<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=458527" style="color:#000;text-decoration:none"><div style="margin:10px 0"><strong>Ankhon Mein Ji Mera Hai Idhar Yar Dekhna</strong></div><div style="margin:10px 0">ankhon mein ji mera hai idhar yar dekhna <br>ashiq ka apane akhri didar dekhna </div><div style="margin:10px 0">kaisa chaman ke ham se asiron ko mana hai <br>chak-e-qafas se bag ki diwar dekhna </div><div style="margin:10px 0">ankhen churaio na tuk abr-e-bahar se <br>meri taraf bhi didah-e-khunbar dekhna </div><div style="margin:10px 0">ae ham-safar na able ko pahunche chashm-e-tar <br>laga hai mere paon mein a kar dekhna </div><div style="margin:10px 0">hona na char chashm dik uss zulm-paishah se <br>hoshiyar zinhar khabardar dekhna </div><div style="margin:10px 0">sayad dil hai dag-e-judai se rashk-e-bag <br>tujh ko bhi ho nasib ye gulzar dekhna </div><div style="margin:10px 0">gar zamzama yahi hai koi din to hamsafar <br>is fasl hi mein ham ko giraftar dekhna </div><div style="margin:10px 0">bul-bul hamare gul pe na gustakh kar nazar <br>ho jayega gale ka kahin har dekhna </div><div style="margin:10px 0">shayad hamari khak se kuch ho bhi ae nasim <br>girbal kar ke kucha-e-dildar dekhna </div><div style="margin:10px 0">us khush-nigah ke ishq se parhez kijio 'Mir' <br>jata hai leke ji hi ye azar dekhna</div><div style="margin:10px 0"><br /></a><br />poem by <a href="http://en.citatepedia.ro/by.php?a=Meer+Taqi+Meer">Meer Taqi Meer</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=458527" data-title="Ankhon Mein Ji Mera Hai Idhar Yar Dekhna de Meer Taqi Meer" data-description="ankhon mein ji mera hai idhar yar dekhna ashiq ka apane akhri didar dekhna kaisa chaman ke ham se asiron ko mana hai chak-e-qafas se bag ki diwar dekhna ankhen churaio na tuk abr-e-bahar se meri taraf bhi didah-e-khunbar dekhna ae ham-saf..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black