<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=506421" style="color:#000;text-decoration:none"><div style="margin:10px 0"><strong>Address To The Tooth-Ache</strong></div><div style="margin:10px 0">My curse upon your venom'd stang,<br>That shoots my tortur'd gums alang;<br>And thro' my lugs gies mony a twang,<br> Wi' gnawing vengeance;<br>Tearing my nerves wi' bitter pang,<br> Like racking engines!</div><div style="margin:10px 0">When fevers burn, or ague freezes,<br>Rheumatics gnaw, or cholic squeezes;<br>Our neighbors' sympathy may ease us,<br> Wi' pitying moan;<br>But thee -- thou hell o' a' diseases --<br> They mock our groan!</div><div style="margin:10px 0">Adown my beard the slavers trickle!<br>I throw the wee stools o'er the mickle,<br>As round the fire the giglets keckle,<br> To see me loup;<br>While raving mad, I wish a heckle<br> Were in their doup.</div><div style="margin:10px 0">O' a' the num'rous human dools,<br>Ill har'sts, daft bargains, cutty-stools,<br>Or worthy friends rak'd i' the mools,<br> Sad sight to see !<br>The tricks o' knaves, or fash o' fools,<br> Thou bear'st the gree.</div><div style="margin:10px 0">Where'er that place be priests ca' hell,<br>Whence a' the tones o' mis'ry yell,<br>And rankd plagues their numbers tell,<br> In dreadfu' raw,<br>Thou, Tooth-ache, surely bear'st the bell<br> Amang them a'!</div><div style="margin:10px 0">O thou grim, mischief-making chiel,<br>That gars the notes of discord squeel,<br>Till daft mankiud aft dance a reel<br> In gore a shoe-thick; --<br>Gie a' the foes o' Scotland's weal<br> A towmond's Tooth-ache!</div><div style="margin:10px 0"><br /></a><br />poem by <a href="http://en.citatepedia.ro/by.php?a=Robert+Burns">Robert Burns</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=506421" data-title="Address To The Tooth-Ache de Robert Burns" data-description="My curse upon your venom'd stang, That shoots my tortur'd gums alang; And thro' my lugs gies mony a twang, Wi' gnawing vengeance; Tearing my nerves wi' bitter pang, Like racking engines! When fevers burn, or ague freezes, Rheumatics gnaw, or ch..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black