<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=485812" style="color:#000;text-decoration:none"><div style="margin:10px 0"><strong>Ang Mga Tulabong</strong></div><div style="margin:10px 0">Kon unsa ang tultol, mao kana<br>Ang mga puting tulabong sa among<br>Mga basakan.Panon sila kong<br>Manglupad ug mutogpa sa likod<br>Sa mga kabaw.Walay tingog<br>Walay gubot ang ilang pag-abot.<br>Nindot kaayong tan-awon ang<br>Ilang pakigsandurot sa mga kabaw.<br>Walay away nga makita sa ilang<br>Pagpuyo niining gamayng<br>Kalibotan sa mga basakan, <br>Kalapokan ug kasagbotan.<br>Walay tingog ang mga kabaw.<br>Nagpunay ug sabsab sa sagbot.<br>Walay makitang kagubot kuyog<br>Sa pagdagsang sa mga maya<br>Nga morag mga gagmayng laya<br>Nga dahon nga nangahulog<br>Gikan sa langit. Dili pa ting-ani<br>Karon, ug dili sab tingtanom.<br>Walay ulan. Dili kaayo init.<br>Ug ang hangin naglapos-lapos<br>Sa mga gikwadro nga kaumahan.<br>Naglingkod ako silong sa kahoy<br>Sa marang. Sa unahan atua<br>Ang mga puting tulabong mitugpa, <br>Mitupad. Nakig-unot na usab<br>Sa mga kabaw. Ug ang mga maya<br>Nanglupad paingon sa kabayabasan.<br>Milabay ang iro nga itom, kuyog<br>Sa iyang amo nga nagsul-ob og<br>Pla nga polo nga taas og bukton.<br>Itom ang karsones sa bata.<br>Ug siya mitaghoy. Bugnaw<br>Ang huyuhoy sa hangin. Nindot<br>Ang kaudtohon. Puti nga mga tulabong.<br>Itom nga mga kabaw. Lunhaw<br>Nga mga sagbot. Walay mga habalhabal<br>Dinhing dapita. Mipahulay ko. Naminaw, <br>Nag-aninaw. Madungog ko na<br>Ang mga tunob sa mga hulmigas<br>Lakat paingon sa hinog nga bayabas.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Ric+S.+Bastasa">Ric S. Bastasa</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=485812" data-title="Ang Mga Tulabong de Ric S. Bastasa" data-description="Kon unsa ang tultol, mao kana Ang mga puting tulabong sa among Mga basakan.Panon sila kong Manglupad ug mutogpa sa likod Sa mga kabaw.Walay tingog Walay gubot ang ilang pag-abot. Nindot kaayong tan-awon ang Ilang pakigsandurot sa mga kabaw. Walay ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black