Na jaoo itne dur humse
Kyon ja rahe ho
Itne dur humse?
Na jaaoo itne dur,
Itne dur,
Ke hum aawaj de,
Jo deewaro me goonj
Hum tak hi lout aaye,
aur
tum tak meri aah to kya
rooh ki phariyaad bhi na pahuch paaye.
Na jaaoo itne dur,
Itne dur,
Ke hum dastak de de ke thak jaaye
Aur
Koie darwaza, koie raah
Hume to kya humare janaje tak ko
tum tak na le ja paaye.
Na jaaoo itne dur,
Itne dur,
Ke hum youn hi raat ke aashko ko
Subah ki dhoop me sukhate phiree,
Aur
Palko tale tamam umr dard ko
khamooshi se sambhale rahe.
Kis khata ki saza de rahe ho hume?
Ke nabz bajti rahe,
Sans chalti rahe,
Aur,
Usee hum jindagi ka namm
Bhi na de paaye.
Kyun ja rahe ho itne dur humse,
Na jaaoo!
Lout aaoo!
Aakhir…
Tumhare rooh ka kuch
Humse bhi to hai wasta,
Khushi ka na sahi
Dard ka tumhare humse hai
Kuch poorana sa rishta.
Joodti hai
Jo tumhari tanhaee se
Meri tanhaee ko,
Deekho na,
Kitni dur se chala aa raha hai
Ye rasta.
Itna sab kuch,
Phir bhi
Naa jaane kyun jaa rahe ho
itne door humse.
poem by Anjali Kakati
Submitted by Poetry Lover
Vote! | Copy!
Related quotes
Bhage Jaa Rahe Hai
Bhage ja rahe hai,
Na jane dur kis se.
Sochte hai,
janmoo ka ho
Tum me
Hum me
Phasla.
Na tum meri
Har saans mei
Dard banker basoo,
Na hum tumhari
Nazaroo mei khatke
Beaabroo dastan banker.
Yo meelo meel
Bhagte rahe
Aur
Har baar,
Har raah
Le jaati rahi
Tum tak.
Hum phaslee badhate rahe
Aur
Har phasla kareeb lata gaya
Tum tak.
Nahi jante hai,
Kyun har raah
Tum par youn
ruke?
Kyun har phasla
Tumhe aur kareeb laye?
Nahi jante hai,
Kya baandhe rakhta hai
Meri saanso ko
Tumhare dard ke saath.
Par hum phir bhi
Bhagee ja rahe hai
Na jaane duur kis se.-anjali
poem by Anjali Kakati
Submitted by Poetry Lover
Vote! | Copy!
Fursat
Umr Bhar
Itne Mashroof Rahe
Ke Hazaar-Ha Fursat Ko
Taraste Rahe Hum
Ab Jab
Fursat Hi Fursat Hai
Zindagi Jeene Ki
Na Jaane Maut Ko
Itni Kyon Jaldi Hai
Humse Milne Ki
________________________
Mashroof = busy, Hazaar-Ha = thousand times, Fursat = leisure
________________________
All my life
I was ever so busy
That I pined for leisure
A thousand times....
Now that I have all the time
To live life leisurely
Death seems to be in a hurry
To meet me.
______________________
(dedicated to retirement and old age)
poem by Always Aparna
Submitted by Poetry Lover
Vote! | Copy!
Aei Ajnabi
Aei ajnabi
Kyon tum mujhko
Itne aapne se lage?
Ki jante the janmo se
Tum ko
Iitne chir parichit lage.
Yo to
Sath hota hai chand lamho ka
par kyo ye sath tumhara
hume sadiyo ka sa lage?
Aei ajnabi
Kyon tum mujhko
Itne aapne se lage?
Na to nayana mile
Na hi kabhi tan mile
Phir bhi man tumhara
Na jane kyo itna
Aapna sa lage.
Kahne ko hum hai paraye
Tum bhi na jane kaha se aaye
Phir bhi na jane kyon
Tum sang aant tak
chalne ka dil kare.
Aei ajnabi
Kyon tum mujhko
Itne aapne se lage?
Jante hai hum
Tumhara rasta hai dooja
Humara doosra
Shayad
Ek din humko
Tumse duur hi hai jaana
Par kyoun
Inehi raasto me thahar jaane
Ka mann kare
Aei ajnabi
Kyon tum mujhko
Itne aapne se lage?
-anjali
poem by Anjali Kakati
Submitted by Poetry Lover
Vote! | Copy!
Tumhare Saath
Tamam jindagi kaati humne
Tak -taki laga,
Uss tat ko nihar,
Choote he jo ho jata raha,
Dur,
Bahut dur.. har baar.
Tumhare saath,
Sochte hai,
Choo hi lenge kadam,
Us tat ko…. is baar..
Tamam umr kaati humne
Becheeni me,
Us subah ka raat se,
Aur us raat ka subah se,
Palko pe liye
Na jaane kaun sa intezar.
Tumhare saath,
Lagta hai,
Jee hi lenge aakhir,
Voh subah, voh raat
Ek hi din, ek pal hi mei,
ek baar.
Tamam umr dhoondhte rahe jo
Dar dar..bhatak bhatak,
Gali gali, dastak de hr deewar,
Tumhare saath,
Shayad,
Voh mil hi gaya hai,
Haath aa gaya hai,
Jo mil ke bhi khota raha
Har baar.
Bahut jindagi jee le humne
Kuch khali, kuch aadhoore se lekar
Na janne kitne kitne aahsas,
Tumhare saath,
Na jaane kyun
Bharne laga hai khalipan
Poore se lagne lage hai…
Voh tamam aadhoore aahsas..
poem by Anjali Kakati
Submitted by Poetry Lover
Vote! | Copy!
Kuch Dur Tak Hi Sahi
Kuch dur tak hi sahi
Hum sang to chale.
Kuch pal hi sahi
Tumhare labo pe
mera naam to raha
Aarso gujr rahe the
Bethe mahfil mein tanha
khud se poochte the
aapne ghar ka raasta
Tum mile to
Shayad darpan dekha
Pahli bar.
Aaparachit khud se
Parichay hua
Pahli bar.
Kuch dur tak hi sahi
Hum sang to chale.
Kuch pal hi sahi
Tumhare labo pe
mera naam to raha
Yo to har mausam
patjhad hi raha
jivan ka
Kuch der hi sahi
Thahari to bahar
Humare yahan.
Kuch dur tak hi sahi
Hum sang to chale.
Kuch pal hi sahi
Tumhare labo pe
mera naam to raha
Sadiya beet gayi
Aur sanse chalti rahi
Tum aaye toh
saso ke is door ko
jivan ka naam mila
pehli baar.
Kuch dur tak hi sahi
Hum sang to chale.
Kuch pal hi sahi
Tumhare labo pe
mera naam to raha
Yo to virano
Aur uujado
Ki aadat ho chali thi
Tum sang
Pal bhar hi sahi
ye sheher
aabad to hua.
Kuch dur tak hi sahi
Hum sang to chale.
Kuch pal hi sahi
Tumhare labo pe
mera naam to raha
poem by Anjali Kakati
Submitted by Poetry Lover
Vote! | Copy!
Na Tum Jano Na Hum
Beparavah hey ab TUM humse kuch is tarhaa..
Na TUM jano Na HUM...
ye fasalaa hey kuch dooriye ka par anE KA koi nhi or RASTA..
Ruthe hey aaj tum humse, kese manaye aaj HUM TUM KO...
Na TUM jano Na HUM...
Bepanha the mohhobat tumse..
Begarzz bana diya ek pal me hum E...
ab chen nahi na koi sahara bus ab tuhe mera KINara...
Beparavah hey ab TUM humse kuch is tarhaa..
Na TUM jano Na HUM...
bethye hey ab intzar karke ab mout ka..
NA AYE TUM AGAR TO KOI GUM NAHI, SAHI YA GAALAT AB KUCH NAHI..
JANE NAHI KOI PAAS NAHI TU MERE KARIB NAHI....INZAR HEY TERA AKHARI BAAR
Na TUM jano Na HUM...
Beparavah hey ab TUM humse kuch is tarhaa..
Na TUM jano Na HUM..
poem by Sandeep Jahaal
Submitted by Poetry Lover
Vote! | Copy!
Kiski Khoj Mei
Kiski khoj me phirtee hai
Hum
Yahaa se vahaa
Khawabo ki basteeyon me
Chalta hai rangoo ka karobar
Sochtee hai,
Thoda rang le lete hai udhar.
Berang se jindagi ko
Shayad phir se
Ho jayee hum se pyaar.
Kyon rahte hai
Hum
Khud se yon khafa khafa
Kahi to bikti hogi
Bazaro me
Thodee se wafa.
thoda khud pe loota denge
thoda rakh lenge dil me cheepa.
Bewafa se sanse
Shayad phir na rahe
Hum se youn khafa khafa.
Kiske intezar me
Ye jeevan
Youn hai ruka ruka.
Koiee toh hoga kahi,
Jo ban kar rahe
sirf humare khuda.
Ibadat aur chahat ki takkar me,
Jo kabhi na ho jo humse judaa.-anjali
poem by Anjali Kakati
Submitted by Poetry Lover
Vote! | Copy!
Mere Khoobsoorat Ahsas
Mere khoobsoorat ahsas.
Duor ho kitne,
Phir bhi,
lagte ho kitne paas.
Shayad,
Mujhme hi rahte ho
Yahi,
Mere khoobsoorat ahsas.
Subah ki halki dhoop ho
Ya raat ki tanhaii
Se halki aah.
Yo hi sulagti hai,
Halke halke,
Lagan ki ye aanch.
Barsoo dhoondha jisko
Gali gali
Din din
Raat raat
Tumhi ho,
Tumhi ko paaya hai
Dil ne
Itne kareeb,
Itne paas.
Kya ho?
Meri hi aatman ke
Bichede se saath.
Ya
Kalpana ki upaj
Jo na choode haath.
Jo bhi ho
Mere ho,
Mujh me hi baste ho,
Sang rahte ho
Har pal sath sath.
Tum alag kaha ho?
Shayad mujhse hi ho
Mere khoobsoorat ahsaas.
-anjali
poem by Anjali Kakati
Submitted by Poetry Lover
Vote! | Copy!
Halke Halke se
Ye hume halke halke se
Kya hone laga hai?
Kora kagaz humara
Rangoo se bharne laga hai,
Ya humari nazre hi rangeen ho chali hai?
Hum badal rahe hai,
Ya aaina badal gaya hai,
Kuch din huai
Bada raas aane laga hai.
Dekhte hai, nayano me
Kajal khoob bhane laga hai,
Ye humare nayan badal gaye hai
Ya phir kajal hi badal chala hai.
Tum sang,
Choori ke chand lamho mei
Jee lete hai aapni,
Aarso ki jindagi,
Ye lamhe jindagi ban chale hai,
Ya jindagi lamho mei simat chalee hai.
Tum me hum me hai janmoo ka phasla
Tum parayee,
Hum ek doosri duniya me base basayee.
Ye kya hone laga hai?
Janmoo ka phasla kam ho raha hai,
Ya, tamam janm ise janam me mil gaya hai.
Tum parayee hokar bhi,
Aapne se lag rahe ho.
Ye parayee aapne ho gaye hai,
Ya hum khud se parayee ho chale hai.
Ye hume halke halke se
Kya hoone laga hai…..?
poem by Anjali Kakati
Submitted by Poetry Lover
Vote! | Copy!
Saza De Do
Jo khata hum ne ki
Tum mujhe chalo
Koi saja de do
Ya
Jee saku phir se
Koi mujhe vajah de do.
Na to jeete hai, na marte hai
Tum mere marj ki
Koi dava de do
YaTo
oodh lete hai kafan
Koi aase dua de do.
Sas lete hai to
Aah nikalti hai
Rokte hai to
Jaan nikalti hai
Saso ke is anban ki
Koi sulah kara do
Ya to
Sase hi na rahe
Koi jaadoo chala do
Sarpat bhagi jaati hai jindagi
Dil ke dhadkanoo se
Thoda susta loo
Koi Kinara de do
YaTo
Thahar jaye tere he dar par
Thoda sahara de do.
Thak gaye hai
Deewaro par dastak de de kar
Ek darwaja tum tak khule
Koi rasta bata do
Ya to
deeware he na rahe
Thodi takat laga do.
Jo khata hum ne ki
Tum mujhe chalo
Koi saja de do.
-anjali
poem by Anjali Kakati
Submitted by Poetry Lover
Vote! | Copy!
Aise Hain Anna Hamare...
Khuskismat hain hum sare
mile hame jo Anna Hazare
Sath do milkar duniya walon
Pakar inke Har ek ishaare
Khuskismat hain hum sare
mile hame jo Anna Hazare
Diya hai maa ne ratna hame
Jo sabki aankhon ke hain tare
Desh ki khatir jee rahe jo
Aise hain Annaa hamare
Khuskismat hain hum sare
mile hame jo Anna Hazare
Hoga khatam ab bhrastachar
Anna ki ye har saans Pukare
Swarg sa sunder bane ye desh
khushiyon ke hon har or nazare
Khuskismat hain hum sare
mile hame jo Anna Hazare
Ishwar do sadbudhhi sabko
Karte gunah kyon itne sare
Rukhsat hoge duniya se “deep’’
Hoga na kuch sath tumhare
Khuskismat hain hum sare
mile hame jo Anna Hazare
poem by Deepak Kumar deep
Submitted by Poetry Lover
Vote! | Copy!
Na Janee
Na janee kitna kah gayee
Aur
Kitna chipaa gaye.
Na janee kya kya likh gayee
Aur
Kitna mittaa gaye.
Manzil nahi hai
Aur
Na koi raasta
Phir bhi,
Anjaan se rahoo mai
Na janee kyon nikal pade.
Na janee Kaha se nikle the
Aur
Kaha pahuch gaye.
Na janee kya gila hai
Aur
Kis se shikwa kare
Belabz dastan hai
Na janee kis kis ko
Kya kya bayan kare.
Na janee dhadkanee aapni hi hai
Ya hai paraiee
Bahut toka humne
phir bhi
Na janee kyon yo betok dhadak gayee.
Dard ka shouk nahi hai,
Na gamo se koiee wasta,
Phir bhi
Na janee kyon dard shoukh se ban rahe hai
Aur
Gamoo se kuch nata sa ho chala hai.
Na janee kaha ko nikle the
Na janee kaha pahuch gayee..-anjali
poem by Anjali Kakati
Submitted by Poetry Lover
Vote! | Copy!
Ye Kaisa Rishta Hai
Ye kaisa rishta hai
Ye kaisa rishta hai
jise na nibha paate hai
Na tood paate hai.
Phir bhi janmo tak
Salamat rahe
Yeh dua karte hai.
Ye kaisa bandhan hai
Jise na yaad karte hai
Na bhul paate hai
Saapno me hi sahi
Sang raho
Yeh tammanna rakhte hai.
Ye kaise lou hai
Jise na jala sakte hai
Na bujha paate hai
Sulagti rahe
Dil me sada
Ye saja lete hai.
Ye kaisa rog hai
Jise na dikha paate hai
Na chiipa paate hai
Dard ko gale se laga
Mann me basaye phirte hai.
Ye kaisa rishta hai
poem by Anjali Kakati
Submitted by Poetry Lover
Vote! | Copy!
Desh ki khatir
Bhadta hi ja raha hai Karwan
Aazadi ke Deewano ka
Kya khoob nazara hai
Shamma ke Parwano ka
Ched diya hai jung dusra
Bhrashtachar ki khatir
Nahi chodna hai unko
Ho chahe jitney bhi Shatir
Kin Shabdon me tariff karun
desh hamara bada kimti
Isko hame nahi hai khona
meri yahi hai tumse Vinti
Jaago zara neend se apne
Desh ko har haal me bachana hai
Hamari khatir lad rahe jo
Hame unka sath nibhana hai
Sone ki chidiyon wala desh
Aaj mahangai ke hanthon mar raha
Corruption bhi badha hai itna
Sab kuch hi khona pad raha
Lokpal bill ko lana hai
Bhrashtachar mitana hai
Sabhi ko rojgar dilakar
Berozgari ko hatana hai.
Gar Khatam huwa bhrashtachar
Khushiyan aayengi besumar
Jhel rahe jo mahangai ki maar
“Deep” sawarega ghar sansar.
Poet
Deepak Kumar 'deep'
16-09-2011
poem by Deepak Kumar deep
Submitted by Poetry Lover
Vote! | Copy!
Din na beete..na beett ti ye raat
Din na beete
na beettti hai raat,
yaad me aapke
na subah ka hota hai ujjala
na khatam hoti kali se ye raat.
Rook paate aapko
Palko ke darmayan
Itni na thi kabiliyat
Na hi koi chah.
Phir kho kar aapko
Kyon hota hai ye mann udass.
Bemanzil rahee thi
tanha musafir the.
Phir kuch pal ke saath se
Kyoun ho gaya hume
Aapke humsafar hone ka
Ehsas?
Jante thee
dil tab bhi Tha tanha,
Kal bhi rahega tanha
Phir tanhaee kyoun
Lage itni tanha
Aur dil itna khali
Aapke bina.
Sannate se ghabrate hai
Shor me sambhal jaate hai
Ab shor bhi lage hai sannata
Jaane ab kab sammbhalanga
Ye mann mera
bhulbhuliya me jo khoya
sa hai aaj.
Din na beete
na beettti hai raat- anjali
poem by Anjali Kakati
Submitted by Poetry Lover
Vote! | Copy!
Hindi Poem- Zindagi Me Mera 'Khas
Zindagi Me Mujhe Kisi Ka Sath Na Raha,
Jise Apna Samjha Vo Bhi Mere Pas Na Raha,
Jab Waqt Tha Tab Kadr Nahi Ki Usne Meri,
Isliye Jab Usne Mujhe Khas Samjha
Vo Mere Liye Khas Na Raha.....
Jab Kho Diya Humne Khudko,
Tab Vo Humse Milne Ki Guzarish Liye Pahuche,
Hamari Ankhon Me Apna Aks Dhundhne Pahuche,
ShayadHumse Phir Bewafai Karne Pahuche,
Par Hum Kaha Ab Hum The,
Hazaro Sawalo Ke Sath,
In Ankhon Ke Aasu Abhi Bhi Nam The,
Haqeeqat Me Aa Chuke The Hum,
Un Sapno Ki Duniya Ko Chodkar,
Har Pal Har Bat Ko Chodkar,
Unke Sath Ko Chodkar,
Isliye Jab Humse Mil,
Un Palo Ki Duhai Deni Chahi Unhone,
Afsos...
Ki Hume Vo Ek Bhi Pal..
Ab Yaad Na Raha........
Zindagi Me..........
poem by Apurva Jain
Submitted by Poetry Lover
Vote! | Copy!
Kyon?
Kabhi hum aapko dhundhte hai.
Kabhi aap humko dhundhte ho.
Bheed me jamane ki
Khoye hai,
Shayad dono kahi.
Ya bandhe huai hai,
Baediyoo se,
Khud ko yo hi.
Phir bhi
Dhundhte hai
Nain aapko
Nirantar
Yo hi.
Kuch hai jo joode rakhta hai
Humko,
Samay ki parato ke pare.
Kuch hai jo bandhe rakhta hai
Aap ke mann se mujhe.
Tamam swachand hone ki
Koshishso se pare.
Hum bhid me kho kar dekh liye.
Bhag kar samay se pehle nikalne
Ki koshish kar liye.
Chip kar tammam pardo ke
Peeche ho liye.
Auur har baar
Khud ko,
Aapko dekhte paya humne.
Har baar
Paya aapko bhi
Yo hi
Khojte huai.
Bheed ko pyyasi aakho se takte huai.
Phir dekh kar humko
Oot me chipte huai.
Kis se chip rahe hai?
Khud se,
kab tak yo hi chipte phirengee?
Dard ke selab me
Yo hi doobte rahenge?
mana,
Ye galat hai,
Aapka mera yo
Benam rishton me joodna.
Ye galat hai,
Beboonyaad se dhadhkano ko
Dil me dhadkana.
Ye galat hai,
Bemanzil rahoo me
Yo sang chalna.
Par phir kyon
Aakhir kyon?
Bheed me aap hi
Humsafar milee?
Kyon
tanha se raaho me
aap hi raahgir mile?
Hum nahi jaante hai..
Kyon
Jab sazde par
Sar zhuke
Toh
Aap hi raab aur aap hi maseeha mile.
-anjali
poem by Anjali Kakati
Submitted by Poetry Lover
Vote! | Copy!
Nostalgia
Yo hi,
Kabhi udhedte hai
To
Kabhi bunte hai
Tamam salaiyo me aatki se
Aapni jindagi ke tar.
Khuli aakho se,
Dekhte hai,
Kabhi bante
Kabhi bigardte
Na jane,
Kitne- kitne khawab.
Kabke beete lamho me,
Khojte hai
Aab bhi,
Aapna aastitav,
Aapni pahchan.
Gujrate ja rahe hai sadiya
Raat me subah ka
Aur
Subah se he raat ka
Yo,
Becheni se karte intejar.
Uljhi se
In taro ko,
Kabhi jodte hai
To
Kabhi todte hai
Ye aandekhe
Ye aanjane se
Bebas tare
Jo,
Ab tak bandhe huai hai
Meeri aatman ko
Tumhari aatma ke saath.
Yo hi,
Kabhi udhedte hai
To
Kabhi bunte hai
Tamam salaiyo me aatki se
Aapni jindgi ke tar.
poem by Anjali Kakati
Submitted by Poetry Lover
Vote! | Copy!
Tumhi Me Hai Jo Basa
Na jaane umar bhar kya dhundh rahe the?
Na jaane tum me kya mil gaya,
Koi naam, koi pata hota toh
Shayad,
Jaan hi lete…
Koi nak-naksh hota toh
Shayad,
Pehchan batate..
Voh jo bas tum me hai
Sirf tum me.
Ha…tumhi me hai voh basa.
Humari nazaro ko hai pata
Shayad,
mann ki kisi gahrayee meiHai chipa
uske astitva ka naksha.
Dikhta hai sirf hume hi jo,
Kaash,
Tumhe bhi dikha paate voh wajah.
Phir shayad,
Tumko nahi lagta
Youn tumpar humara mar mitna,
Koi julm, ek khata.
Par afsos,
Koi nak naksh nahi hai
Koi naam paata tak nahi hai
Uska,
Jo basta sirf tum me hai,
Aur dikhta sirf hume hai
Na jaane us tak pahuchta hai
Kaha se…koun sa raasta…
poem by Anjali Kakati
Submitted by Poetry Lover
Vote! | Copy!
Kuch Naya Sa
Pee ke ladkhadana
aur ladkhada ke sambhal jana to saaki
Purani aadat thi,
Youn bin piye ladkhadana
aur ladkhadayee he jaana
yeh,
nayee bala hai.
Chot khakar dard me tadpna
aur tadap kar roo jana
to theek tha,
youn bina chot dard me chatpatana
aur chatpatahat mei chein pana,
yeh,
naya marz hai.
Jang me jeetna aur
uska jashn manana
Riwaz hai purana,
Youn bin lade sabkuch haar jaana
Phir haar ka jashn manana,
yeh,
Naya dastoor hai.
Kuch paana, aur paakar khona
Toh samajh aata hai,
Youn bin kuch paaye hi sab kuch khoo dena
yeh,
Naya sa ahsas hai.
Pee ke ladkhadana
aur ladkhada ke sambhal jana to saaki
Purani aadat thi,
Youn bin piye ladkhadana
aur ladkhadayee he jaana
yeh,
nayee bala hai.
poem by Anjali Kakati
Submitted by Poetry Lover
Vote! | Copy!