<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=491897" style="color:#000;text-decoration:none"><div style="margin:10px 0"><strong>Palaban</strong></div><div style="margin:10px 0">Sa imong kagamay<br>Labaw gamay sa kadako sa tungaw<br>Sa ginagmay kulisaw<br>Sa kang nanay ug tatay sige jud kag<br>Palaban</div><div style="margin:10px 0">Ug si nanay ug tatay<br>Tungod sa imong kagamay<br>Nga labaw gamay sa kadako sa tungaw<br>Andam gayod kanunay<br>Kanimo molaban kay ikaw sige man pod nga<br>Palaban</div><div style="margin:10px 0">Patay na sila, midako ka na, dako dako gamay<br>Sa tadjao <br>Wa ka nay kadaganan kon dunay mangaway<br>O manaway<br>Wa nay kanimo <br>Molaban</div><div style="margin:10px 0">Mingaw di ba? Hadlok pod di ba? <br>Tago-tago lang kon dunay kahadlokan<br>Di man gani ka kapanagang</div><div style="margin:10px 0">Apan sa kadugay nga dagan-dagan ug tago-tago<br>Nakat-on ka ra gayod<br>Sa kaisog sa pag-inusara<br>Natagboan nimo ang bag-o nimong nanay ug tatay<br>Kanang molaban gayod kanimo<br>Kanang mag-lig-on kanimo kanunay</div><div style="margin:10px 0">Usahay molagom ang imong nawong <br>Kay nasagpaan ka na usab sa dautang hangin<br>Usahay molabhag ang imong sampot kay<br>Nahulog ka sa atabay sa kalaay<br>Usahay nalisang ka sa dihang miabot ang<br>Balita sa kanser<br>Giluom mo lang kani hangtod kini <br>Mikobol sa imong atay</div><div style="margin:10px 0">Apan bisan pa sa tanang hulga ug kahadlok<br>Mikalma ang imong mga panglantaw<br>Mikitiw ang imong mga tudlo<br>Mitig-a ang imong kasingkasing<br>Wala kini malumoy<br>Milantip ang imong hunahuna<br>Mitusoy ang imong mga panganduhay<br>Paingon sa halayong dapit sa imong mga<br>Wa maparog nga pagtoo ug pangandoy<br>Sa lain pang umaabot nga kinabuhi</div><div style="margin:10px 0">Nagpalaban ka sa imong mga balak<br>Ug dinha nakat-on ka <br>Nga sa imong pagkagamay <br>Dako ka diay</div><div style="margin:10px 0"><br /></a><br />poem by <a href="http://en.citatepedia.ro/by.php?a=Ric+S.+Bastasa">Ric S. Bastasa</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=491897" data-title="Palaban de Ric S. Bastasa" data-description="Sa imong kagamay Labaw gamay sa kadako sa tungaw Sa ginagmay kulisaw Sa kang nanay ug tatay sige jud kag Palaban Ug si nanay ug tatay Tungod sa imong kagamay Nga labaw gamay sa kadako sa tungaw Andam gayod kanunay Kanimo molaban kay ikaw sige man..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black