Ca' the Yowes to the Knowes (Second Version)
Chorus
Ca' the yowes to the knowes,
Ca' them where the heather grows
Ca' them where the burnie rows,
My bonie dearie.
Hark! the mavis' evening sang
Sounding Cluden's woods amang,
Then a-fauldin let us gang,
My bonie dearie.
We'll gae down by Cluden side,
Thro' the hazels spreading wide,
O'er the waves that sweetly glide
To the moon sae clearly.
Yonder Cluden's silent towers,
Where at moonshine midnight hours,
O'er the dewy-bending flowers,
Fairies dance sae cheery.
Ghaist nor bogle shalt thou fear;
Thou 'rt to love and Heaven sae dear,
Nocht of ill may come thee near,
My bonie dearie.
Fair and lovely as thou art,
Thou hast stown my very heart;
I can die--but canna part,
My bonie dearie.
poem by Robert Burns
Submitted by Veronica Serbanoiu
Vote! | Copy!
Related quotes
Hark! the Mavis
CA' the yowes to the knowes,
Ca' them where the heather grows,
Ca' them where the burnie rows,
My bonnie dearie.
Hark! the mavis' evening sang
Sounding Clouden's woods amang,
Then a-faulding let us gang,
My bonnie dearie.
We'll gae down by Clouden side,
Through the hazels spreading wide,
O'er the waves that sweetly glide
To the moon sae clearly.
Yonder Clouden's silent towers,
Where at moonshine midnight hours
O'er the dewy bending flowers
Fairies dance sae cheery.
Ghaist nor bogle shalt thou fear;
Thou'rt to Love and Heaven sae dear,
Nocht of ill may come thee near,
My bonnie dearie.
Fair and lovely as thou art,
Thou hast stown my very heart;
I can die--but canna part,
My bonnie dearie.
While waters wimple to the sea;
While day blinks in the lift sae hie;
Till clay-cauld death shall blin' my e'e,
Ye shall be my dearie.
Ca' the yowes to the knowes...
poem by Robert Burns
Submitted by Poetry Lover
Vote! | Copy!
Ca' the Yowes to the Knowes
Chorus:
Ca' the yowes to the knowes,
Ca' them where the heather grows,
Ca' them where the burnie rowes,
My bonie dearie
As I gaed down the water-side,
There I met my shepherd lad:
He row'd me sweetly in his plaid,
And he ca'd me his dearie.
Chorus
Will ye gang down the water-side,
And see the waves sae sweetly glide
Beneath the hazels spreading wide,
The moon it shines fu' clearly.
Chorus
Ye sall get gowns and ribbons meet,
Cauf-leather shoon upon your feet,
And in my arms ye'se lie and sleep,
An' ye sall be my dearie.
Chorus
If ye'll but stand to what ye've said,
I'se gang wi' thee, my shepherd lad,
And ye may row me in your plaid,
And I sall be your dearie.
Chorus
While waters wimple to the sea,
While day blinks in the lift sae hie,
Till clay-cauld death sall blin' my e'e,
Ye sall be my dearie.
Chorus
poem by Robert Burns
Submitted by Veronica Serbanoiu
Vote! | Copy!
My Eppie Macnab
O saw ye my dearie, my Eppie Macnab?
O saw ye my dearie, my Eppie Macnab?
She's down in the yard, she's kissin the laird,
She winna come hame to her ain Jock Rab.
O come thy ways to me, my Eppie Macnab;
O come thy ways to me, my Eppie Macnab;
Whate'er thou hast dune, be it late, be it sune,
Thou's welcome again to thy ain Jock Rab.
What says she, my dearie, my Eppie Macnab?
What says she, my dearie, my Eppie Macnab?
She let's thee to wit that she has thee forgot,
And for ever disowns thee, her ain Jock Rab.
O had I ne'er seen thee, my Eppie Macnab!
O had I ne'er seen thee, my Eppie Macnab!
As light as the air, and as fause as thou's fair,
Thou's broken the heart o' thy ain Jock Rab.
poem by Robert Burns
Submitted by Poetry Lover
Vote! | Copy!
bonie Doon
Ye flowery banks o' bonie Doon,
How can ye blume sae fair?
How can ye chant, ye little birds,
And I sae fu' o' care?
Thou'll break my heart, thou bonie bird,
That sings upon the bough;
Thou minds me o' the happy days,
When my fause luve was true.
Thou'll break my heart, thou bonie bird,
That sings beside thy mate;
For sae I sat, and sae I sang,
And wist na o' my fate.
Aft hae I roved by bonie Doon
To see the woodbine twine,
And ilka bird sang o' its luve,
And sae did I o' mine.
Wi' lightsome heart I pu'd a rose
Frae aff its thorny tree;
And my fause luver staw my rose
But left the thorn wi' me.
poem by Robert Burns
Submitted by Poetry Lover
Vote! | Copy!
On The Road
I 's boun' to see my gal to-night--
Oh, lone de way, my dearie!
De moon ain't out, de stars ain't bright--
Oh, lone de way, my dearie!
Dis hoss o' mine is pow'ful slow,
But when I does git to yo' do'
Yo' kiss 'll pay me back, an' mo',
Dough lone de way, my dearie.
De night is skeery-lak an' still--
Oh, lone de way, my dearie!
'Cept fu' dat mou'nful whippo'will--
Oh, lone de way, my dearie!
De way so long wif dis slow pace,
'T 'u'd seem to me lak savin' grace
Ef you was on a nearer place,
Fu' lone de way, my dearie.
I hyeah de hootin' of de owl--
Oh, lone de way, my dearie!
I wish dat watch-dog would n't howl:--
Oh, lone de way, my dearie!
An' evaht'ing, bofe right an' lef',
Seem p'int'ly lak hit put itse'f
In shape to skeer me half to def--
Oh, lone de way, my dearie!
I whistles so's I won't be feared--
Oh lone de way, my dearie!
But anyhow I's kin' o' skeered,
Fu' lone de way, my dearie.
De sky been lookin' mighty glum,
But you kin mek hit lighten some,
Ef you 'll jes' say you's glad I come,
Dough lone de way, my dearie.
poem by Paul Laurence Dunbar
Submitted by Poetry Lover
Vote! | Copy!
The Banks O'Doon
Ye flowery banks o' bonie Doon,
How can ye blume sae fair;
How can ye chant, ye little birds,
And I sae fu' o' care!
Thou'll break my heart, thou bonie bird
That sings upon the bough;
Thou minds me o' the happy days
When my fause luve was true.
Thou'll break my heart, thou bonie bird
That sings beside thy mate;
For sae I sat, and sae I sang,
And wist na o' my fate.
Aft hae I rov'd by bonie Doon,
To see the wood-bine twine,
And ilka bird sang o' its love,
And sae did I o' mine.
Wi' lightsome heart I pu'd a rose
Frae aff its thorny tree,
And my fause luver staw the rose,
But left the thorn wi' me.
Wi' lightsome heart I pu'd a rose,
Upon a morn in June:
And sae I flourish'd on the morn,
And sae was pu'd or noon!
poem by Robert Burns
Submitted by Veronica Serbanoiu
Vote! | Copy!
The Banks O' Doon (2nd version)
Ye flowery banks o' bonie Doon,
How can ye blume sae fair?
How can ye chant, ye little birds,
And I sae fu' o care!
Thou'll break my heart, thou bonie bird,
That sings upon the bough!
Thou minds me o' the happy days
When my fause Luve was true.
Thou'll break my heart, thou bonie bird,
That sings beside thy mate;
For sae I sat, and sae I sang,
And wist na o' my fate.
Aft hae I rov'd by bonie Doon,
To see the woodbine twine;
And ilka bird sang o' its Luve,
And sae did I o' mine.
Wi' lightsome heart I pu'd a rose,
Upon its thorny tree;
But my fause Luver staw my rose,
And left the thorn wi' me.
Wi' lightsome heart I pu'd a rose,
Upon a morn in June;
And sae I flourished on the morn,
And sae was pu'd or noon.
poem by Robert Burns (1791)
Submitted by Veronica Serbanoiu
Vote! | Copy!
There Was a Bonie Lass - A fragment
There was a bonie lass, and a bonie, bonie lass,
And she lo'ed her bonie laddie dear;
Till War's loud alarms tore her laddie frae her arms,
Wi' mony a sigh and tear.
Over sea, over shore, where the cannons loudly roar,
He still was a stranger to fear;
And nocht could him quail, or his bosom assail,
But the bonie lass he lo'ed sae dear.
poem by Robert Burns
Submitted by Veronica Serbanoiu
Vote! | Copy!
The Banks O' Doon (1st version)
Sweet are the banks-the banks o' Doon,
The spreading flowers are fair,
And everything is blythe and glad,
But I am fu' o' care.
Thou'll break my heart, thou bonie bird,
That sings upon the bough;
Thou minds me o' the happy days
When my fause Luve was true:
Thou'll break my heart, thou bonie bird,
That sings beside thy mate;
For sae I sat, and sae I sang,
And wist na o' my fate.
Aft hae I rov'd by bonie Doon,
To see the woodbine twine;
And ilka birds sang o' its Luve,
And sae did I o' mine:
Wi' lightsome heart I pu'd a rose,
Upon its thorny tree;
But my fause Luver staw my rose
And left the thorn wi' me:
Wi' lightsome heart I pu'd a rose,
Upon a morn in June;
And sae I flourished on the morn,
And sae was pu'd or noon!
poem by Robert Burns (1791)
Submitted by Veronica Serbanoiu
Vote! | Copy!
Bonie Lesley
O saw ye bonie Lesley
As she gaed o'er the Border?
She 's gane, like Alexander,
To spread her conquests farther.
To see her is to love her,
And love but her for ever;
For Nature made her what she is,
And ne'er made sic anither!
Thou art a queen, fair Lesley,
Thy subjects we, before thee:
Thou art divine, fair Lesley,
The hearts o' men adore thee.
The Deil he couldna scaith thee,
Or aught that wad belang thee;
He'd look into thy bonnie face
And say, 'I canna wrang thee!'
The Powers aboon will tent thee,
Misfortune sha'na steer thee:
Thou'rt like themsel' sae lovely,
That ill they'll ne'er let near thee.
Return again, fair Lesley,
Return to Caledonie!
That we may brag we hae a lass
There 's nane again sae bonie!
poem by Robert Burns
Submitted by Poetry Lover
Vote! | Copy!
When The Sleepy Man Comes
When the Sleepy Man comes with the dust on his eyes,
(Oh, weary, my Dearie, so weary!)
He shuts up the earth, and he opens the skies.
(So hush-a-by, weary my Dearie!)
He smiles through his fingers, and shuts up the sun;
(Oh, weary, my Dearie, so weary!)
The stars that he loves he lets out one by one.
(So hush-a-by, weary my Dearie!)
He comes from the castles of Drowsy-boy Town;
(Oh, weary, my Dearie, so weary!)
At the touch of his hand the tired eyelids fall down.
(So hush-a-by, weary my Dearie!)
He comes with a murmur of dream in his wings;
(Oh, weary, my Dearie, so weary!)
And whispers of mermaids and wonderful things.
(So hush-a-by, weary my Dearie!)
Then the top is a burden, the bugle a bane;
(Oh, weary, my Dearie, so weary!)
When one would be faring down Dream-a-way Lane.
(So hush-a-by, weary my Dearie!)
When one would be wending in Lullaby Wherry,
(Oh, weary, my Dearie, so weary!)
To Sleepy Man's Castle, by Comforting Ferry.
(So hush-a-by, weary my Dearie!)
poem by Sir Charles George Douglas Roberts
Submitted by Poetry Lover
Vote! | Copy!
Bonie Jean: A Ballad
To its ain tune.
There was a lass, and she was fair,
At kirk or market to be seen;
When a’ our fairest maids were met,
The fairest maid was bonie Jean.
And aye she wrought her mammie’s wark,
And aye she sang sae merrilie;
The blythest bird upon the bush
Had ne’er a lighter heart than she.
But hawks will rob the tender joys
That bless the little lintwhite’s nest;
And frost will blight the fairest flowers,
And love will break the soundest rest.
Young Robie was the brawest lad,
The flower and pride of a’ the glen;
And he had owsen, sheep, and kye,
And wanton naigies nine or ten.
He gaed wi’ Jeanie to the tryste,
He danc’d wi’ Jeanie on the down;
And, lang ere witless Jeanie wist,
Her heart was tint, her peace was stown!
As in the bosom of the stream,
The moon-beam dwells at dewy e’en;
So trembling, pure, was tender love
Within the breast of bonie Jean.
And now she works her mammie’s wark,
And aye she sighs wi’ care and pain;
Yet wist na what her ail might be,
Or what wad make her weel again.
But did na Jeanie’s heart loup light,
And didna joy blink in her e’e,
As Robie tauld a tale o’ love
Ae e’ening on the lily lea?
The sun was sinking in the west,
The birds sang sweet in ilka grove;
His cheek to hers he fondly laid,
And whisper’d thus his tale o’ love:
“O Jeanie fair, I lo’e thee dear;
O canst thou think to fancy me,
Or wilt thou leave thy mammie’s cot,
And learn to tent the farms wi’ me?
“At barn or byre thou shalt na drudge,
Or naething else to trouble thee;
But stray amang the heather-bells,
And tent the waving corn wi’ me.”
Now what could artless Jeanie do?
She had nae will to say him na:
At length she blush’d a sweet consent,
And love was aye between them twa.
poem by Robert Burns
Submitted by Veronica Serbanoiu
Vote! | Copy!
The Banks O' Doon (3rd version)
Ye banks and braes o' bonie Doon,
How can ye bloom sae fresh and fair?
How can ye chant, ye little birds,
And I sae weary fu' o' care!
Thou'll break my heart, thou warbling bird,
That wantons thro' the flowering thorn:
Thou minds me o' departed joys,
Departed never to return.
Aft hae I rov'd by Bonie Doon,
To see the rose and woodbine twine:
And ilka bird sang o' its Luve,
And fondly sae did I o' mine;
Wi' lightsome heart I pu'd a rose,
Fu' sweet upon its thorny tree!
And may fause Luver staw my rose,
But ah! he left the thorn wi' me.
poem by Robert Burns (1791)
Submitted by Veronica Serbanoiu
Vote! | Copy!
Banks O' Doon, The
Ye banks and braes o' bonie Doon,
How can ye bloom sae fresh and fair?
How can ye chant, ye little birds,
And I sae weary fu' o' care!
Thou'll break my heart, thou warbling bird,
That wantons thro' the flowering thorn:
Thou minds me o' departed joys,
Departed never to return.
Aft I rov'd by Bonie Doon,
To see the rose and woodbine twine:
And ilka bird sang o' its luve,
And fondly sae did I o' mine.
Wi' lightsome heart I pu'd a rose,
Fu' sweet upon its thorny tree!
Any my fause luver staw my rose,
But ah! he left the thorn wi' me.
poem by Robert Burns
Submitted by Poetry Lover
Vote! | Copy!
Bonie Wee Thing, The
Chorus:- Bonie wee thing, cannie wee thing,
Lovely wee thing, wert thou mine,
I wad wear thee in my bosom,
Lest my jewel it should tine.
Wishfully I look and languish
In that bonie face o' thine,
And my heart it sounds wi' anguish,
Lest my wee thing be na mine.
[Chorus]
Wit and Grace, and Love, and Beauty,
In ae constellation shine;
To adore thee in my duty,
Goddess o' this soul o' mine!
[Chorus]
poem by Robert Burns
Submitted by Poetry Lover
Vote! | Copy!
The Bonie Wee Thing
Wishfully I look and languish
In that bonie face o' thine,
And my heart it sounds wi' anguish,
Lest my wee thing be na mine.
[Chorus] Bonie wee thing, cannie wee thing,
Lovely wee thing, wert thou mine,
I wad wear thee in my bosom,
Lest my jewel it should tine.
Wit and Grace, and Love, and Beauty,
In ae constellation shine;
To adore thee in my duty,
Goddess o' this soul o' mine!
[Chorus]
poem by Robert Burns
Submitted by Poetry Lover
Vote! | Copy!
Of a' the Airts
Of a' the airts the wind can blaw
I dearly like the west,
For there the bonie lassie lives,
The lassie I lo'e best.
There wild woods grow, and rivers row,
And monie a hill between,
But day and night my fancy's flight
Is ever wi' my Jean.
I see her in the dewy flowers -
I see her sweet and fair.
I hear her in the tuneful birds -
I hear her charm the air.
There's not a bonie flower that springs
By fountain, shaw, or green,
There's not a bonie bird that sings,
But minds me o' my Jean.
poem by Robert Burns
Submitted by Veronica Serbanoiu
Vote! | Copy!
For A' That
Tho' women's minds, like winter winds,
May shift, and turn, an' a' that,
The noblest breast adores them maist-
A consequence I draw that.
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.
Great love I bear to a' the fair,
Their humble slave, an' a' that;
But lordly will, I hold it still
A mortal sin to thraw that.
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.
But there is ane aboon the lave,
Has wit, and sense, an' a' that;
A bonie lass, I like her best,
And wha a crime dare ca' that?
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.
In rapture sweet this hour we meet,
Wi' mutual love an' a' that,
But for how lang the flie may stang,
Let inclination law that.
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.
Their tricks an' craft hae put me daft.
They've taen me in, an' a' that;
But clear your decks, and here's-"The Sex!"
I like the jads for a' that.
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.
poem by Robert Burns
Submitted by Veronica Serbanoiu
Vote! | Copy!
A Memory
Here, while the loom of Winter weaves
The shroud of flowers and fountains,
I think of thee and summer eves
Among the Northern mountains.
When thunder tolled the twilight's close,
And winds the lake were rude on,
And thou wert singing, _Ca' the Yowes_,
The bonny yowes of Cluden!
When, close and closer, hushing breath,
Our circle narrowed round thee,
And smiles and tears made up the wreath
Wherewith our silence crowned thee;
And, strangers all, we felt the ties
Of sisters and of brothers;
Ah! whose of all those kindly eyes
Now smile upon another's?
The sport of Time, who still apart
The waifs of life is flinging;
Oh, nevermore shall heart to heart
Draw nearer for that singing!
Yet when the panes are frosty-starred,
And twilight's fire is gleaming,
I hear the songs of Scotland's bard
Sound softly through my dreaming!
A song that lends to winter snows
The glow of summer weather,--
Again I hear thee ca' the yowes
To Cluden's hills of heather
poem by John Greenleaf Whittier
Submitted by Poetry Lover
Vote! | Copy!
Tarbolton Lasses, The
If ye gae up to yon hill-tap,
Ye'll there see bonie Peggy;
She kens her father is a laird,
And she forsooth's a leddy.
There Sophy tight, a lassie bright,
Besides a handsome fortune:
Wha canna win her in a night,
Has little art in courtin'.
Gae down by Faile, and taste the ale,
And tak a look o' Mysie;
She's dour and din, a deil within,
But aiblins she may please ye.
If she be shy, her sister try,
Ye'll maybe fancy Jenny;
If ye'll dispense wi' want o' sense-
She kens hersel she's bonie.
As ye gae up by yon hillside,
Speir in for bonie Bessy;
She'll gie ye a beck, and bid ye light,
And handsomely address ye.
There's few sae bonie, nane sae guid,
In a' King George' dominion;
If ye should doubt the truth o' this-
It's Bessy's ain opinion!
poem by Robert Burns
Submitted by Poetry Lover
Vote! | Copy!