai,
Shayad dono kahi.
Ya bandhe huai hai,
Baediyoo se,
Khud ko yo hi.
Phir bhi
Dhundhte hai
Nain aapko
Nirantar
Yo hi.
Kuch hai jo joode rakhta hai
Humko,
Samay ki parato ke pare.
Kuch hai jo bandhe rakhta hai
Aap ke mann se mujhe.
Tamam swachand hone ki
Koshishso se pare.
Hum bhid me kho kar dekh liye.
Bhag kar samay se pehle nikalne
Ki koshish kar liye.
Chip kar tammam pardo ke
Peeche ho liye.
Auur har baar
Khud ko,
Aapko dekhte paya humne.
Har baar
Paya aapko bhi
Yo hi
Khojte huai.
Bheed ko pyyasi aakho se takte huai.
Phir dekh kar humko
Oot me chipte huai.
Kis se chip rahe hai?
Khud se,
kab tak yo hi chipte phirengee?
Dard ke selab me
Yo hi doobte rahenge?
mana,
Ye galat hai,
Aapka mera yo
Benam rishton me joodna.
Ye galat hai,
Beboonyaad se dhadhkano ko
Dil me dhadkana.
Ye galat hai,
Bemanzil rahoo me
Yo sang chalna.
Par phir kyon
Aakhir kyon?
Bheed me aap hi
Humsafar milee?
Kyon
tanha se raaho me
aap hi raahgir mile?
Hum nahi jaante hai..
Kyon
Jab sazde par
Sar zhuke
Toh
Aap hi raab aur aap hi maseeha mile.
-anjali
poem by Anjali Kakati
Submitted by Poetry Lover
Vote! | Copy!
Kisse Kahe? ....kya Kahe?
Kya kahe?
Kis se kahe?
Na koi shabd hai,
Na koi labz
Baya kar sake,
Mann mei umadhte
Kale meghoo se,
Kabhi garajte,
Kabhi simat te
Kabhi baraste,
Tamam sare dard.
Kis se kahe?
Na koi saksh hai
Na parchaiee kisiki,
Na hi ummeed
Na aas kisiki,
Bataye bhi toh kya
Aur koi sune bhi to kya
Bhawnaye hai
Mann ki uupaj,
Mann ki hi uddan,
Mann ki hi keaid mai
Phir se daphn
Kya kahe?
Kiss se kahe? -anjali
poem by Anjali Kakati
Submitted by Poetry Lover
Vote! | Copy!
Kiski Khoj Mei
Kiski khoj me phirtee hai
Hum
Yahaa se vahaa
Khawabo ki basteeyon me
Chalta hai rangoo ka karobar
Sochtee hai,
Thoda rang le lete hai udhar.
Berang se jindagi ko
Shayad phir se
Ho jayee hum se pyaar.
Kyon rahte hai
Hum
Khud se yon khafa khafa
Kahi to bikti hogi
Bazaro me
Thodee se wafa.
thoda khud pe loota denge
thoda rakh lenge dil me cheepa.
Bewafa se sanse
Shayad phir na rahe
Hum se youn khafa khafa.
Kiske intezar me
Ye jeevan
Youn hai ruka ruka.
Koiee toh hoga kahi,
Jo ban kar rahe
sirf humare khuda.
Ibadat aur chahat ki takkar me,
Jo kabhi na ho jo humse judaa.-anjali
poem by Anjali Kakati
Submitted by Poetry Lover
Vote! | Copy!
Mujhe Aaj Jaane Na Do
Rok lo
Bas, Aaj rok lo
Mujhe jaane na do.
Ke dum tood dene do
Bas tham kar haath mera
Tum raho.
Shayad,
Dard thoda kam hoga.
Rok lo,
Tumhe shayad maloom na ho
Ek chota sa gharonda hai
Hamara,
Tumhare dil he mei.
Hume youn beghar na karo.
Rok lo,
Tumhe shayad maloom na ho
Sanso se tumhare
Kahi bandhi hai bandhan
Humare sanso ki
Hume youn jeete ji dafn na karo.
Rok lo
Hume youn rooth kar jaane na do
Tumhe shayad maloom na ho
Mere nazro ke darpan me dekho
Tumhi chayya
Tumhi pratibimb mere.
Tumhi ho rab
Tumhi maseeha mere.
Tumhi jawab
Tumhi enteha mere.
Tumhi ho labzj
Tumhi khamoshi mere.
Tumhi raasta
Tumhi manzil mere.
Rok lo
Bas Aaj rok lo
Mujhe jaane na do.
-anjali
poem by Anjali Kakati
Submitted by Poetry Lover
Vote! | Copy!
Aaj Mann Behad Udas Hai
Aaj mann behad udas hai,
Kah do meeghoo se,
Ke itna shor na kare
Mehfil me dil
youn hi tanha hai.
Kah do boondo se
Ke itna na barse
Palke ye yo hi nam hai.
Aaj mann behad udas hai,
Dil thoda khali tha,
Thoda tha bhara bhara.
Mann tanha, aakela tha
Par kam se kam
Kadmo pe the baadal.
Na ye sham ka
Syah aandhera.
Mujhko na tha yo aapne
Uudte rahne se gila.
Aaj mann behad udas hai,
Kajal thoda behta hai,
Thoda hai laga hua.
Jaane kab tak saavan barsenge
Jis oot hum
Chip chip royeenge.
saavan baad hum
kaha tarsenge
Aaj mann behad udas hai.-anjali
poem by Anjali Kakati
Submitted by Poetry Lover
Vote! | Copy!
Na jaoo itne dur humse
Kyon ja rahe ho
Itne dur humse?
Na jaaoo itne dur,
Itne dur,
Ke hum aawaj de,
Jo deewaro me goonj
Hum tak hi lout aaye,
aur
tum tak meri aah to kya
rooh ki phariyaad bhi na pahuch paaye.
Na jaaoo itne dur,
Itne dur,
Ke hum dastak de de ke thak jaaye
Aur
Koie darwaza, koie raah
Hume to kya humare janaje tak ko
tum tak na le ja paaye.
Na jaaoo itne dur,
Itne dur,
Ke hum youn hi raat ke aashko ko
Subah ki dhoop me sukhate phiree,
Aur
Palko tale tamam umr dard ko
khamooshi se sambhale rahe.
Kis khata ki saza de rahe ho hume?
Ke nabz bajti rahe,
Sans chalti rahe,
Aur,
Usee hum jindagi ka namm
Bhi na de paaye.
Kyun ja rahe ho itne dur humse,
Na jaaoo!
Lout aaoo!
Aakhir…
Tumhare rooh ka kuch
Humse bhi to hai wasta,
Khushi ka na sahi
Dard ka tumhare humse hai
Kuch poorana sa rishta.
Joodti hai
Jo tumhari tanhaee se
Meri tanhaee ko,
Deekho na,
Kitni dur se chala aa raha hai
Ye rasta.
Itna sab kuch,
Phir bhi
Naa jaane kyun jaa rahe ho
itne door humse.
poem by Anjali Kakati
Submitted by Poetry Lover
Vote! | Copy!
Nostalgia
Yo hi,
Kabhi udhedte hai
To
Kabhi bunte hai
Tamam salaiyo me aatki se
Aapni jindagi ke tar.
Khuli aakho se,
Dekhte hai,
Kabhi bante
Kabhi bigardte
Na jane,
Kitne- kitne khawab.
Kabke beete lamho me,
Khojte hai
Aab bhi,
Aapna aastitav,
Aapni pahchan.
Gujrate ja rahe hai sadiya
Raat me subah ka
Aur
Subah se he raat ka
Yo,
Becheni se karte intejar.
Uljhi se
In taro ko,
Kabhi jodte hai
To
Kabhi todte hai
Ye aandekhe
Ye aanjane se
Bebas tare
Jo,
Ab tak bandhe huai hai
Meeri aatman ko
Tumhari aatma ke saath.
Yo hi,
Kabhi udhedte hai
To
Kabhi bunte hai
Tamam salaiyo me aatki se
Aapni jindgi ke tar.
poem by Anjali Kakati
Submitted by Poetry Lover
Vote! | Copy!
Humanity poem in Hindi by Deepak kumar deep
Aasman me sitaron ko
kisi se ladte dekha hai?
kya suraj chanda taaron ko
raushni sene se adhte dekha hai.
Kya kabhi shikayat ki hai hawa ne
ki mai muft me kyon bahun
nadee ke sheetal jal se poocho
kya kabhi inkar kiya usne
apna jal dene se..
Pashu pakshai bhi apne anusar
sewa jagat ki kare hain
pedh paudhe sabhi ke liye hai
dhoof, chon, hawa
verna, jaati, dekh nahi dete..
Kintu,
ye insan hi aisa kyon
apni khudgarj lalsaon ki khatir
dusron ka sukh chain cheen raha
''Manavta'' sabad ki to isne
hinsha hi kar dali hai.
Aakhir kyon hai aisa insan.
Ham bhi apne aham ko tyagen
aur manavta apnayen
jitna ho ham sabse,
par sewa se punya kamayen
laden na ham baat baat par
prem se har baat sulghayen
jab ek prabhu ke balak hain ham
fir kaisa hai ghagda
chod ninda nafrat ko
har manav ko gale lagayen
chote baden ki baaten ab
rahne hi den kitabon me
saccha pyar karke sabse
is jeevan ko safal banayen.
Aakhir kyon ke is sawal ko
ye jahan kyon duhraye
aisi karni bane hamari,
'deep' jag me ujiyara ho jaye...
poem by Deepak Kumar deep
Submitted by Poetry Lover
Vote! | Copy!
Manzoom Khat
Kabhi Sehrah Ki Thi Taptee Hawaien
Aor Ab London Ki Hain Tahndi Fazayin
Safer Jari Hea Sasaye Chal Rahi Hain
Ab Is Kea Bad Tum Ko Keya Batain
Khuda Ka Shuker Hay Sab Kheriyt Hea
Kabhi Tow Aap Bhi Apni Sunnaian
poem by Adil Muzaffarpuri
Submitted by Poetry Lover
Vote! | Copy!