<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=485813" style="color:#000;text-decoration:none"><div style="margin:10px 0"><strong>Ang Pag-awat</strong></div><div style="margin:10px 0">miabot ang pintor<br>mikuha sa iyang mga kahimanan<br>ang mga bulok nga iyang gihapnig sa iyang mga palad<br>ang brutsa nga iyang gihulom, gitagaan og kinabuhi</div><div style="margin:10px 0">sa iyang lig-on nga mga tudlo<br>molihok na ang iyang kahanas sa pagmugna<br>ang tawo sa daplin sa baybayon</div><div style="margin:10px 0">ang larawan sa tawo nga nagpungko<br>sa daplin sa baybayon<br>dili na ang tawo kon dili ang tawo<br>nga giawat sa iyang kahanas sa pagpinta<br>pukawon ang atong mga pagbati<br>sa mga bulok sa iyang panit<br>wala na kini giputos nga mga unod<br>ug ang mga unod wala na magtabon sa mga bukog</div><div style="margin:10px 0">dakong patag na ang tawo nga atong nahimamat<br>dili na siya ang bukid, ang sapa, ang dagat<br>usa ka debuho, nga usahay labing mahal pa gani<br>sa tinuod nga tawo nga nagpungko<br>didto sa daplin sa baybayon<br>puli sa tinuod ang giawat-awat<br>puli sa tinuod ang mga bakak<br>nga karon labing bililhon</div><div style="margin:10px 0">bakak kana, kay dili na kana kadtong<br>tawong adunay daghang balahibo ang iyang paa<br>kadtong init og ginhawa, <br>kadtong imong gihapuhap, kadtong namatay<br>nadugta, ug sa kataposan gilumotan sa kalimot</div><div style="margin:10px 0"><br /></a><br />poem by <a href="http://en.citatepedia.ro/by.php?a=Ric+S.+Bastasa">Ric S. Bastasa</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=485813" data-title="Ang Pag-awat de Ric S. Bastasa" data-description="miabot ang pintor mikuha sa iyang mga kahimanan ang mga bulok nga iyang gihapnig sa iyang mga palad ang brutsa nga iyang gihulom, gitagaan og kinabuhi sa iyang lig-on nga mga tudlo molihok na ang iyang kahanas sa pagmugna ang tawo sa daplin sa ba..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black