<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=418954" style="color:#000;text-decoration:none"><div style="margin:10px 0"><strong>The Brus Book XVI</strong></div><div style="margin:10px 0">[King Robert goes to Ireland] </div><div style="margin:10px 0">Quhen Schyr Edward, as Ik said ar, <br>Had discomfyt Richard of Clar <br>And of Irland all the barnage <br>Thris throu his worthi vasselag <br>5 And syne with all his men of mayn <br>Till Cragfergus wes cummyn agayn, <br>The gud erle of Murreff Thomas <br>Tuk leyff in Scotland for to pas, <br>And he him levyt with a gruching, <br>10 And syne him chargyt to the king <br>To pray him specialli that he <br>Cum intill Irland him to se, <br>For war thai bath into that land <br>Thai suld fynd nane suld thaim withstand. <br>15 The erle furth thane his way has tane <br>And till his schipping is he gayn <br>And sayllyt weill out-our the se. <br>Intill Scotland sone aryvit he, <br>Syne till the king he went in hy, <br>20 And he resavyt him glaidsumly <br>And speryt of his brodyr fayr <br>And of journayis that thai had thar, <br>And he him tauld all but lesing. <br>Quhen the king left had the spering <br>25 His charge to the gud king tauld he, <br>And he said he wald blythly se <br>Hys brother and se the affer <br>Off that cuntre and off thar wer. <br>A gret mengye then gaderyt he, <br>30 And twa lordys of gret bounte <br>The tane the Stewart Walter was <br>The tother James of Douglas <br>Wardanys in his absence maid he <br>For to maynteyme wele the countre, <br>35 Syne to the se he tuk the way <br>And at Lochriane in Galloway <br>He schippyt with all his menye, <br>To Cragfergus sone cummyn is he. <br>Schyr Edward of his come wes blyth <br>40 And went doun to mete him swyth <br>And welcummyt him with glaidsome cher, <br>Sa did he all that with him wer <br>And specially the erle Thomas <br>Off Murreff that his nevo was, <br>45 Syne till the castell went thai yar <br>And maid thaim mekill fest and far. <br>Thai sojournyt that dayis thre <br>And that in myrth and jolyte. </div><div style="margin:10px 0">[The Scots march south and an ambush is prepared for them] </div><div style="margin:10px 0">King Robert apon this kyn wis <br>50 Intill Irland aryvit is, <br>And quhen in Cragfergus had he <br>With his men sojournyt dayis thre <br>Thai tuk to consaill that thai wald <br>With thar folk thar wayis hald <br>55 Throu all Irland fra end till other. <br>Schyr Edward than the kingis brother <br>Befor in the avaward raid, <br>The king himselff the rerward maid <br>That had intill his cumpany <br>60 The erle Thomas that wes worthi. <br>Thar wayis southwart haff thai tane <br>And sone ar passyt Inderwillane. <br>This wes in the moneth of May <br>Quhen byrdis syngis in ilk spray <br>65 Melland thar notis with seymly soune <br>For softnes of the swet sesoun, <br>And levys off the branchys spredis <br>And blomys brycht besid tham bredis <br>And feldis ar strowyt with flouris <br>70 Well saverand of ser colouris <br>And all thing worthis blyth and gay, <br>Quhen that this gud king tuk his way <br>To rid southwart as I said ar. <br>The wardane than Richard of Clar <br>75 Wyst the king wes aryvyt sua <br>And wyst that he schup him to ta <br>His way towart the south contre, <br>And of all Irland assemblit he <br>Bath burges and chevalry <br>80 And hobilleris and yhumanry <br>Quhill he had ner fourty thousand. <br>Bot he wald nocht yet tak on hand <br>With all his fayis in feld to fycht <br>Bot he umbethocht him of ane slycht, <br>85 That he with all his gret menye <br>Wald in a wod enbuschit be <br>All prively besid the way <br>Quhar that thar fayis suld away, <br>And lat the avaward pas fer by <br>90 And syne assembill hardely <br>On the rerward with all thar men. <br>Thai did as thai divisyt then, <br>In ane wod thai enbuschit wer, <br>The Scottis ost raid by thaim ner <br>95 Bot thai na schawing of thaim maid. </div><div style="margin:10px 0">[The ambush of King Robert's men; the folly of Colin Campbell] </div><div style="margin:10px 0">Schyr Edward weill fer forouth rad <br>With thaim that war of his menye, <br>To the rerward na tent tuk he, <br>And Schyr Richard of Clar in hy <br>100 Quhen Schyr Edward wes passyt by <br>Send lycht yomen that weill couth schout <br>To bykkyr the rerward apon fute. <br>Then twa of thaim that send furth war <br>At the wod sid thaim bykkerit thar <br>105 And schot amang the Scottismen. <br>The king that had thar with him then <br>Weill fyve thousand wicht and worthi <br>Saw thai twa sa abandounly <br>Schut amang thaim and cum sa ner. <br>110 He wist rycht weill withoutyn wer <br>That thai rycht ner suppowall had, <br>Tharfor a bidding has he mad <br>That na man sall be sa hardy <br>To prik at thaim, bot sarraly <br>115 Rid redy ay into bataill <br>To defend gif men wald assail, <br>'For we sall sone, Ik undreta,' <br>He said, 'haf for to do with ma.' <br>Bot Schyr Colyne Cambell, that ner <br>120 Was by quhar thai twa yhumen wer <br>Schoutand amang thaim hardily, <br>Prykyt on thaim in full gret hy <br>And sone the tane has our-tane <br>And with the sper him sone has slane, <br>125 The tother turnyt and schot agayne <br>And at the schot his hors has slane. <br>With that the king come hastily <br>And intill his malancoly <br>With a trounsoun intill hys new <br>130 To Schyr Colyne sic dusche he geve <br>That he dynnyt on his arsoun, <br>Than bad he smertly tit him doun. <br>Bot other lordis that war him by <br>Ameyssyt the king into party, <br>135 And he said, 'Breking of bidding <br>Mycht caus all our discumfiting. <br>Weyne ye yone ribaldis durst assaill <br>Us sa ner intill our bataill <br>Bot giff thai had suppowaill ner. <br>140 I wate rycht weill withoutyn wer <br>That we sall haf to do in hy, <br>Tharfor luk ilk man be redy.' <br>With that weill neir thretty or ma <br>Off bowmen come and bykyrit sua <br>145 That thai hurt off the kingis men. <br>The king has gert his archeris then <br>Schoute for to put thai men agayn. <br>With that thai entryt in a playn <br>And saw arayit agayn thaim stand <br>150 In four bataillis fourty thousand. <br>The king said, 'Now, lordingis, lat se <br>Quha worthy in this fycht sall be, <br>On thaim foroutyn mar abaid.' </div><div style="margin:10px 0">[The fight and victory of King Robert] </div><div style="margin:10px 0">Sa stoutly than on thaim thai raid <br>155 And assemblyt sa hardely <br>That off thar fayis a gret party <br>War laid at erd at thar meting. <br>Thar wes off speris sic bristing <br>As ather apon other raid <br>160 That it a wele gret frusch has maid, <br>Hors come thar fruschand heid for heid <br>Sua that fele on the ground felle deid. <br>Mony a wycht and worthi man <br>As ather apon other ran <br>165 War duschyt dede doun to the ground, <br>The red blud out off mony a wound <br>Ruschyt in sa gret foysoun than <br>That off the blud the stremys ran. <br>And thai that wraith war and angry <br>170 Dang on other sa hardily <br>With wapnys that war brycht and bar <br>That mony a gud man deyit thar, <br>For thai that hardy war and wycht <br>And frontlynys with thar fayis gan fycht <br>175 Pressyt thaim formast for to be. <br>Thar mycht men cruell bargane se <br>And hard bataill. Ik tak on hand <br>In all the wer off Irland <br>Sa hard a fechting wes nocht sene, <br>180 The-quhether of gret victours nynteyne <br>Schyr Edward has withoutyn wer, <br>And into les than in thre yer, <br>And in syndry bataillis of tha <br>Vencussyt thretty thousand and ma <br>185 With trappyt hors rycht to the fete, <br>Bot in all tymys he wes yete <br>Ay ane for fyve quhen lest wes he. <br>Bot the king into this melle <br>Had alwayis aucht of his fa-men <br>190 For ane, bot he sua bar him then <br>That his gud deid and his bounte <br>Confortyt sua all his menye <br>That the mast coward hardy wes, <br>For quhar he saw the thikkest pres <br>195 Sa hardely on thaim he raid <br>That thar about him roume he maid, <br>And Erle Thomas the worthi <br>Wes in all tyme ner him by <br>And faucht as he war in a rage, <br>200 Sua that for thar gret vasselage <br>Thar men sic gret hardyment gan tak <br>That thai na perell wald forsak <br>Bot thaim abandound sa stoutly <br>And dang apon thaim sa hardely <br>205 That all thar fayis affrayit war. <br>And thai that saw weill be thar far <br>That thai eschewyt sumdele the fycht <br>Than dang thai on with all thar mycht <br>And pressit thame dyngand so fast 209 <br>210 That thai the bak gaf at the last, 210 <br>And thai that saw thaim tak the flicht 211 <br>Pressit thame than with all thare mycht 212 <br>And in thar fleyng fele gan sla. 209 <br>The kingis men has chassyt sua <br>215 That thai war scalyt everilkane. 211 <br>Rychard off Clar the way has tane <br>To Devillyne into full gret hy <br>With other lordys that fled him by <br>And warnysyt bath castellis and townys <br>220 That war in thar possessiounys. 216 <br>Thai war sa felly fleyit thar <br>That I trow Schyr Richard off Clar <br>Sall haiff na will to faynd his mycht <br>In bataill na in fors to fycht <br>225 Quhill King Robert and his menye 221 <br>Is dwelland in that cuntre. <br>Thai stuffyt strenthis on this wis, <br>And the king that wes to pris <br>Saw in the feld rycht mony slane, <br>230 And ane of thaim that thar wes tane 226 <br>That wes arayit jolyly <br>He saw greyt wonder tenderly, <br>And askyt him quhy he maid sic cher. <br>He said him, 'Schyr, withoutyn wer <br>235 It is na wonder thocht I gret. 231 <br>I se fele her lossyt the suet, <br>The flour of all north Irland <br>That hardyast war of thar hand <br>And mast doutyt in hard assay.' <br>240 The king said, 'Thou dois wrang perfay, 236 <br>Thou has mar caus myrthis to ma <br>For thou the dede eschapyt sua.' </div><div style="margin:10px 0">[Edward Bruce upbraided; the Scots' journey, and the wait for the laundress] </div><div style="margin:10px 0">Richard off Clar on this maner <br>And all his folk discomfyt wer <br>245 With few folk, as I to you tauld, 241 <br>And quhen Edward the Bruys the bauld <br>Wyst at the king had fochtyn sua <br>With sa fele folk, and he tharfra, <br>Mycht na man se a waer man. <br>250 Bot the gud king said till him than 246 <br>That it wes his awne foly <br>For he raid sua unwittely <br>Sa far befor, and na vaward <br>Maid to thaim of the rerward, <br>255 For he said quha on wer wald rid 251 <br>In a vaward he suld na tid <br>Pas fra his rerward fer of sycht <br>For gret perell sua fall thar mycht. <br>Off this fycht will we spek no mar, <br>260 Bot the king and all that thar war 256 <br>Raid furthwartis in bettyr aray <br>And nerar togidder than er did thai. <br>Throu all the land playnly thai raid, <br>Thai fand nane that thaim obstakill maid. <br>265 Thai raid evyn forouth Drochindra 261 <br>And forouth Devillyne syne alsua <br>And to giff battaill nane thai fand, <br>Syne went thai southwart in the land <br>And rycht till Lynrike held thar way <br>270 That is the southmaist toun perfay 266 <br>That in Irland may fundyn be. <br>Thar lay thai dayis twa or thre <br>And buskyt syne agayn to far, <br>And quhen that thai all redy war <br>275 The king has hard a woman cry, 271 <br>He askyt quhat that wes in hy. <br>'It is the laynder, schyr,' said ane, <br>'That hyr child-ill rycht now has tane <br>And mon leve now behind us her, <br>280 Tharfor scho makys yone ivill cher.' 276 <br>The king said, 'Certis, it war pite <br>That scho in that poynt left suld be, <br>For certis I trow thar is no man <br>That he ne will rew a woman than.' <br>285 His ost all thar arestyt he 281 <br>And gert a tent sone stentit be <br>And gert hyr gang in hastily, <br>And other wemen to be hyr by. <br>Quhill scho wes deliver he bad <br>290 And syne furth on his wayis raid, 286 <br>And how scho furth suld caryit be <br>Or ever he furth fur ordanyt he. <br>This wes a full gret curtasy <br>That swilk a king and sa mychty <br>295 Gert his men dwell on this maner 291 <br>Bot for a pouer lauender. <br>Agayne northwart thai tuk thar way <br>Throu all Irland than perfay, <br>Throu all Connach rycht to Devillyne, <br>300 And throu all Myth and Irell syne 296 <br>And Monester and Lenester, <br>And syne haly throu Ulsister, <br>To Cragfergus foroutyn bataill, <br>For thar wes nane durst thaim assaill. </div><div style="margin:10px 0">[Edward Bruce and the Irish kings; his failings] </div><div style="margin:10px 0">305 The kingis off Irchery 301 <br>Come to Schyr Edward halily <br>And thar manredyn gan him ma <br>Bot giff that it war ane or twa. <br>Till Cragfergus thai come again, <br>310 In all that way wes nane bargain 306 <br>Bot giff that ony poynye wer <br>That is nocht for to spek of her. <br>The Irsche kingis than everilkane <br>Hame till thar awne repayr ar gane, <br>315 And undretuk in allkyn thing 311 <br>For till obey to the bidding <br>Off Schyr Edward that thar king callit thay. <br>He wes now weill set in gud way <br>To conquer the land halyly, <br>320 For he had apon his party 316 <br>The Irschery and Ulsyster, <br>And he wes sa furth on his wer <br>That he wes passyt throu Irland <br>Fra end till uthyr throu strenth of hand. <br>325 Couth he haf governyt him throu skill 321 <br>And folowyt nocht to fast his will <br>Bot with mesur haf led his dede <br>It wes weill lik withoutyn drede <br>That he mycht haiff conqueryt weill <br>330 The land of Irland ilkadele, 326 <br>Bot his outrageous sucquedry <br>And will that wes mar than hardy <br>Off purpose lettyt him perfay, <br>As Ik herefter sall you say, </div><div style="margin:10px 0">[Douglas at Lintalee; Sir Thomas Richmond proposes <br>to cut down Jedworth Forest] </div><div style="margin:10px 0">335 Now leve we her the noble king 331 <br>All at his ese and his liking, <br>And spek we of the lord of Douglas <br>That left to kep the marches was. <br>He gert set wrychtis that war sleye <br>340 And in the halche of Lintaile 336 <br>He gert thaim mak a fayr maner, <br>And quhen the housis biggit wer <br>He gert purvay him rycht weill thar <br>For he thoucht to mak ane infar <br>345 And to mak gud cher till his men. 341 <br>In Rychmound wes wonnand then <br>Ane erle that men callit Schyr Thomas, <br>He had invy at the Douglas <br>And said gif that he his baner <br>350 Mycht se displayit apon wer 346 <br>That sone assemble on it suld he. <br>He hard how the Douglas thocht to be <br>At Lyntailey and fest to ma, <br>And he had wittering weill alsua <br>355 That the king and a gret menye 351 <br>War passyt than of the countre <br>And the erle of Murref Thomas, <br>Tharfor he thocht the countre was <br>Febill of men for to withstand <br>360 Men that thame soucht with stalwart hand, 356 <br>And of the marchis than had he <br>The governaile and the pouste. <br>He gaderyt folk about him then <br>Quhill he wes ner ten thousand men, <br>365 And wod-axys gert with him tak 361 <br>For he thocht he his men wald mak <br>To hew Jedwort Forrest sa clene <br>That na tre suld tharin be sene. <br>Thai held thaim forthwart on thar way, <br>370 Bot the gud lord Douglas that ay 366 <br>Had spyis out on ilka sid <br>Had gud wittering that thai wald rid <br>And cum apon him suddanly. <br>Than gaderyt he rycht hastily <br>375 Thaim that he moucht of his menye, 371 <br>I trow that than with him had he <br>Fyfty that worthy war and wicht <br>At all poynt armyt weill and dycht, <br>And off archeris a gret menye <br>380 Assemblyt als with him had he. 376 <br>A place thar was thar in the way <br>Quhar he thocht weill thai suld away <br>That had wod apon athyr sid, <br>The entre wes weill large and wid <br>385 And as a scheild it narowit ay 381 <br>Quhill at intill a place the way <br>Wes nocht a pennystane cast of breid. <br>The lord of Douglas thidder yeid <br>Quhen he wyst thai war ner cummand, <br>390 And a-lauch on the ta hand 386 <br>All his archeris enbuschit he <br>And bad thaim hald thaim all preve <br>Quhill that thai hard him rays the cry, <br>And than suld schut hardely <br>395 Amang thar fayis and sow thaim sar 391 <br>Quhill that he throu thaim passyt war, <br>And syne with him furth hald suld thai. <br>Than byrkis on athyr sid the way <br>That young and thik war growand ner <br>400 He knyt togidder on sic maner 396 <br>That men moucht nocht weill throu thaim rid. </div><div style="margin:10px 0">[Douglas defeats and kills Richmond, then drives off his clerk from Lintalee] </div><div style="margin:10px 0">Quhen this wes done he gan abid <br>Apon the tother half the way, <br>And Richmound in gud aray <br>405 Come ridand in the fyrst escheill. 401 <br>The lord Douglas has sene him weill <br>And gert his men all hald thaim still <br>Quhill at thar hand thai come thaim till <br>And entryt in the narow way, <br>410 Than with a schout on thaim schot thai 406 <br>And criyt on hycht, 'Douglas! Douglas!' <br>The Richmound than that worthi was <br>Quhen he has hard sua rais the cry <br>And Douglas baner saw planly <br>415 He dressyt thidderwart in hy 411 <br>And thai come on sa hardily <br>That thai throu thaim maid thaim the way, <br>All that thai met till erd bar thai. <br>The Richmound borne doun thar was, <br>420 On him arestyt the Douglas 416 <br>And him reversyt and with a knyff <br>Rycht in that place reft him the lyff. <br>Ane hat apon his helm he bar <br>And that tuk with him Douglas thar <br>425 In taknyng, for it furryt was, 421 <br>And syne in hy thar wayis tays <br>Quhill in the wod thai entryt war. <br>The archeris weill has borne thaim thar <br>For weill and hardily schot thai. <br>430 The Inglis rout in gret affray 426 <br>War set, for Douglas suddanly <br>With all thaim of his cumpany <br>Or ever thai wyst wes in thar rout <br>And thyrlyt thaim weill ner throchout, <br>435 And had almast all doyn his deid 431 <br>Or thai to help thaim couth tak heid. <br>And quhen thai saw thar lord slayn <br>Thai tuk him up and turnyt agayn <br>To draw thaim fra the schot away, <br>440 Than in a plane assemblit thai 436 <br>And for thar lord that thar wes dede <br>Thai schup thaim in that ilk sted <br>For to tak herbery all that nycht. <br>And than the Douglas that wes wicht <br>445 Gat wytteryng ane clerk Elys 441 <br>With weill thre hunder ennymys <br>All straucht to Lintaile war gayn <br>And herbery for thar ost had tane. <br>Than thidder is he went in hy <br>450 With all thaim of his cumpany 446 <br>And fand clerk Elys at the mete <br>And his round about him set, <br>And thai come on thaim stoutly thar <br>And with swerdis that scharply schar <br>455 Thai servyt thaim full egrely. 451 <br>Slayn war thai full grevously <br>That wele ner eschapyt nane, <br>Thai servyt thaim on sa gret wane <br>With scherand swerdis and with knyffis <br>460 That weile ner all left the lyvys. 456 <br>Thai had a felloun efter mes, <br>That sourchargis to chargand wes. <br>Thai that eschapyt thar throu cas <br>Rycht till the ost the wayis tais <br>465 And tauld how that thar men war slayn 461 <br>Sa clene that ner eschapyt nane. <br>And quhen thai of thar ost had herd <br>How that the Douglas with thaim ferd <br>That had thar herbryouris slane <br>470 And ruschyt all thaim self agayn 466 <br>And slew thar lord in-myd thar rout, <br>Thar wes nane of thaim all sa stout <br>That mar will than had till assaile <br>The Douglas, tharfor to consaill <br>475 Thai yeid and to purpose has tane 471 <br>To wend hamwart, and hamwart ar gan <br>And sped thaim sua apon thar way <br>That in Ingland sone cummyn ar thai. <br>The forest left thai standand still, <br>480 To hew it than thai had na will 476 <br>Specially quhill the Douglas <br>Sua ner-hand by thar nychtbur was. <br>And he that saw thaim torne agayn <br>Persavyt weill thar lord wes slayn <br>485 And be the hat that he had tane 481 <br>He wist alsua weill, for ane <br>That takyn wes said him suthly <br>That Rychmound commounly <br>Wes wount that furryt hat to wer. <br>490 Than Douglas blythar wes than er 486 <br>For he wist weill that Rychmound <br>His felloun fa wes brocht to the ground. </div><div style="margin:10px 0">[A comparison of Douglas's exploits] </div><div style="margin:10px 0">Schyr James of Douglas on this wis <br>Throu his worschip and his empris <br>495 Defendyt worthely the land. 491 <br>This poynt of wer, I tak on hand, <br>Wes undretane full apertly <br>And eschevyt rycht hardely, <br>For he stonayit foroutyn wer <br>500 That folk that well ten thousand wer 496 <br>With fyfty armyt men but ma. <br>I can als tell you other twa <br>Poyntis that wele eschevit wer <br>With fyfty men, and but wer <br>505 Thai war done sua rycht hardely 501 <br>That thai war prisit soveranly 502 <br>Atour all othir poyntis of wer 503 <br>That in that tym eschevit wer 504 <br>This wes the fyrst that sua stoutly 501 <br>510 Wes brocht till end wele with fifty 502 <br>Into Galloway the tother fell <br>Quhen as ye forouth herd me tell <br>Schyr Edward the Bruys with fifty <br>Vencussyt of Sanct Jhon Schyr Amery <br>515 And fyften hunder men be tale. 507 <br>The thrid fell intill Esdaill <br>Quhen that Schyr Jhone the Soullis was <br>The governour of all that place, <br>That to Schyr Androw Hardclay <br>520 With fifty men withset the way 512 <br>That had thar in his cumpany <br>Thre hunder horsyt jolyly. <br>This Schyr Jhone intill playn melle <br>Throu soverane hardiment and bounte <br>525 Vencussyt thaim sturdely ilkan 517 <br>And Schyr Andrew in hand has tane, <br>I will nocht rehers the maner <br>For quha-sa likis thai may her <br>Young wemen quhen thai will play <br>530 Syng it amang thaim ilk day. 522 <br>Thir war the worthi poyntis thre <br>That I trow evermar sall be <br>Prissyt quhile men may on thaim mene. <br>It is well worth foroutyn wene <br>535 That thar namys for evermar, 527 <br>That in thar tym sua worthi war <br>That men till her yeit has daynte, <br>For thar worschip and thar bounte <br>Be lestand ay furth in loving, <br>540 Quhar He that is of hevynnys king 532 <br>Bring thaim he up till hevynnys blis <br>Quhar allwayis lestand loving is. </div><div style="margin:10px 0">[English ships come to Fife; the Scots let them land] </div><div style="margin:10px 0">In this tym that the Richmound <br>Was on this maner brocht to ground <br>545 Men off the cost off Ingland 537 <br>That dwelt on Humbre or nerhand <br>Gaderyt thaim a gret mengne <br>And went in schippes to the se, <br>And towart Scotland went in hy <br>550 And in the Fyrth come hastely. 542 <br>Thai wend till haiff all thar liking <br>For thai wist weile that the king <br>Wes then fer out of the countre, <br>With him mony of gret bounte, <br>555 Tharfor into the Fyrth come thai 547 <br>And endlang it up held thai <br>Quhill thai besid Ennerkething <br>On west half towart Dunferlyng <br>Tuk land and fast begouth to ryve. <br>560 The erle of Fyff and the schyrreff 552 <br>Saw to thar cost schippis approchand <br>Thai gaderyt to defend thar land <br>And a-forgayn the schippis ay <br>As thai saillyt thai held thar way <br>565 And thocht to let thaim land to tak. 557 <br>And quhen the schipmen saw thaim mak <br>Swilk contenance in sic aray <br>Thai said amang thaim all that thai <br>Wald nocht let for thaim land to ta, <br>570 Than to the land thai sped thaim sua 562 <br>That thai come thar in full gret hy <br>And aryvyt full hardely. <br>The Scottismen saw thar cummyng <br>And had of thaim sic abasing <br>575 That thai all samyn raid thaim fra 567 <br>And the land letles lete thaim ta. <br>Thai durst nocht fecht with thaim, forthi <br>Thai withdrew thaim all halily <br>The-quhethyr thai war fyve hunder ner. </div><div style="margin:10px 0">[The bishop of Dunkeld drives the English to their ships] </div><div style="margin:10px 0">580 Quhen thai away thus ridand wer 572 <br>And na defens begouth to schape, <br>Off Dunkeldyn the gud byschap <br>That men callyt Wilyam the Sanctecler <br>Come with a rout in gud maner. <br>585 I trow on hors thai war sexty, 577 <br>Himselff was armyt jolyly <br>And raid apon a stalwart sted, <br>A chemer for till hele his wed <br>Apon his armour had he then <br>590 And armyt weill als war his men. 582 <br>The erle and the schyrreff met he <br>Awaywart with thar gret menye, <br>And askyt thaim weill sone quhat hy <br>Maid thaim to turne sa hastily. <br>595 Thai said thar fayis with stalwart hand 587 <br>Had in sic foysoun takyn the land <br>That thai thocht thaim all out to fele <br>And thaim to few with thaim to dele. <br>Quhen the bischap hard it wes sua <br>600 He said, 'The king aucht weill to ma 592 <br>Off you, that takys sa wele on hand <br>In his absence to wer his land. <br>Certis giff he gert serff you weill <br>The gilt spuris rycht be the hele <br>605 He suld in hy ger hew you fra, 597 <br>Rycht wald with cowartis men did sua. <br>Quha luffis his lord or his cuntre <br>Turne smertly now agayne with me.' <br>With that he kest of his chemer <br>610 And hynt in hand a stalwart sper 602 <br>And raid towart his fayis in hy, <br>All turnyt with him halyly <br>For he had thaim reprovyt sua <br>That off thaim all nane fled him fra. <br>615 He raid befor thaim sturdely 607 <br>And thai him folowyt sarraly <br>Quhill that thai come ner approchand <br>To thar fayis that had tane land, <br>And sum war knyt in gud aray <br>620 And sum war went to the foray. 612 <br>The gud bischap quhen he thaim saw <br>He said, 'Lordingis, but drede or aw <br>Pryk we apon thaim hardely <br>And we sall haf thaim wele lychtly. <br>625 Se thai us cum but abaysing 617 <br>Sua that we mak her na stinting <br>Thai sall weill sone discumfyt be. <br>Now dois weill, for men sall se <br>Quha luffis the kingis mensk today.' <br>630 Than all togidder in gud aray 622 <br>Thai prekyt apon thaim sturdely, <br>The byschap that wes rycht hardy <br>And mekill and stark raid forouth ay. <br>Than in a frusche assemblit thai, <br>635 And thai that at the fryst meting 627 <br>Feld off the speris sa sar sowing <br>Wandyst and wald haiff bene away, <br>Towart thar schippis in hy held thai, <br>And thai thaim chassyt fellounly <br>640 And slew thaim sua dispitously 632 <br>That all the feldis strowyt war <br>Off Inglismen that slane war thar, <br>And thai yeyt that held unslayne <br>Pressyt to the se agayne, <br>645 And Scottismen that chassyt sua 637 <br>Slew all that ever thai mycht ourta. <br>Bot thai that fled yeit nocht-forthi <br>Sua to thar schippis gan thaim hy, <br>And in sum barge sua fele gan ga <br>650 And thar fayis hastyt thaim sua 642 <br>That thai our-tumblyt and the men <br>That war tharin war drownyt then. <br>Thar did ane Inglisman perfay <br>A weill gret strenth as Ik hard say, <br>655 For quhen he chassyt wes till his bat 647 <br>A Scottisman that him handlyt hat <br>He hynt than be the armys twa, <br>And, war him wele or war him wa, <br>He evyn apon his bak him slang <br>660 And with him to the bat gan gang 652 <br>And kest him in all mawgre his, <br>This wes a wele gret strenth i-wis. <br>The Inglismen that wan away <br>To thar schippis in hy went thai <br>665 And saylyt hame angry and wa 657 <br>That thai had bene rebutyt sua. </div><div style="margin:10px 0">[The bishop is praised; the king returns from Ireland] </div><div style="margin:10px 0">Quhen that the schipmen on this wis <br>War discumfyt as I devys <br>The byschap that sa weill him bar <br>670 That he all hartyt that thar war 662 <br>Was yeyt into the fechtyn-sted <br>Quhar that fyve hunder ner war ded <br>Foroutyn thaim that drownyt war, <br>And quhen the feld was spulyeit bar <br>675 Thai went all hame to thar repar. 667 <br>To the byschap is fallyn fayr <br>That throu his price and his bounte <br>Wes eschevyt swilk a journé. <br>The king tharfor ay fra that day <br>680 Him luffyt and prisyt and honoryt ay 672 <br>And held him in suylk daynte <br>That his awne bischop him callit he. <br>Thus thai defendyt the countre <br>Apon bath halffis the Scottis se <br>685 Quhill that the king wes out off land 677 <br>That than as Ik haf borne on hand <br>Throu all Irland his cours had maid <br>And agane to Cragfergus raid. <br>And quhen his broder as he war king <br>690 Had all the Irschery at bidding 682 <br>And haly Ulsistre alsua <br>He buskyt hame his way to ta. <br>Off his men that war mast hardy <br>And prisyt mast of chevalry <br>695 With his broder gret part left he, 687 <br>And syne is went him to the se. <br>Quhen thar levys on ather party <br>Wes tane he went to schip him in hy, <br>The Erle Thomas with him he had, <br>700 Thai raissyt sayllis but abaid 692 <br>And in land off Galloway <br>Forout perell aryvyt thai.</div><div style="margin:10px 0"><br /></a><br />poem by <a href="http://en.citatepedia.ro/by.php?a=John+Barbour">John Barbour</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=418954" data-title="The Brus Book XVI de John Barbour" data-description="[King Robert goes to Ireland] Quhen Schyr Edward, as Ik said ar, Had discomfyt Richard of Clar And of Irland all the barnage Thris throu his worthi vasselag 5 And syne with all his men of mayn Till Cragfergus wes cummyn agayn, The gud erle..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black