<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=516039" style="color:#000;text-decoration:none"><div style="margin:10px 0"><strong>December! ! !</strong></div><div style="margin:10px 0">Ab k phir December hay<br>khirkiyon k pardon say<br>jhaank kr zara dekho<br>kesa sard mosum hay<br>bheega bheega manzar hay<br>soi soi shaamen hen<br>hum hen or yaden hen<br>kyun na apni yadon say<br>gard jharr kr dekhen<br>soey soey jazbon ko<br>phir ubhaar kr dekhen<br>sath sath ye puchhen<br>zakam zakhm yadon se<br>khoon to nahi rista? <br>dilfigaar sapnon ko<br>chot to nahi lagti? <br>Phir jab in sawaalon ka<br>jo jawab bhi aey<br>uss ko maan lena hay<br>kyun k ye to hona hay<br>kyun k phir December hay.<br>Aasman pe kia dekhen? <br>dhund ki hukoomat hay<br>kuchh nazar nahi aata<br>urr chukay parinday bhi<br>sard sard podon se<br>phool bhi to ghaiyb hen<br>aik wo jo gulshan mein<br>khush gulu si koyal thi<br>wo bhi ab nahi gaati<br>kyun kharray darakhton pr<br>chhai ye udaasi hay<br>zard zard pattay hen<br>kis qadar khamoshi hay<br>aik sard mehri hay<br>Ghaur se zara dekho<br>doobta hua suraj<br>apni be-zubani mein<br>keh raha hay dunia say<br>iss gulab manzar say<br>doobnay ka ye lamha<br>kisqadar sitamgar hay<br>kia kahen December hay<br>zeest ki kahani ko <br>sochh ki rawani ko<br>rokna hi behtar hay<br>khirkiyon k pardon say<br>jhaank kr zara dekho<br>bheega bheega manzar hay<br>ab k phir udaasi he<br>Ab k phir December hay.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Shahzia+Batool">Shahzia Batool</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=516039" data-title="December! ! ! de Shahzia Batool" data-description="Ab k phir December hay khirkiyon k pardon say jhaank kr zara dekho kesa sard mosum hay bheega bheega manzar hay soi soi shaamen hen hum hen or yaden hen kyun na apni yadon say gard jharr kr dekhen soey soey jazbon ko phir ubhaar kr dekhen sath sat..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black