<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=492602" style="color:#000;text-decoration:none"><div style="margin:10px 0"><strong>Sa Gamay Pa Ako</strong></div><div style="margin:10px 0">Sa gamay pa ako gipakuyog ko nimo<br>Aron manginhas sa bukana, didto</div><div style="margin:10px 0">Diin nagtagbo ang suba ug dagat, didto<br>Diin nangamang ang mga kinason, </div><div style="margin:10px 0">Ang balat, ang mga gagmayng kasag, <br>Ug mga kugita. Ako nga dili pa kaayo</div><div style="margin:10px 0">Suheto sa atong panginabuhi isip inahan<br>ug anak, sa imong pagpangita’g sud-an</div><div style="margin:10px 0">Sa atong panihapon, nagkadam-ag-<br>Dam-ag taw’n ko sa danlog nga mga bato</div><div style="margin:10px 0">Ug mga lumot. Nisyagit ko sa kasakit<br>Sa dihang natunok ko sa tuyom nga saag.</div><div style="margin:10px 0">Gipaihi ko nimo ug imong gihidhiran<br>Ang akong lapa-lapa, duha na ang imong</div><div style="margin:10px 0">Gipas-an sa akong katapolan- basket<br>sa atubangan, ako sa imong likoran.</div><div style="margin:10px 0">Dihang ngitngit na, aduna na kita’y<br>Sud-an sa atong panihapon. Gihayagan</div><div style="margin:10px 0">Sa lampara, naglugit kita sa mga unod<br>Ginamit ang alpirel samtang namati kita</div><div style="margin:10px 0">Og drama kabahin sa mga sirena. Karon<br>Nga dako na ko, ikaw na ang gapandol-</div><div style="margin:10px 0">Pandol sa atong nataran, sa atong karaan<br>Nga kusina. Labaw na sa lampara</div><div style="margin:10px 0">Ang kahayag sa atong talad-kan-anan.<br>Dili ko ikaw biyaan, nay. Ako usab andam na</div><div style="margin:10px 0">Pag-agak nimo sa imong paghinumdom<br>Sa atong panginhas dihang ako gamay pa.</div><div style="margin:10px 0"><br>- RIC S. BASTASA</div><div style="margin:10px 0"><br /></a><br />poem by <a href="http://en.citatepedia.ro/by.php?a=Ric+S.+Bastasa">Ric S. Bastasa</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=492602" data-title="Sa Gamay Pa Ako de Ric S. Bastasa" data-description="Sa gamay pa ako gipakuyog ko nimo Aron manginhas sa bukana, didto Diin nagtagbo ang suba ug dagat, didto Diin nangamang ang mga kinason, Ang balat, ang mga gagmayng kasag, Ug mga kugita. Ako nga dili pa kaayo Suheto sa atong panginabuhi isip ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black