<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=516043" style="color:#000;text-decoration:none"><div style="margin:10px 0"><strong>Dua! ! !</strong></div><div style="margin:10px 0">teray chehray pay mein gul rang nazaaray dekhun <br>muskurati hui aankhon mein sitaray dekhun </div><div style="margin:10px 0">maand na hon kabhi chehray pay khushi ki kirnen <br>teri nazron mein hama waqt sharaaray dekhun </div><div style="margin:10px 0">yeh dua he teri raahon mein bhanwar na ho koi <br>teri nao ko mein darya k kinaaray dekhun </div><div style="margin:10px 0">teri khatir mein Khuda say yeh talab karti hun <br>jis qadar dost bhi dekhun wo tumhaaray dekhun </div><div style="margin:10px 0">apnay bandhan pay kabhi bhi na koi aanch aey <br>iss jahan ko teri chahat k sahaaray dekhun </div><div style="margin:10px 0">raat andheri ho ya pheli hui mahtab shaben <br>aasman per teri taqdeer k taaray dekhun </div><div style="margin:10px 0">jis dagar per teray jaanay ka guman ho jaey <br>uss dagar ko na kbhi khof k maaray dekhun </div><div style="margin:10px 0">teri aamad ka pata inn se hi lug jata he <br>mein badaltay hue mosam k ishaaray dekhun </div><div style="margin:10px 0">azal say behtey huay jharnon ki maanind Batool <br>dosti k sada behtay hue dharay dekhun...</div><div style="margin:10px 0"><br /></a><br />poem by <a href="http://en.citatepedia.ro/by.php?a=Shahzia+Batool">Shahzia Batool</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=516043" data-title="Dua! ! ! de Shahzia Batool" data-description="teray chehray pay mein gul rang nazaaray dekhun muskurati hui aankhon mein sitaray dekhun maand na hon kabhi chehray pay khushi ki kirnen teri nazron mein hama waqt sharaaray dekhun yeh dua he teri raahon mein bhanwar na ho koi teri nao ko ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black