Alang Sa Tawo Nga Hilig Sa Kaon

Kadtong imong larawan
Sa pulahon nga sakayan nga dunay
Usa ka katig nga naglutaw sa
Ibabaw sa lubog nga suba

Pagkaanindot gayod tan-awon

Morag sushi sa ibabaw
Sa cheese nga parmesan
Pizza ang larawan sa gatabisay
Nga dila, naglaway gustong

Mopaak bisag gamay nga hiwa
Diha sa iyang hotcake nga kalibotan.

poem by Ric S. Bastasa
Submitted by Poetry Lover
Vote! | Copy!