<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=507770" style="color:#000;text-decoration:none"><div style="margin:10px 0"><strong>To Mesdames Zassetsky And Garschine</strong></div><div style="margin:10px 0">THE wind may blaw the lee-gang way<br>And aye the lift be mirk an' gray,<br>An deep the moss and steigh the brae<br>Where a' maun gang -<br>There's still an hoor in ilka day<br>For luve and sang.</div><div style="margin:10px 0">And canty hearts are strangely steeled.<br>By some dikeside they'll find a bield,<br>Some couthy neuk by muir or field<br>They're sure to hit,<br>Where, frae the blatherin' wind concealed,<br>They'll rest a bit.</div><div style="margin:10px 0">An' weel for them if kindly fate<br>Send ower the hills to them a mate;<br>They'll crack a while o' kirk an' State,<br>O' yowes an' rain:<br>An' when it's time to take the gate,<br>Tak' ilk his ain.</div><div style="margin:10px 0">- Sic neuk beside the southern sea<br>I soucht - sic place o' quiet lee<br>Frae a' the winds o' life. To me,<br>Fate, rarely fair,<br>Had set a freendly company<br>To meet me there.</div><div style="margin:10px 0">Kindly by them they gart me sit,<br>An' blythe was I to bide a bit.<br>Licht as o' some hame fireside lit<br>My life for me.<br>- Ower early maun I rise an' quit<br>This happy lee.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Robert+Louis+Stevenson">Robert Louis Stevenson</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=507770" data-title="To Mesdames Zassetsky And Garschine de Robert Louis Stevenson" data-description="THE wind may blaw the lee-gang way And aye the lift be mirk an' gray, An deep the moss and steigh the brae Where a' maun gang - There's still an hoor in ilka day For luve and sang. And canty hearts are strangely steeled. By some dikeside they'll ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black