<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=492605" style="color:#000;text-decoration:none"><div style="margin:10px 0"><strong>Sa Imong Pagkamaayo Moluto</strong></div><div style="margin:10px 0">Saludo ko sa imong pagkamaayo moluto<br>Sa akong mga paboritong putahe.<br>Sakto sa timpla sa asin, dunay gamayng tam-is sa asukar, <br>Ug gamayng aslom sa biyasong nga moigot-igot sa akong dila.<br>Duna puy gamayng kapait pero lami lang gihapon<br>Sa akong panglasa. Humot. May pagkahalanghalang.<br>Maayo g'yong pagkasagol ang mga sibuyas<br>Ug ang kamatis ug ang ahos ug sili ug luy-a<br>Nga gigisa sa mantika sa baboy ug<br>Sa aslom nga suka gikan sa bahal nga tuba.</div><div style="margin:10px 0">Saludo gayod ako. Nabati ko ang imong gugma<br>Sa sulod sa dughan sa piniritong manok. Sobra nga gugma.<br>Morag gabukal nga sabaw sa tinolang manok nga bisaya<br>Nga gitanglaran. Saktong pagkalata sa kalayo nga gikan<br>Sa bukong ug takong ug lahing sa lubi. Dili mosabod kon<br>Birahon ang unod sa bukog sa pako ug sa paa. Kadako gayod<br>Sa imong gugma kanako. Gibati ko kini sa imong<br>Lami nga nilutuan sa matag kaon</div><div style="margin:10px 0">Su'd sa akong tilaok, lapos sa<br>Baba sa akong atay ug ngabil sa akong kasingkasing. Mihagok<br>Ang akong tiyan sa tumang kabusog. Langitnon.<br>Apan karong gabhiona, aduna kay giluto nga mas lami pa gyod<br>Kay sa piniritong manok ug tinola. Humok nga karneng<br>Baka. Imo kuno kining gibunalbunalan disir<br>Gihumol sa suka ug gamay nga asin ug paminta. Ginapahumok<br>Sa daghang latos sa habol nga sundang sa tadtaran nga tugas.<br>Ayha nimo gipabukalan ug gigisa sa gamay nga mantika.</div><div style="margin:10px 0">Akong gitilawan. Mas lami gayod. Mas nanam. Mas sabroso.<br>Surop ang kalami sa tanang buslot sa salog sa akong dila.<br>Lapos sa akong tilaok, sa kasing kasing sa atay sa tiyan sa tanang<br>Liko-liko sa akong tinai. Nagdumili pa gani ang akong lubot<br>Sa pagpagawas niini.</div><div style="margin:10px 0">Gipangutana ko ikaw. Akong giunhan nga dili na kini gugma.<br>Kay natilawan ko na ang lami niini. Mas lami pa kini sa gugma.<br>Ingon ka. Ang kalooy imong gilamog didto. Ang pagsabot<br>sa mga kasaypanan. Ang pag-unong.</div><div style="margin:10px 0">Ingon ka mas lami kini sa gugma. Kay ug kon wala na ang gugma<br>Usa lamang ang imong pangayoon kanako. Bugti sa imong<br>Pagkamaayo moluto. Pangayoon mo ang kalooy.<br>Andam ka ba mohatag sa imong kalooy bisan ug wala<br>Na ang gugma? Andam ka bang mounong bisan ug wala na<br>Ang kalami sa mga niluto?</div><div style="margin:10px 0"><br /></a><br />poem by <a href="http://en.citatepedia.ro/by.php?a=Ric+S.+Bastasa">Ric S. Bastasa</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=492605" data-title="Sa Imong Pagkamaayo Moluto de Ric S. Bastasa" data-description="Saludo ko sa imong pagkamaayo moluto Sa akong mga paboritong putahe. Sakto sa timpla sa asin, dunay gamayng tam-is sa asukar, Ug gamayng aslom sa biyasong nga moigot-igot sa akong dila. Duna puy gamayng kapait pero lami lang gihapon Sa akong pang..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black