Saawan Tu Baras Ja... A Romantic poem written in Urdu)
Mosam hai aashiqana, saawan tu baras ja
Iss pyar kay mosam mai yun mujh ko na tarpa
Ye ghata-een aur mast faza-een
Geetoon ki sargam, aaj mujh ko suna-een
Baarish ka shor kisa, hawa-een chelayn zoor
Dil terpay tujh sey milnay, ouur jayeen meray hosh
Wo beeghay badan ki kushbo, basi jo saa-so mai
Kisey lagi ye aag, aa ja tu ba-hoon mai
Tarpa na mujh ko itna, mosam ka maza le
Do char din ki zindagi, pyar tu kar ley
Tujhay dekhnay ko aksar, teelay pe jaoo mai
Baarish ki boond peray, aur guon-guo-naoon mai
Aagan mai peray joolay, pyal ki chankar
Saa-say na thami meri, karoon tera intizar
poem by Meena Mustafa
Submitted by Poetry Lover
Vote! | Copy!
Related quotes
Saawan Tu Baras Ja (A poem written in Urdu)
Mosam hai aashiqana, saawan tu baras ja
Iss pyar kay mosam mai yun mujh ko na tarpa
Ye ghata-een aur mast faza-een
Geetoon ki sargam, aaj mujh ko suna-een
Baarish ka shor kisa, hawa-een chelayn zoor
Dil terpay tujh sey milnay, ouur jayeen meray hosh
Wo beeghay badan ki kushbo, basi jo saa-so mai
Kisey lagi ye aag, aa ja tu ba-hoon mai
Tarpa na mujh ko itna, mosam ka maza le
Do char din ki zindagi, pyar tu kar ley
Tujhay dekhnay ko aksar, teelay pe jaoo mai
Baarish ki boond peray, aur guon-guo-naoon mai
Aagan mai peray joolay, pyal ki chankar
Saa-say na thami meri, karoon tera intizar
poem by Meena Mustafa
Submitted by Poetry Lover
Vote! | Copy!
Amma k naam...! ! ! (Urdu)
Janay kiskis tarha mushkil se sambhala mujh ko!
Meri maa tu ne boht pyar se paala mujh ko......!
Apne kirdar se, guftaar se taaleem kia
Neik seerat bharay afkaar se taaleem kia
kia sahi, kia he ghalat, nok palak batlai
Ye namaz or dua tu ne hamay sikhlai
Tu ne kundan ki tarha se he ujaala mujh ko!
Meri maa tu ne boht pyar se paala mujh ko!
Tarbiat din ki aulad ko aamaal se di
Roshni tu ne sahi raah ki afa'al se di
Zer e taameer sahi, me teri taameer to hun
Aaj me jo hun teri zaat ki tasveer to hun
Tu ne suraj ki tarha shab se nikala mujh ko!
Meri maa tu ne boht pyar se paala mujh ko!
Kese pehchaanay teri zeest ka unwaan koi
Bistar e marg tha ya jang ka maidaan koi
Itni takleef sahi dil se magar sabr kia
lub se shikva na dia, sham o sahar shukr kia
Kon mushkil me bhala de ga sambhaala mujh ko!
Meri maa tu ne boht pyar se paala mujh ko!
Akhri baar kalejay se mujhe liptana
Kese bhoolay ga kalaavon ka hamay pehnana
Mere naa cheez se haathon ko lagaya lub se
Dil Batool ab bhi yehi bol raha he tub se
Meri maa tu ne boht pyar se paala mujh ko!
Meri maa tu ne boht pyar se paala mujh ko!
poem by Shahzia Batool
Submitted by Poetry Lover
Vote! | Copy!
Saahil kay kinare...(A poem written in URDU)
Meray dil ki dharkan mai sirf tum hi rehtay ho
Pyar tum he say karti hoon buss tum he meray ho
Wo betay dinoon ki yaaden aur badal ka garajna tha
Wo saahil kay kinarey kishty mai kesa milna tha
Leher-oon ki thephair aa kar jab kishty sey takrati thee
Daar ka mai teray seenay say kesay lag jati thee
Do praim-ee aik jaan chup chup kay miltay thay
Kahan geye wo din…kitnay achay lagtay thay
Seepiyan chuntay gana ghatay saahil kay kinaray hum
Aik ddo-jay kay pyar mai ho jatay te hum gum
Tujh mai samah kay mai ney pya do janam-oon ka pyar
Aab Kha-gaye wo din aur kha-geye wo raat
Barsaat kay mosam mai tery yaad sa-ta-tee hai
Betay dinoon ki yaad mujh ko tar-patee hai
Ab na rehe wo kishty aur bun kaya aik khawab
Saahil kay kinare mai akalie kar-ee-hoon aaj.
poem by Meena Mustafa
Submitted by Poetry Lover
Vote! | Copy!
Perdess (A poem written in URDU)
Perdess kai hai tu kai janey…Aagan mera soona hai
Na koi humdam, na koi mukhlis…ye bhi koi jeena hai
Yaad sata-ey hai mujh ko jehan bachpan guzra pyar-oon mai
Uss deis ki mati ki khushboo aaj bhi hai fazaoon mai
Betay dinoon ki yadeen hain..aik khawab sa ab ye lagta hai
Kahan sey doon-oon tujh ko Maa..mera agaan kitna soona hai
Na koi chitty aatey hai aur na koi dastak deta hai
Kiss see ab faryad karoon…dil buhat ye roota hai
Iss des mai mera dana pani kyon kilha tu ne ae rab
Bechar geye meray chanay walay…kahan sey doond kay la-oon ab
Tanha iss safar mai hoon aur kathin hain saab rastay
Kisey kismet hai mery…Reham kar khuda ka wastay.
poem by Meena Mustafa
Submitted by Poetry Lover
Vote! | Copy!
Khuda Kaisa Dikhta Hoga
Khuda kaisa dikhta hoga,
Kuch tujh jaisa,
Kuch mujh jaisa hi
Dikhta hoga
Aandhero ke is dor mein
Vo bhi
Po phatne ke rah takta hoga.
Khuda kaisa dikhta hoga,
Kuch tujh jaisa,
Kuch mujh jaisa hi
Dikhta hoga
Nafrato ke is sahar mein
Vo bhi,
Diya jala,
Thoda pyar
Thodi vafa
dhoondhta hoga.
Khuda kaisa dikhta hoga,
Kuch tujh jaisa,
Kuch mujh jaisa hi
Dikhta hoga
Aapni hi banayi sristi mein
Roj
thoda khoon
thode aasu
vo bhi,
bahata hoga.
Khuda kaisa dikhta hoga,
Kuch tujh jaisa,
Kuch mujh jaisa hi
Dikhta hoga
Chup ke
thujh mein
mujh mein
is aas mein
jita hoga
ki,
kabhi to hoga aant
is intezar ka,
intejar karta hoga.
Khuda kaisa dikhta hoga,
Kuch tujh jaisa,
Kuch mujh jaisa hi
Dikhta hoga
poem by Anjali Kakati
Submitted by Poetry Lover
Vote! | Copy!
Merey Dua (A poem written in URDU)
Merey Dua
Zindagi kitney bari aik naimat hai kudha
Kameyabi ki bulandi cho-ey har urnay wali ghata
Saba-e-noor sey roshan hai teray wojood ka nizam
Har guncha aur dali jukay aur karay tujhay salaam
Fariyad tujh sey karti hoon kabi suun ley meri sada
Karam kar meray Aaqa aur suun ley meri dua
Shah-en-shahiat tujh pey khatam iss jehan ka raab hai tu
Bhar dey meri jholee aur kar puri meri dua.
poem by Meena Mustafa
Submitted by Poetry Lover
Vote! | Copy!
Main Adhura Hoon(Hindi)
Pyar, dil taraptha hai uske pyar ke liye
Lagtha hai jaise main adura hoon uske bina
Samje nahi kohi mujko
Main adhura hoon, uske bina
Dil taraptha hai uske bina
Kya ek disorder, kisi ki life se pyar bhi cheen letha hai?
Main adhura hoon uske bina
Aaab toh main usko hello bhi nahi bol saktha
Leken mera dil yaad kartha hai usko bahut
Zindagi main itna dard, Kyon?
Kya main ek insaan nahi hoon?
poem by Rohit Sapra
Submitted by Poetry Lover
Vote! | Copy!
Tum Kabhi Samajh Paate
Tum kabhi samajh paate
Tum mere liye kya ho
Kabhi mujh me bas ke
Meri nazaro se dekho.
Tum khawab ho,
Tumhi hakikat.
Tum ghana aandhera
Tumhi meri satrangi rangat.
Kabhi oodha hai
Tumhe
Banake jeevan.
Kabhi uttara hai
Samajh ke kafan.
Tumhi pyaas janmo ka
Jise labo ko hai intezar.
Tumhi ho sagar jisme
Doob kar maroo bar bar.
Tum ko kaise batau
Kya ho tum mere,
Kabhi prashan ho,
Kabhi jawab mere.
Kabhi mujh me bas ke
Meri nazaro se dekho.-anjali
poem by Anjali Kakati
Submitted by Poetry Lover
Vote! | Copy!
Shaam K Baad! (Urdu)
Hum jhatak detay hen ehsas tera shaam k baad
phir bhi kyun lgti he be-aas nigah shaam k baad
dil sar-e-shaam hi iss tarha sulag uthhta he
jis tarha taaq pe jalti he shama shaam k baad
yeh to naadan say bachhay ki tarha rota hay
mangta rehta he subho ki faza shaam k baad
jaanay kis khass khilonay ki talab hay iss ko
dil ko bhaati nhi taaron ki zia shaam k baad
koi sa'yil ya farishta he khuda hi janay
dard lehjay me jo deta he sada shaam k baad
mujhko charhtay huay suraj ki tarha kafi hay
jalta rehne do koi ek dia shaam k baad
seh peher tk to zamaanay say mila kartay hen
khud say hoti hay mulaaqat sada shaam k baad
in hi lamhon me ibaadat ka maza milta hay
kyun k milta he haqeeqat me khuda shaam k baad
khol kr arsh k taalon ko khuda betha hay
kese lotay gi bhala maa ki dua shaam k baad
dekh kr teray charaaghon ko palat jaati hun
mujh se kehti hay meri dost hawa shaam k baad
abr barsa nhi dil khol k shayad uss ko
ghairat-e nafs ne ronay na dia shaam k baad
itni heraan Batool aj hay khud pr kyun k
aaj hr giz na ussay yaad kia shaam k baad...
poem by Shahzia Batool
Submitted by Poetry Lover
Vote! | Copy!
Gazal Badi Ajeeb hai ye Zindagi in hindi by deepak kumar deep
Badi ajeeb hai ye zindagi,
khushi ek pal ke liye
dukh verson baras ke liye
koi sukh chahta hai is jeevan me
to usse dukhon ki bhari bori hi mil jati hai
jahan foolon ke milne ki aaasha hai
wahan katon ki sej bich jati hai
Badi ajeeb hai ye zindagi.....................
Kuch satya kuch ghooth
Kabhi aasha kabhi nirasha
kabhi sawpno ko pane ki lalasa
inhi me ulagh kar rah gayi hai zindagi
Badi ajeeb hai hai ye zindagi................
Kabhi jati kabhi varn
Kabhi bhasha kabhi dharm
viwadoke ghere me hai aaj ki sanskriti
kaise kahen, kya yahi hai zindagi?
badi ajeeb hai ye zindagi...........
Pyar doge pyar milega
satkar doge samman milega
mehanat se har chij hai sambhav
kam se chori hai dukh ka anubhav
ham jaisa hain sochte nahi hai aisi zindagi?
fier bhi log kahte hain,
badi ajeeb hai ye zindagi.............
Manav jeevan ek baar hai mita
nahi milta hai barambar
har manav se pyar karen
nafrat ko de dutkar
Krodha chod dhairya apnayen
paap chod punya kamayen
ye dharti hai dharam ki
jitni marji fasal ugayen
Ek baar yatan kar dekhen-
Hai khusnasheeb ye zindagi
nahi hai ajeeb ye zindagifir bhi log kahte hai,
badi ajeeb hai ye zindagi.........
poem by Deepak Kumar deep
Submitted by Poetry Lover
Vote! | Copy!
Ghazal! ! ! (Urdu)
Arsa e zeest ko sadiyon ka safar jana hay
Phir bhi ik roz tou hr shakhs ko mr jana hay
Meray Mabood tamannaon ka ambaar lye
Dar Tera chhor kar ab aur kidhar jana hay
Jald ponhchay khabar e khair musafir ki k phir
Sham ki qabr mein suraj ko utar jana hay
Kitnay dilkash se hua krtay hen aksar lekin
Ankh khultay hi tou khwabon ko bikhar jana hay
Saans chalti hey jisay dekh k hur dum apni
Uss ko duniya ki tamaazat mein shajar jana hay
Yeh jo manzil tumhe lagti he yeh manzil to nhi
Akhir iss se bhi kisi pal mein guzar jana hay
Dil agar mujh se lagao gay to pachhtao gay
Mein musafir hun mujhe laut k ghar jana hay
Ghair mumkin nhi dunya men koi kam Batool
Jo kisi se nhi hota hay wo kr jana hay...
poem by Shahzia Batool
Submitted by Poetry Lover
Vote! | Copy!
Love or Life
Khuda mai to nahi.
Pyar bhi tumhi ne kiya
Bewafai maine to nahi.
Jhute tum the
Dhokewaz mai to mahi.
Fir aaj shikayat mujhse kyu?
Thoda to tumne tha.
Khush to mai b ni.
Zindagi to tumhari hai.
Or meri zindagi ek puri kahani b ni...
Aaj ye maafi kyu
Maaf to tumhe mai kr bhi deti, magar isbar bkshega tumhe khuda nhi nahi...
poem by Neha Poemlover
Submitted by Poetry Lover
Vote! | Copy!
Saddam Husain ka Paigham America ke naam
Kahan mumkin junoo mera aseer-e-daam ho jaaye, Shahadat hi meri mujh ko mera in-aam ho jaaye, Yahan ke bachche bachche se tujhe hushyaar rahna hai, Inheen mein se koi bachcha na kal Saddam ho jaaye.
poem by Mohammad Akmal Nazir
Submitted by Poetry Lover
Vote! | Copy!
Jhootha Nahi(Hindi)
Sirf Tum Thi Mere Dil Main
Lekin pyar toh ban gaya ek khilona
Maine tumhara dil thora, tumne mera
Tumko lagtha hai ki pyar mera jhootha hai
Pyar saacha tha, saachi
Bahut kiya tha pyar maine tumse
Aur sirf tum hi thi mere dil main
Main jhootha nahi tha.
poem by Rohit Sapra
Submitted by Poetry Lover
Vote! | Copy!
MOHABAT BY wafa memon
Posted on January 20,2012
MOHABAT
Mohabat mang kar us sy bohat deer tak roe, , ,
Kaha main ny…..
Mujhy ye dard acha nahi lagat,
Kaha us yn……
Tu har dard sy ab aashana hoja,
Kaha main ny…
Ye sarad mosam kab tak satayega,
Kaha us yn……
Tapata soraj tery man ko jalaega,
Kaha main ny…
Mujhy yonu dard ki dehleez py na choro,
Kaha us yn……
Isi dehleez py toty khawabon ko apny joro,
Kaha main ny…
Hawaon ny jegar mera to chera hy,
Kaha us yn……
Zakham tera to pehly sy hi gehra hy,
Kaha main ny…
Ku talakh lehja tumhara hy?
Kaha us yn……
Ye hi to dilruba aandaz hamara hy!
Kaha main ny, suna us ny…..
MOHABA dilfarebi, jawedani hy,
Kehta hy~WAFA~ ko wo…….
Seheya rat ki manid mohabat gehra pani hy
WAFA MEMON
poem by H. wafa Memon
Submitted by Poetry Lover
Vote! | Copy!
Do ehsas
1- Raat ki tanhai mein uska paigham,
Mujh mein jeene ki ek aas jaga deta hai,
Rooh ke zakhm bhi hanste hain ujaale ban kar,
Talab-e-zeest bhi koi badha deta hai.
2- Mere ehsas ko ulfat ki hawa deta hai,
Mere jazbaat mein ek aag laga deta hai,
Unki nafrat ke sahare hi main zinda rahta,
Kaun hai jo gul-e-ummeed khila deta hai.
poem by Mohammad Akmal Nazir
Submitted by Poetry Lover
Vote! | Copy!
Zindagi (A poem written in (Urdu)
Zindagi ka safar yo-hee chalta rehaga
Na janay kis mor pe kon milay ga
Haseen khawab dekhay… pee-ro-ey thay sapnay
Paat jhar ki terah dukh de gaye hai apnay
Merey haat-oo ki rekha aab mit sey gaye hai
Anderehi hain raah-een..ye kai zindagi hai?
Na janey meray dil mai kyun koi buss na paya
Ke-lo-nay ki terah zindagi ne sa-ta-ya.
poem by Meena Mustafa
Submitted by Poetry Lover
Vote! | Copy!
Mere Khoobsoorat Ahsas
Mere khoobsoorat ahsas.
Duor ho kitne,
Phir bhi,
lagte ho kitne paas.
Shayad,
Mujhme hi rahte ho
Yahi,
Mere khoobsoorat ahsas.
Subah ki halki dhoop ho
Ya raat ki tanhaii
Se halki aah.
Yo hi sulagti hai,
Halke halke,
Lagan ki ye aanch.
Barsoo dhoondha jisko
Gali gali
Din din
Raat raat
Tumhi ho,
Tumhi ko paaya hai
Dil ne
Itne kareeb,
Itne paas.
Kya ho?
Meri hi aatman ke
Bichede se saath.
Ya
Kalpana ki upaj
Jo na choode haath.
Jo bhi ho
Mere ho,
Mujh me hi baste ho,
Sang rahte ho
Har pal sath sath.
Tum alag kaha ho?
Shayad mujhse hi ho
Mere khoobsoorat ahsaas.
-anjali
poem by Anjali Kakati
Submitted by Poetry Lover
Vote! | Copy!
Main Jo Tha Mom Ka Putla
main jo tha
vo mom ka putla
har kisi ko pasand aata tha
ye mom ka putla
na kuch kehta tha
na kuch samajta tha
ye mom ka putla
phir ek din mujme jaan daal di gayi
insaano ki duniya mein meri naam daal diya gaya
kuch pasand karne lage
kuch hue jealous
kuch pyar karte
kuch takrar karte
main jo tha ek mom ka putla
kisi ne mujme jaan daal di
ab hone lagi dheere dheere nafrat mujhse
kisi ne mujhme khot nikal di
har cheez bikti thi us duniya mein
par mera koi mol na paya
main jo tha ek mom ka putla
kisi ne mujhme jaan daal di
sauda hua jo beedh ke bazaar mein
kahin bik na paya main
mera mol kaha tha
us aamir ki dukan pe
jo kudh hi lut chuka ho
vo kya chukata mol mera
padha raha aasman mein
mom ka putla ban kar
phir ek din meri jo jarurat na thi
bej diya mujhe khadan mein
aag jo meri meet thi
mil gayi khushi is jahan ko
main jo tha mom ka putla
kaam na aaya is jahan ke
main jo tha mom ka putla............................................ .......
poem by Imnt Alive
Submitted by Poetry Lover
Vote! | Copy!
Bindu. [A poem in Hindi]
Ik roop naino se man mein uttra
Mano dooor kshitij par ik madham sa bindu ubhara
Dhire dhire meri aur badha
Bindu bana ik chand
Roop ne karvat li
Hua chand se pyar
Tab hua milan
Ik madhur milan
Ik sukhad milan
Mano do aatmain samaa gai hoon jismain
Tab samay ki dhara baha ley gai
Milan ke is sukh ko
Usi kshitij ki aur
Chand phir ik bindu bana
Sukhad milan ki dard bhari yaad
jaise dooor kshitij par ik madham sa bindu
Chand ik bindu
Bindu ik roop
Bindu ik yaad
Bindu ik dard
Bindu ik aas
Jeevan ki aas
Asha hi jeevan
Bindu kitna chota sa par kitna mahaan.
[1972]