<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=418952" style="color:#000;text-decoration:none"><div style="margin:10px 0"><strong>The Brus Book XIV</strong></div><div style="margin:10px 0">[Edward Bruce goes to Ireland] </div><div style="margin:10px 0">The erle off Carrik Schyr Edward, <br>That stoutar wes than a libard <br>And had na will to be in pes, <br>Thocht that Scotland to litill wes <br>5 Till his brother and him alsua, <br>Tharfor to purpos gan he ta <br>That he off Irland wald be king. <br>Tharfor he send and had tretyng <br>With the Irschery off Irland, <br>10 That in thar leawte tuk on hand <br>Off all Irland to mak him king <br>With-thi that he with hard fechting <br>Mycht ourcum the Inglismen <br>That in the land war wonnand then, <br>15 And thai suld help with all thar mycht. <br>And he that hard thaim mak sic hycht <br>Intill his hart had gret liking <br>And with the consent of the king <br>Gadryt him men off gret bounte <br>20 And at Ayr syne schippyt he <br>Intill the neyst moneth of Mai, <br>Till Irland held he straucht his wai. <br>He had thar in his cumpany <br>The Erle Thomas that wes worthi <br>25 And gud Schyr Philip the Mowbray <br>That sekyr wes in hard assay, <br>Schyr Jhone the soullis ane gud knycht <br>And Schyr Jhone Stewart that wes wycht <br>The Ramsay als of Ouchterhous <br>30 That wes wycht and chevalrous <br>And Schyr Fergus off Ardrossane <br>And other knychtis mony ane. <br>In Wolringis Fyrth aryvyt thai <br>Sauffly but bargan or assay <br>35 And send thar schippis hame ilkan. <br>A gret thing have thai undretane <br>That with sa quhoyne as thai war thar <br>That war sex thousand men but mar <br>Schup to werray all Irland, <br>40 Quhar thai sall se mony thousand <br>Cum armyt on thaim for to fycht, <br>But thocht thai quhone war thai war wicht, <br>And forout drede or effray <br>In twa bataillis tuk thar way <br>45 Towart Cragfergus it to se. </div><div style="margin:10px 0">[The Scots defeat the lords of Ulster] </div><div style="margin:10px 0">Bot the lordis of that countre <br>Mandveill, Besat and Logane <br>Thar men assemblyt everilkane, <br>The Savagis wes alsua thar, <br>50 And quhen thai assemblit war <br>That war wele ner twenty thousand. <br>Quhen thai wyst that intill thar land <br>Sic a menye aryvyt war <br>With all the folk that thai had thar <br>55 Thai went towart thaim in gret hi, <br>And fra Schyr Edward wist suthly <br>That ner till him cummand war thai <br>His men he gert thaim wele aray, <br>The avaward had the Erle Thomas <br>60 And the rerward Schyr Edward was. <br>Thar fayis approchyt to the fechting <br>And thai met thaim but abaysing. <br>Thar mycht men se a gret melle, <br>For Erle Thomas and his menye <br>65 Dang on thar fayis sa douchtely <br>That in schort tym men mycht se ly <br>Ane hunder that all blody war, <br>For hobynys that war stekyt thar <br>Relyt and flang and gret rowme mad <br>70 And kest thaim that apon thaim rad, <br>And Schyr Edwardis cumpany <br>Assemblyt syne sa hardely <br>That thai thar fayis ruschyt all. <br>Quha hapnyt in that fycht to fall <br>75 It wes perell off his rysing. <br>The Scottismen in that fechting <br>Sua apertly and wele thaim bar <br>That thar fayis sua ruschyt war <br>That thai haly the flycht has tane. <br>80 In that bataill wes tane or slane <br>All hale the flur off Ulsyster. <br>The Erle off Murreff gret price had ther, <br>For his worthi chevalry <br>Comfort all his cumpany. <br>85 This wes a full fayr begynnyng, <br>For newlingis at thar aryving <br>In plane bataill thai discomfyt thar <br>Thar fayis that four ay for ane war, <br>Syne to Cragfergus ar thai gane <br>90 And in the toune has innys tane. <br>The castell weill wes stuffyt then <br>Off new with vittaill and with men, <br>Thartill thai set a sege in hy. <br>Mony eschewe full apertly <br>95 Wes maid quhill thar the sege lay <br>Quhill trewys at the last tuk thai, <br>Quhen that the folk off Hulsyster <br>Till his pes haly cummyn wer, <br>For Schyr Edward wald tak on hand <br>100 To rid furth forthyr in the land. </div><div style="margin:10px 0">[Defeat of two Irish kings; the Lieutenant assembles an army at Dundalk] </div><div style="margin:10px 0">Off the kingis off that countre <br>Thar come till him and maide fewte <br>Weill ten or twelf as Ik hard say, <br>Bot thai held him schort quhile thar fay, <br>105 For twa off thaim, ane Makgullane <br>And ane other hat Makartane, <br>Withset a pase intill his way <br>Quhar him behovyt ned away <br>With twa thousand off men with speris <br>110 And als mony of thar archeris, <br>And all the catell of the land <br>War drawyn thidder to warand. <br>Men callys that plase Innermallane, <br>In all Irland straytar is nane. <br>115 For Schyr Edward that kepyt thai, <br>Thai thoucht he suld nocht thar away, <br>Bot he his viage sone has tane <br>And straught towart the pas is gane. <br>The erle off Murreff Schyr Thomas <br>120 That put him fyrst ay till assayis <br>Lychtyt on fute with his menye <br>And apertly the pase tuk he. <br>Thir Ersch kingis that I spak off ar <br>With all the folk that with thame war <br>125 Met him rycht sturdely, bot he <br>Assaylyt sua with his menye <br>That maugre tharis thai wan the pas. <br>Slayne off thar fayis fele thar was, <br>Throu-out the wod thaim chasyt thai <br>130 And sesyt in sic fusoune the pray <br>That all the folk off thar ost war <br>Refreschyt weill ane wouk or mar. <br>At Kilsagart Schyr Edward lay, <br>And wele sone he has hard say <br>135 That at Dundalk wes assemble <br>Made off the lordis off that countre. <br>In ost thai war assemblyt thar, <br>Thar wes fyrst Schyr Richard of Clar <br>That in all Irland lufftenande <br>140 Was off the king off Ingland <br>The erle of Desmond wes thar <br>And the erle alsua of Kildar, <br>The Breman and the Wardoune <br>That war lordis of gret renoune, <br>145 The Butler alsua thar was <br>And Schyr Morys le fys Thomas, <br>Thai with thar men ar cummyn thar, <br>A rycht gret ost forsuth thai war. </div><div style="margin:10px 0">[The two sides prepare for battle] </div><div style="margin:10px 0">And quhen Schyr Edward wyst suthly <br>150 That thar wes swilk chevalry <br>His ost in hy he gert aray <br>And thidderwartis tuk the way <br>And ner the toune tuk his herbery, <br>Bot for he wyst all witterly <br>155 That in the toune war mony men <br>His bataillis he arayit then, <br>And stud arayt in bataill <br>To kep thaim gif thai wald assaile, <br>And quhen that Schyr Rychard of Clar <br>160 And other lordis that thar war <br>Wyst that the Scottis men sa ner <br>With thar bataillis cummyn wer, <br>Thai tuk to consaile that that nycht <br>For it wes layt thai wald nocht fycht <br>165 Bot on the morne in the mornyng <br>Weile sone aftre the sone-rysing <br>Thai suld isch furth all that thar war, <br>Tharfor that nycht thai did no mar <br>Bot herbryit thaim on athyr party. <br>170 That nycht the Scottis cumpany <br>War wachyt rycht weill all at rycht, <br>And on the morn quhen day wes lycht <br>In twa bataillis thai thaim arayit, <br>Thai stud with baneris all displayit <br>175 For the bataill all redy boun. <br>And thai that war within the toun <br>Quhen sone wes rysyn schenand cler <br>Send furth of thaim that within wer <br>Fyfty to se the contenyng <br>180 Off Scottismen and thar cummyng, <br>And thai raid furth and saw thaim sone, <br>Syne come agayne withoutyn hone. <br>And quhen thai samyn lychtyt war <br>thai tauld thar lordis that wer thar <br>185 That Scottismen semyt to be <br>Worthi and off gret bounte, <br>'Bot thai ar nocht withoutyn wer <br>Half-dell a dyner till us her.' <br>The lordys had off this tithing <br>190 Gret joy and gret reconforting <br>And gert men throu the cite cry <br>That all suld arm thaim hastily. </div><div style="margin:10px 0">[The Scots are victorious and take Dundalk; drunkenness in the army] </div><div style="margin:10px 0">Quhen thai war armyt and purvayit <br>And for the fycht all hale arayit <br>195 Thai went thaim furth in gud aray, <br>Sone with thar fayis assemblyt thai <br>That kepyt thaim rycht hardely. <br>The stour begouth thar cruelly <br>For athyr part set all thar mycht <br>200 To rusche thar fayis in the fycht <br>And with all mycht on other dang. <br>The stalwart stour lestyt wele lang <br>That men mycht nocht persave na se <br>Qyha maist at thar above suld be, <br>205 For fra sone eftre the sone-rissing <br>Quhill eftre mydmorne the fechting <br>Lestyt intill swilk a dout. <br>Bot than Schyr Edward that wes stout <br>With all thaim of his cumpany <br>210 Schot apon thaim sa sturdely <br>That thai mycht thole no mar the fycht, <br>All in a frusche thai tuk the flycht <br>And thai folowyt full egrely, <br>Into the toun all commonaly <br>215 Thai entryt bath intermelle. <br>Thar men mycht felloune slauchter se, <br>For the rycht noble erle Thomas <br>That with his rout folowyt the chas <br>Maid swilk a slauchter in the toun <br>220 And sua felloune occisioun <br>That the rewys all bludy war <br>Off slayne men that war lyand thar, <br>The lordis war gottyn all away. <br>And quhen the toun as I you say <br>225 Wes throu gret force of fechting tane <br>And all thar fayis fled or slayne <br>Thai herbryit thaim all in the toun <br>Quhar off vitaill wes sic fusoun <br>And sua gret haboundance of wyne <br>230 That the gud erle had doutyne <br>That off thar men suld drunkyn be <br>And mak in drunkynnes sum melle. <br>Tharfor he maid of wyne levere <br>Till ilk man that he payit suld be, <br>235 And thai had all yneuch perfay. <br>That nycht rycht weill at ese war thai <br>And rycht blyth of the gret honour <br>That thaim befell for thar valour. <br>Eftyr this fycht thai sojornyt thar <br>240 Into Dundalk thre dayis but mar, <br>Syne tuk thai southwartis thar way. <br>The Erle Thomas wes forouth ay <br>And as thai raid throu the countre <br>Thai mycht apon the hillis se <br>245 Sua mony men it wes ferly, <br>And quhen the erle wald sturdely <br>Dres him to thaim with his baner <br>Thai wald fle all that evir thai wer <br>Sua that in fycht nocht ane abad. <br>250 And thai southwart thar wayis raid <br>Quhill till a gret forest come thai, <br>Kylrose it hat as Ik hard say, <br>And thai tuk all thar herbery thar. </div><div style="margin:10px 0">[The Lieutenant is defeated in another battle] </div><div style="margin:10px 0">In all this tyme Rychard of Clar <br>255 That wes the kingis luftenand <br>Off the barnagis of Irland <br>A gret ost he assemblyt had, <br>Thai war fyve bataillis gret and braid <br>That soucht Schir Edward and his men, <br>260 Weill ner him war thai cummyn then. <br>He gat sone wittring that thai wer <br>Cummand on him and war sa ner. <br>His men he dressyt thaim agayn <br>And gert thaim stoutly ta the playn <br>265 And syne the erle thar come to se <br>And Schyr Philip the Mowbray send he, <br>And Schyr Jhone Stewart went alsua. <br>Furth to discover thar way thai ta, <br>Thai saw the ost sone cum at hand <br>270 Thai war to ges fyfty thousand, <br>Hame till Schyr Edward raid thai then <br>And said weill thai war mony men. <br>He said agayne, 'The ma thai be <br>The mar honour all-out haff we <br>275 Giff that we ber us manlyly. <br>We ar set her in juperty <br>To wyn honour or for to dey, <br>We ar to fer fra hame to fley <br>Tharfor lat ilk man worthi be. <br>280 Yone ar gadryngis of this countre <br>And thai sall fley I trow lychly <br>And men assaile thaim manlyly.' <br>All said than that thai weile suld do, <br>With that approchand ner thaim to <br>285 The bataillis come redy to fycht, <br>And thai met thaim with mekill mycht <br>That war ten thousand worthi men. <br>The Scottismen all on fute war then, <br>And thai on stedys trappyt weile <br>290 Sum helyt all in irne and stele, <br>Bot Scottismen at thar meting <br>With speris persyt thar armyng <br>And stekyt hors and men doun bar. <br>A feloun fechting wes than thar, <br>295 I can nocht tell thar strakys all <br>Na quha in fycht gert other fall <br>Bot in schort tyme Ik underta <br>Thai of Irland war contraryit sua <br>That thai durst than abyd no mar <br>300 Bot fled scalyt all that thai war, <br>And levyt in the bataill sted <br>Weill mony off thar gud men dede, <br>Off wapnys, armyng and of ded men <br>The feld was haly strowyt then. <br>305 That gret ost rudly ruschyt was <br>Bot Schyr Edward let na man chas <br>Bot with presonaris that thai had tane <br>Thai till the woud agayne ar gane <br>Quhar that thar harnys levyt war. <br>310 That nycht thai maid thar men gud cher <br>And lovyt God fast off his grace. <br>This gud knycht that sa worthi was <br>Till Judas Machabeus mycht <br>Be lyknyt weill that into fycht <br>315 Forsuk na multitud off men <br>Quhill he had ane aganys ten. </div><div style="margin:10px 0">[The Scots go to O'Dempsy, who gives them quarters; <br>he seeks to starve and drown them] </div><div style="margin:10px 0">Thus as I said Rychard of Clar <br>And his gret ost rebutyt war, <br>Bot he about him nocht-forthi <br>320 Wes gaderand men ay ythenly <br>For he thocht yete to covyr his cast. <br>It angyrryt him rycht ferly fast <br>That twys intill batell wes he <br>Discomfyt with a few mengne. <br>325 And Scottismen that to the forest <br>War ridyn for to mak thar rest <br>All thai twa nychtis thar thai lay <br>And maid thaim myrth solace and play. <br>Towart Ydymsy syne thai raid, <br>330 Ane Yrsche king that aith had maid <br>To Schyr Edward of fewte, <br>For forouth that him prayit he <br>To se his land and na vittaill <br>Na nocht that mycht thaim help suld faile. <br>335 Schyr Edward trowit in his hycht <br>And with his rout raid thidder rycht <br>A gret ryver he gert him pas <br>And in a rycht fayr place that was <br>Lauch by a bourne he gert thaim ta <br>340 Thar herbery, and said he wald ga <br>To ger men vittaill to thaim bring, <br>He held hys way but mar dwelling. <br>For he betrais thaim wes his thocht, <br>In sic a place he has them broucht <br>345 Quharof twa journais wele and mar <br>All the cattell withdrawyn war, <br>Swa that thai in that land mycht get <br>Na thing that worth war for til ete, <br>With hungyr he thocht thaim to feblis <br>350 Syne bring on thaim thar ennemys. <br>This fals traytouris men had maid <br>A litill outh quhar he herbryit had <br>Schyr Edward and the Scottismen <br>The ischow off a louch to den <br>355 And leyt it out into the nycht. <br>The water than with a swilk a mycht <br>On Schyr Edwardis men com doun <br>That thai in perell war to droun <br>For or thai wist on flot war thai. <br>360 With mekill payn thai gat away <br>And held thar lyff as God gaff grace, <br>Bot off thar harnayis tynt thar was. <br>He maid thaim na gud fest perfay <br>And nocht-forthi yneuch had thai, <br>365 For thoucht thaim faillyt of the mete <br>I warn you wele thai war wele wet. </div><div style="margin:10px 0">[The Scots are rescued; they camp near an enemy army, <br>seize its foragers and make a surprise attack] </div><div style="margin:10px 0">In gret distres thar war thai stad <br>For gret defaut off mete thai hade, <br>And thai betwix reveris twa <br>370 War set and mycht pas nane off tha, <br>The Bane that is ane arme of the se <br>That with hors may nocht passyt be <br>Wes betwix thaim and Hulsyster. <br>Thai had bene in gret perell ther <br>375 Ne war a scowmar of the se, <br>Thomas of Downe hattyn wes he, <br>Hard that the ost sa straytly than <br>Wes stad, and salyt up the Ban <br>Quhill he come wele ner quhar thai lay, <br>380 Thai knew him weil and blyth war thai, <br>Than with four schippys that he had tane <br>He set our the Ban ilkane. <br>And quhen thai come in biggit land <br>Vittaill and mete yneuch thai fand <br>385 And in a wod thaim herberyt thai, <br>Nane of the land wist quhar thai lay, <br>Thai esyt thaim and maid gud cher. <br>Intill that tym besid thaim ner <br>With a gret ost Schyr Richard of Clar <br>390 And othyr gret of Irland war <br>Herberyt in a forest syde, <br>And ilk day thai gert men rid <br>To bring vittaill on ser manerys <br>To thaim fra the toun off Coigneris <br>395 That wele ten gret myle wes thaim fra. <br>Ilk day as thai wald cum and ga <br>Thai come the Scottis ost sa ner <br>That bot twa myle betwix thaim wer, <br>And quhen the Erle Thomas persaving <br>400 Had off thar cummyng and thar ganging <br>He gat him a gud cumpany, <br>Thre hunder on hors wycht and hardy, <br>Thar wes Schyr Philip the Mowbray <br>And Schyr Jhone Stewart als perfay <br>405 And Schyr Alan Stewart alsua <br>Schyr Robert Boid and other ma. <br>Thai raid to mete the vittaleris <br>That with thar vittaill fra Coigneris <br>Come haldand to thar ost the way. <br>410 Sua sudanly on thaim schot thai <br>That thai war sua abaysyt all <br>That thai leyt all thar wapnys fall <br>And mercy petously gan cry, <br>And thai tuk thaim in thar mercy <br>415 And has thaim up sa clenly tane <br>That off thaim all eschapyt nane. <br>The erle of thaim gat wittering <br>That off thar ost in the evynnyng <br>Wald cum out at the woddis sid <br>420 And agaynys thar vittail rid. <br>He thocht than on ane juperty, <br>And gert his menye halily <br>Dycht thaim in the presoneris aray, <br>Thair pennounys als with thaim tuk thai, <br>425 And quhill the nycht wes ner thai bad <br>And syne towart the ost thai raid. <br>Sum of thar mekill ost has sene <br>Thar come and wend thai had bene <br>Thar vittalouris, tharfor thai raid <br>430 Agaynys thaim scalyt, for thai haid <br>Na dred that thai thar fayis war <br>And thaim hungryt alsua weill sar, <br>Tharfor thai come abandounly. <br>And quhen thai ner war in gret hi <br>435 The erle and all that with him war <br>Ruschyt on thaim with wapnys bar <br>And thar ensenyeis hey gan cry. <br>Than thai that saw sua sodanly <br>Thar fayis dyng on thaim war sa rad <br>440 That thai na hart to help thaim had <br>Bot to the ost thar way gan ta, <br>And thai chassyt and sua fele gan sla <br>That all the feldys strowyt war, <br>Ma than a thousand ded war thar. <br>445 Rycht till thar ost thai gan thaim chas <br>And syne agane thar wayis tais. </div><div style="margin:10px 0">[The Lieutenant and his army occupy Connor and plan to attack the Scots] </div><div style="margin:10px 0">On this wis wes that vittaill tane <br>And of the Irche-men mony slane. <br>The erle syne with his cumpany <br>450 Presoneris and vittalis halily <br>Thai broucht till Schyr Edward alswith <br>And he wes of thar cummyn blyth. <br>That nycht thai maid thaim mery cher <br>For rycht all at thar eys thai wer, <br>455 Thai war ay walkyt sekyrly. <br>And thar fayis on the tother party <br>Quhen thai hard how thar men war slane <br>And how thar vittalis als wes tane <br>Thai tuk to consaill that thai wald <br>460 Thair wayis towart Coigneris hald <br>And herbery in the cite ta, <br>And than in gret hy thai haf don sua <br>And raid be nycht to the cite, <br>Thai fand thar of vittalis gret plente <br>465 And maid thaim rycht mery cher <br>For all traist in the toun thai wer. <br>Apon the morne thai send to spy <br>Quhar Scottismen had tane herbery, <br>Bot thai war withall als tane <br>470 And brocht rycht till the ost ilkane. <br>The erle of Murreff rycht mekly <br>Speryt at ane of thar cumpany <br>Quhar thar ost wes and quhat thai thocht <br>To do, and said him gif he moucht <br>475 Fynd that till him the suth said he <br>He suld gang hame but ransoun fre. <br>He said, 'Forsuth I sall you say, <br>Thai think to-morn, quhen it is day, <br>To sek you with all thar menye <br>480 Giff thai may get wit quhar ye be. <br>Thai haff gert throu the countre cry <br>Off payne of lyve full felounly <br>That all the men of this countre <br>Tonycht into the cyte be, <br>485 And trewly thai sall be sa fele <br>That ye sall na wis with thaim dele.' <br>'De pardew,' said he, 'weill may be.' <br>To Schyr Edward with that yeid he <br>And tauld him utrely this tale. </div><div style="margin:10px 0">[The Scots move camp; the enemy scouts survey them, <br>and decide to attack; Moray ambushes the enemy] </div><div style="margin:10px 0">490 Than haf thai tane for consale hale <br>That thai wald rid to the cite <br>That ilk nycht sua that thai mycht be <br>Betwix the toune with all thar rout <br>And thaim that war to cum with-out. <br>495 Als thai devisyt thai haf done, <br>Befor the toune thai come alsone <br>And bot halfindall a myle of way <br>Fra the cite arest tuk thai. <br>And quhen the day wes dawyn lycht <br>500 Fyfty on hobynys that war wycht <br>Come till a litill hill that was <br>Bot fra the toun a litill space <br>And saw Schyr Edwardis herbery, <br>And off the sycht had gret ferly <br>505 That sua quhone durst on ony wis <br>Undretak sa hey enprys <br>As for to cum sa hardely <br>Apon all the chevalry <br>Off Irland for to bid battaill. <br>510 And sua it wes withoutyn faill, <br>For agane thaim war gadryt thar <br>With the wardane Richard of Clar <br>The Butler and erlis twa, <br>Off Desmound and Kildar war tha, <br>515 Bryman, Werdoune and fis Waryne <br>And Schyr Paschall the Florentine <br>That wes a knycht of Lumbardy <br>And wes full of chevalry. <br>The Maundveillis war thar alsua <br>520 Besatis Loganys and other ma <br>Savages als, and yeit wes ane <br>Hat Schyr Nycholl of Kylkenane, <br>And with thir lordis sa fele wes then <br>That for ane of the Scottismen <br>525 I trow that thai war fyve or ma. <br>Quhen thir discourouris seyne had sua <br>The Scottis ost thai went in hy <br>And tauld thair lordis opynly <br>How thai to thaim war cummyn ner <br>530 To sek thaim fer wes na myster. <br>And quhen the erle Thomas had sene <br>That thai men at the hill had bene <br>He tuk with him a gud menye <br>On hors, ane hunder thai mycht be, <br>535 And till the hill thai tuk thar way. <br>In a slak thaim enbuschyt thai <br>And in schort tyme fra the cite <br>Thai saw cum ridand a mengne <br>For to discur to the hill. <br>540 Then war thai blyth and held thaim still <br>Quhill thai war cummyn to thaim ner, <br>Than in a frusche all that thai wer <br>Thai schot apon thaim hardely, <br>And thai that saw sa sudandly <br>545 That folk cum on abaysit war. <br>And nocht-forthi sum of thaim thar <br>Abad stoutly to ma debate, <br>And other sum ar fled thar gate, <br>And into wele schort tym war thai <br>550 That maid arest contraryit sua <br>That thai fled halyly thar gat, <br>And thai thaim chassyt rycht to the yat <br>And a gret part off thaim has slayn, <br>And syne went till thar ost agayn.</div><div style="margin:10px 0"><br /></a><br />poem by <a href="http://en.citatepedia.ro/by.php?a=John+Barbour">John Barbour</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=418952" data-title="The Brus Book XIV de John Barbour" data-description="[Edward Bruce goes to Ireland] The erle off Carrik Schyr Edward, That stoutar wes than a libard And had na will to be in pes, Thocht that Scotland to litill wes 5 Till his brother and him alsua, Tharfor to purpos gan he ta That he off Irla..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black