Click in the field, then press CTRL+C to copy the HTML code
<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=538528" style="color:#000;text-decoration:none"><div style="margin:10px 0"><strong>The Vision Of Piers Plowman - Part 04</strong></div><div style="margin:10px 0">' Cesseth!' seide the Kyng, ' I suffre yow no lenger. <br>Ye shul saughtne, forsothe, and serve me bothe. <br>Kis hire,' quod the Kyng, 'Conscience, I hote!' <br>' Nay, by Crist!' quod Conscience, ' congeye me rather! <br>But Reson rede me therto, rather wol I deye.' <br>'And I comaunde thee,' quod the Kyng to Conseience thanne, <br>'Rape thee to ryde, and Reson that thow fecche. <br>Comaunde hym that he come my counseil to here, <br>For he shal rule my reaume and rede me the beste <br>Mede and of mo othere, what man shal hire wedde, </div><div style="margin:10px 0">And acounte with thee, Conscience, so me Crist helpe, <br>How thow lernest the peple, the lered and the lewed!' <br>'I am fayn of that foreward,' seide the freke thanne, <br>And ryt right to Reson and rouneth in his ere, <br>And seide hym as the Kyng seide, and sithen took his leve. <br>'I shal arraye me to ryde,' quod Reson,-reste thee a while,' <br>And called Caton his knave, curteis of speche, <br>And also Tomme Trewe-tonge-tel-me-no-tales <br>Ne lesynge-to-laughen-of-for-I-loved-hem-nevere. <br>' Set my sadel upon Suffre-til-I-se-my-tyme, <br>And lat warroke hym wel with witty-wordes gerthes. <br>Hange on hym the hevy brydel to holde his heed lowe, <br>For he wol make ''wehee'' twies er he be there.' <br>Thanne Conscience on his capul caireth forth faste, <br>And Reson with hym ryt, rownynge togideres <br>Whiche maistries Mede maketh on this erthe. <br>Oon Waryn Wisdom and Witty his fere <br>Folwed hem faste, for thei hadde to doone <br>In th'Eseheker and in the Chauncerye, to ben descharged of thynges, <br>And riden faste for Reson sholde rede hem the beste <br>For to save hem for silver from shame and from harmes. <br>A[c] Conscience knew hem wel, thei loved coveitise, <br>And bad Reson ryde faste and recche of hir neither<br>'Ther are wiles in hire wordes, and with Mede thei dweneth - <br>Ther as wrathe and wranglynge is, ther wynne thei silver; <br>Ac there is love and leautee, thei wol noght come there<br>Contricio et infelicitas in viis eorum &c. <br>Thei ne gyveth noght of God one goose wynge<br>Non est timor Dei ante oculos eorum &c. <br>For thei wolde do moore for a dozeyne chiknes <br>Than for the love of Oure Lorde or alle hise leeve seintes! </div><div style="margin:10px 0">Forthi, Reson, lat hem ride, tho riche by hemselve - <br>For Conscience knoweth hem noght, ne Crist, as I trowe.' <br>And thanne Reson rood faste the righte heighe gate, <br>As Conscience hym kenned, til thei come to the Kynge. <br>Curteisly the Kyng thanne com ayeins Reson, <br>And bitwene hymsel and his sone sette hym on benche, <br>And wordeden wel wisely a gret while togideres. <br>And thame com Pees into parliment and putte up a bill-<br>How Wrong ayeins his wille hadde his wif taken, <br>And how he ravysshede Rose, Reignaldes loove, <br>And Margrete of hir maydenhede maugree hire chekes. <br>' Bothe my gees and my grys hise gadelynges feccheth; <br>I dar noght for fere of hem fighte ne chide. <br>He borwed of me bayard and broughte hym hom nevere <br>Ne no ferthyng therfore, for nought I koude plede. <br>He maynteneth hise men to murthere myne hewen, <br>Forstalleth my feires and fighteth in my chepyng, <br>And breketh up my berne dores and bereth awey my whete, <br>And taketh me but a taille for ten quarters otes. <br>And yet he beteth me therto and lyth by my mayde; <br>I am noght hardy for hym unnethe to loke!' <br>The Kyng knew he seide sooth. for Conscience hym tolde <br>That Wrong was a wikked luft and wroghte muche sorwe. <br>Wrong was afered thanne, and Wisdom he soughte <br>To maken pees with hise pens, and profred hym manye, <br>And seide, 'Hadde I love of my lord the Kyng, litel wolde I recche <br>Theigh Pees and his power pleyned hym evere!' <br>Tho wan Wisdom and Sire Waryn the Witty, <br>For that Wrong hadde ywroght so wikked a dede, <br>And warnede Wrong tho with swich a wis tale - <br>'Whoso wereheth by wille, writhe maketh ofte. </div><div style="margin:10px 0">I seye it by myself - thow shalt it wel fynde<br>But if Mede it make, thi meschief is uppe; <br>For bothe thi lif and thi lond lyth in his grace.' <br>Thanne wowede Wrong Wisdom ful yerne <br>To maken his pees with his pens, handy dandy payed. <br>Wisdom and Wit thanne wenten togidres, <br>And token Mede myd hem mercy to wynne. <br>Pees putte forth his heed and his panne blody<br>'Withouten gilt, God woot, gat I this seathe.' <br>Conseicnce and the commune knowen wel the sothe, <br>Ac Wisdom and Wit were aboute faste <br>To overcomen the Kyng with catel, if thei myghte. <br>The Kyng swor by Crist and by his crowne bothe <br>That Wrong for hise werkes sholde wo tholie, <br>And combundede a eonstable to casten hym in irens, <br>'And lete hym noght this seven yer seen his feet ones. <br>'God woot,' quod Wisdom, 'that were noght the beste! <br>And he amendes mowe make, Iat Maynprise hym have <br>And be borgh for his bale, and buggen hym boote, <br>And so amenden that is mysdo, and everemoore the bettre.' <br>Wit acorded therwith, and seide the same, <br>'Bettre is that boote bale adoun brynge <br>Than bale be ybet, and boote nevere the bettre!' <br>Thanne gan Mede to meken hire, and mercy bisoughte, <br>And profrede Pees a present al of pure golde. <br>'Have this, man, of me,' quod she, 'to amenden thi scathe, <br>For I wol wage for Wrong, he wol do so na moore.' <br>Pitously Pees thanne preyde to the Kynge <br>To have mercy on that man that mysdide hym so ofte. <br>'For he hath waged me wel, as Wisdom hym taughte, <br>And I forgyve hym that gilt with a good wille. <br>So that the Kyng assente, I kan seye no bettre, </div><div style="margin:10px 0">For Mede hath maad myne amendes - I may na moore axe.' <br>'Nay', quod the Kyng tho, 'so me Crist helpe! <br>Wrong wendeth noghtawey er I wite more. <br>Lope he so lightly, laughen he wolde, <br>And eft the boldere be to bete myne hewen. <br>But Reson have ruthe on hym, he shal reste in my stokkes <br>As longe as [I] lyve, but lowenesse hym borwe.' <br>Somme radde Reson tho to have ruthe on that shrewe, <br>And for to counseille the Kyng and Conscience after <br>That Mede moste be maynpernour, Reson thei bisoughte. <br>' Reed me noght,' quod Reson, 'no ruthe to have <br>Til lordes and ladies loven alle truthe <br>And haten alle harlotrie, to heren or to mouthen it; <br>Til Pernelles purfill be put in hire hucche <br>And childrene cherissynge be chastised with yerdes, <br>And harlottes holynesse be holden for an hyne; <br>Til clerkene coveitise be to clothe the povere and fede, <br>And religiouse romeris Recordare in hir cloistres <br>As Seynt Beneyt hem bad, Bernard and Fraunceis; <br>And til prechours prechynge be preved on hemselve; <br>Til the Kynges counseil be the commune profit; <br>Til bisshopes bayardes ben beggeris chaumbres, <br>Hire haukes and hire houndes help to povere religious; <br>And til Seint James be sought there I shal assigne - <br>That no man go to Galis but if he go for evere; <br>And alle Rome renneres for robberes of biyonde </div><div style="margin:10px 0">Bere no silver over see that signe of kyng sheweth - <br>Neither grave ne ungrave, gold neither silver - <br>Upon forfeture of that fee, who fynt hym at Dovere, <br>But if it be marchaunt or his man, or messager with lettres, <br>Provysour or preest, or penaunt for hise synnes. <br>'And yet,' quod Reson, 'by the Rode! I shal no ruthe have <br>Whiff Mede hath the maistrie in this moot-halle. <br>Ac I may shewe ensamples as I se outher. <br>I seye it by myself,' quod he, 'and it so were <br>That I were kyng with coroune to kepen a reaume, <br>Sholde nevere Wrong in this world that I wite myghte <br>Ben unpunysshed in my power, for peril of my soule, <br>Ne gete my grace thorugh giftes, so me God save! <br>Ne for no mede have mercy, but mekenesse it made; <br>For ''Nullum molum the man mette with inpunitum <br>And bad Nullum bonum be irremuneratum.'' <br>Lat thi confessour, sire Kyng, construe this [E]ngl[ys]sed, <br>And if ye werchen it in werk, I wedde myne eris <br>That Lawe shal ben a laborer and lede afeld donge <br>And Love shal lede thi lond as the leef liketh.' <br>Clerkes that were confessours coupled hem togideres <br>Al to construe this clause, and for the Kynges profit, <br>Ac noght for confort of the cornmune, ne for the Kynges soule, <br>For I seigh Mede in the moot-halle on men of lawe wynke, <br>And thei laughynge lope to hire and lefte Reson manye. <br>Waryn Wisdom wynked upon Mede <br>And seide, ' Madame, I am youre man, what so my mouth jangle; <br>I falle in floryns,' quod that freke, 'and faile speche ofte.' <br>Alle rightfulle recorded that Reson truthe tolde. <br>[Kynde] Wit acorded therwith and comendede hise wordes, <br>And the mooste peple in the halle and manye of the grete, <br>And leten Mekenesse a maister and Mede a mansed sherewe. <br>Love leet of hire light, and Leaute yet lasse, <br>And seide it so heighc that all the halle it herde</div><div style="margin:10px 0">'Whoso wilneth hire to wyve, For welthe of hire goodes - <br>But he be knowe for a cokewold, kut of my nose!' <br>Mede mornede tho, and made hevy chere, <br>For the mooste commune of that court called hire an hore. <br>Ac a sisour and a somonour sued hire faste, <br>And a sherreves clerk bisherewed al the route<br>' For ofte have I,' quod he, 'holpen yow at the barre, <br>And yet yeve ye me nevere the worth of a risshe!' <br>The Kyng callede Conseience and afterward Reson, <br>And recordede that Reson hadde rightfully shewed ; <br>And modiliche upon Mede with myght the Kyng loked, <br>And gan wexe wroth with Lawe, for Mede almoost hadde shent it, <br>And seide,-Thorugh youre lawe, as I leve, I lese manye chetes; <br>Mede overmaistreth Lawe and muche truthe letteth. <br>Ac Reson shal rekene with yow, if I regne any while, -<br>And deme yow, bi this day, as ye han deserved. <br>Mede shal noght maynprise yow, by the Marie of hevene! <br>I wole have leaute in lawe, and lete be al youre jangling, <br>And as moost folk witnesseth wel, Wrong shal be demed.' <br>Quod Conscience to the Kyng, 'But the commune wole assente,-<br>It is ful hard, by myn heed, herto to brynge it, <br>[And] alle youre lige leodes to lede thus evene.' <br>'By Hym that raughte on the Rood!' quod Reson to the Kynge, <br>But if I rule thus youre reaume, rende out my guttes - <br>If ye bidden buxomnesse be of myn assent.' <br>'And I assente,' seith the Kyng, ' by Seinte Marie my lady, <br>Be my Counseil comen of clerkes and of erles. <br>Ac redily, Reson, thow shalt noght ride hennes; <br>For as longe as I lyve, lete thee I nelle.' <br>'I am al redy.' quod Reson, 'to reste with yow evere; <br>So Conscience be of oure counceil, I kepe no bettre.' <br>'And I graunte,' quod the Kyng, 'Goddes forbode he faile! <br>Als longe as oure lyf lasteth, lyve we togideres!'</div><div style="margin:10px 0"><br /></a><br />poem by <a href="http://en.citatepedia.ro/by.php?a=William+Langland">William Langland</a><div class=q>
<img src="https://www.citatepedia.ro/g/32share.png" style="float:left" alt="Share">
<script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=538528" data-title="The Vision Of Piers Plowman - Part 04 de William Langland" data-description="' Cesseth!' seide the Kyng, ' I suffre yow no lenger. 
Ye shul saughtne, forsothe, and serve me bothe. 
Kis hire,' quod the Kyng, 'Conscience, I hote!' 
' Nay, by Crist!' quod Conscience, ' congeye me rather! 
But Reson rede me therto, rather wol ..."></div>
</div>
</div>