<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=420398" style="color:#000;text-decoration:none"><div style="margin:10px 0"><strong>Confessio Amantis, Book III</strong></div><div style="margin:10px 0">Appolinus his lev{.e} tok,<br> To God and al the lond betok<br> With al the poeple long and brod,<br> That he no lenger there abod.<br> The king and queen{.e} sorw{.e} mad{.e},<br> Bot yit somdiel thei weren glad{.e}<br> Of such thing as thei herden tho:<br> And thus betwen the wel and wo<br> To schip he goth, his wif with child{.e},<br> The which was ever{.e} meke and myld{.e}<br> And wold{.e} noght departe him fro,<br> Such lov{.e} was betwen hem tuo.<br> Lichorida for hire offic{.e}<br> Was tak{.e}, which was a norric{.e},<br> To wend{.e} with this yong{.e} wif,<br> To whom was schape a woful lif.<br> Withinne a time, as it betidd{.e},<br> Whan thei were in the see amidd{.e},<br> Out of the north they sihe a cloud{.e};<br> The storm aros, the wynd{.e}s loud{.e}<br> Thei blewen many a dredful blast,<br> The welkn{.e} was al overcast,<br> The derk{.e} nyht the sonne hath under,<br> Ther was a gret tempeste of thunder:<br> The mone and ek the sterr{.e}s both{.e}<br> In blak{.e} cloud{.e}s thei hem cloth{.e},<br> Wherof here briht{.e} lok thei hyd{.e}.<br> This yong{.e} ladi wepte and crid{.e},<br> To whom no confort myhte avail{.e};<br> Of child{.e} sche began travail{.e},<br> Wher sche lay in a caban clos:<br> Hire woful lord fro hire aros,<br> And that was longe er eny morw{.e},<br> So that in anguisse and in sorw{.e}<br> Sche was deliver{.e}d al be nyht{.e}<br> And ded in every mannes syht{.e};<br> Bot nath{.e}les for al this wo<br> A maid{.e} child was bor{.e} tho.</div><div style="margin:10px 0"> Appolinus whan he this knew,<br> For sorwe a swoune he overthrew,<br> That noman wiste in him no lif.<br> And whanne he wok, he seide, &quot;Ha, wif,<br> Mi lust, mi joi{.e}, my desir,<br> Mi welthe and my recoverir,<br> Why schal I live, and thou schalt dy{.e}?<br> Ha, thou fortune, I thee deffi{.e},<br> Nou hast thou do to me thi werst{.e}.<br> Ha, hert{.e}, why ne wolt thou berst{.e},<br> That forth with hire I myht{.e} pass{.e}?<br> Mi pein{.e}s weren wel the lass{.e}.&quot;<br> In such wepinge and in such cry<br> His ded{.e} wif, which lay him by,<br> A thousend sith{.e}s he hire kist{.e};<br> Was nevere man that sih ne wist{.e}<br> A sorwe unto his sorw{.e} lich;<br> For evere among, upon the lich<br> He fell swounende, as he that soght{.e}<br> His oghn{.e} deth, which he besoght{.e}<br> Unto the godd{.e}s alle abov{.e}<br> With many a pitous word of lov{.e};<br> Bot such{.e} word{.e}s as tho wer{.e}<br> Yit herd{.e} nevere mannes er{.e},<br> Bot only thilk{.e} whiche he seid{.e}.<br> The maister schipman cam and preid{.e}<br> With othr{.e} suche as be therinn{.e},<br> And sein that he mai nothing winn{.e}<br> Ayein the deth, bot thei him red{.e},<br> He be wel war and tak hied{.e},<br> The see be weie of his natur{.e}<br> Receiv{.e} mai no creatur{.e}<br> Withinne himself as forto hold{.e},<br> The which is ded: forthi thei wold{.e},<br> As thei conseilen al about{.e},<br> The ded{.e} body casten out{.e}.<br> For betre it is, thei seiden all{.e},<br> That it of hir{.e} so befall{.e},<br> Than if thei scholden all{.e} spill{.e}.</div><div style="margin:10px 0"> The king, which understod here will{.e}<br> And knew here conseil that was trew{.e},<br> Began ayein his sorw{.e} new{.e}<br> With pitous herte, and thus to sei{.e}:<br> &quot;It is al reson that ye prei{.e}.<br> I am,&quot; quod he, &quot;bot on al on{.e},<br> So wolde I noght for mi person{.e}<br> There fell{.e} such adversité.<br> Bot whan it mai no betr{.e} be,<br> Doth thann{.e} thus upon my word,<br> Let make a cofr{.e} strong of bord,<br> That it be ferm with led and pich.&quot;<br> Anon was mad a cofr{.e} sich,<br> Al redy broght unto his hond;<br> And whanne he sih and redy fond<br> This cofr{.e} mad and wel enclow{.e}d,<br> The ded{.e} bodi was besow{.e}d<br> In cloth of gold and leid therinn{.e}.<br> And for he wolde unto hir winn{.e}<br> Upon som cooste a sepultur{.e},<br> Under hire heved in aventur{.e}<br> Of gold he leid{.e} somm{.e}s gret{.e}<br> And of jeueals a strong beyet{.e}<br> Forth with a lettre, and seid{.e} thus:</div><div style="margin:10px 0"> &quot;I, king of Tyr Appollinus,<br> Do all{.e} maner men to wit{.e},<br> That hiere and se this lettr{.e} writ{.e},<br> That help{.e}les without{.e} red<br> Hier lith a king{.e}s doghter ded:<br> And who that happeth hir to find{.e},<br> For charité tak in his mynd{.e},<br> And do so that sche be begrav{.e}<br> With this tr{.e}sor, which he schal hav{.e}.&quot;<br> Thus whan the lettr{.e} was full spok{.e},<br> Thei have anon the cofr{.e} stok{.e},<br> And bounden it with yren fast{.e},<br> That it may with the waw{.e}s last{.e},<br> And stoppen it be such a wei{.e},<br> That it schal be withinn{.e} drei{.e},<br> So that no water myhte it griev{.e}.<br> And thus in hope and good believ{.e}<br> Of that the corps schal wel aryv{.e},<br> Thei caste it over bord als blyv{.e}.</div><div style="margin:10px 0"> The schip forth on the waw{.e}s went{.e};<br> The prince hath chang{.e}d his entent{.e},<br> And seith he wol noght come at Tyr<br> As thann{.e}, bot al his desir<br> Is ferst to seilen unto Thars{.e}.<br> The wyndy storm began to skars{.e},<br> The sonne arist, the weder cliereth,<br> The schipman which behind{.e} stiereth<br> Whan that he sih the wynd{.e}s saght{.e},<br> Toward{.e}s Tharse his cours he straght{.e}.</div><div style="margin:10px 0"> Bot now to mi matiere ayein,<br> To telle as old{.e} bok{.e}s sein,<br> This dede corps of which ye know{.e}<br> With wynd and water was forthrow{.e}<br> Now hier, now ther, til at{.e} last{.e}<br> At Ephesim the see upcast{.e}<br> The cofre and al that was therinn{.e}.<br> Of gret merveil{.e} now beginn{.e}<br> Mai hier{.e} who that sitteth still{.e};<br> That God wol sav{.e} mai noght spill{.e}.<br> Riht as the corps was throwe alond{.e},<br> Ther cam walkende upon the strond{.e}<br> A worthi clerc, a surgi{.e}n,<br> And ek a gret phisici{.e}n,<br> Of al that lond the wisest on,<br> Which hiht{.e} Maister Cerymon;<br> Ther were of his discipl{.e}s som{.e}.<br> This maister to the cofre is com{.e},<br> He peiseth ther was somwhat in,<br> And bad hem bere it to his in,<br> And goth himselv{.e} forth withal.<br> Al that schal fall{.e}, fall{.e} schal;<br> They comen hom and tari{.e} noght;<br> This cofre is into chambr{.e} broght,<br> Which that thei find{.e} fast{.e} stok{.e},<br> Bot thei with craft it have unlok{.e}.<br> Thei loken in, where as thei found{.e}<br> A bodi ded, which was bewound{.e}<br> In cloth of gold, as I seide er,<br> The tresor ek thei founden ther<br> Forth with the lettr{.e} which thei red{.e}.<br> And tho thei token betr{.e} hied{.e};<br> Unsowed was the bodi son{.e},<br> And he, which knew what is to don{.e},<br> This nobl{.e} clerk, with all{.e} hast{.e}<br> Began the vein{.e}s forto tast{.e},<br> And sih hire ag{.e} was of youth{.e},<br> And with the craft{.e}s whiche he couth{.e}<br> He soghte and fond a signe of lif.<br> With that this worthi king{.e}s wif<br> Honest{.e}ly thei token out{.e},<br> And maden fyr{.e}s al about{.e};<br> Thei leide hire on a couch{.e} soft{.e},<br> And with a scheet{.e} warm{.e}d oft{.e}<br> Hire cold{.e} brest began to het{.e},<br> Hire herte also to flacke and bet{.e}.<br> This maister hath hire every joignt<br> With certein oile and balsme enoignt,<br> And putte a liquour in hire mouth,<br> Which is to few{.e} clerk{.e}s couth,<br> So that sche coevereth at{.e} last{.e}:<br> And ferst hire yhen up sche cast{.e},<br> And whan sche more of strengthe cawht{.e},<br> Hire arm{.e}s both{.e} forth sche strawht{.e},<br> Hield up hire hond and pitously<br> Sche spak and seide, &quot;Ha, wher am I?<br> Where is my lord, what world is this?&quot;<br> As sche that wot noght hou it is.<br> Bot Cerymon the worthi lech{.e}<br> Ansuerde anon upon hire spech{.e}<br> And seith, &quot;Ma dam{.e}, yee ben hier{.e},<br> Where yee be sauf, as yee schal hier{.e}<br> Hierafterward; forthi as nou<br> Mi conseil is, conforteth you:<br> For trusteth wel without{.e} fail{.e},<br> Ther is nothing which schal you fail{.e},<br> That oghte of reson to be do.&quot;</div><div style="margin:10px 0"><br /></a><br />poem by <a href="http://en.citatepedia.ro/by.php?a=John+Gower">John Gower</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=420398" data-title="Confessio Amantis, Book III de John Gower" data-description="Appolinus his lev{.e} tok, To God and al the lond betok With al the poeple long and brod, That he no lenger there abod. The king and queen{.e} sorw{.e} mad{.e}, Bot yit somdiel thei weren glad{.e} Of such thing as thei herden tho: And thus ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black