<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=506552" style="color:#000;text-decoration:none"><div style="margin:10px 0"><strong>Willie Wastle</strong></div><div style="margin:10px 0">Willie Wastle dwalt on Tweed, <br>The spot they ca'd it Linkumdoddie. <br>Willie was a wabster guid <br>Could stown a clue wi onie body. <br>He had a wife was dour and din, <br>O, Tinkler Maidgie was her mither! <br>Sic a wife as Willie had, <br>I wad na gie a button for her. </div><div style="margin:10px 0">She has an e'e (she has but ane), <br>The cat has twa the very colour, <br>Five rusty teeth, forbye a stump, <br>A clapper-toungue wad deave a miller; <br>A whiskin beard about her mou, <br>Her nose and chin they threaten ither: <br>Sic a wife as Willie had, <br>I wad na gie a button for her. </div><div style="margin:10px 0">She's bow-hough'd, she's hem-shin'd, <br>Ae limpin leg a hand-breed shorter; <br>She's twisted right, she's twisted left, <br>To balance fair in ilka quarter; <br>She has a hump upon her breast, <br>The twin o that upon her shouther: <br>Sic a wife as Willie had, <br>I wad na gie a button for her. </div><div style="margin:10px 0">Auld baudrans by the ingle sits, <br>An wi her loof her face a-washin; <br>But Willie's wife is nae sae trig, <br>She dights her frunzie wi a hushion; <br>Her walie nieves like midden-creels, <br>Her face wad fyle the Logan Water: <br>Sic a wife as Willie had, <br>I wad na gie a button for her.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Robert+Burns">Robert Burns</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=506552" data-title="Willie Wastle de Robert Burns" data-description="Willie Wastle dwalt on Tweed, The spot they ca'd it Linkumdoddie. Willie was a wabster guid Could stown a clue wi onie body. He had a wife was dour and din, O, Tinkler Maidgie was her mither! Sic a wife as Willie had, I wad na gie a button ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black