<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=530216" style="color:#000;text-decoration:none"><div style="margin:10px 0"><strong>Edward, Edward</strong></div><div style="margin:10px 0">Why dois your brand sae drap wi' bluid, <br>Edward, Edward?<br>Why dois your brand sae drap wi' bluid?<br>And why sae sad gang ye, O?<br>O, I hae killed my hauke sae guid,<br>Mither, mither,<br>O, I hae killed my hauke sae guid,<br>And I had nae mair bot hee, O.</div><div style="margin:10px 0">Your haukis bluid was nevir sae reid,<br>Edward, Edward,<br>Your haukis bluid was nevir sae reid,<br>My deir son I tell thee, O.<br>O, I hae killed my reid-roan steid,<br>Mither, mither,<br>O, I hae killed my reid-roan steid,<br>That erst was sae fair and frie, O.</div><div style="margin:10px 0">Your steid was auld, and ye hae gat mair,<br>Edward, Edward,<br>Your steid was auld, and ye hae gat mair,<br>Sum other dule ye drie, O.<br>O, I hae killed my fadir deir,<br>Mither, mither,<br>O, I hae killed my fadir deir,<br>Alas, and wae is mee, O.</div><div style="margin:10px 0">And whatten penance wul ye drie for that,<br>Edward, Edward?<br>And whatten penance will ye drie for that?<br>My deir son, now tell me, O.<br>Ile set my feit in yonder boat,<br>Mither, mither,<br>Il set my feit in yonder boat,<br>And Ile fare ovir the sea, O.</div><div style="margin:10px 0">And what wul ye doe wi' your towirs and your ha',<br>Edward, Edward?<br>And what wul ye doe wi' your towirs and your ha',<br>That were sae fair to see, O?<br>Ile let thame stand tul they doun fa',<br>Mither, mither,<br>Ile let thame stand tul they doun fa',<br>For here nevir mair maun I bee, O.</div><div style="margin:10px 0">And what wul ye leive to your bairns and your wife,<br>Edward, Edward?<br>And what wul ye leive to your bairns and your wife,<br>Whan ye gang ovir the sea, O?<br>The warldis room, late them beg thrae life,<br>Mither, mither,<br>The warldis room, let them beg thrae life,<br>For thame nevir mair wul I see, O.</div><div style="margin:10px 0">And what wul ye leive to your ain mither deir,<br>Edward, Edward?<br>And what wul ye leive to your ain mither deir?<br>My deir son, now tell mee, O.<br>The curse of hell frae me sall ye beir,<br>Mither, mither,<br>The curse of hell frae me sall ye beir,<br>Sic counseils ye gave to me, O.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Thomas+Percy">Thomas Percy</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=530216" data-title="Edward, Edward de Thomas Percy" data-description="Why dois your brand sae drap wi' bluid, Edward, Edward? Why dois your brand sae drap wi' bluid? And why sae sad gang ye, O? O, I hae killed my hauke sae guid, Mither, mither, O, I hae killed my hauke sae guid, And I had nae mair bot hee, O. Your..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black