Sa Banyagang Lupa
Sa banyagang lupa
ako'y nananahan
dito pinagpala
dito nagkalaman
ang tiyan.
Subalit,
sa bayang pinagmulan
naruruon
ang aking isipan
huwag ka na sanang
magkomento
ng kung ano pa man
sapagkat sa puso ko
ito ay labis na dusa.
Huwag mo rin akong
anyayahang magbalik ngayon
sapagkat ang hapdi
ng kalam ng sikmura
at ang pait
ng panlalait ng kababayan
na may yaman
at kakayahang hilaw
ay di ko na nais
matikman.
poem by Marites C. Cayetano
Submitted by Poetry Lover
Vote! | Copy!
Related quotes
Panaghoy
Aanhin ko
ang lahat ng yaman sa mundo
kung dito ay wala
ni isa mang kasalo.
Aanhin ko
ang pinakamataas na karangalan
kung dito ay walang
mapag-aalayan.
Aanhin ko
ang makapiling ka
kung ang isinisigaw ng iyong puso
ay hindi ako.
Aanhin ko
ang aking magandang tinig
kung wala ditong
makikinig.
Aanhin ko
ang aking mga tula
kung wala ditong
tutula.
Aanhin ko
ang mabuhay
kung aking saysay
ay maitutulad sa hanging
walang nakakakita.
Oh, poon ng mga poon
bakit pa ako'y nilalang
kung ika'y walang gagawin
kundi ako'y pagtaghuyin.
poem by Marites C. Cayetano
Submitted by Poetry Lover
Vote! | Copy!
Munti
huwag mong hamakin
aking kamuntihan
sapagkat kahit papaano
ako sa iyo'y
maaring magdulot
ng dusa.
poem by Marites C. Cayetano
Submitted by Poetry Lover
Vote! | Copy!
Mama, Para!
Mama para,
sa tabi po!
Nais ko pa sanang
makarating sa terminal
subalit isip ko
ay nagbago.
Mama para,
sa tabi po!
Ayoko nang makarating pa
sa terminal
sapagkat ayaw ko nang makitang
may kasama siyang iba.
Mama para,
sa Baclaran po!
Doon sa tabi
ng simbahan
sapagkat
nais ko na lang ay magsimba
at magdasal
na siya'y aking
mapatawad.
Mama para,
sa tabi po!
poem by Marites C. Cayetano
Submitted by Poetry Lover
Vote! | Copy!
Nandito Ako
(aaron paul del rosario)
Mayroon akong nais malaman
Maaari bang magtanong
Alam mo bang matagal na kitang iniibig
Matagal na kong naghihintay
Ngunit mayroon kang ibang minamahal
Kung kayat akoy di mo pinapansin
Ngunit ganun pa man nais kong malaman mo
Ang puso kong itoy para lang sa iyo
Refrain:
Nandito ako umiibig sa iyo
Kahit na nagdurugo ang puso
Kung sakaling iwanan ka niya
Huwag kang mag-alala
May nagmamahal sa iyo
Nandito ako
Kung ako ay iyong iibigin
Di kailangan ang mangamba
Pagkat ako ay para mong alipin
Sa iyo lang wala nang iba
Ngunit mayroon kang ibang minamahal
Kung kayat akoy di mo pinapansin
Ngunit ganun pa man nais kong malaman mo
Ang puso kong itoy para lang sa iyo
Nandito ako umiibig sa iyo
Kahit na nagdurugo ang puso
Kung sakaling iwanan ka niya
Huwag kang mag-alala
May nagmamahal sa iyo
Nandito ako
Nandito ako umiibig sa iyo
Kahit na nagdurugo ang puso
Kung sakaling iwanan ka niya
Huwag kang mag-alala
May nagmamahal sa iyo
Nandito ako
Nandito ako...
song performed by by Lea Salonga
Submitted by Lucian Velea
Vote! | Copy!
Reflection (Mulan)
Mayroong akong nais malaman
Maaari bang magtaong?
Alam mo bang matagal na kitang iniibig?
Matagal na 'kong nahihintay
***Ngunit mayroong ka nang ibang minamahal
Kung kaya't akoy 'di mo pinapansin
Kung sakaling iwanan ka niya
Huwag kang magalala
May nagmamahal sa iyo
Nandito ako
Nandito ako umiibig sa iyo
Kahit na nagdurugo and puso
Kung sakaling iwanan ka niya
Huwag kang magalala
May nagmamahal sa iyo
Nandito ako***
Kung ako ang iyong iibigin
'Di kailangan nang mangamba
Pagkat ako ay parang mong alipin
Sa iyo lang wala nang iba
(repeat ***)
Nandito ako...
song performed by by Lea Salonga
Submitted by Lucian Velea
Vote! | Copy!
Balatkayong Pag-ibig
Balatkayong pag-ibig
sa akin
ay huwag mong ialay
sapagkat ang nais kong pag-ibig
ay yaong tunay lamang.
Kahit na iyong ginto
ay hindi tunay
kahit na iyong rosas
ay hindi tunay
ay ligaya kong tatanggapin
basta't iyong pag-ibig
ay tunay lamang.
Balatkayong pag-ibig
sa akin
ay huwag mong ialay
sapagkat ang nais kong pag-ibig
ay yaong tunay lamang.
poem by Marites C. Cayetano
Submitted by Poetry Lover
Vote! | Copy!
Pusong Tuliro
Bakit ba kung minsan
Mapaglaro ang tadhana
Bakit pa pinagtagpo mga pusong di na malaya
At ang pag-ibig ay umusbong nang kusa
May mga panahong hindi ko na kaya
Puso't isipan ko'y suko na talaga
Isipin ko lang na kapiling ka ng iba
Dibdib ay nagsisikip at di makahinga
Hindi ako sigurado sa iyong nararamdaman
Maaaring ako'y iyong pinaglalaruan lamang
Subali't heto ako at laging naghihintay
Sa tinig mo pa lamang lumbay ay napaparam
Kahit malayo ka
At cellphone lang ang tanging nag-uugnay
Asahan mong ikaw lagi ang nasa aking isipan'
Hindi ko na inaasahan
Ang makapiling ka kailanman
'Pagkat alam kong kahit ang langit ay sadyang hahadlang
Kung kasalanan mang ika'y aking minahal
Tatanggapin ko ang hatol ng Poong Maykapal
Sapagkat hindi ko kayang ika'y aking kalimutan
poem by Rose de Ramar
Submitted by Poetry Lover
Vote! | Copy!
Sa Aking Sentimiento
Sa bintana ay nakadungaw
Isipa'y sa malayo nakatanaw
Simoy ng hangi'y ninanamnam
Mga mata ay malamlam
Sa labi ay inaasam
Na dating pagsinta mo ay muling makamtam
Sa awit ng mga ibon aking naaalala
Boses mong malamig at kahangahanga
Na noon ay naging aking himig na maaya
Sa pagsulat ng mga tula at nobela
Mga haplos mo ay naging oyayi sa paghimbing
Maiinit na lambing at bati sa aking paggising
Katawan mong mala-Adonis
Sa pangarap sana'y masilip
Higpit ng mga yakap mo't halik
Giliw labis akong nasasabik
Muli't-muli ang aking nais
Makapiling, maangkin ka't makaniig
Kung di dumating marahas na bagyo
Sa iyo sana'y di lubusang napalayo
Katulad ko ngayon ay bulaklak na kay bango
Ikaw ang paru-paro na nauuhaw sa pagdapo
Ibinubulong na lang sa hangin ang kahilingan ko
Umaasang dadalhin sa kinaroroonan mo
Hanggang sa sumapit ang takip silim
Laman kang lagi ng mga salamisim
Kung araw man ay tuluyang lamunin ng dilim
Ala-ala mong nasa puso ko't isipan ay nakasukbit pa rin
Sa pagtulog ng taimtim ang samo ko't dalangin
Makasama kang muli, ang bukang liwayway ating haharapin.
poem by Catherine Agunat
Submitted by Poetry Lover
Vote! | Copy!
Nectar, Tears and Blood
Araw na nagdaan natin nilingon ko
Aking inaninaw, dahilan ba'y ano
Landas ng puso ko't landas ng puso mo
Ay nagkahiwalay, may sala ba'y sino
Tayo'y nagsumpaan na magmamahalan
Sa simula hanggang magpakailanman
Ang mga araw na sa ati'y nagdaan
Ay alaala na kay tamis balikan
Sa mga gabi na tayo'y namamasyal
Mga halakhak mo'y kay sarap pakinggan
Matamis na halik, sa iyo natikman
Di ko hahanapin kahit kanino man
Ang mga pangarap natin ay binuo
Parang ng panahon, di kayang iguho
Ang namagitan sa atin na pag-ibig
Nectar ang katulad, walang gasing tamis
Ngunit bakit ganoon, hindi natagalan
Puso mo'y nalihis, ng landas naligaw
Ang iyong puso ay naging salawahan
Ang aking pag-ibig, iyong sinuklian
Ng di pag-ibig din kundi kataksilan
Tula ng pag-ibig natin ay natala
Sa papel ng dusa, tinta'y aking luha
Ang taksil mong puso ay nais bumalik
Sa puso kong wasak, sa sakit na'y manhid
Di ko matatanggap ang iyong pag-ibig
Pag ako'y lumingon, aking nadadama
Ang pait ng iniwan mong alaala
Nakaraan nati'y may bahid ng dugo
Ng aking naluray, nadurog na puso
poem by Pacific Hernandez
Submitted by Poetry Lover
Vote! | Copy!
Yaman Ko (english- 'my treasure...your love, my love')
Ang yaman ko
ay hindi kumikinang
hindi nabibilang
at hindi nahahawakan
sapagkat ito
ay nasa aking puso
at ito
ay ang pag-ibig mo
at pag-ibig ko.
-english- 'my treasure...your love, my love'
My wealth
is not glittering
cannot be counted
and cannot be touched
because it is in my heart
and it is your love
and my love.
poem by Marites C. Cayetano
Submitted by Poetry Lover
Vote! | Copy!
Sana Maulit Muli
Sana maulit muli
Ang mga oras nating nakaraan
Bakit nagkaganito
Naglaho na ba ang pag-ibig mo
Sana maulit muli
Sana bigyan ng pansin ang himig ko
Kahapon, bukas, ngayon
Tanging wala nang ibang mahal
Chorus:
Kung kaya kong iwanan ka
Di na sana aasa pa...
Kung kaya kong umiwas na
Di na sana lalapit pa...
Kung kaya ko sana
Ibalik ang kahapon
Sandaling di mapapantayan
Huwag sana nating itapon
Pagmamahal na tapat
Kung ako'y nagkamali minsan
Di na ba mapagbibigyan
O giliw, dinggin mo ang nais ko...
(Chorus)
Ito ang tanging nais ko
Ang ating kahapon sana maulit muli
(Chorus 2x)
Mahal pa rin kita...
O giliw... O giliw...
poem by Sirius White
Submitted by Poetry Lover
Vote! | Copy!
Hinahanap Ng Puso
Pasensya na aking mahal
Di naman ako magtatagal
Nais ko lang marinig mo ang bawat nilalaman
Ng puso kong ito inaalay ko sayo
Dinggin mo sana mga sinasabi ng awitin ko
Pilitin mang ibalin at sa iba'y isalin
Ay di malimot ang halimuyak na hatid ng hangin
Ng una kang makita hindi makapaniwala
Parang panaginip at langit aking nadarama
Nais kong malaman mong ikaw ang aking iniibig
Sana ay dinggin mo ang tibok nitong dibdib
Nais kong malaman mong ikaw ang nasa panaginip
At magkalapit agwat ng ating daigdig
Hinahanap ng puso ang pag-ibig mo (makinig ka sana sakin)
Hindi ito malilimutan ng pagmamahal at ligaya na dala mo (laman ng aking damdamin)
Kung saka sakli na kaya mo pang ibalik (sige na wag kang magalinlangan)
Ang dating pagtingin sa puso kong nananabik pa sa iyo
Ngunit ngayon alam ko na
Sadyang magkaiba
Ano nga naman ang hindi mo pwedeng makita sa kanya
Merong magarang kotse
Wallet na doble doble
Di tulad ko na di man lang makapanood ng sine
Sana'y malaman mo na mawala man ako
Ay may pag-ibig na laging gumagabay sayo
Di ka pababayan, laging aalagaan
Hanggang sa dulo ay tunay ang aking naramdaman
Nais kong malaman mong ikaw ang aking iniibig
Sana ay dinggin mo ang tibok nitong dibdib
Nais kong malaman mong ikaw ang nasa panaginip
At magkalapit agwat ng ating daigdig
Hinahanap ng puso ang pag-ibig mo (makinig ka sana sakin)
Hindi ito malilimutan ng pagmamahal at ligaya na dala mo (laman ng aking damdamin)
Kung saka sakli na kaya mo pang ibalik (sige na wag kang magalinlangan)
Ang dating pagtingin sa puso kong nananabik pa sa iyo
Hinahanap ng puso ang pag-ibig mo (makinig ka sana sakin)
Hindi ito malilimutan ng pagmamahal at ligaya na dala mo (laman ng aking damdamin)
Kung saka sakli na kaya mo pang ibalik (sige na wag kang magalinlangan)
Ang dating pagtingin sa puso kong nananabik pa sa iyo
Hinahanap ng puso ang pag-ibig mo (makinig ka sana sakin)
Hindi ito malilimutan ng pagmamahal at ligaya na dala mo (laman ng aking damdamin)
Kung saka sakli na kaya mo pang ibalik (sige na wag kang magalinlangan)
Ang dating pagtingin sa puso kong nananabik pa sa iyo
poem by Sirius White
Submitted by Poetry Lover
Vote! | Copy!
Sa Ugoy Ng Duyan
(l. san pedro/l. celerio)
Sanay di nagmaliw ang dati kong araw
Nang munti pang bata sa piling ni nanay
Nais kong maulit ang awit ni inang mahal
Awit ng pag-ibig habang akoy nasa duyan
Sanay di nagmaliw ang dati kong araw
Nang munti pang bata sa piling ni nanay
Nais kong maulit ang awit ni inang mahal
Awit ng pag-ibig habang akoy nasa duyan
Refrain:
Sa aking pagtulog na labis ang himbing
Ang bantay koy tala, ang tanod koy bituin
Sa piling ni nanay, langit ay buhay
Puso kong may dusa sabik sa ugoy ng duyan
Sanay di nagmaliw ang dati kong araw
Nang munti pang bata sa piling ni nanay
Nais kong maulit ang awit ni inang mahal
Awit ng pag-ibig habang akoy nasa duyan
Sa aking pagtulog na labis ang himbing
Ang bantay koy tala, ang tanod koy bituin
Sa piling ni nanay, langit ay buhay
Puso kong may dusa sabik sa ugoy ng duyan
Nais kong matulog sa dating duyan ko, inay
Oh! inay
song performed by by Lea Salonga
Submitted by Lucian Velea
Vote! | Copy!
Linda Blair by Tanya Markova
Umaga sa bahay, ako'y inaantok pa
Napuyat ng magbabad sa horror na palabas
Si nanay, si tatay sumisigaw sa baba
Gumising ka na daw nasa lamesa ang almusal
Sa classroom si teacher ako'y inaasar pa
Nagtatanong kung ako'y naligo daw kanina
Bigla kong nanlamig, buhok ko ay tumirik
Puno ng galit at pait nang ako'y mamilipit
Refrain:
Namula ang mata, at humagis pa ang silya
Ako'y biglang nasuka, humarap kay teacher
At sinabi na 'Langhiya'
Teacher, teacher ako si Linda Blair
I'm the monster everywhere I can feel it in the air
I can feel it in the air
Teacher, teacher
I'm just trying to be fair
Huwag ka nang mag-worry
Huwag ka nang mag-worry
Huwag ka kang mag-worry
Gumapang, sumampa, sa table nyang marumi
Habang nag-kokombulsyon at biglang nakangisi
Ako ay dumura ng plema sa mukha nya
Si teacher ay nasindak pumapatak ang luha
Ang klase'y nabigla lahat napatunganga
Sinaniban daw ako'y kelangan kong dasal
Ang iba'y lumabas nag-sumbong kay Prinsipal
Nagkagulo na tuloy sa buong paaralan
Namula ang mata, at humagis pa ang silya
Ako'y biglang nasuka, humarap kay teacher
At sinabi na 'Langhiya'
Teacher, teacher ako si Linda Blair
And the ghosts are everywhere
I can feel it in the air
Teacher, teacher
I'm just trying to be fair
Huwag ka nang mag-worry
Huwag ka nang mag-worry
Huwag ka kang mag-worry
Namula ang mata, at humagis pa nang silya
Ako'y biglang nasuka, humarap kay teacher
At sinabi na 'Langhiya'
Teacher, teacher ako si Linda Blair
And the ghosts are everywhere
I can feel it in the air
Teacher, teacher
I'm just trying to be fair
Huwag ka nang mag-worry
Huwag ka nang mag-worry
Mommy, Mommy
Teacher's over there
She'll be buried next week in the cemetery
In the cemetery... (2x)
poem by Shi Yelami
Submitted by Poetry Lover
Vote! | Copy!
Sa Isip ng isang Sintu-sinto
Ako no'n ay nakatayo, sa isang tabi ng bangketa
Ang aking sasakyan na dyip, ay aking hinihintay pa
Nang isang batang gusgusin, sa tindahan ay lumapit
May binili, ang bayad ay dyario lamang na ginupit
Ako'y konting naintriga, nagtanong, di nakatiis
Lola, sino po ba iyon, yung batang nanglilimahid
Na ng kendi ay bumili, dyario't papel ang pambayad
Ako lang po'y nagtataka dahil ninyo ay tinanggap
Iyon, anak, ay si Intong, isang batang kulang-kulang
Sa tamang isip ay kapos, dahil kinulang sa buwan
Ngunit kahit na siya'y ganoon, nami'y kinagigiliwan
Pakibigay, pakidala, siya'y aming nauutusan
Sandaling ako'y natigilan, sa sarili'y naglilirip
Kahit sino, kahit ano, sa ibabaw ng daigdig
Maliit man o malaki, meron siyang kabuluhan
Na ng ating Panginoon, itinakda't ibinigay
May binatilyong dumating, perang papel ay pinunit
At saka itinapon d'on sa may kanal na malapit
Batang paslit ay gumanti, ng bote siya ay binato
Kahit hindi tinamaan, reresbak ang binatilyo
Huwag! Huwag Iho! Huwag mo sanang iyan ay gawin
Pagkat ang may kasalana'y walang iba't ikaw na rin
Ang pera niya, kahit dyario't ginupit lamang na papel
Sa isang katulad niya ay kayamanan kung ituring
poem by Pacific Hernandez
Submitted by Poetry Lover
Vote! | Copy!
Ngayon Pa Lang Tagumpay Ka Na
(ryan cayabyab)
Cris:
Lagi kitang sinusubaybayan
Nananaginip na balang araw ay maging katulad mo
Magbigay ng dangal sa bayan ko at sigla sa buong mundo
Ipagkakapuri ng magulang ko
Lea:
Oh, minsan ako'y nangarap tulad mo
Kaypalad ko't maagang nabatid ang totoo
Dapat lang magtiwala ng lubos sa sarili't husay mo
Ibigay lahat ng makakaya mo
At pagmasdan, makakamit lahat ng inaasam
Unti-unti maaabot ang mga pangarap mo
Kung nais pa'y lumipad sa rurok ng iyong isipan
Ibigay lang ang lahat ng makakaya mo
Kahit hindi mo pa panahon
Ngayon pa lang tagumpay ka na
Cris:
Dapat lang magtiwala ng lubos
Lea:
Sa sarili't husay mo
Both:
Ibigay lahat ng makakaya mo
Cris:
At pagmasdan makakamit lahat ng inaasam
Unti-unti maaabot ang mga pangarap mo
Kung nais pa'y lumipad sa rurok ng iyong isipan
Ibigay lang ang lahat ng makakaya mo
Kahit hindi mo pa panahon
Ngayon pa lang...
Lea:
Kahit hindi mo pa panahon
Ngayon pa lang
Both:
Kahit hindi mo pa panahon
Ngayon pa lang tagumpay ka na
Tagumpay ka!
song performed by by Lea Salonga
Submitted by Lucian Velea
Vote! | Copy!
Nasaan ang Puso ko
Isang umaga no'n, ako ay nagising
Na ang aking puso ay wala sa akin
Kahit anong hanap ay di ko makita
Siya ba ay naligaw, kung saan napunta
Ang ilang babae ay aking tinanong
Kung ang puso ko ba'y sa kanya naroon
Hindi maliwanag ang kanilang tugon
Baka daw ang puso ko'y naglilimayon
Sa kahahanap ay ako'y napagod na
Talagang hindi ko makita sa iba
Siya ba'y na kay Barang o na kay Kulasa
Wala pala doon, nasa kay Violeta
poem by Pacific Hernandez
Submitted by Poetry Lover
Vote! | Copy!
Na Kasama Ka (With You)
Maaari bang magpakatatag ka
pagsubok ay iyong lagpasan
sapagkat nais kong matanaw
ang bughaw na kalangitan
at nais ko ring makipaglaro
sa mga alon sa dagat
samyuhin ang mga bulaklak
...na kasama ka.
poem by Marites C. Cayetano
Submitted by Poetry Lover
Vote! | Copy!
Sirkulo Ng Buhay
Sirkulo ng buhay
mula sa lupa
muli'y...
sa lupa.
Ikaw man ngayon
ay nakatira sa malaking bahay
ikaw man ngayon
ay napapalamutian ng mga hiyas sa katawan
ikaw man ngayon
ay nasa pinakamataas na pedestal
ikaw man ngayon
ang kinikilalang pinakamaganda
pinakamatalino
pinakadalubhas a...
Sa sirkulo ng buhay
ikaw ay mananatiling kauri
ng mula sa lupa
muli'y...
sa lupa.
poem by Marites C. Cayetano
Submitted by Poetry Lover
Vote! | Copy!
Hibang Na Pag-ibig
O pag-ibig kailan ka titigil
Mata mo'y buksan at ng iyong mapansin
Mapagsamantalang puso iba ang hangarin
Kahinaan mo ay di dapat gamitin
Isip ay buksan at ng iyong malaman
Ang mali kahit kailanman ay di naging mainam
Pang-unawang kaytagal nang nalalambungan
Maling akala'y dapat ng maparam
Tuna'y ngang pag-ibig ay sadyang wagas
Nguni't paano kung ito'y magamit ng isang ahas
Mapanukso niyang galaw at ng angking tikas
Sa kamandag ng kanyang dila ika'y di makaiwas
Sa isang sulok ng mundo kong tahimik
Ni sa isang saglit di ko naisip
Puso kong sugatan ay iyong masagi
At ang kirot nito ay biglang napawi
Mga sandali ay pinuno mo ng sigla
Kahit sa simula ay may pagdududa
Mata ay ipinikit sa ligayang iyong dala
Kahit puso'y nagtatanong, 'tunay bang talaga'
Ngunit kahit anong tago'y pilit sumisilip
Ang katotohanang ako ay sakdal nagamit
Kahinaan ko ay naging kalasag man din
Ng isang pusong sa palaso'y kumapit
Hanggang kailan iyong itatanggi
Kung patuloy na gagamitin ang pusong api
Tumayo ka at ipagtanggol ang iyong sarili
Kung ang paghatol ko ay pawang mali
Nasaan ang pag-ibig na sa tuwina'y sinasabi
Hanggang sa buka lang ito ng iyong mga labi
Patunay kailanman ay di kayang magawi
Sapagkat puso'y hungkag at iba ang nais
Puso ko'y naninimdim at gusto ng tumigil
Sa pagtibok nito sana'y di ka na hanapin
Sa alaala ko'y pilit kong buburahin
Pagsuyo sa aking lubhang huwad man din
Ilang ulit ko na bang ito'y sinabi
Paulit-ulit lang at di maiwaksi
Pag-ibig ko'y hihintayin na lang matigil
Hanggang puso'y maging manhid
at buhay ay mapawi
poem by Rose de Ramar
Submitted by Poetry Lover
Vote! | Copy!