<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=490164" style="color:#000;text-decoration:none"><div style="margin:10px 0"><strong>Kon Magsakit Na Gani Ang Akong Kilid</strong></div><div style="margin:10px 0">Kon magsakit na gani ang akong kilid<br>Lain na dayon ang akong mahunahunaan.<br>Ubod sa lubi nga gikaon sa batol.<br>Mga kuting nga nagpista sa likod ni Exuperio.<br>Nangka nga gitigbak kay wala maputos.<br>Babaye nga nagkanta nga mipiyok.<br>Lalaki nga migunit sa pader kay dili makaihi.<br>Mga tambok nga karapata sa su’d sa dunggan<br>Sa akong iro nga si Bonbon. Mga alimatok<br>Nga nagsuyop sa dugo sa akong mga paa.<br>Gold fish sa aquarium nga nalimtan<br>Og lawog. Naunlod, mibutod ang tiyan.<br>Nabaho. Nahiloan nga bagtok nga mas<br>Dako pa sa iring. Giulod sa ilalom sa banakid<br>Nga humay sa among kamalig. Irong buang<br>Naglutaw sa sapa, gibitik sa mga bugoy.<br>Halwan nga gipasol, wala makuha nalimtan<br>Sa bata didto sa katunggan. Nadugta.</div><div style="margin:10px 0">Hikapon ko ang akong kilid. Painitan<br>Sa akong kamot. Tusak-tusakon paghinay<br>Sa akong tudlo. Gipangita ko kon asa dapit<br>Ang hinungdan. Mahinumduman ko dayon<br>Ang gisulti ni Dr. Lao. Dunay mobutod.<br>Manghubag. Ug moabot ang takna nga atong<br>Gipaabot. Wala nay tambal. Ang mabuhat nato<br>Mao na lang ang paghangad ug pag-ampo.</div><div style="margin:10px 0">Gibuka ko ang akong mga mata. Tutok<br>Sa kisame. Gidawat ko ang tanan. Giabrihan ko<br>Ang bintana. Hangad sa langit. Ihap-ihap<br>Sa mga bitoon. Pagka-anindot pa gayod unta.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Ric+S.+Bastasa">Ric S. Bastasa</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=490164" data-title="Kon Magsakit Na Gani Ang Akong Kilid de Ric S. Bastasa" data-description="Kon magsakit na gani ang akong kilid Lain na dayon ang akong mahunahunaan. Ubod sa lubi nga gikaon sa batol. Mga kuting nga nagpista sa likod ni Exuperio. Nangka nga gitigbak kay wala maputos. Babaye nga nagkanta nga mipiyok. Lalaki nga migunit sa..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black