<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=491871" style="color:#000;text-decoration:none"><div style="margin:10px 0"><strong>Paghimo Ug Banig</strong></div><div style="margin:10px 0">mat weaver, english ka na sa manghimoay ug banig<br>sa amoa ang tawag ana niya<br>tiglala ug banig<br>pwede buli puede pud kanang mas humok pa<br>kalimot kos ngan<br>apan actually tanan nga dahon basta humok lang pwedeng<br>mahimong banig<br>ang importante lamang nga kabalo molala ang tawo<br>pwede ganing maghimo ug<br>sanina, kabalo kas barong gikan sa pinya, jusi ang tawag niini</div><div style="margin:10px 0">si papa kabalo maghimo ug banig<br>ug among silingan nga is asion, mas kabalo mohimo dili lamang banig<br>apil pa gani ang buyot (kanang sudlanan sa humay) <br>ug pati pa ang kalo</div><div style="margin:10px 0">imbitahon ni papa si asion ug siya na ang magdala sa buli<br>aron maghimo ug banig, buyot ug kalo<br>libre ang pamahaw ug paniudto apil na ang sweldo<br>sa tibook adlaw<br>moplastar silang duha sa among kamalig nga ang atop nipa<br>bugnaw sa ilalom sa dakong kahoy nga kaimito<br>ug dayon patingog sa radyo mamati sa mga drama<br>kadtong kabahin ni saturno<br>kadtong estorya ni flora del cielo, <br>oi, kabalo sab ka, kadtong kabahin ni maria flor de luna</div><div style="margin:10px 0">dayon maghimo sila ug koter, mag-inom, mangatawa, <br>samtang maglala sa banig<br>inser diri inser didto sa mga pinutol ug pinauga na<br>nga mga dahon sa buli</div><div style="margin:10px 0">bata pa ako, ug kadugay na sa panahon, <br>namatay na si asion sa iyang katigulangon<br>namatay na si papa sa 'sagpa sa dautang hangin'</div><div style="margin:10px 0">hataas nga estorya ug ako na lang kining mub-on<br>naglala silag banig<br>ug makita mo ang ilang agi, ang kalapad sa mga banig, <br>ang kolor sa mga tina niini, <br>ug ang kabugnaw niini<br>ug samtang namati silang asion ug papa sa drama<br>ako nagalantaw kanila<br>nahikatulog sud sa ilang mga banig<br>kaniadtong panahon</div><div style="margin:10px 0">malinawon sila, bibo, malipayon sila, sa paglala sa banig<br>mora silag mga mambabalak<br>naghimo sa ilang mga balak, </div><div style="margin:10px 0">morag banig ang tanan, atong haguan, ug unta pagkahuman<br>atong makatulgan<br>ug sa atong halawom nga pagkahinanok<br>magdamgo kitang tanan</div><div style="margin:10px 0">pagkaanindot gayod unta</div><div style="margin:10px 0"><br /></a><br />poem by <a href="http://en.citatepedia.ro/by.php?a=Ric+S.+Bastasa">Ric S. Bastasa</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=491871" data-title="Paghimo Ug Banig de Ric S. Bastasa" data-description="mat weaver, english ka na sa manghimoay ug banig sa amoa ang tawag ana niya tiglala ug banig pwede buli puede pud kanang mas humok pa kalimot kos ngan apan actually tanan nga dahon basta humok lang pwedeng mahimong banig ang importante lamang nga ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black