Related quotes
For A' That
Tho' women's minds, like winter winds,
May shift, and turn, an' a' that,
The noblest breast adores them maist-
A consequence I draw that.
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.
Great love I bear to a' the fair,
Their humble slave, an' a' that;
But lordly will, I hold it still
A mortal sin to thraw that.
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.
But there is ane aboon the lave,
Has wit, and sense, an' a' that;
A bonie lass, I like her best,
And wha a crime dare ca' that?
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.
In rapture sweet this hour we meet,
Wi' mutual love an' a' that,
But for how lang the flie may stang,
Let inclination law that.
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.
Their tricks an' craft hae put me daft.
They've taen me in, an' a' that;
But clear your decks, and here's-"The Sex!"
I like the jads for a' that.
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.
poem by Robert Burns
Submitted by Veronica Serbanoiu
Vote! | Copy!
If he may spend meikle, put the more to the fire.
Pride and sweirnesse would have meikle upholding.
The Piper wants meikle, that wants the nether chafts.
Better a little fire that warms, nor a meikle that burns.