Aao suraj ko ufaq paar utarta dekhen!
Kuchh naya kaam karen
or sochen
khud ko be-rubt khayalon k hawalay kr den
phir ye dekhen
kahan, kis tarha se kia hota he...
raat aati he kahan se
abhi chal kr dekhen
chaand ko dusri janib se palat kr dekhen
yeh jo rukhsaar-e-falak pr he shafaq...kesi he?
aao dekhen k dhanak rang ki shokhi me neha'n
raaz kia he k jo heraan kiye deta he?
neend wadi me yeh khwabon ka basera he kidhar?
khwab kia cheez hen
chal kr unhen choo kr dekhen
chandni shab ko chanaaron pe bikharta dekhen
aasmanon ko bahaaron me nikharta dekhen
aao suraj ko ufaq paar utarta dekhen! ! !
poem by Shahzia Batool
Submitted by Poetry Lover
Vote! | Copy!
Related quotes
December! ! !
Ab k phir December hay
khirkiyon k pardon say
jhaank kr zara dekho
kesa sard mosum hay
bheega bheega manzar hay
soi soi shaamen hen
hum hen or yaden hen
kyun na apni yadon say
gard jharr kr dekhen
soey soey jazbon ko
phir ubhaar kr dekhen
sath sath ye puchhen
zakam zakhm yadon se
khoon to nahi rista?
dilfigaar sapnon ko
chot to nahi lagti?
Phir jab in sawaalon ka
jo jawab bhi aey
uss ko maan lena hay
kyun k ye to hona hay
kyun k phir December hay.
Aasman pe kia dekhen?
dhund ki hukoomat hay
kuchh nazar nahi aata
urr chukay parinday bhi
sard sard podon se
phool bhi to ghaiyb hen
aik wo jo gulshan mein
khush gulu si koyal thi
wo bhi ab nahi gaati
kyun kharray darakhton pr
chhai ye udaasi hay
zard zard pattay hen
kis qadar khamoshi hay
aik sard mehri hay
Ghaur se zara dekho
doobta hua suraj
apni be-zubani mein
keh raha hay dunia say
iss gulab manzar say
doobnay ka ye lamha
kisqadar sitamgar hay
kia kahen December hay
zeest ki kahani ko
sochh ki rawani ko
rokna hi behtar hay
khirkiyon k pardon say
jhaank kr zara dekho
bheega bheega manzar hay
ab k phir udaasi he
Ab k phir December hay.
poem by Shahzia Batool
Submitted by Poetry Lover
Vote! | Copy!
Aao baaten karen! (Urdu)
Aao rang e shafaq!
Shokh rang e shafaq!
Mil k baaten karen,
Uss ki baaten karen...
Ik naey rang say waqt ko rok len,
Ik naey taur say her guzartay huey pal ko awaz den,
Or dhalti hui raat ki nabz ko thaam len
iss tarha
k kisi ko khabar bhi na ho,
Iss tarha
K koi shor bhi naa macchay...
Or shamma bhi baaton me shamil rahay,
Mah o anjum bhi jhuk jhuk k suntay rahen,
sir ko dhuntay rahen,
khwab buntay rahen,
kyun naa rang e shafaq!
Shokh rang e shafaq!
Ek fursat say aankhon me raaten karen,
Mil k baaten karen,
Uss ki baaten karen...
poem by Shahzia Batool
Submitted by Poetry Lover
Vote! | Copy!
Ghazal! (Urdu)
(prize-winner in poetry competition
HIKC Lhr 2007)
Sitam ka baar uthaanay me kuchh kami na rahi
Bujhi he pyas kuchh esi k tashnagi na rahi
Nigah e naz ki jumbish pe jal uthhay taaray
'Phir us k baad charaghon me roshni na rahi'
Ajeeb silsila e ishq ki yeh manzil he
Mila Khuda to tamanna e bandagi na rahi
kuchh ese pal thay k mehfil ki jan thay hm bhi
Or ab yeh haal k khud se bhi dosti na rahi
Kahan kahan pe hukoomat he uss ki yadon ki
Wo kia gaya k gulon pe bhi taazgi na rahi
Guzar sakay to nhi jaan se pr tumharay baad
Rahi zaroor, , , mgr wesi zindagi naa rahi! ! !
poem by Shahzia Batool
Submitted by Poetry Lover
Vote! | Copy!
Shaam K Baad! (Urdu)
Hum jhatak detay hen ehsas tera shaam k baad
phir bhi kyun lgti he be-aas nigah shaam k baad
dil sar-e-shaam hi iss tarha sulag uthhta he
jis tarha taaq pe jalti he shama shaam k baad
yeh to naadan say bachhay ki tarha rota hay
mangta rehta he subho ki faza shaam k baad
jaanay kis khass khilonay ki talab hay iss ko
dil ko bhaati nhi taaron ki zia shaam k baad
koi sa'yil ya farishta he khuda hi janay
dard lehjay me jo deta he sada shaam k baad
mujhko charhtay huay suraj ki tarha kafi hay
jalta rehne do koi ek dia shaam k baad
seh peher tk to zamaanay say mila kartay hen
khud say hoti hay mulaaqat sada shaam k baad
in hi lamhon me ibaadat ka maza milta hay
kyun k milta he haqeeqat me khuda shaam k baad
khol kr arsh k taalon ko khuda betha hay
kese lotay gi bhala maa ki dua shaam k baad
dekh kr teray charaaghon ko palat jaati hun
mujh se kehti hay meri dost hawa shaam k baad
abr barsa nhi dil khol k shayad uss ko
ghairat-e nafs ne ronay na dia shaam k baad
itni heraan Batool aj hay khud pr kyun k
aaj hr giz na ussay yaad kia shaam k baad...
poem by Shahzia Batool
Submitted by Poetry Lover
Vote! | Copy!
Gazal Badi Ajeeb hai ye Zindagi in hindi by deepak kumar deep
Badi ajeeb hai ye zindagi,
khushi ek pal ke liye
dukh verson baras ke liye
koi sukh chahta hai is jeevan me
to usse dukhon ki bhari bori hi mil jati hai
jahan foolon ke milne ki aaasha hai
wahan katon ki sej bich jati hai
Badi ajeeb hai ye zindagi.....................
Kuch satya kuch ghooth
Kabhi aasha kabhi nirasha
kabhi sawpno ko pane ki lalasa
inhi me ulagh kar rah gayi hai zindagi
Badi ajeeb hai hai ye zindagi................
Kabhi jati kabhi varn
Kabhi bhasha kabhi dharm
viwadoke ghere me hai aaj ki sanskriti
kaise kahen, kya yahi hai zindagi?
badi ajeeb hai ye zindagi...........
Pyar doge pyar milega
satkar doge samman milega
mehanat se har chij hai sambhav
kam se chori hai dukh ka anubhav
ham jaisa hain sochte nahi hai aisi zindagi?
fier bhi log kahte hain,
badi ajeeb hai ye zindagi.............
Manav jeevan ek baar hai mita
nahi milta hai barambar
har manav se pyar karen
nafrat ko de dutkar
Krodha chod dhairya apnayen
paap chod punya kamayen
ye dharti hai dharam ki
jitni marji fasal ugayen
Ek baar yatan kar dekhen-
Hai khusnasheeb ye zindagi
nahi hai ajeeb ye zindagifir bhi log kahte hai,
badi ajeeb hai ye zindagi.........
poem by Deepak Kumar deep
Submitted by Poetry Lover
Vote! | Copy!
Udd Chal Tu Kahi Kise Aur Jahaan Me.
udd chal tu kahi kise aur jahaan me...
kuch kar le ise jahan me tu...kuch karle tu ise jahaan me tu....
le chal tu asman me dur kahi....
raste nahi hote asan par muskil bhi nahi hote darmiyan....
chaah kar ruk na na kabhi tu, Na Rukha mod na kabhi tu...
udd chal tu kahi kise aur jahaan me...
ped ki tarha rakh soch tu, bekher kar bhi naya hosla pa tu.
kuch kar le ise jahan me tu...kuch karle tu ise jahaan me tu.
dur sabhi hey lekin dil se taar jode le tu..
udd chal tu kahi kise aur jahaan me..
udd chal tu kahi kise aur jahaan me...
kuch kar le ise jahan me tu...kuch karle tu ise jahaan me tu..
-JAHAAL
poem by Sandeep Jahaal
Submitted by Poetry Lover
Vote! | Copy!
The Last Ride Together!
Dur hona he naa guzeer magar
hey jo janay me thori der agar
aao kuchh dur mil k sath chalen
aao kuchh der tk to sath chalen
chaand ko, kehkashan ko, taaron ko
or khilti hui baharon ko
or khud apne dil ko dhoka den
mil k tanhayyon ko dhoka den
un ko ehsas bhi na ho paey
raaz afsha kaheen na ho jaey
hum me pehle si dosti na rahi
raastay hen alag magar phir bhi
koi herat, qalaq, malaal nhi
mere dil me tera khayal nhi
iss lye khud fareb khanay se
sir ta paa dukh me doob janay se
laakh bahtar he in ko dhoka den
apni tanhayyon ko dhoka den
aao kuchh der mil k sath chalen
aao kuchh dur tk to sath chalen
asma'n se barastay baadal ko
mouj ko, kashtiyon ko, saahil ko
apnay hi aansuo'on ko dhoka den
sub ko hum muskura k dhoka den
aakhri pal hen hans k sath chalen
akhri baar mil k sath chalen! ! !
poem by Shahzia Batool
Submitted by Poetry Lover
Vote! | Copy!
Chal Chale Kahi Door
chal chale kahi door, tu ho paas jahaa ho dooor..
chal chale kahi door.......
samne koi ho muskil, ho ya koi dushman.
chal chale kahi door.......
aaj koi aye toofan, ya koi moAut..
chal chale kahi door.......
tu jo hey saath balama mere, to dhaye koi lakho sitam...
bus tu mere jindgi ka bus tu hi sahil hey...
tere kadam chum luoo....tere daman odha looooo...
chal chale kahi door.......
mera mandir bhi tu mere majjid bhi tu...
mera sahil bhi tu mera kinara bhi tu,..
chal chale kahi door.......
chal chale kahi door, tu ho paas jahaa ho dooor..
chal chale kahi door.....
poem by Sandeep Jahaal
Submitted by Poetry Lover
Vote! | Copy!
Ghazal! ! ! (Urdu)
Arsa e zeest ko sadiyon ka safar jana hay
Phir bhi ik roz tou hr shakhs ko mr jana hay
Meray Mabood tamannaon ka ambaar lye
Dar Tera chhor kar ab aur kidhar jana hay
Jald ponhchay khabar e khair musafir ki k phir
Sham ki qabr mein suraj ko utar jana hay
Kitnay dilkash se hua krtay hen aksar lekin
Ankh khultay hi tou khwabon ko bikhar jana hay
Saans chalti hey jisay dekh k hur dum apni
Uss ko duniya ki tamaazat mein shajar jana hay
Yeh jo manzil tumhe lagti he yeh manzil to nhi
Akhir iss se bhi kisi pal mein guzar jana hay
Dil agar mujh se lagao gay to pachhtao gay
Mein musafir hun mujhe laut k ghar jana hay
Ghair mumkin nhi dunya men koi kam Batool
Jo kisi se nhi hota hay wo kr jana hay...
poem by Shahzia Batool
Submitted by Poetry Lover
Vote! | Copy!
Ik Prem Pujaran. [A poem in Hindi ]
Ik prem pujaran
Liye vyakul man
Tadpti aatma
Aur dukhta tan
Nikli ghar se
Ik aas liye
Kuchh sahmi si
Kuchh ghabrati
Kabhi lajati aur kabhi todti
Vidroh se har bandhan
Aa pohanchhi jahan basti thhi chhah
Man to thha ik prem ka sagar
Tan mangta aalingan ka sukh
Par premi na samjha pujaran ka dukh
Shaied samjha bhi
Shaied apne hi dukh mein lein ho
Bhool gaya pujaran ke dukh ko.
Utaijit ho chhal pada pujaran ke sang
Kahan kidhar koi thhah na thhi
Itne bade sansar mein mano
Unke liye koi gah na thhi.
Aakhir saham ik kone mein baithe
Lage ik doje ko daikhne
Aankhein to ik duje se bolien
Aur bolien do aatmaien bhi
Par tan ka dukh ho gaya ahir.
Tab ik badal laga barasne
Pujaran ke matware naino se
Jise dekh hua vyakul woh
Aur laga kosne iss jeevan ko;
Iss sansar ko jis mein
Pyar to thha kam par thhey kitne bandhan
Tab sar uske kaandhe par rakh kar
Pujaran ne kiya sanket laot chhalne ko
Ik pagal goonga ho jaise
Na kuchh samjha na sooach saka woh
Aur chhal pada uske sang
Kahan kidhar koi kya jane...............[1972]
Din na beete..na beett ti ye raat
Din na beete
na beettti hai raat,
yaad me aapke
na subah ka hota hai ujjala
na khatam hoti kali se ye raat.
Rook paate aapko
Palko ke darmayan
Itni na thi kabiliyat
Na hi koi chah.
Phir kho kar aapko
Kyon hota hai ye mann udass.
Bemanzil rahee thi
tanha musafir the.
Phir kuch pal ke saath se
Kyoun ho gaya hume
Aapke humsafar hone ka
Ehsas?
Jante thee
dil tab bhi Tha tanha,
Kal bhi rahega tanha
Phir tanhaee kyoun
Lage itni tanha
Aur dil itna khali
Aapke bina.
Sannate se ghabrate hai
Shor me sambhal jaate hai
Ab shor bhi lage hai sannata
Jaane ab kab sammbhalanga
Ye mann mera
bhulbhuliya me jo khoya
sa hai aaj.
Din na beete
na beettti hai raat- anjali
poem by Anjali Kakati
Submitted by Poetry Lover
Vote! | Copy!
Hindi Poem- Chehra
Sari Raat Yuhi Bita Di Maine,
Kitabo Ke Panne Palat Te Hue,
Kuch Khwab Bunte Hue,
Palko Tale Kuch Aansu Samete Hue,
Sari Raat Yuhi Bita Di Maine,
In Nain Naksho Ko Niharte Hue,
Apni Kamiyo Ko Dhundhte Hue,
Apni Majburi Par Rote Hue,
Soch Rahi Thi Main,
Kya Kiya Tha Maine,
Kyu Kiya Tha Maine,
Kya Achi Nahi Thi Sirf Vo Jaan Pehchaan,
Ki Dena Chaha Use Mohabbat Ka Naam Maine,
Soch Rahi Thi Main,
Kya Keh Gaya Vo Itni Asani Se,
Kyu Keh Gaya Vo Itni Asani Se,
Kara Gaya Mujhe Meri Badsurti,
Meri Kamiyo Ka Ehsas,
Aur Thukra Gaya Mujhe Itni Asani Se,
Kya Dil Nahi Tha Uske Paas,
Ya Un Shabdo Ki Mithaas Kahi Kho Gayi Thi,
Aakhir Kiya Kya Maine,
Jo Mere Ehsaso Ki Zamane Bhar Me Khilli Udayi Gayi Thi,
Bas Pyar Hi To Kiya Tha,
Use Apna Dil Hi To Diya Tha,
Phir Bhi Kyu Sabke Samne Ek Mazaak Ban Kar Reh Gayi Thi,
Par Galti To Thi Hi Meri,
Ki Uski Neeli Aankho Me Dubti Chali Gayi Thi,
Uski Har Hasi Me Ek Sapna Bunti Chali Gayi Thi,
Dosh Uska Nahi Mera Hain,
Sirf Main Aur Mera Yeh Badsurat Chehra Hain,
Phir Bhi Kyun Aaj Khud Ko Bikhra Sa Mehsus Karti Hu,
Shayad Is Chehre Ke Karan Kisi Ko Ab Apna Dil Dene Se Darti Hu,
Kyunki Bahut Gehra Hota Hain Is Dard Ka Ehsas,
Par Ab Karti Hu Yahi Ardas,
Ki Ae Khuda!
Is Chehre Ko Vo Noor De,
Ki Dekhne Vala Aur Kuch Soch Hi Na Paye,
Par Is Dil Ko Dildar De,
Jiske Pyar Ke Liye Yeh Umar Bhi Kam Pad Jaye,
Aur Jisne Mujhe Thukraya,
Use Khud Koi 'Na' Keh Jaye,
Aur Tab Shayad Use Apni Galti...
Aur Mere Is Dard Ke Ehsas Ho Jaye.......
poem by Apurva Jain
Submitted by Poetry Lover
Vote! | Copy!
Kabootar Se Computer Tak!
Kabhi esa bhi hota tha
Baharen jb bhi aati thiin
Tou apne sath jazbon ki nai faslen ugaati thiin
Hawaen geet gaati thiin
Fazaen muskuraati thiin
Wohi lamhaat hote thay
K jb ghamgeen nigaahon se jo dard aamez behte jam aate thay
Kabootar kaam aatay thay
Naey paigham laatay thay
Inhi lamhaat mein pinhaan hua krti thiin sub khushian …! ! !
Ab esa daur aya he
K sub k sub sada hr waqt hi log on rehte hen
Aur internet pe hr dm use laakhon phone hote hen
Dalail mein Faraz o Faiz o Ghalib note hote hen
Yaheen pr keats or Shelley k naghmay quote hote hen
Dilon pr kuchh naey jazbaat download hote hen
Ajab yeh khail hota hey
Gilay E-mail hote hen
Kabhi akhtar shumaari thi
Kabhi aankhon mein raaten thiin
Kabhi taaron se baaten thiin
Ab MSN pe chatting he
Kabhi FB pe tagging he
Kabhi qaasid k nakhray thay
Ab internet pe messengers ki taaza baharein hen
Magar ab kuchh bhi ho jaey
Zaraaey change ho jaen
Wisaal o hijr k naghmaat jis bhi rang, jis aahang mein ubhren
Kabootar ho ya computer
qareenay guftgu k jis shakal mein bhi badal jaen
yehi mehsoos hota he
muhabbat km nhi ho gi
muhabbat km nhi ho gi...! ! ! .
poem by Shahzia Batool
Submitted by Poetry Lover
Vote! | Copy!
Perdess (A poem written in URDU)
Perdess kai hai tu kai janey…Aagan mera soona hai
Na koi humdam, na koi mukhlis…ye bhi koi jeena hai
Yaad sata-ey hai mujh ko jehan bachpan guzra pyar-oon mai
Uss deis ki mati ki khushboo aaj bhi hai fazaoon mai
Betay dinoon ki yadeen hain..aik khawab sa ab ye lagta hai
Kahan sey doon-oon tujh ko Maa..mera agaan kitna soona hai
Na koi chitty aatey hai aur na koi dastak deta hai
Kiss see ab faryad karoon…dil buhat ye roota hai
Iss des mai mera dana pani kyon kilha tu ne ae rab
Bechar geye meray chanay walay…kahan sey doond kay la-oon ab
Tanha iss safar mai hoon aur kathin hain saab rastay
Kisey kismet hai mery…Reham kar khuda ka wastay.
poem by Meena Mustafa
Submitted by Poetry Lover
Vote! | Copy!
Do ehsas
1- Raat ki tanhai mein uska paigham,
Mujh mein jeene ki ek aas jaga deta hai,
Rooh ke zakhm bhi hanste hain ujaale ban kar,
Talab-e-zeest bhi koi badha deta hai.
2- Mere ehsas ko ulfat ki hawa deta hai,
Mere jazbaat mein ek aag laga deta hai,
Unki nafrat ke sahare hi main zinda rahta,
Kaun hai jo gul-e-ummeed khila deta hai.
poem by Mohammad Akmal Nazir
Submitted by Poetry Lover
Vote! | Copy!
Khamoshi
Thodi sone si dhoop he...
Thodi chandi si chandni...
Thoda gam tumhe bhi he...
Thoda mujhe bhi...
Thodi bebasi he... Aankhe teri bhi nam he
Meri bhi...
Chal aaj fir ithlate he... muskurate he...
Aaj dil se puchha aakhir tu kyu khamosh he...
Hotho pe jo baat kabhi aa na saki...
Aankho me wo kyon zalakne lagi?
Khamoshi ka ye sama kab tak chalega...
Pattiyo ne mujhse kaha 'duniya me aisa hi hota he'
Jugnu ke pichhe pichhe pata nahi kaha chale aaye...
Shayad wo wadiya kho gai he...
Aaj dilse puchha aakhir tu kyu khamosh he...
Nange pair chale the wo raho par...
Aaj rahe bhi alag he aur manzile bhi...
Jab jab gam ka badal chhaya jane kyu jee ghabraya...
Aankho ke rang kabhi na dekh paye hum...
Thode rang mere bhi berang he...
Thode rang tere bhi berang he...
Aaj dilse puchha aakhir tu kyu kamosh he...
Waqt ne mujhe bhi nachaya he...tujhe bhi...
Sab is waqt ki kathputliya he...
Ek din ye sans bhi khamosh ho jayegi...
Ye jo gehre sannate he...
Chikhti hui lehro ki god me..
Kyu tu soya he...
Aaj dilse puchha aakhir tu kyu khamosh he....
Aakhir tu kyu khamosh he.....
poem by Utsav Patel
Submitted by Poetry Lover
Vote! | Copy!
Mrigtrishna
Raato ko,
Subah ke intezar me
Ek mrig tha jagta.
Aur po phate hi
Indradhanush ki tak me
Tak- taki laga
Shitij par tha zhakta.
Rango bhara, ranggen tha
Nipun, tej, haseen tha.
Na jaane kyou phir bhi
Indradhanush ke rangoo par
Kyon jaan warta.
Marichika hai, marusthal hai
Yeh mrig hai jaanta
Parantu,
Uusee marichika ke peeche
Nirantar, paraspar bhagta.
Phir sahi galat ke yudh me
Paraspar khud hi harta.
Vyatha thi,
Ya mazboori
Ya kahe pagalpan,
Pratibimb khud ki dekh
Aaparichit
Baar baar parichay mangta.
Phir bhi..
Raat hi se
Subah ke intezar mei
Vah mrig tha jagta…
-anjali
poem by Anjali Kakati
Submitted by Poetry Lover
Vote! | Copy!
Amma k naam...! ! ! (Urdu)
Janay kiskis tarha mushkil se sambhala mujh ko!
Meri maa tu ne boht pyar se paala mujh ko......!
Apne kirdar se, guftaar se taaleem kia
Neik seerat bharay afkaar se taaleem kia
kia sahi, kia he ghalat, nok palak batlai
Ye namaz or dua tu ne hamay sikhlai
Tu ne kundan ki tarha se he ujaala mujh ko!
Meri maa tu ne boht pyar se paala mujh ko!
Tarbiat din ki aulad ko aamaal se di
Roshni tu ne sahi raah ki afa'al se di
Zer e taameer sahi, me teri taameer to hun
Aaj me jo hun teri zaat ki tasveer to hun
Tu ne suraj ki tarha shab se nikala mujh ko!
Meri maa tu ne boht pyar se paala mujh ko!
Kese pehchaanay teri zeest ka unwaan koi
Bistar e marg tha ya jang ka maidaan koi
Itni takleef sahi dil se magar sabr kia
lub se shikva na dia, sham o sahar shukr kia
Kon mushkil me bhala de ga sambhaala mujh ko!
Meri maa tu ne boht pyar se paala mujh ko!
Akhri baar kalejay se mujhe liptana
Kese bhoolay ga kalaavon ka hamay pehnana
Mere naa cheez se haathon ko lagaya lub se
Dil Batool ab bhi yehi bol raha he tub se
Meri maa tu ne boht pyar se paala mujh ko!
Meri maa tu ne boht pyar se paala mujh ko!
poem by Shahzia Batool
Submitted by Poetry Lover
Vote! | Copy!
M.Phil ***(Urdu)
Kitna mushkil he nigahon ka muta'ala kerna
wo nigahain
kisi naqqad k thesis ki tarha
apne mazmoon o matan me zara mushkil hi sahi
kaash un gehri nigahon k muta'alay k lye
un pe likhi kisi sha'ir ki kitaaben mil jaen
kuchh hawalay mil jaen
un ko parh lun
to nigahon ka samajhna bhi sehel ho jae
aur masla kisi hd tk mera hul ho jae
kaash pur soch nigahon k muta'alay k lye
ese ghambeer se topic pe maqalay k lye
library mujhe mashhoor koi mil jae
rehnumai kisi ustaad ki haasil ho jae
iss tarha
parhtay hue tay me manazil kr lun
un nigahon k muta'alay me me M.Phil kr lun
:)
poem by Shahzia Batool
Submitted by Poetry Lover
Vote! | Copy!
Humanity Poem- Manavta Ki Khatir
Rog laga hai har manav ko, main bada hoon tumse pyare
Tu tu may may ki issi aag me, jal rahen hain ye sare
Pyar nahi hai dilon me apne, Lagate Vishva-bandhutva ken are
Seekhen zara prakriti se bhi, jo milkar rahte chand sitare
Gar ghukaden apne aapko to, mit jayenge ghagde sare
Gair nahi koi vair nahi hai, sab hain apne mit hamare
Manav me manavta na ho, to insaan ki kaam ka
Aisa manav chalti phirti lash hai, aur lash hai kis kaam ka
Dhairya, kashma, karuna nahi to, vidya ka gyan kis kaam ka
Bistar hai par neend nahi, wo saaman hai kis kaam ka
Dhan se hai bharpur par shanti nahi, aisa dhan kis kaam ka
Duniya jise such kahti hai, wo such hai kis kaam ka
Tarraki kar li insano ne, gyan aur vigyaan se
Vhed dala antrikash ko bhi, roket wayun se
Much pe baten badi badi, par dil abhi pashan se
Haasil sab kuch kar liya par, bach na sake abhiman se
Manav me manavta hogi to sirf guru ke gyan se
“Deep” milegi mukti to bas, rab ki hi pahchan se
poem by Deepak Kumar deep
Submitted by Poetry Lover
Vote! | Copy!