<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=492616" style="color:#000;text-decoration:none"><div style="margin:10px 0"><strong>Sa Wala Ka Sa Tuo Ko</strong></div><div style="margin:10px 0">Usahay, maglakaw akong mag-inusara<br>Sa karsada sa inyong dakong syudad.<br>Dili ko kaharong magtan-aw kanimo<br>Kon ikahinagbo ko ikaw<br>Sa sementadong dalan.<br>Ikaw naglakaw usab nga nag-inusara<br>Hangtod sa kaadlawon<br>Gikan sa halawom nga kagabhion.<br>Gasadsad ang akong sapatos<br>Usahay sa akong kahubog<br>Nagdala og daghang lapok, <br>Lamog sa abog. Ug ikaw usab labaw pa<br>Kanako. Mas bug-at ang imong<br>Tiil nga walay sapatos. Guba nga tsinelas.<br>Kagabii nagtagbo ang atong mga panan-aw.<br>Wala kita magkasinultiay.<br>Nakita ko ang paglabay<br>Sa hangin sa imong aping.<br>Napalid sa makadyot ang imong buhok<br>Morag dunay buot ipasabot kanako.<br>Nangamay, morag nag-ingon<br>Hawiri ko. Ayaw ko biyai.</div><div style="margin:10px 0">Apan wala kita magkasinultiay.<br>Sa wala ka. Sa tuo ako.<br>Ug ikaw mipadayon.Nagdali-dali<br>Sa paglakaw mora bag dunay<br>Balay ug mga anak pa nga paulian.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Ric+S.+Bastasa">Ric S. Bastasa</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=492616" data-title="Sa Wala Ka Sa Tuo Ko de Ric S. Bastasa" data-description="Usahay, maglakaw akong mag-inusara Sa karsada sa inyong dakong syudad. Dili ko kaharong magtan-aw kanimo Kon ikahinagbo ko ikaw Sa sementadong dalan. Ikaw naglakaw usab nga nag-inusara Hangtod sa kaadlawon Gikan sa halawom nga kagabhion. Gasadsad ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black