<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=418951" style="color:#000;text-decoration:none"><div style="margin:10px 0"><strong>The Brus Book XIII</strong></div><div style="margin:10px 0">[Douglas's division attacks] </div><div style="margin:10px 0">Quhen thir twa fyrst bataillis wer <br>Assemblyt as I said you er, <br>The Stewart Walter that than was <br>And the gud lord als of Douglas <br>5 In a bataill, quhen that thai saw <br>The erle foroutyn dred or aw <br>Assembill with his cumpany <br>On all that folk sa sturdely <br>For till help him thai held thar way <br>10 And thar bataill in gud aray, <br>And assemblyt sa hardely <br>Besid the erle a litill by <br>That thar fayis feld thar cummyn wele, <br>For with wapynnys stalwart of stele <br>15 Thai dang apon with all thar mycht. <br>Thar fayis resavyt weile Ik hycht <br>With swerdis speris and with mase, <br>The bataill thar sa feloune was <br>And sua rycht gret spilling of blud <br>20 That on the erd the flousis stud. <br>The Scottismen sa weill thaim bar <br>And sua gret slauchter maid thai thar <br>And fra sa fele the lyvis revyt <br>That all the feld bludy wes levyt. <br>25 That tyme thar thre bataillis wer <br>All syd be sid fechtand weill ner, <br>Thar mycht men her mony dynt <br>And wapynnys apon armuris stynt, <br>And se tumble knychtis and stedis <br>30 And mony rich and reale wedis <br>Defoullyt foully under fete, <br>Sum held on loft sum tynt the suet. <br>A lang quhill thus fechtand thai war <br>That men na noyis mycht her thar, <br>35 Men hard nocht bot granys and dintis <br>That slew fyr as men slayis on flyntis, <br>Thai faucht ilk ane sa egerly <br>That thai maid nother moyis na cry <br>Bot dang on other at thar mycht <br>40 With wapnys that war burnyst brycht. <br>The arowys als sua thyk thar flaw <br>That thai mycht say wele that thaim saw <br>That thai a hidwys schour gan ma, <br>For quhar thai fell Ik undreta <br>45 Thai left efter thaim taknyng <br>That sall ned as I trow leching. </div><div style="margin:10px 0">[Sir Robert Keith's cavalry disperses the English archers] </div><div style="margin:10px 0">The Inglis archeris schot sa fast <br>That mycht thar schot haff ony last <br>It had bene hard to Scottismen <br>50 Bot King Robert that wele gan ken <br>That thar archeris war peralous <br>And thar schot rycht hard and grevous <br>Ordanyt forouth the assemble <br>Hys marschell with a gret menye, <br>55 Fyve hunder armyt into stele <br>That on lycht hors war horsyt welle, <br>For to pryk amang the archeris <br>And sua assaile thaim with thar speris <br>That thai na layser haiff to schut. <br>60 This marschell that Ik off mute <br>That Schyr Robert of Keyth was cauld <br>As Ik befor her has you tauld <br>Quhen he saw the bataillis sua <br>Assembill and togidder ga <br>65 And saw the archeris schoyt stoutly, <br>With all thaim off his cumpany <br>In hy apon thaim gan he rid <br>And ourtuk thaim at a sid, <br>And ruschyt amang thaim sa rudly <br>70 Stekand thaim sa dispitously <br>And in sic fusoun berand doun <br>And slayand thaim foroutyn ransoun <br>That thai thaim scalyt everilkane, <br>And fra that tyme furth thar wes nane <br>75 That assemblyt schot to ma. <br>Quhen Scottis archeris saw that thai sua <br>War rebutyt thai woux hardy <br>And with all thar mycht schot egrely <br>Amang the horsmen that thar raid <br>80 And woundis wid to thaim thai maid <br>And slew of thaim a full gret dele. <br>Thai bar thaim hardely and wele <br>For, fra thar fayis archeris war <br>Scalyt as I said till you ar <br>85 That ma na thai war be gret thing <br>Sua that thai dred nocht thar schoting <br>Thai woux sa hardy that thaim thocht <br>Thai suld set all thar fayis at nocht. </div><div style="margin:10px 0">[The king addresses his division and commits it to the battle] </div><div style="margin:10px 0">The merschell and his cumpany <br>90 Wes yeit, as till you er said I, <br>Amang the archeris quhar thai maid <br>With speris roume quhar that thai raid <br>And slew all that thai mycht ourta, <br>And thai wele lychtly mycht do sua <br>95 For thai had nocht a strak to stynt <br>Na for to hald agayne a dynt, <br>And agayne armyt men to fycht <br>May nakyt men have litill mycht. <br>Thai scalyt thaim on sic maner <br>100 That sum to thar gret bataill wer <br>Withdrawyn thaim in full gret hy <br>And sum war fled all utrely, <br>Bot the folk that behind thaim was, <br>That for thar awne folk had na space <br>105 Yheyt to cum to the assembling <br>In agayn smertly gan thai ding <br>The archeris that thai met fleand <br>That then war maid sa recreand <br>That thar hartis war tyny clenly, <br>110 I trow thai sall nocht scaith gretly <br>The Scottismen with schot that day. <br>And the gud King Robert that ay <br>Wes fillyt off full gret bounte <br>Saw how that his bataillis thre <br>115 Sa hardely assemblyt thar <br>And sa weill in the fycht thaim bar <br>And sua fast on thair fayis gan ding <br>That him thocht nane had abaysing <br>And how the archeris war scalyt then, <br>120 He was all blyth and till his men <br>He said, 'Lordingis, now luk that ye <br>Worthy and off gud covyn be <br>At thys assemble and hardy, <br>And assembill sa sturdely <br>125 That na thing may befor you stand. <br>Our men ar sa freschly fechtand <br>That thai thar fayis has contrayit sua <br>That be thai pressyt, Ik underta, <br>A litill fastyr, ye sall se <br>130 That thai discumfyt sone sall be.' <br>Quhen this wes said thai held thar way <br>And on ane feld assemblyt thai <br>Sa stoutly that at thar cummyng <br>Thar fayis war ruschyt a gret thing. </div><div style="margin:10px 0">[A further description of the fighting] </div><div style="margin:10px 0">135 Thar mycht men se men felly fycht <br>And men that worthi war and wycht <br>Do mony worthi vasselage, <br>Thai faucht as thai war in a rage, <br>For quhen the Scottis ynkirly <br>140 Saw thar fayis sa sturdely <br>Stand into bataill thaim agayn <br>With all thar mycht and all thar mayn <br>Thai layid on as men out of wit <br>And quhar thai with full strak mycht hyt <br>145 Thar mycht na armur stynt thar strak. <br>Thai to-fruschyt that thai mycht ourtak <br>And with axis sic duschys gave <br>That thai helmys and hedis clave, <br>And thar fayis rycht hardely <br>150 Met thaim and dang on thaim douchtely <br>With wapmys that war styth of stele. <br>Thar wes the bataill strikyn wele. <br>Sa gret dyn tthar wes of dyntis <br>As wapnys apon armur styntis, <br>155 And off speris sa gret bresting <br>And sic thrang and sic thrysting, <br>Sic gyrnyng granyng and sa gret <br>A noyis as thai gan other beit <br>And ensenyeys on ilka sid <br>160 Gevand and takand woundis wid, <br>That it wes hydwys for to her. <br>All four thar bataillis with that wer <br>Fechtand in a frount halyly. <br>A! mycht God! how douchtely <br>165 Schyr Edward the Bruce and his men <br>Amang thar fayis contenyt thaim then <br>Fechtand in sa gud covyn <br>Sa hardy worthy and sa fyne <br>That thar vaward ruschyt was <br>170 And maugre tharis left the place, <br>And till thar gret rout to warand <br>Thai went that tane had apon hand <br>Sa gret anoy that thai war effrayit <br>For Scottis that thaim hard assayit <br>175 That than war in a schiltrum all. <br>Quha hapnyt into that fycht to fall <br>I trow agane he suld nocht rys. <br>Thar mycht men se on mony wys <br>Hardimentis eschevyt douchtely, <br>180 And mony that wycht war and hardy <br>Sone liand undre fete all dede <br>Quhar all the feld off blud wes red, <br>Armys and quyntys that thai bar <br>With blud war sa defoulyt thar <br>185 That thai mycht nocht descroyit be. <br>A! mychty God! quha than mycht se <br>That Stewart Walter and his rout <br>And the gud Douglas that wes sa stout <br>Fechtand into that stalwart stour, <br>190 He suld say that till all honour <br>Thai war worthi that in that fycht <br>Sa fast pressyt thar fayis mycht <br>That thaim ruschyt quhar thai yeid. <br>Thar men mycht se mony a steid <br>195 Fleand on stray that lord had nane. <br>A! Lord! quha then gud tent had tane <br>Till the gud erle of Murreff <br>And his that sua gret routis geff <br>And faucht sa fast in that battaill <br>200 Tholand sic paynys and travaill <br>That thai and tharis maid sic debat <br>That quhar thai come thai maid thaim gat. <br>Than mycht men her ensenyeis cry <br>And Scottismen cry hardely, <br>205 'On thaim, on thaim, on thaim, thai faile.' <br>With that sa hard thai gan assaile <br>And slew all that thai mycht ourta, <br>And the Scottis archeris alsua <br>Schot amang thaim sa deliverly <br>210 Engrevand thaim sa gretumly <br>That quhat for thaim that with thaim faucht <br>That sua gret routis to thaim raucht <br>And pressyt thaim full egrely <br>And quhat for arowis that felly <br>215 Mony gret woundis gan thaim ma <br>And slew fast off thar hors alsua, <br>That thai wandyst a litill wei. <br>Thai dred sa gretly then to dey <br>That thar covyn wes wer and wer, <br>220 For thaim that fechtand with thaim wer <br>Set hardyment and strenth and will <br>And hart and corage als thar-till <br>And all thar mayne and all thar mycht <br>To put thaim fully to flycht. </div><div style="margin:10px 0">[The men guarding supplies in the Park choose a leader <br>and move towareds the battle, dismaying the English] </div><div style="margin:10px 0">225 In this tyme that I tell off her <br>At that bataill on this maner <br>Wes strykyn quhar on ather party <br>Thai war fechtand enforcely, <br>Yomen and swanys and pitaill <br>230 That in the Park to yeme vittaill <br>War left, quhen thai wist but lesing <br>That thar lordis with fell fechting <br>On thar fayis assemblyt wer, <br>Ane off thaimselvyn that war thar <br>235 Capitane off thaim all thai maid, <br>And schetis that war sumdele brad <br>Thai festnyt in steid of baneris <br>Apon lang treys and speris, <br>And said that thai wald se the fycht <br>240 And help thar lordis at thar mycht. <br>Quhen her-till all assentyt wer <br>In a rout thai assemblit er <br>Fyften thousand thai war or ma, <br>And than in gret hy gan thai ga <br>245 With thar baneris all in a rout <br>As thai had men bene styth and stout. <br>thai come with all that assemble <br>Rycht quhill thai mycht the bataill se, <br>Than all at anys thai gave a cry, <br>250 'Sla! sla! apon thaim hastily!' <br>And thar-withall cumand war thai, <br>Bot thai war wele fer yete away. <br>And Inglismen that ruschyt war <br>Throuch fors of fycht as I said ar <br>255 Quhen thai saw cummand with sic a cry <br>Towart thaim sic a cumpany <br>That thaim thocht wele als mony war <br>As that wes fechtand with thaim thar <br>And thai befor had nocht thaim sene, <br>260 Than wit ye weill withoutyn wene <br>Thai war abaysit sa gretumly <br>That the best and the mast hardy <br>That war intill thar ost that day <br>Wald with thar mensk haf bene away. </div><div style="margin:10px 0">[The king presses the enemy harder and some flee] </div><div style="margin:10px 0">265 The King Robert be thar relyng <br>Saw thai war ner at discomfiting <br>And his ensenye gan hely cry, <br>Than with thaim off his cumpany <br>His fayis he pressyt sa fast that thai <br>270 War intill sa gret effray <br>That thai left place ay mar and mar, <br>For the Scottismen that thar war <br>Quhen thai saw thaim eschew the fycht <br>Dang on thaim with all thar mycht <br>275 That thai scalyt thaim in troplys ser <br>And till discomfitur war ner <br>And sum off thaim fled all planly, <br>Bot thai that wycht war and hardy <br>That schame lettyt to ta the flycht <br>280 At gret myscheiff mantemyt the fycht <br>And stythly in the stour gan stand. </div><div style="margin:10px 0">[King Edward abandons the battle, but Sir Giles d'Argentan <br>fights on and is killed] </div><div style="margin:10px 0">And quhen the king of Ingland <br>Saw his men fley in syndry place, <br>And saw his fayis rout that was <br>285 Worthyn sa wycht and sa hardy <br>That all his folk war halyly <br>Sa stonayit that thai had na mycht <br>To stynt thar fayis in the fycht, <br>He was abaysyt sa gretumly <br>290 That he and his cumpany <br>Fyve hunder armyt all at rycht <br>Intill a frusch all tok the flycht <br>And to the castell held thar way, <br>And yeit haiff Ik hard som men say <br>295 That off Valence Schir Aymer <br>Quhen he the feld saw vencusyt ner <br>Be the reyngye led away the king <br>Agayne his will fra the fechting. <br>And quhen Schyr Gylis the Argente <br>300 Saw the king thus and his menye <br>Schap thaim to fley sa spedyly, <br>He come rycht to the king in hy <br>And said, 'Schyr, sen it is sua <br>That ye thusgat your gat will ga <br>305 Havys gud day for agayne will I, <br>Yeit fled I never sekyrly <br>And I cheys her to bid and dey <br>Than for to lyve schamly and fley.' <br>His bridill but mar abad <br>310 He turnyt and agayne he rade <br>And on Edward the Bruys rout <br>That wes sa sturdy and sa stout <br>As drede off nakyn thing had he <br>He prikyt, cryand, 'the Argenté,' <br>315 And thai with speris sua him met <br>And sua fele speris on him set <br>That he and hors war chargyt sua <br>That bathe till the erd gan ga <br>And in that place thar slane wes he. <br>320 Off hys deid wes rycht gret pite, <br>He wes the thrid best knycht perfay <br>That men wyst lyvand in his day, <br>He did mony a fayr journé. <br>On Saryzynys thre derenyeys faucht he <br>325 And intill ilk derenye off tha <br>He vencussyt Saryzynnys twa. <br>His gret worschip tuk thar ending. </div><div style="margin:10px 0">[The English army scatters; many are drowned in Bannockburn <br>or are killed by Scots] </div><div style="margin:10px 0">And fra Schyr Aymer with the king <br>Was fled wes nane that durst abid <br>330 Bot fled scalyt on ilka sid, <br>And thar fayis thaim pressyt fast. <br>Thai war to say suth sua agast <br>And fled sa fast rycht effrayitly <br>That off thaim a full gret party <br>335 Fled to the water of Forth and thar <br>The mast part off thaim drownyt war, <br>And Bannokburne betwix the brays <br>Off men and hors sua stekyt wais <br>That apon drownyt hors and men <br>340 Men mycht pas dry out-our it then. <br>And laddis swanys and rangaill <br>Quhen thai saw vencussyt the bataill <br>Ran amang thaim and sua gan sla <br>As folk that na defens mycht ma <br>345 That war pitte for to se. <br>Ik herd never quhar in na contre <br>Folk at sa gret myscheiff war stad, <br>On ane sid thai thar fayis bad <br>That slew thaim doun foroutyn mercy, <br>350 And thai had on the tother party <br>Bannokburne that sua cumbyrsum was <br>For slyk and depnes for to pas <br>That thar mycht nane out-our it rid, <br>Thaim worthit maugre tharis abid <br>355 Sua that sum slayne sum drownyt war, <br>Mycht nane eschap that ever come thar <br>The-quhether mony gat away <br>That ellisquhair fled as I sall say. </div><div style="margin:10px 0">[Edward II goes by Stirling Castle, round the Park to Linlithgow; <br>Douglas pursues with too small a force] </div><div style="margin:10px 0">The king with thaim he with him had <br>360 In a rout till the castell rad <br>And wald haiff bene tharin, for thai <br>Wyst nocht quhat gat to get away, <br>Bot Philip the Mowbra said him till, <br>'The castell, Schyr, is at your will, <br>365 But cum ye in it ye sall se <br>That ye sall sone assegyt be <br>And thar sall nane of Ingland <br>To mak you rescours tak on hand <br>And but rescours may na castell <br>370 Be haldyn lang, ye wate this wele. <br>Tharfor confort you and rely <br>Your men about you rycht starkly <br>And haldis about the Park your way <br>Knyt als sadly as ye may, <br>375 For I trow that nane sall haff mycht <br>That chassys with sa fele to fycht.' <br>And his consaill thai haiff doyne <br>And beneuth the castell went thai sone <br>Rycht be the Rond Table away, <br>380 And syne the Park enveround thai <br>And towart Lythkow held in hy. <br>Bot I trow thai sall hastily <br>Be conveyit with sic folk that thai <br>I trow mycht suffre wele away, <br>385 For Schyr James lord of Douglas <br>Come to the king and askyt the chace <br>And he gaff him it but abaid, <br>Bot all to few of hors he haid, <br>He haid nocht in his rout sexty <br>390 The-quhether he sped him hastely <br>The way eftyr the king to ta. <br>Now lat him on his wayis ga <br>And eftre this we sall weill tell <br>Quhat him intill the chace befell. </div><div style="margin:10px 0">[Capture of Hereford at Bothwell; escape of Sir Maurice Berkeley; <br>flight of many to Stirling Castle; King Robert fears an English recovery] </div><div style="margin:10px 0">395 Quhen the gret battaill on this wis <br>Was discumfyt as Ik devys <br>Quhar thretty thousand wele war ded <br>Or drownyt in that ilk sted, <br>And sum war intill handis tane <br>400 And other sum thar gate war gane. <br>The erle of Herfurd fra the melle <br>Departyt with a gret mengne <br>And straucht to Bothwell tok the wai <br>That than in the Inglismennys fay <br>405 Was, and haldyn as place of wer, <br>Schyr Walter Gilbertson wes ther <br>Capitane and it had in ward. <br>The erle of Herfurd thidderward <br>Held and wes tane in our the wall <br>410 And fyfty of his men withall, <br>And set in housis sindryly <br>Sua that thai had thar na mastry. <br>The lave went towart Ingland <br>Bot off that rout I tak on hand <br>415 The thre partis war slane or tane, <br>The lave with gret payn hame ar gan. <br>Schyr Maurice alsua the Berclay <br>Fra the gret bataill held hys way <br>With a gret rout off Walis-men, <br>420 Quharever thai yeid men mycht thaim ken <br>For thai wele ner all nakyt war <br>Or lynnyn clathys had but mar. <br>Thai held thar way in full gret hy <br>Bot mony off thar cumpany <br>425 Or thai till Ingland come war tane <br>And mony als off thaim war slayne. <br>Thair fled als other wayis ser, <br>Bot to the castell that wes ner <br>Off Strevilline fled sic a mengye <br>430 That it war wonder for to se, <br>For the craggis all helyt war <br>About the castell her and thar <br>Off thaim that for strenth of that sted <br>Thidderwart to warand fled, <br>435 And for thai war sa fele that thar <br>Fled under the castell war <br>The King Robert that wes wytty <br>Held his gud men ner him by <br>For dred that ris agayne suld thai. </div><div style="margin:10px 0">[Looting of the enemy; the dead knights; the treachery of the earl of Atholl] </div><div style="margin:10px 0">440 This was the caus forsuth to say <br>Quharthrouch the king of Ingland <br>Eschapyt hame intill his land <br>Quhen that the feld sa clene wes maid <br>Off Inglismen that nane abaid <br>445 The Scottismen sone tuk in hand <br>Off tharis all that ever thai fand, <br>As silver gold clathis and armyng 447 <br>With veschall and all other thing 448 <br>That ever thai mycht lay on thare hand. 449 <br>450 So gret a riches thair thai fand 450 <br>That mony man mychty wes maid 447 <br>Off the riches that thai thar haid. <br>Quhen this wes doyne that her say I <br>The king send a gret cumpany <br>455 Up to the crag thaim till assaile 451 <br>That war fled fra the gret battaill, <br>And thai thaim yauld foroutyn debate, <br>And in hand has tane thaim fute-hate <br>Syne to the king thai went thar way. <br>460 Thai dispendyt haly that day 456 <br>In spulyeing and riches takyng <br>Fra end was maid off the fechting <br>And quhen thai nakyt spulyeit war <br>That war slane in the bataill thar <br>465 It wes forsuth a gret ferly 461 <br>To se samyn sa fele dede ly. <br>Twa hundyr payr off spuris reid <br>War tane of knychtis that war deid, <br>The erle of Glosyster ded wes thar <br>470 That men callyt Schyr Gilbert of Clar, 464 <br>And Gylis de Argente alsua <br>And Payn Typtot and other ma <br>That thar namys nocht tell can I. <br>And apon Scottismennys party <br>475 Thar wes slane worthi knychtis twa, 471 <br>Wilyame the Vepoynt wes ane of tha <br>And Schyr Walter of Ross ane other <br>That Schyr Edward the kingis brother <br>Luffyt and had in sic daynte <br>480 That as himselff him luffyt he. 476 <br>And quhen he wyst that he wes ded <br>He wes sa wa and will of reide <br>That he said makand ivill cher <br>That him war lever that journay wer <br>485 Undone than he sua ded had bene. 481 <br>Outakyn him men has nocht sene <br>Quhar he for ony man maid menyng, <br>And the caus wes of his luffing <br>That he his sister paramouris <br>490 Luffyt, and held all at rebouris 486 <br>His awyne wyff dame Ysabell. <br>And tharfor sa gret distance fell <br>Betwix him and the erle Davi <br>Off Athole, brother to this lady <br>495 That he apon Saynct Jhonys nycht, 491 <br>Quhen bath the kingis war boun to fycht, <br>In Cammyskynnell the kingis vittaill <br>He tuk and sadly gert assaile <br>Schyr Wilyam off Herth and him slew <br>500 And with him men ma then ynew. 496 <br>Tharfor syne intil Ingland <br>He wes bannyst and all his land <br>Wes sesyt as forfaut to the king <br>That did tharoff syne his liking. </div><div style="margin:10px 0">[The burial of Gloucester; the surrender of Sir Marmaduke Tweng <br>and of Stirling Castle] </div><div style="margin:10px 0">505 Quhen the feld as I tauld you ar 501 <br>Was dispulyeit and left all bar <br>The king and all his cumpany <br>Blyth and joyfull glaid and mery <br>Off the grace that thaim fallin was <br>510 Towart thar innys thar wayis tays 506 <br>To rest thaim, for thai wery war. <br>Bot for the erle Gilbert of Clar <br>That slane wes in the bataill-place <br>The king sumdele anoyit was <br>515 For till him wele ner sib wes he, 511 <br>Than till a kirk he gert him be <br>Brocht and walkyt all that nycht. <br>But on the morn quhen day wes lycht <br>The king rais as his willis was. <br>520 Than ane Inglis knycht throu cas 516 <br>Hapnyt that he yeid waverand <br>Swa that na man laid on him hand, <br>In a busk he hyd hys armyng <br>And waytyt quhill he saw the king <br>525 In the morne cum furth arly 521 <br>Till him than is he went in hy, <br>Schyr Marmeduk the Tweingue he hycht. <br>He raykyt till the king all rycht <br>And halyst him apon his kne. <br>530 'Welcum, Schyr Marmeduk,' said he, 526 <br>To quhat man art thou presoner?' <br>'To nane,' he said, 'bot to you her <br>I yeld me at your will to be.' <br>'And I ressave the, schyr,' said he. <br>535 Than gert he tret him curtasly, 531 <br>He dwelt lang in his cumpany, <br>And syne till Ingland him send he <br>Arayit weile but ransoun fre <br>And geff him gret gyftis tharto. <br>540 A worthi man that sua wald do 536 <br>Mycht mak him gretly for to prise. <br>Quhen Marmeduk apon this wis <br>Was yoldyn, as Ik to you say, <br>Than come Schyr Philip the Mowbra <br>545 And to the king yauld the castell, 541 <br>His cunnand has he haldyn well, <br>And with him tretyt sua the king <br>That he belevyt of his dwelling <br>And held him lely his fay <br>550 Quhill the last end off his lyf-day. 546 </div><div style="margin:10px 0">[Douglas is joined by Sir Laurence Abernethy; <br>they follow King Edward to Winchburgh] </div><div style="margin:10px 0">Now will we of the lord of Douglas <br>Tell how that he folowit the chas. <br>He had to quhone in his cumpany <br>Bot he sped him in full gret hy, <br>555 And as he throuch the Torwod fur 551 <br>Sa met he ridand on the mur <br>Schyr Laurence off Abyrnethy <br>That with four scor in cumpany <br>Come for till help the Inglismen <br>560 For he was Inglisman yet then, 556 <br>Bot quhen he hard how that it wes <br>He left the Inglis-mennys pes <br>And to the lord Douglas rycht thar <br>For to be lele and trew he swar. <br>565 And than thai bath folowit the chas, 561 <br>And or the king off Ingland was <br>Passyt Lythkow thai come sa ner <br>With all the folk that with thaim wer <br>That weill amang thaim schout thai mycht, <br>570 Bot thai thocht thaim to few to fycht 566 <br>With the gret rout that thai had thar <br>For fyve hunder armyt thai war. <br>Togidder sarraly raid thai <br>And held thaim apon bridill ay, <br>575 Thai wat governyt wittily 571 <br>For it semyt ay thai war redy <br>For to defend thaim at thar mycht <br>Giff thai assailyt war in fycht. <br>And the lord Douglas and his men, <br>580 How that he wald nocht schaip him then 576 <br>For to fecht with thaim all planly, <br>He convoyit thaim sa narowly <br>That of the henmaist ay tuk he, <br>Mycht nane behin his falowis be <br>585 A pennystane cast na he in hy 581 <br>Was dede, or tane deliverly <br>That nane rescours wald till him ma <br>All-thocht he luvyt him never sua. <br>On this maner convoyit he <br>590 Quhill that the king and his menye 586 <br>To Wenchburg all cummyn ar. </div><div style="margin:10px 0">[Both sides rest at Winchburgh; they ride on till King Edward <br>takes a boat at Dunbar] </div><div style="margin:10px 0">Than lychtyt all that thai war <br>To bayt thar hors that wer wery, <br>And Douglas and his cumpany <br>595 Baytyt alsua besid thaim ner. 591 <br>Thai war sa fele withoutyn wer <br>And in armys sa clenly dycht <br>And sua arayit for to fycht, <br>And he sa quhoyne and but supleyng <br>600 That he wald nocht in plane fechting 596 <br>Assaile thaim, bot ay raid thaim by <br>Waytand hys poynt ay ythandly. <br>A litill quhill thai baytyt thar <br>And syne lap on and furth thai far <br>605 And he was alwayis by thaim ner, 601 <br>He leyt thaim nocht haff sic layser <br>As anys water for to ma, <br>And giff ony stad war sa <br>That he behind left ony space <br>610 Sesyt alsone in hand he was. 606 <br>Thai convoyit thaim on sic a wis <br>Quhill that the king and his rout is <br>Cummyn to the castell of Dunbar <br>Quhar he and sum of his menye war <br>615 Resavyt rycht weill, for yete than 611 <br>The Erle Patrik was Inglisman, <br>That gert with mete and drynk alsua <br>Refresche thaim weill, and syne gert ta <br>A bate and send the king by se <br>620 To Baumburgh in his awne contre. 616 <br>Thar hors thar left thai all on stray <br>Bot sesyt I trow weill sone war thai. <br>The lave that levyt thar-without <br>Addressyt thaim intill a rout <br>625 And till Berwik held straucht thar way 621 <br>In route, bot, and we suth say, <br>Stad thai war full narowly <br>Or thai come thar, bot nocht-forthi <br>Thai come to Berwik weill and thar <br>630 Into the toune ressavyt war, 626 <br>Ellys at gret myscheff had thai bene. <br>And quhen the lord off Douglas has sene <br>That he had losyt all hys payne <br>Towart the king he went agane. </div><div style="margin:10px 0">[Reflections on the kings' failure and success; <br>destruction of Stirling Castle] </div><div style="margin:10px 0">635 The king eschapyt on this wis. 631 <br>Lo! quhat fading in fortoun is <br>That will apon a man quhill smyle <br>And prik on him syne a nothyr quhill, <br>In na tym stable can scho stand. <br>640 This mychty king off Ingland 636 <br>Scho had set on hyr quheill on hycht <br>Quham with sa ferlyfull a mycht <br>Off men off armys and archeris <br>And off futemen and hobeleris <br>645 He come ridand out off his land 641 <br>As I befor has borne on hand, <br>And in a nycht syne and a day <br>Scho set him in sa hard assay <br>That he with few men in a bate <br>650 Wes fayne for till hald hame his gate. 646 <br>Bot off this ilk quhelys turnyng <br>King Robert suld mak na murnyng <br>For on his syd the quheyle on hycht <br>Rais quhen the tother doun gan lycht, <br>655 For twa contraris yhe may wit wele 651 <br>Set agane othir on a quhele 652 <br>Quhen ane is hye the tothir is law, 653 <br>And gif it fall that fortoune thraw 654 <br>The quheill about, it that on hicht 655 <br>660 Was ere it most doune lycht, 656 <br>And it that undre lawch was ar 651 <br>Mon lepe on loft in the contrar. <br>Sa fure it off thir kingis twa, <br>Quhen the King Robert stad was sua <br>665 That in gret myscheiff wes he 655 <br>The tother was in his majeste, <br>And quhen the King Edwardis mycht <br>Wes lawyt King Robert wes on hycht, <br>And now sic fortoun fell him till <br>670 That he wes hey and at his will. 660 <br>At Strevillyne wes he yeyt liand, <br>And the gret lordis that he fand <br>Dede in the feld he gert bery <br>In haly place honorabilly, <br>675 And the lave syne that dede war thar 665 <br>Into gret pyttis erdyt war thar <br>The castell and the towris syne <br>Rycht till the ground gert he myn, <br>And syne to Bothwell send he <br>680 Schyr Edward with a gret menye 670 <br>For thar wes thine send him word <br>That the rich erle off Herford <br>And other mychty als wer ther. </div><div style="margin:10px 0">[Surrender of Bothwell Castle; exchange of prisoners; Robert Stewart <br>and the date of compiling this book] </div><div style="margin:10px 0">Sua tretyt he with Schyr Walter <br>685 That erle and castell and the lave 675 <br>In Schyr Edwardis hand he gave, <br>And till the king the erle send he <br>That gert him rycht weill yemyt be <br>Quhill at the last thai tretyt sua <br>690 That he till Ingland hame suld ga 680 <br>Foroutyn paying of raunsoune fre, <br>And that for him suld changyt be <br>Bischap Robert that blynd was mad <br>And the queyne that thai takyn had <br>695 In presoune as befor said I 685 <br>And hyr douchter Dame Marjory. <br>The erle was changyt for thir thre, <br>And quhen thai cummyn war hame all fre <br>The king his douchter that was far <br>700 And wes als aperand ayr 690 <br>With Walter Stewart gan he wed <br>And thai wele sone gat of thar bed <br>A knav child throu our Lordis grace, <br>That eftre his gud eldfader was <br>705 Callyt Robert and syne wes king, 695 <br>And had the land in governyng <br>Eftyr his worthy eyme Davy <br>That regnyt twa yer and fourty. <br>And in the tyme of the compiling <br>710 Off this buk this Robert wes king, 700 <br>And off hys kynrik passit was <br>Fyve yer, and wes the yer of grace <br>A thousand thre hunder sevynty <br>And fyve, and off his eld sexty, <br>715 And that wes efter that the gud king 705 <br>Robert wes broucht till his ending <br>Sex and fourty winter but mar. <br>God grant that thai that cummyn ar <br>Off his ofspring manteyme the land <br>720 And hald the folk weill to warand 710 <br>And manteyme rycht and leawté <br>Als wele as in his tyme did he. </div><div style="margin:10px 0">[The king's territorial settlement; an attack on <br>Northumberland] </div><div style="margin:10px 0">King Robert now wes wele at hycht <br>For ilk day than grew his mycht, <br>725 His men woux rich and his contre 715 <br>Haboundyt weill of corne and fe <br>And off alkyn other ryches, <br>Myrth and solace and blythnes <br>War in the land commonaly <br>730 For ilk man blyth war and joly. 720 <br>The king eftre the gret journé <br>Throu rede off his consaill preve <br>In ser townys gert cry on hycht <br>That quha-sa clemyt till haf rycht <br>735 To hald in Scotland land or fe, 725 <br>That in thai twelf moneth suld he <br>Cum and clam yt and tharfor do <br>To the king that pertenyt tharto, <br>And giff thai come nocht in that yer <br>740 Than suld thai wit withoutyn wer 730 <br>That hard thareftre nane suld be. <br>The king that wes of gret bounte <br>And besines, quhen this wes done <br>Ane ost gert summound eftre sone <br>745 And went thaim intill Ingland 735 <br>And our-raid all Northummyrland, <br>And brynt housis and tuk tharpray <br>And syne went hame agane thar way. <br>I lat it schortly pas forby <br>750 For thar wes done na chevalry 740 <br>Provyt that is to spek of her. <br>The king went oft on this maner <br>In Ingland for to rich his men <br>That in riches haboundyt then.</div><div style="margin:10px 0"><br /></a><br />poem by <a href="http://en.citatepedia.ro/by.php?a=John+Barbour">John Barbour</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=418951" data-title="The Brus Book XIII de John Barbour" data-description="[Douglas's division attacks] Quhen thir twa fyrst bataillis wer Assemblyt as I said you er, The Stewart Walter that than was And the gud lord als of Douglas 5 In a bataill, quhen that thai saw The erle foroutyn dred or aw Assembill with hi..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black