Tagabukid

Adtos syudad
Tan-aw sa metro
Taas ang liog
Nangita sa iyang
Kapalaran

Sa iyang kaulaw
Dihang nakabuak
Sa baso
Nga baratohon
Ra baya pod unta
Sa dihang siya
Giayog kasaba

Gihandom niya ang
Ngiub nga Langub

Ang lalom nga suba
Sa ilang bukid

Diin siya usahay
Kaniadto nagtago

Ug nagpaharohay
Sa tumang kalipay

poem by Ric S. Bastasa
Submitted by Poetry Lover
Vote! | Copy!