There is naething ill said that's no ill tane.
Related quotes
Soulless Knight
Soulless Knight
By: Adam M. Snow
In my darkest hour spoke a lore, not I, not I.
Fornicate the world betrothed, but I, but I.
Extravagant thee of I be cheerful,
Naething be I but fearful.
Naething be I to wonder,
As hour froze, I ponder,
'Will it be a night enchantment? '
No, a night extravagant,
To be with thee a soulless knight,
As death would follow in spite,
As love would conquer all,
As it would be the fall.
The stars at night twinkle upon me,
A misty pass vision of thee,
Cloaked in putrid and raw indeed,
Carrying out the worldly greed.
poem by Adam M. Snow
Submitted by Poetry Lover
Vote! | Copy!
There was never enough where naething was left.
Naething to do but draw in your stool & sit down.
There's naething sae gude on this side o' time but it might hae been better.
Ye have tane't upon you as the wife did the dancing.
Neck or naething, the king loes nae cripples.
Lament for the Makers
I THAT in heill was and gladness
Am trublit now with great sickness
And feblit with infirmitie:--
Timor Mortis conturbat me.
Our plesance here is all vain glory,
This fals world is but transitory,
The flesh is bruckle, the Feynd is slee:--
Timor Mortis conturbat me.
The state of man does change and vary,
Now sound, now sick, now blyth, now sary,
Now dansand mirry, now like to die:--
Timor Mortis conturbat me.
No state in Erd here standis sicker;
As with the wynd wavis the wicker
So wannis this world's vanitie:--
Timor Mortis conturbat me.
Unto the Death gois all Estatis,
Princis, Prelatis, and Potestatis,
Baith rich and poor of all degree:--
Timor Mortis conturbat me.
He takis the knichtis in to the field
Enarmit under helm and scheild;
Victor he is at all mellie:--
Timor Mortis conturbat me.
That strong unmerciful tyrand
Takis, on the motheris breast sowkand,
The babe full of benignitie:--
Timor Mortis conturbat me.
He takis the campion in the stour,
The captain closit in the tour,
The lady in bour full of bewtie:--
Timor Mortis conturbat me.
He spairis no lord for his piscence,
Na clerk for his intelligence;
His awful straik may no man flee:--
Timor Mortis conturbat me.
Art-magicianis and astrologgis,
Rethoris, logicianis, and theologgis,
Them helpis no conclusionis slee:--
Timor Mortis conturbat me.
In medecine the most practicianis,
Leechis, surrigianis, and physicianis,
Themself from Death may not supplee:--
Timor Mortis conturbat me.
I see that makaris amang the lave
Playis here their padyanis, syne gois to grave;
Sparit is nocht their facultie:--
Timor Mortis conturbat me.
He has done petuously devour
The noble Chaucer, of makaris flour,
The Monk of Bury, and Gower, all three:--
Timor Mortis conturbat me.
The good Sir Hew of Eglintoun,
Ettrick, Heriot, and Wintoun,
He has tane out of this cuntrie:--
Timor Mortis conturbat me.
That scorpion fell has done infeck
Maister John Clerk, and James Afflek,
Fra ballat-making and tragedie:--
Timor Mortis conturbat me.
Holland and Barbour he has berevit;
Alas! that he not with us levit
Sir Mungo Lockart of the Lee:--
Timor Mortis conturbat me.
Clerk of Tranent eke he has tane,
That made the anteris of Gawaine;
Sir Gilbert Hay endit has he:--
Timor Mortis conturbat me.
He has Blind Harry and Sandy Traill
Slain with his schour of mortal hail,
Quhilk Patrick Johnstoun might nought flee:--
Timor Mortis conturbat me.
He has reft Merseir his endite,
That did in luve so lively write,
So short, so quick, of sentence hie:--
Timor Mortis conturbat me.
He has tane Rowll of Aberdene,
And gentill Rowll of Corstorphine;
Two better fallowis did no man see:--
Timor Mortis conturbat me.
In Dunfermline he has tane Broun
With Maister Robert Henrysoun;
Sir John the Ross enbrast has he:--
Timor Mortis conturbat me.
And he has now tane, last of a,
Good gentil Stobo and Quintin Shaw,
Of quhom all wichtis hes pitie:--
Timor Mortis conturbat me.
Good Maister Walter Kennedy
In point of Death lies verily;
Great ruth it were that so suld be:--
Timor Mortis conturbat me.
Sen he has all my brether tane,
He will naught let me live alane;
Of force I man his next prey be:--
Timor Mortis conturbat me.
Since for the Death remeid is none,
Best is that we for Death dispone,
After our death that live may we:--
Timor Mortis conturbat me.
poem by William Dunbar
Submitted by Poetry Lover
Vote! | Copy!
Jock O The Side
Now Liddisdale has ridden a raid,
But I wat they had better staid at hame;
For Mitchell o Winfield he is dead,
And my son Johnie is prisner tane?
With my fa ding diddle, la la dew diddle.
For Mangerton house auld Downie is gane,
Her coats she has kilted up to her knee;
And down the water wi speed she rins,
While tears in spaits fa fast frae her eie.
Then up and bespake the lord Mangerton:
'What news, what news, sister Downie, to me?'
'Bad news, bad news, my lord Mangerton;
Mitchel is killd, and tane they hae my son Johnie.'
'Neer fear, sister Downie,' quo Mangerton;
'I hae yokes of oxen, four-and-twentie,
My barns, my byres, and my faulds, a' weel filld,
And I'll part wi them a' ere Johnie shall die.
'Three men I'll take to set him free,
Weel harnessd a' wi best of steel;
The English rogues may hear, and drie
The weight o their braid swords to feel
'The Laird's Jock ane, the Laird's Wat twa,
O Hobie Noble, thou ane maun be!
Thy coat is blue, thou has been true,
Since England banishd thee, to me.'
Now, Hobie was an English man,
In Bewcastle-dale was bred and born;
But his misdeeds they were sae great,
They banished him neer to return.
Lord Mangerton then orders gave,--
'Your horses the wrang way maun a' be shod;
Like gentlemen ye must not seem,
But look like corn-caugers gawn ae road.
'Your armour gude ye maunna shaw,
Nor ance appear like men o weir;
As country lads be all arrayd,
Wi branks and brecham on ilk mare.'
Sae now a' their horses are shod the wrang way,
And Hobie has mounted his grey sae fine,
Jock his lively bay, Wat's on his white horse behind,
And on they rode for the water o Tyne.
At the Cholerford they a' light down,
And there, wi the help o the light o the moon,
A tree they cut, wi fifteen naggs upon each side,
To climb up the wall of Newcastle toun.
But when they came to Newcastle toun,
And were alighted at the wa,
They fand their tree three ells oer laigh,
They fand their stick baith short aid sma.
Then up and spake the Laird's ain Jock,
'There's naething for't; the gates we maun force.'
But when they cam the gate unto,
A proud porter withstood baith men and horse.
His neck in twa I wat they hae wrung;
Wi foot or hand he neer play'd paw;
His life and his keys at anes they hae taen,
And cast his body ahind the wa.
Now soon they reached Newcastle jail,
And to the prisner thus they call:
'Sleips thou, wakes thou, Jock o the Side,
Or is thou wearied o thy thrall?'
Jock answers thus, wi dolefu tone:
'Aft, aft I wake, I seldom sleip;
But wha's this kens my name sae weel,
And thus to hear my waes does seek?'
Then up and spake the good Laird's Jock:
'Neer fear ye now, my billie,' quo he;
'For here's the Laird's Jock, the Laird's Wat,
And Hobie Noble, come to set thee free.'
'Oh, had thy tongue, and speak nae mair,
And o thy talk now let me be!
For if a' Liddesdale were here the night,
The morn's the day that I maun die.
'Full fifteen stane o Spanish iron,
They hae laid a' right sair on me;
Wi locks and keys I am fast bound
Into this dungeon mirk and drearie.'
'Fear ye no that,' quo the Laird's Jock;
'A faint heart neer wan a fair ladie;
Work thou within, we'll work without,
And I'll be sworn we set thee free.'
The first strong dore that they came at,
They loosed it without a key;
The next chaind dore that they cam at,
They gard it a' in flinders flee.
The prisner now, upo his back,
The Laird's Jock's gotten up fu hie;
And down the stair him, irons and a',
Wi nae sma speed and joy brings he.
'Now, Jock, I wat,' quo Hobie Noble,
'Part o the weight ye may lay on me,'
'I wat weel no,' quo the Laird's Jock
'I count him lighter than a flee.'
Sae out at the gates they a' are gane,
The prisner's set on horseback hie;
And now wi speed they've tane the gate;
While ilk ane jokes fu wantonlie.
'O Jock, sae winsomely's ye ride,
Wi baith your feet upo ae side!
Sae weel's ye're harnessd, and sae trig!
In troth ye sit like ony bride.'
The night, tho wat, they didna mind,
But hied them on fu mirrilie,
Until they cam to Cholerford brae,
Where the water ran like mountains hie.
But when they came to Cholerford,
There they met with an auld man;
Says, 'Honest man, will the water ride?
Tell us in haste, if that ye can.'
'I wat weel no,' quo the good auld man;
'Here I hae livd this threty yeirs and three,
And I neer yet saw the Tyne sae big,
Nor rinning ance sae like a sea.'
Then up and spake the Laird's saft Wat,
The greatest coward in the company;
'Now halt, now halt, we needna try't;
The day is comd we a' maun die!'
'Poor faint-hearted thief!' quo the Laird's Jock,
'There'll nae man die but he that's fie;
I'll lead ye a' right safely through;
Lift ye the prisner on ahint me.
Sae now the water they a' hae tane,
By anes and 'twas they a' swam through
'Here are we a' safe,' says the Laird's Jock,
'And, poor faint Wat, what think ye now?'
They scarce the ither side had won,
When twenty men they saw pursue;
Frae Newcastle town they had been sent,
A' English lads right good and true.
But when the land-sergeant the water saw,
'It winna ride, my lads,' quo he;
Then out he cries, 'Ye the prisner may take,
But leave the irons, I pray, to me.'
'I wat weel no,' cryd the Laird's Jock,
'I'll keep them a'; shoon to my mare they'll be;
My good grey mare; for I am sure,
She's bought them a' fu dear frae thee.'
Sae now they're away for Liddisdale,
Een as fast as they coud them hie;
The prisner's brought to his ain fireside,
And there o's airns they make him free.
'Now, Jock, my billie,' quo a' the three,
'The day was comd thou was to die;
But thou's as weel at thy ain fireside,
Now sitting, I think, 'tween thee and me.'
They hae gard fill up ae punch-bowl,
And after it they maun hae anither,
And thus the night they a' hae spent,
Just as they had been brither and brither.
poem by Andrew Lang
Submitted by Poetry Lover
Vote! | Copy!
The Laily Worm and the Mackerel of the Sea
"I was bat seven year alld
Fan my mider she did dee,
My father marr{.e}d the ae warst woman
The wardle did ever see.
"For she has made me the lailly worm
That lays att the fitt of the tree,
An o my sister Meassry
The machrel of the sea.
"An every Saterday att noon
The machrl comes to me,
An she takes my layl{.e} head,
An lays it on her knee,
An keames it we a silver kemm,
An washes it in the sea.
"Seven knights ha I slain
Sane I lay att the fitt of the tree;
An ye war na my ain father,
The eight an ye sud be."
"Sing on your song, ye laily worm,
That ye sung to me;"
"I never sung that song
But fatt I wad sing to ye.
"I was but seven year aull
Fan my mider she did dee,
My father marr{.e}d the a warst woman
The wardle did ever see.
"She changed me to the layely worm
That layes att the fitt of the tree,
An my sister Messry
To the makrell of the sea.
"And every Saterday att noon
The machrell comes to me,
An she takes my layly head,
An layes it on her knee,
An kames it weth a siller kame,
An washes it in the sea.
"Seven knights ha I slain
San I lay att the fitt of the tree;
An ye war na my ain father,
The eight ye sud be."
He sent for his lady
As fast as sen cod he:
"Far is my son,
That ye sent fra me,
And my daughter,
Lady Messry?"
"Yer son is att our king's court,
Sarving for meatt an fee,
And yer daughter is att our quin's court,
A mary suit an free."
"Ye lee, ye ill woman,
Sa loud as I hear ye lea,
For my son is the layelly worm
That lays at the fitt of the tree,
An my daughter Messry
The machrell of the sea."
She has tain a silver wan
An gine him stroks three,
And he started up the bravest knight
Your eyes did ever see.
She has tane a small horn
An loud an shill blue she,
An a' the fish came her tell but the proud machrell,
An she stood by the sea:
"Ye shaped me ance an unshemly shape,
And ye's never mare shape me."
He has sent to the wood
For hathorn an fun,
An he has tane that gay lady,
An ther he did her burne.
poem by Anonymous Americas
Submitted by Poetry Lover
Vote! | Copy!
The Ronalds Of The Bennals
In Tarbolton, ye ken, there are proper young men,
And proper young lasses and a', man;
But ken ye the Ronalds that live in the Bennals,
They carry the gree frae them a', man.
Their father's laird, and weel he can spare't,
Braid money to tocher them a', man;
To proper young men, he'll clink in the hand
Gowd guineas a hunder or twa, man.
There's ane they ca' Jean, I'll warrant ye've seen
As bonie a lass or as braw, man;
But for sense and guid taste she'll vie wi' the best,
And a conduct that beautifies a', man.
The charms o' the min', the langer they shine,
The mair admiration they draw, man;
While peaches and cherries, and roses and lilies,
They fade and they wither awa, man,
If ye be for Miss Jean, tak this frae a frien',
A hint o' a rival or twa, man;
The Laird o' Blackbyre wad gang through the fire,
If that wad entice her awa, man.
The Laird o' Braehead has been on his speed,
For mair than a towmond or twa, man;
The Laird o' the Ford will straught on a board,
If he canna get her at a', man.
Then Anna comes in, the pride o' her kin,
The boast of our bachelors a', man:
Sae sonsy and sweet, sae fully complete,
She steals our affections awa, man.
If I should detail the pick and the wale
O' lasses that live here awa, man,
The fau't wad be mine if they didna shine
The sweetest and best o' them a', man.
I lo'e her mysel, but darena weel tell,
My poverty keeps me in awe, man;
For making o' rhymes, and working at times,
Does little or naething at a', man.
Yet I wadna choose to let her refuse,
Nor hae't in her power to say na, man:
For though I be poor, unnoticed, obscure,
My stomach's as proud as them a', man.
Though I canna ride in weel-booted pride,
And flee o'er the hills like a craw, man,
I can haud up my head wi' the best o' the breed,
Though fluttering ever so braw, man.
My coat and my vest, they are Scotch o' the best,
O'pairs o' guid breeks I hae twa, man;
And stockings and pumps to put on my stumps,
And ne'er a wrang steek in them a', man.
My sarks they are few, but five o' them new,
Twal' hundred, as white as the snaw, man,
A ten-shillings hat, a Holland cravat;
There are no mony poets sae braw, man
I never had frien's weel stockit in means,
To leave me a hundred or twa, man;
Nae weel-tocher'
d aunts, to wait on their drants,
And wish them in hell for it a', man.
I never was cannie for hoarding o' money,
Or claughtin't together at a', man;
I've little to spend, and naething to lend,
But deevil a shilling I awe, man.
poem by Robert Burns
Submitted by Poetry Lover
Vote! | Copy!
Ronalds Of The Bennals, The
In Tarbolton, ye ken, there are proper young men,
And proper young lasses and a', man;
But ken ye the Ronalds that live in the Bennals,
They carry the gree frae them a', man.
Their father's laird, and weel he can spare't,
Braid money to tocher them a', man;
To proper young men, he'll clink in the hand
Gowd guineas a hunder or twa, man.
There's ane they ca' Jean, I'll warrant ye've seen
As bonie a lass or as braw, man;
But for sense and guid taste she'll vie wi' the best,
And a conduct that beautifies a', man.
The charms o' the min', the langer they shine,
The mair admiration they draw, man;
While peaches and cherries, and roses and lilies,
They fade and they wither awa, man,
If ye be for Miss Jean, tak this frae a frien',
A hint o' a rival or twa, man;
The Laird o' Blackbyre wad gang through the fire,
If that wad entice her awa, man.
The Laird o' Braehead has been on his speed,
For mair than a towmond or twa, man;
The Laird o' the Ford will straught on a board,
If he canna get her at a', man.
Then Anna comes in, the pride o' her kin,
The boast of our bachelors a', man:
Sae sonsy and sweet, sae fully complete,
She steals our affections awa, man.
If I should detail the pick and the wale
O' lasses that live here awa, man,
The fau't wad be mine if they didna shine
The sweetest and best o' them a', man.
I lo'e her mysel, but darena weel tell,
My poverty keeps me in awe, man;
For making o' rhymes, and working at times,
Does little or naething at a', man.
Yet I wadna choose to let her refuse,
Nor hae't in her power to say na, man:
For though I be poor, unnoticed, obscure,
My stomach's as proud as them a', man.
Though I canna ride in weel-booted pride,
And flee o'er the hills like a craw, man,
I can haud up my head wi' the best o' the breed,
Though fluttering ever so braw, man.
My coat and my vest, they are Scotch o' the best,
O'pairs o' guid breeks I hae twa, man;
And stockings and pumps to put on my stumps,
And ne'er a wrang steek in them a', man.
My sarks they are few, but five o' them new,
Twal' hundred, as white as the snaw, man,
A ten-shillings hat, a Holland cravat;
There are no mony poets sae braw, man.
I never had frien's weel stockit in means,
To leave me a hundred or twa, man;
Nae weel-tocher'd aunts, to wait on their drants,
And wish them in hell for it a', man.
I never was cannie for hoarding o' money,
Or claughtin't together at a', man;
I've little to spend, and naething to lend,
But deevil a shilling I awe, man.
poem by Robert Burns
Submitted by Poetry Lover
Vote! | Copy!