Sa Basakan Diin Hinog Na Ang Kahumayan

Hinog na usab ang mga lugas sa humay
Sa among kaumahan diri sa Katipunan
Bulaw ang bulok sa mga basakan
Daw sama sa bulaw nga buhok
Sa matahom nga amerkana
Nga akong mahinumduman

Mihunong ako makadyot
Sa kaanindot sa akong nakita

Apan sa tinood lang
Mikawat ako ug lantaw sa
Dalaga nga naligo sa sapa
Sa kilid sa mga bulaw nga
Basakan sa among kaumahan

Taas ang iyang itom nga buhok
Lagom ang iyang pamanit
Apan bus-ok ang iyang dughan
Ug ang tubig nga mibasa kaniya
Mipasihagsihag sa tanan
Nga gusto ko pa nga makit-an

poem by Ric S. Bastasa
Submitted by Poetry Lover
Vote! | Copy!