<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=418950" style="color:#000;text-decoration:none"><div style="margin:10px 0"><strong>The Brus Book XII</strong></div><div style="margin:10px 0">[The king prepares his division] </div><div style="margin:10px 0">Now Douglas furth his wayis tais, <br>And in that selff tyme fell throw cais <br>That the king off Ingland quhen he <br>Was cummyn with his gret menye <br>5 Ner to the place, as I said ar, <br>Quhar Scottismen arayit war, <br>He gert arest all his bataill <br>And other alsua to tak consaill <br>Quhether thai wald herbry thaim that nycht <br>10 Or than but mar ga to the fycht. <br>The vaward that wist na thing <br>Off this arest na his dwelling <br>Raid to the Park all straucht thar way <br>Foroutyn stinting in gud aray, <br>15 And quhen the king wist that thai wer <br>In hale bataill cummand sa ner <br>His bataill gert he weill aray. <br>He raid apon a litill palfray <br>Laucht and joly arayand <br>20 His bataill with ane ax in hand, <br>And on his bassynet he bar <br>Ane hat off quyrbolle ay-quhar, <br>And thar-upon into taknyng <br>Ane hey croune that he wes king. </div><div style="margin:10px 0">[The king kills Henry de Bohun] </div><div style="margin:10px 0">25 And quhen Glosyster and Herfurd wer <br>With thar bataill approchand ner <br>Befor thaim all thar come ridand <br>With helm on heid and sper in hand <br>Schyr Henry the Boune the worthi, <br>30 That was a wycht knycht and a hardy <br>And to the erle off Herfurd cusyne, <br>Armyt in armys gud and fyne <br>Come on a sted a bow-schote ner <br>Befor all other that thar wer, <br>35 And knew the king for that he saw <br>Him sua rang his men on raw <br>And by the croune that wes set <br>Alsua apon his bassynet, <br>And towart him he went in hy. <br>40 And quhen the king sua apertly <br>Saw him cum forouth all his feris <br>In hy till him the hors he steris. <br>And quhen Schyr Henry saw the king <br>Cum on foroutyn abaysing <br>45 Till him he raid in full gret hy, <br>He thocht that he suld weill lychtly <br>Wyn him and haf him at his will <br>Sen he him horsyt saw sa ill. <br>Sprent thai samyn intill a ling, <br>50 Schyr Hanry myssit the noble king <br>And he that in his sterapys stud <br>With the ax that wes hard and gud <br>With sua gret mayne raucht him a dynt <br>That nother hat na helm mycht stynt <br>55 The hevy dusche that he him gave <br>That ner the heid till the harnys clave. <br>The hand-ax schaft fruschit in twa, <br>And he doune to the erd gan ga <br>All flatlynys for him faillyt mycht. <br>60 This wes the fryst strak off the fycht <br>That wes perfornyst douchtely, <br>And quhen the kingis men sa stoutly <br>Saw him rycht at the fyrst meting <br>Foroutyn dout or abaysing <br>65 Have slayne a knycht sua at a strak <br>Sic hardyment tharat gan thai tak <br>That thai come on rycht hardely. <br>Quhen Inglismen saw thaim sa stoutly <br>Cum on tthai had gret abaysing <br>70 And specially for that the king <br>Sa smartly that gud knycht has slayne <br>That thai withdrew thaim everilkane <br>And durst nocht ane abid to fycht <br>Sa dred thai for the kingis mycht. <br>75 And quhen the kingis men thaim saw <br>Sua in hale bataill thaim withdraw <br>A gret schout till thaim gan thai mak <br>And thai in hy tuk all the bak, <br>And thai that folowit thaim has slane <br>80 Sum off thaim that thai haf ourtane <br>Bot thai war few forsuth to say <br>Thar hors fete had ner all away. <br>Bot how-sa quhoyne deyt thar <br>Rebutyt foulily thai war <br>85 And raid thar gait with weill mar schame <br>Be full fer than thai come fra hame. </div><div style="margin:10px 0">[Douglas admires the struggle of Moray and his men] </div><div style="margin:10px 0">Quhen that the king reparyt was <br>That gert his men all leve the chas <br>The lordis off his cumpany <br>90 Blamyt him as thai durst gretumly <br>That he him put in aventur <br>To mete sa styth a knycht and sture <br>In sic poynt as he than wes sene, <br>For thai said weill it mycht haiff bene <br>95 Cause off thar tynsaill everilkan. <br>The king answer has maid thaim nane <br>Bot menyt hys handax schaft that sua <br>Was with the strak brokyn in twa. <br>The Erle Thomas wes yete fechtand <br>100 With fayis apon athyr hand <br>And slew off thaim a quantite, <br>Bot wery war his men and he <br>The-quhether with wapynnys sturdely <br>Thai thaim defendyt manlely <br>105 Quhill that the Douglas come ner <br>That sped him on gret maner, <br>And Inglismen that war fechtand <br>Quhen thai the Douglas saw ner-hand <br>Thai wandyst and maid ane opynnyng. <br>110 James of Douglas be thar relying <br>Knew that thai war discumfyt ner, <br>Than bad thaim that with him wer <br>Stand still and pres na forthyrmar. <br>'For thai that yonder fechtand ar,' <br>115 He said, 'ar off sa gret bounte <br>That thar fayis weill sone sall be <br>Discumfyt throu thar awne mycht <br>Thocht na man help thaim for to fycht, <br>And cum we now to the fechting <br>120 Quhen thai ar at discumfiting <br>Men suld say we thaim fruschit had, <br>And sua suld thai that caus has mad <br>With gret travaill and hard fechting <br>Los a part of thar loving, <br>125 And it war syn to les thar prys <br>That off sa soverane bounte is. <br>And he throu plane and hard fechting <br>Has her eschevyt unlikly thing <br>He sall haff that he wonnyn has.' </div><div style="margin:10px 0">[Moray's victory over Clifford's men] </div><div style="margin:10px 0">130 The erle with that that fechtand was <br>Quhen he hys fayis saw brawland sua <br>And hy apon thaim gan he ga, <br>And pressyt thame sa wonder fast <br>With hard strakys quhill at the last <br>135 Thai fled that dust abid ne mar. <br>Bath hors and men slane left thai thar <br>And held thar way in full gret hy <br>Nocht all togydder bot syndryly <br>And thai that war ourtane war slayn, <br>140 The lave went till thar ost agayne <br>Off thar tynsall sary and wa. <br>The erle that had him helpyn sua <br>And his als that wer wery <br>Hynt off thar bassynettis in hy <br>145 Till avent thaim for thai war wate, <br>Thai war all helyt into swate. <br>Thai semyt men forsuth Ik hycht <br>That had fandyt thar force in fycht <br>And sua did thai full douchtely. <br>150 Thai fand off all thar cumpany <br>That thar wes bot a yuman slayne <br>And lovyt God and wes full fayne <br>And blyth that thai eschapyt sua. <br>Towart the king than gan thai ga <br>155 And till him weill sone cummyn ar. <br>He wyttyt at thaim of thar far <br>And glaidsome cher to thaim mad <br>For thai sa weile thaim borne had. <br>Than pressyt into gret daynte <br>160 The erle off Murreff for to se, <br>For his hey worschip and gret valour <br>All yarnyt to do him honour, <br>Sa fast thai ran to se him thar <br>That ner all samyn assemblit ar. <br>165 And quhen the gud king gan thaim se <br>Befor thaim sua assemblit be <br>Blyth and glaid that thar fayis wer <br>Rabutyt apon sic maner <br>A litill quhill he held him still, <br>170 Syne on this wys he said his will. </div><div style="margin:10px 0">[The king asks his men whether they should stay and fight] </div><div style="margin:10px 0">'Lordingis, we aucht to love and luff <br>Allmychty God that syttis abuff <br>That sendis us sa fayr begynnyng. <br>It is a gret discomforting <br>175 Till our fayis that on this wis <br>Sa sone has bene rabutyt twis, <br>For quhen thai off thar ost sall her <br>And knaw suthly on quhat maner <br>Thar vaward that wes sa stout, <br>180 And syne yone othyr joly rout <br>That I trow off the best men war <br>That thay mycht get amang thaim thar, <br>War rebutyt sa sodanly, <br>I trow and knawis it all clerly <br>185 That mony ane hart sall waverand be <br>That semyt er off gret bounte, <br>And fra the hart be discumfyt <br>The body is nocht worth a myt, <br>Tharfor I trow that gud ending <br>190 Sall folow till our begynnyng. <br>The-quhether I say nocht this you till <br>For that ye suld folow my will <br>To fycht, bot in you all sall be, <br>For gyff you thinkis spedfull that we <br>195 Fecht we sall, and giff ye will <br>We leve, your liking to fulfill. <br>I sall consent on alkyn wis <br>To do rycht as ye will dyvys, <br>tharfor sayis off your will planly.' <br>200 And with a voce than gan thai cry, <br>'Gud king, foroutyn mar delay <br>Tomorne alsone as ye se day <br>Ordane you hale for the bataill, <br>For doute off dede we sall nocht faill <br>205 Na na payn sall refusyt be <br>Quhill we haiff maid our countre fre.' </div><div style="margin:10px 0">[The king's address to his men: the reasons for the fight] </div><div style="margin:10px 0">Quhen the king had hard sa manlily <br>Thai spak to fechting and sa hardely <br>In hart gret gladschip can he ta <br>210 And said, 'Lordingis, sen ye will sua <br>Schaip we us tharfor in the mornyng <br>Sua that we be the sone-rysing <br>Haff herd mes and buskyt weill <br>Ilk man intill his awn eschell <br>215 Without the palyounys arayit <br>In bataillis with baneris displayit, <br>And luk ye na wis brek aray. <br>And, as ye luf me, I you pray <br>That ilk man for his awne honour <br>220 Purvay him a gud baneour, <br>And quhen it cummys to the fycht <br>Ilk man set hart will and mycht <br>To stynt our fayis mekill prid. <br>On hors thai will arayit rid <br>225 And cum on you in full gret hy, <br>Mete thaim with speris hardely <br>And think than on the mekill ill <br>That thai and tharis has done us till, <br>And ar in will yeit for to do <br>230 Giff thai haf mycht to cum tharto. <br>And certis me think weill that ye <br>Forout abasing aucht to be <br>Worthy and of gret vasselagis <br>For we haff thre gret avantagis <br>235 The fyrst is that we haf the rycht <br>And for the rycht ay God will fycht. <br>The tother is that thai cummyn ar <br>For lyppynyng off thar gret powar <br>To sek us in our awne land, <br>240 And has brocht her rycht till our hand <br>Ryches into sa gret quantite <br>That the pourest of you sall be <br>Bath rych and mychty tharwithall <br>Giff that we wyne, as weill may fall. <br>245 The thrid is that we for our lyvis <br>And for our childer and for our wyvis <br>And for our fredome and for our land <br>Ar strenyeit in bataill for to stand, <br>And thai for thar mycht anerly <br>250 And for thai lat of us heychtly <br>And for thai wald distroy us all <br>Mais thaim to fycht, bot yeit may fall <br>That thai sall rew thar barganyng. <br>And certis I warne you off a thing <br>255 That happyn thaim, as God forbed, <br>Till fynd fantis intill our deid <br>That thai wyn us opynly <br>Thai sall off us haf na mercy, <br>And sen we knaw thar felone will <br>260 Me think it suld accord to skill <br>To set stoutnes agayne felony <br>And mak sa-gat a juperty. <br>Quharfor I you requer and pray <br>That with all your mycht that ye may <br>265 That ye pres you at the begynnyng <br>But cowardys or abaysing <br>To mete thaim at sall fyrst assemble <br>Sa stoutly that the henmaist trymble, <br>And menys of your gret manheid <br>270 Your worschip and your douchti deid <br>And off the joy that we abid <br>Giff that us fall, as weill may tid, <br>Hap to vencus this gret bataill. <br>In your handys without faile <br>275 Ye ber honour price and riches <br>Fredome welth and blythnes <br>Giff you contene you manlely, <br>And the contrar all halily <br>Sall fall giff ye lat cowardys <br>280 And wykytnes your hertis suppris. <br>Ye mycht have lyvyt into threldome, <br>Bot for ye yarnyt till have fredome <br>Ye ar assemblyt her with me, <br>Tharfor is nedfull that ye be <br>285 Worthy and wycht but abaysing. </div><div style="margin:10px 0">[The king's address to his men: practical advice] </div><div style="margin:10px 0">And I warne you weill off a thing, <br>That mar myscheff may fall us nane <br>Than in thar handys to be tane, <br>For thai suld sla us, I wate weill <br>290 Rycht as thai did my brothyr Nele. <br>Bot quhen I mene off your stoutnes <br>And off the mony gret prowes <br>That ye haff doyne sa worthely <br>I traist and trowis sekyrly <br>295 To haff plane victour in this fycht, <br>For thoucht our fayis haf mekill mycht <br>Thai have the wrang, and succudry <br>And covatys of senyoury <br>Amovys thaim foroutyn mor. <br>300 Na us thar dreid thaim bot befor <br>For strenth off this place as ye se <br>Sall let us enveronyt to be. <br>And I pray you als specially <br>Bath mar and les commonaly <br>305 That nane of you for gredynes <br>Haff ey to tak of thar riches <br>Ne presonaris for to ta <br>Quhill ye se thaim contraryit sa <br>That the feld anerly youris be, <br>310 And than at your liking may ye <br>Tak all the riches that thar is. <br>Giff ye will wyrk apon this wis <br>Ye sall haff victour sekyrly. <br>I wate nocht quhat mar say sall I <br>315 Bot all wate ye quhat honour is, <br>Contene you than on sic a wis <br>That your honour ay savyt be. <br>And Ik hycht her in leaute <br>Gyff ony deys in this bataille <br>320 His ayr but ward releff or taile <br>On the fyrst day his land sall weld <br>All be he never sa young off eild. <br>Now makys you redy for to fycht, <br>God help us that is maist of mycht. <br>325 I rede armyt all nycht that we be <br>Purvayit in bataill sua that we <br>To mete our fayis ay be boune.' <br>Than answeryt thai all with a soune, <br>'As ye dyvys all sall be done.' <br>330 Than till tha innys went thai sone <br>And ordanyt thaim for the fechting <br>Syne assemblyt in the evynnyng, <br>And suagat all the nycht bad thai <br>Till on the morn that it wes day. </div><div style="margin:10px 0">[The English prepare: the night before the battle] </div><div style="margin:10px 0">335 Quhen the Cliffurd, as I said ar, <br>And all his rout rebutyt war <br>And thar gret vaward alsua <br>War distrenyeit the bak to ta <br>And thai had tauld thar rebuting - <br>340 Thai off the vaward how the king <br>Slew at a strak sa apertly <br>A knycht that wycht wes and hardy, <br>And how all haile the kingis bataill <br>Schup thaim rycht stoutly till assaill <br>345 And Schyr Edward the Bruce alsua <br>Quhen thai all haill the bak gan ta <br>And how thai lesyt of thar men, <br>And Cliffurd had tauld alsua then <br>How Thomas Randell tuk the plane <br>350 With a few folk and how wes slane <br>Schyr Gilyame Danecourt the worthi, <br>And how the erle faucht manly <br>That as ane hyrchoune all his rout <br>Gert set out speris all about <br>355 And how that thai war put agayne <br>And part off thar gud men slayne - <br>The Inglismen sic abasing <br>Tuk and sic drede of that tithing <br>That in fyve hunder placis and ma <br>360 Men mycht se samyn routand ga <br>Sayand, 'Our lordis for thar mycht <br>Will allgate fecht agane the rycht, <br>Bot quha-sa werrayis wranguysly <br>Thai fend God all to gretumly <br>365 And thaim may happyn to mysfall, <br>And swa may tid that her we sall.' <br>And quhen thar lordys had persaving <br>Off discomfort and rownnyng <br>That thai held samyn twa and twa, <br>370 Throu-out the ost sone gert thai ga <br>Heraldis to mak a crye <br>That nane discomfort suld be, <br>For in punye is oft hapnyne <br>Quhile for to wyn and quhile to tyne, <br>375 And that into the gret bataill <br>That apon na maner may faill <br>Bot giff the Scottis fley thar way <br>Sall all amendyt be perfay. <br>Tharfor thai monest thaim to be <br>380 Off gret worschip and off bounte <br>And stoutly in the bataill stand <br>And tak amendis at thar hand. <br>Thai may weill monys as thai will <br>And thai may hecht als to fulfill <br>385 With stalwart hart thar bidding all <br>Bot nocht-forthi I trow thai sall <br>Intill thar hartis dredand be. <br>The king with his consaill preve <br>Has tane to rede that he wald nocht <br>390 Fecht or the morne bot he war socht, <br>Tharfor thai herberyd thaim that nycht <br>Doune in the Kers, and gert all dycht <br>And maid redy thar aparaill <br>Agayne the morne for the bataill, <br>395 And for in the Kers pulis war <br>Housis thai brak and thak bar <br>To mak briggis quhar thaim mycht pas, <br>And sum sayis that yeit the folk that was <br>In the castell quhen nycht gan fall <br>400 For that thai knew the myscheiff all <br>Thai went full ner all that thai war <br>And duris and wyndowys with thaim bar, <br>Swa that thai had befor the day <br>Briggyt the pulis swa that thai <br>405 War passyt our everilkane, <br>And the hard feld on hors has tane 406 <br>All reddy for till gif batale 407 <br>Arayit intill thar apparaill. 406 </div><div style="margin:10px 0">[The Scottish and English preparations on the morning] </div><div style="margin:10px 0">The Scottismen quhen it wes day <br>410 Thar mes devotly gert thai say 408 <br>Syne tuk a sop and maid thaim yar, <br>And quhen thai all assemblyt war <br>And in thar bataillis all purvayit <br>With thar braid baneris all displayit <br>415 Thai maid knychtis, as it afferis 413 <br>To men that usys thai mysteris. <br>The king maid Walter Stewart knycht <br>And James of Douglas that wes wycht, <br>And other als of gret bounte <br>420 He maid ilkane in thar degre. 418 <br>Quhen this wes doyne that I you say <br>Thai went all furth in gud aray <br>And tuk the plane full apertly, <br>Mony gud man wicht and hardy <br>425 That war fulfillyt of gret bounte 423 <br>Intill thai routis men mycht se. <br>The Inglismen on other party <br>That as angelis schane brychtly <br>War nocht arayit on sic maner <br>430 For all thar bataillis samyn wer 428 <br>In a schilthrum, but quhether it was <br>Throu the gret straitnes of the place <br>That thai war in to bid fechting <br>Or that it was for abaysing <br>435 I wate nocht, bot in a schiltrum 433 <br>It semyt thai war all and sum, <br>Outane the avaward anerly <br>That rycht with a gret cumpany <br>Be thaimselvyn arayit war. <br>440 Quha had bene by mycht have sene thar 438 <br>That folk ourtak a mekill feild <br>On breid quhar mony a schynand scheld <br>And mony a burnyst brycht armur <br>And mony man off gret valour <br>445 And mony a brycht baner and schene 443 <br>Mycht in that gret schiltrum be sene. </div><div style="margin:10px 0">[Umfraville's advice to Edward II rejected] </div><div style="margin:10px 0">And quhen the king of Ingland <br>Swa the Scottis saw tak on hand <br>Takand the hard feyld sa opynly <br>450 And apon fute he had ferly 448 <br>And said, 'Quhat, will yone Scottis fycht?' <br>'Ya sekyrly, schir,' said a knycht, <br>Schyr Ingrame the Umfravill hat he, <br>And said, 'Forsuth now, schyr, I se <br>455 It is the mast ferlyfull sycht 453 <br>That evyre I saw quhen for to fycht <br>The Scottismen has tane on hald <br>Agayne the mycht of Ingland <br>In plane hard feld to giff bataile. <br>460 Bot and ye will trow my consaill 458 <br>Ye sall discomfy thaim lychtly. <br>Withdrawys you hyne sodandly <br>With bataillis and with penounys <br>Quhill that we pas our palyounys, <br>465 And ye sall se alsone that thai 463 <br>Magre thar lordys sall brek aray <br>And scaile thaim our harnays to ta. <br>And quhen we se thaim scalit sua <br>Prik we than on thaim hardely <br>470 And we sall haf thaim wele lychtly 468 <br>For than sall nane be knyt to fycht <br>That may withstand your mekill mycht.' <br>I will nocht,' said the king, 'perfay <br>Do sa, for thar sall na man say <br>475 That I sall eschew the bataill 473 <br>Na withdraw me for sic rangaile.' <br>Quhen this wes said that er said I <br>The Scottismen commounaly <br>Knelyt all doune to God to pray <br>480 And a schort prayer thar maid thai 478 <br>To God to help thaim in that fycht, <br>And quhen the Inglis king had sycht <br>Off thaim kneland he said in hy, <br>'Yone folk knelis to ask mercy.' <br>485 Schyr Ingrahame said, 'Ye say suth now, 483 <br>Thai ask mercy bot nane at you, <br>For thar trespas to God thai cry. <br>I tell you a thing sekyrly, <br>That yone men will all wyn or de, <br>490 For doute of dede thai sall nocht fle.' 488 <br>'Now be it sa,' than said the king, <br>And than but langer delaying <br>Thai gert trump till the assemble. <br>On ather sid men mycht than se <br>495 Mony a wycht man and worthi 493 <br>Redy to do chevalry. </div><div style="margin:10px 0">[The English attack Edward Bruce's division] </div><div style="margin:10px 0">Thus war thai boune on ather sid, <br>And Inglismen with mekill prid <br>That war intill thar avaward <br>500 To the bataill that Schyr Edward 498 <br>Governyt and led held straucht thar way <br>The hors with spuris hardnyt thai <br>And prikyt apon thaim sturdely, <br>And thai met thaim rycht hardely <br>505 Sua that at thar assemble thar 503 <br>Sic a fruschyng of speris war <br>That fer away men mycht it her. <br>At that meting foroutyn wer <br>War stedis stekyt mony ane <br>510 And mony gude man borne doune and slayne, 508 <br>And mony ane hardyment douchtely <br>Was thar eschevyt, for hardely <br>Thai dang on other with wapnys ser. <br>Sum of the hors that stekyt wer <br>515 Ruschyt and relyt tycht rudlye, 513 <br>Bot the remanand nocht-forthi <br>That mycht cum to the assembling <br>For that led maid na stinting <br>` Bot assemblyt full hardely, <br>520 And thai met thaim full sturdely 518 <br>With speris that wer scharp to scher <br>And axys that weile groundyn wer <br>Quhar-with was roucht mony a rout. <br>The fechting wes thar.sa fell and stout <br>525 That mony a worthi man and wicht 523 <br>Throu fors wes fellyt in that fycht <br>That had na mycht to rys agane. <br>The Scottismen fast gan thaim payn <br>Thar fayis mekill mycht to rus, <br>530 I trow thai sall na payn refuse 528 <br>Na perell quhill thar fayis be <br>Set in weill hard perplexite. </div><div style="margin:10px 0">[Moray's men attack the main English host] </div><div style="margin:10px 0">And quhen the erle of Murref swa <br>Thar vaward saw sa stoutly ga <br>535 The way to Schyr Edward all straucht 533 <br>That met thaim with full mekill maucht, <br>He held hys way with his baner <br>To the gret rout quhar samyn wer <br>The nyne bataillis that war sa braid, <br>540 That sa fele baneris with thaim haid 538 <br>And of men sa gret quantite <br>That it war wonder for to se. <br>The gud erle thidder tuk the way <br>With his battaill in gud aray <br>545 And assemblit sa hardily 543 <br>That men mycht her that had bene by <br>A gret frusch of the speris that brast, <br>For thar fayis assemblyt fast <br>That on stedis with mekill prid <br>550 Come prikand as thai wald our-rid 548 <br>The erle and all his cumpany, <br>Bot thai met thaim sa sturdely <br>That mony of thaim till erd thai bar, <br>For mony a sted was stekyt thar <br>555 And mony gud man fellyt under fet 553 <br>That had na hap to rys up yete. <br>Thar mycht men se a hard bataill <br>And sum defend and sum assaile <br>And mony a reale romble rid <br>560 Be roucht thar apon ather sid 558 <br>Quhill throu the byrnys bryst the blud <br>That till erd doune stremand yhude. <br>The erle of Murreff and his men <br>Sa stoutly thaim contenyt then <br>565 That thai wan place ay mar and mar 563 <br>On thar fayis the-quhether thai war <br>Ay ten far ane or may perfay, <br>Sua that it semyt weill that thai <br>War tynt amang sa gret menye <br>570 As thai war plungyt in the se. 568 <br>And quhen the Inglismen has sene <br>The erle and all his men bedene <br>Faucht sa stoutly but effraying <br>Rycht as thai had nane abasing <br>575 Thaim pressyt thai with all thar mycht 573 <br>And thai with speris and swerdis brycht <br>And axis that rycht scharply schar <br>Ymyddis the vesag met thaim thar. <br>Thar mycht men se a stalwart stour <br>580 And mony men of gret valour 578 <br>With speris mas and knyffis <br>And other wapynnys wyssyll thar lyvis <br>Sua that mony fell doune all dede, <br>The greys woux with the blud all reid <br>585 The erle that wycht wes and worthi 583 <br>And his men faucht sa manlyly <br>That quha-sa had sene thaim that day <br>I trow forsuth that thai suld say <br>That thai suld do thar devor wele <br>590 Swa that thar fayis suld it fele. 588</div><div style="margin:10px 0"><br /></a><br />poem by <a href="http://en.citatepedia.ro/by.php?a=John+Barbour">John Barbour</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=418950" data-title="The Brus Book XII de John Barbour" data-description="[The king prepares his division] Now Douglas furth his wayis tais, And in that selff tyme fell throw cais That the king off Ingland quhen he Was cummyn with his gret menye 5 Ner to the place, as I said ar, Quhar Scottismen arayit war, He g..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black