<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=485793" style="color:#000;text-decoration:none"><div style="margin:10px 0"><strong>Ang Dapit Nga Abohon</strong></div><div style="margin:10px 0">abi nila kadtong sa bag-o pa sila nahimugso<br>kadtong ang ilang aping sama pa sa bulok sa gumamela<br>abi nila nga ang kalibotan</div><div style="margin:10px 0">puti ug itom lamang<br>wala ug tuo<br>sinugdan lang ug katapusan</div><div style="margin:10px 0">abi nila duha lang ang atong kapilian<br>nga ako mahimong daotan o buotan<br>nga ako magpabilin ba o molakaw palayo<br>nga ako mahimo bang bibo o masulob-on</div><div style="margin:10px 0">abi nila duha lang ang numero niining kalibotan<br>abi nila ikaw ug ako lamang<br>abi nila ang pultahan sud ug gawas lamang<br>abi nila ang bintana sira ug abri lamang<br>abi nila ang tanan mao lamang<br>ang pagsibog ug paghunong</div><div style="margin:10px 0">kini o dili kini<br>kana o dili kana<br>nga kon moadto ka didto<br>biyaan mo gayod kining dapita<br>nagkinahanglan kita<br>og daghang katuigan<br>ug daghang mga tawo<br>nga ato gayod ila-ilahon<br>himamaton ug amumahon<br>ang uban ato ganing ikaipon<br>ug sa matag kaadlawon<br>atong hagwaon pinaagi<br>sa usa ka pakighilawas</div><div style="margin:10px 0">ug estoryahon sa tunga<br>sa usa ka kamingaw<br>aron atong mahibaw-an<br>nga ang tanan diay<br>dili lang duha ka buok<br>nga dili lang kini og kana<br>nga dili lang ang pagsugod og pagtapos<br>o pagtagbo ug pagbiya</div><div style="margin:10px 0">kay sa tinuod lang adunay<br>mga dapit nga abohon<br>nga mura'g naa ug morag wala<br>nga imong mabati<br>nga didto ka apan<br>dia ka usab kaniya<br>mahimamat mo kini sa usa ka panaw<br>sa imong pagbaktas sa dalan<br>sa imong pag-inusara</div><div style="margin:10px 0">molantaw ka sa kasadpan<br>ug sa imong likod naa pa gihapon<br>ang kahayag sa silangan sa adlaw<br>anaa ang paghiusa sa tanan<br>kadtong imong gipili ug imong gilabay<br>kay giingnan ka nga dili mahimo<br>ang paggakos sa upat ug walo o napulo<br>sa imong duha ka mga bukton</div><div style="margin:10px 0">mag-abot sila ug ikaw mopahiyom<br>kay karon ania na silang tanan<br>naghiusa sa imong mga kamot<br>wala nimo damha<br>nga sa mga dapit nga abohon<br>mahingpit diay ang tanan</div><div style="margin:10px 0"><br /></a><br />poem by <a href="http://en.citatepedia.ro/by.php?a=Ric+S.+Bastasa">Ric S. Bastasa</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=485793" data-title="Ang Dapit Nga Abohon de Ric S. Bastasa" data-description="abi nila kadtong sa bag-o pa sila nahimugso kadtong ang ilang aping sama pa sa bulok sa gumamela abi nila nga ang kalibotan puti ug itom lamang wala ug tuo sinugdan lang ug katapusan abi nila duha lang ang atong kapilian nga ako mahimong daotan ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black