Related quotes
A fool is happier thinking weel o' himself than a wise man is of others thinking weel o' him.
Johnie Faa
The gypsies came to our good lord's gate
And wow but they sang sweetly!
They sang sae sweet and sae very complete
That down came the fair lady.
And she came tripping doun the stair,
And a' her maids before her;
As soon as they saw her weel-far'd face,
They coost the glamer o'er her.
'O come with me,' says Johnie Faw,
'O come with me, my dearie;
For I vow and I swear by the hilt of my sword,
That your lord shall nae mair come near ye.'
Then she gied them the beer and the wine,
And they gied her the ginger;
But she gied them a far better thing,
The goud ring aff her finger.
'Gae take frae me this yay mantle,
And bring to me a plaidie;
For if kith and kin, and a' had sworn,
I'll follow the gypsy laddie.
'Yestreen I lay in a weel-made bed,
Wi' my good lord beside me;
But this night I'll lye in a tenant's barn,
Whatever shall betide me!'
'Come to your bed,' says Johnie Faw,
'Oh, come to your bed, my dearie:
For I vow and swear by the hilt of my sword,
Your lord shall nae mair come near ye.'
'I'll go to bed to my Johnie Faw,
I'll go to bed to my dearie;
For I vow and I swear by the fan in my hand,
My lord shall nae mair come near me.
'I'll mak a hap to my Johnie Faw,
I'll mak a hap to my dearie;
And he's get a' the coat gaes round,
And my lord shall nae mair come near me.'
And when our lord came hame at e'en,
And spier'd for his fair lady,
The tane she cry'd, and the other reply'd,
'She's awa' wi' the gypsy laddie!'
'Gae saddle to me the black black steed,
Gae saddle and make him ready;
Before that I either eat or sleep,
I'll gae seek my fair lady.'
And we were fifteen weel-made men,
Altho' we were na bonny;
And we were a' put down but ane,
For a fair young wanton lady.
poem by Andrew Lang
Submitted by Poetry Lover
Vote! | Copy!
Oh, My Love is Like a Red, Red Rose
O my luve is like a red, red rose
That's newly sprung in June;
My love is like the melodie
That's sweetly played in tune.
As fair art thou, my bonny lass,
So deep in luve am I;
And I will luve thee still, my dear,
Till a' the seas gang dry.
Till a' the seas gang dry, my dear,
And the rocks melt wi' the sun;
I will luve thee still, my dear,
While the sands o' life shall run.
And fare thee weel, my only love!
And fare thee weel, awhile!
And I will come again, my love
Though it were ten thousand mile.
poem by Robert Burns
Submitted by Veronica Serbanoiu
Vote! | Copy!
Aspiration
Aspiration.
Aah divvent like the winter neets
because wor netty’s doon the yard
It’s caad and damp and has ne leets
and varry often frozen hard.
Aah’d rather use the chamber pot
that hides beneath the double bed.
Aah sometimes wish that aah had got
a warm dry inside loo instead.
Me sister hes a bungalow
that has a bathroom and a loo.
Noo she is rather posh you know
and looks doon on the likes of me.
She married weel, hor man was rich
an left hor weel provided for
Hor life hes gone without a hitch
She had ne bairns but I hed four.
But varry soon aah’ll qualify
and get an aad folks bungalow.
A modern hoose that’s warm and dry
The aah’ll be good as her you know.
The airs and graces she displays
impress hor neighbours but not me.
Cos aah recall wor childhood days
which she forgets conveniently.
Me sister is a proper snob
but she’s the only one aah’ve got.
Aah only wish she haad her gob
not taak a lot o tommy rot..
24-Dec-07
poem by Ivor Or Ivor.e Hogg
Submitted by Poetry Lover
Vote! | Copy!
The greedy man and the gileynour are weel met.
There's Nae Luck about the House
And are ye sure the news is true?
And are ye sure he's weel?
Is this a time to think o' wark?
Mak haste, lay by your wheel;
Is this the time to spin a thread
When Colin's at the door?
Reach me my cloak, I'll to the quay
And see him come ashore.
For there's nae luck about the house,
There's nae luck at a',
There's little pleasure in the house
When our gudeman's awa.
And gie to me my bigonet,
My bishop's satin gown;
For I maun tell the bailie's wife
That Colin's come to town.
My Turkey slippers maun gae on,
My stockings pearly blue;
It's a' to pleasure my gudeman,
For he's baith leel and true.
For there's nae luck about the house,
There's nae luck at a',
There's little pleasure in the house
When our gudeman's awa.
Rise, lass, and mak a clean fire side,
Put on the muckle pot,
Gie little Kate her button gown,
And Jock his Sunday coat;
And mak their shoon as black as slaes,
Their hose as white as snaw,
It's a' to please my ain gudeman,
For he's been lang awa.
For there's nae luck about the house,
There's nae luck at a',
There's little pleasure in the house
When our gudeman's awa.
There's twa fat hens upo' the bauk,
Been fed this month and mair,
Mak haste and thraw their necks about,
That Colin weel may fare;
And mak the table neat and clean,
Gar ilka thing look braw,
For wha can tell how Colin fared
When he was far awa?
Ah, there's nae luck about the house,
There's nae luck at a',
There's little pleasure in the house
When our gudeman's awa.
Sae true his heart, sae smooth his speech,
His breath like cauler air,
His very foot has music in't
As he comes up the stair!
And will I see his face again,
And will I hear him speak?
I'm downright dizzy wi' the thought,
In troth I'm like to greet.
For there's nae luck about the house,
There's nae luck at a',
There's little pleasure in the house
When our gudeman's awa.
If Colin's weel, and weel content,
I hae nae mair to crave--
And gin I live to keep him sae,
I'm blest aboon the lave.
And will I see his face again,
And will I hear him speak?
I'm downright dizzy wi' the thought,
In troth I'm like to greet.
For there's nae luck about the house,
There's nae luck at a',
There's little pleasure in the house
When our gudeman's awa.
poem by William Mickle
Submitted by Poetry Lover
Vote! | Copy!
They that rise wi' the sun hae their wark weel begun.
It's weel that oor fauts is no written in oor face.
He's weel worthy o' sorrow that buys it wi' his ain siller.
Nane can play the fool sae weel as a wise man.