<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=418946" style="color:#000;text-decoration:none"><div style="margin:10px 0"><strong>The Brus Book VII</strong></div><div style="margin:10px 0">[The king escapes from the hound] </div><div style="margin:10px 0"><br>The king towart the wod is gane <br>Wery forswayt and will of wane <br>Intill the wod sone entryt he <br>And held doun towart a vale <br>5 Quhar throu the woid a watter ran. <br>Thidder in gret hy wend he than <br>And begouth for to rest him thar <br>And said he mycht no forthirmar. <br>His man said, 'Schyr, it may nocht be. <br>10 Abyd ye her ye sall son se <br>Fyve hunder yarnand you to sla, <br>And thai ar fele aganys us twa. <br>And sen we may nocht dele with mycht <br>Help us all that we may with slycht.' <br>15 The king said, 'Sen that thou will sua, <br>Ga furth, and I sall with the ga. <br>Bot Ik haiff herd oftymys say <br>That quha endlang a watter ay <br>Wald waid a bow-draucht he suld ger <br>20 Bathe the slouth-hund and his leder <br>Tyne the sleuth men gert him ta. <br>Prove we giff it will now do sa, <br>For war yone devillis hund away <br>I roucht nocht off the lave perfay.' <br>25 As he dyvisyt thai haiff doyn <br>And entryt in the watter sone <br>And held down endlang thar way, <br>And syne to the land yeid thai <br>And held thar way as thai did er. <br>30 And Jhone off Lorn with gret affer <br>Come with hys rout rycht to the place <br>Quhar that his fyve men slane was. <br>He menyt thaim quhen he thaim saw <br>And said eftre a litill thraw <br>35 That he suld veng thar bloude, <br>Bot otherwayis the gamyn youde. <br>Thar wald he mak na mar dwelling <br>Bot furth in hy folowit the king. <br>Rycht to the burn thai passyt war, <br>40 Bot the sleuth-hund maid styntyn thar <br>And waveryt lang tyme to and fra <br>That he na certane gate couth ga, <br>Till at the last that Jhon of Lorn <br>Persavyt the hund the slouth had lorn <br>45 And said, 'We haiff tynt this travaill. <br>To pas forthyr may nocht availe <br>For the void is bath braid and wid <br>And he is weill fer be this tid, <br>Tharfor is gud we turn agayn <br>50 And waist no mar travaill in vayne.' <br>With that relyit he his mengye <br>And his way to the ost tuk he. </div><div style="margin:10px 0">[An alternative account of the escape] </div><div style="margin:10px 0">Thus eschapyt the nobill king, <br>Bot sum men sayis this eschaping <br>55 Apon ane other maner fell <br>Than throu the wading, for thai tell <br>That the king a gud archer had, <br>And quhen he saw his lord sua stad <br>That he wes left sa anerly <br>60 He ran on sid alwayis him by <br>Till he into the woude wes gane. <br>Than said he till him selff allane <br>That he arest rycht thar wald ma <br>To luk giff he the hund mycht sla, <br>65 For giff the hund mycht lest in lyve <br>He wyst rycht weile that thai wald dryve <br>The kingis trace till thai him ta, <br>Than wyst he weile thai wald him sla. <br>And for bhe wald his lord succur <br>70 He put his liff in aventur, <br>And stud intill a busk lurkand <br>Till that the hund come at his hand <br>And with ane arow sone him slew <br>And throu the woud syne him withdrew. <br>75 Bot quhether this eschaping fell <br>As I tauld fyrst or I now tell, <br>I wate weill without lesing <br>That at the burn eschapyt the king. </div><div style="margin:10px 0">[Three men with a wethertry to kill the king <br>and kill his foster-brother] </div><div style="margin:10px 0">The king has furth his wayis tane, <br>80 And Jhon of Lorn agayne is gane <br>To Schyr Aymer that fra the chace <br>With his men repayryt was <br>That sped lytill in thar chassyng <br>Thoucht at thai maid gret folowing <br>85 Full egrely thai wan bot small, <br>Thar fayis ner eschapyt all. <br>Men sayis Schyr Thomas Randell than <br>Chassand the kingis baner wan, <br>Quharthrou in Ingland with the king <br>90 He had rycht gret price and loving. <br>Quhen the chasseris relyit war <br>And Jhon of Lorn had met thaim thar <br>He tauld Schyr Aymer all the cas, <br>How that the king eschapyt was <br>95 And how that he his fyve men slew <br>And syne to the wode him drew. <br>Quhen Schyr Aymer herd this, in hy <br>He sanyt him for the ferly <br>And said, 'He is gretly to prys, <br>100 For I knaw nane that liffand is <br>That at myscheyff gan help him sua. <br>I trow he suld be hard to sla <br>And he war bodyn evynly.' <br>On this wis spak Schyr Aymery, <br>105 And the gud king held furth his way <br>Betwix him and his man quhill thai <br>Passyt out throu the forest war. <br>Syne in the more thai entryt ar <br>That wes bathe hey and lang and braid, <br>110 And or thai halff it passyt had <br>Thai saw on syd the men cummand <br>Lik to lycht men and waverand, <br>Swerdis thai had and axiys als <br>And ane off thaim apon his hals <br>115 A mekill boundyn wether bar. <br>Thai met the king and halist him thar, <br>And the king tthaim thar hailsing yauld <br>And askyt thaim quhether thai wauld. <br>Thai said Robert the Bruys thai socht, <br>120 For mete with him giff that thai moucht <br>Thar dwelling with him wauld thai ma. <br>The king said, 'Giff that ye will sua, <br>Haldys furth your way with me <br>And I sall ger you sone him se.' <br>125 Thai persavyt be his speking <br>That he wes the selvyn Robert king, <br>And chaungyt contenance and late <br>And held nocht in the fyrst state, <br>For thai war fayis to the king <br>130 And thocht to cum into Sculking <br>And dwell with him quhill that thai saw <br>Thar poynt, and bryng him than off daw. <br>Thai grantyt till his spek forthi, <br>Bot the king that wes witty <br>135 Persavyt weill be thar having <br>that thai luffyt him nathing <br>And said, 'Falowis, ye mon all thre, <br>Forthir aquent till that we be, <br>All be yourselvyn forrouth ga, <br>140 And on the samyn wys we twa <br>Sall folow behind weill ner.' <br>Quod thai, 'Schyr, it is na myster <br>To trow in us ony ill.' <br>'Nane do I,' said he, 'bot I will <br>145 That yhe ga forrourth thus quhill we <br>Better with othyr knawin be.' <br>'We grant,' thai said, 'sen ye will sua.' <br>And furth apon thar gate gan ga. <br>Thus yeid thai till the nycht wes ner, <br>150 And than the formast cummyn wer <br>Till a waist husbandis hous, and thar <br>Thai slew the wethir that thai bar <br>And slew fyr for to rost thar mete, <br>And askyt the king giff he wald ete <br>155 And rest him till the mete war dycht. <br>The king that hungry was, Ik hycht, <br>Assentyt till thar spek in hy, <br>Bot he said he wald anerly <br>Betwix him and his fallow be <br>160 At a fyr, and thai all thre <br>In the end off the hous suld ma <br>Ane other fyr, and thai did sua. <br>Thai drew thaim in the hous end <br>And halff the wethir till him send. <br>165 And thai rostyt in hy thar mete <br>And fell rycht freschly for till ete, <br>For the king weill lang fastyt had <br>And had rycht mekill travaill mad, <br>Tharfor he eyt full egrely <br>170 And quhen he had etyn hastily <br>He had to slep sa mekill will <br>That he mocht set na let thartill, <br>For quhen the vanys fillyt ar <br>Men worthys hevy evermar <br>175 And to slepe drawys hevynes. <br>The king that all fortravaillyt wes <br>Saw that him worthyt slep nedwayis. <br>Till his foser-broder he sayis, <br>'May I traist in the me to waik <br>180 Till Ik a litill sleping tak.' <br>'Ya, schyr,' he said, 'till I may dre.' <br>The kingbthen wynkyt a litill wey, <br>And slepyt nocht full encrely <br>Bot gliffnyt up oft sodanly, <br>185 For he had dreid of thai thre men <br>That at the tother fyr war then. <br>That thai his fais war he wyst, <br>Tharfor he slepyt as foule on twyst. <br>The king slepyt bot a litill than <br>190 Quhen sic slep fell on his man <br>That he mycht nocht hald up his ey, <br>Bot fell in slep and rowtyt hey. <br>Now is the king in gret perile <br>For slep he sua a litill quhile <br>195 He sall be ded fotoutyn dreid, <br>For the thre tratouris tuk gud heid <br>that he on slep wes and his man. <br>In full gret hy thai rais up than <br>And drew thar swerdis hastily <br>200 And went towart the king in hy <br>Quhen that thai saw him sleip sua, <br>And slepand thocht thai wald him sla. <br>Till him thai yeid a full gret pas, 203* <br>Bot in that tym throu Goddis grace 204* <br>205 The king up blenkit hastily 203 <br>And saw his man slepand him by <br>And saw cummand the tother thre. <br>Deliverly on fut gat he <br>And drew his swerd out and thaim mete, <br>210 And as he yude his fute he set 208 <br>Apon his man weill hevily. <br>He waknyt and rais disily, <br>For the slep maistryt hym sway <br>That or he gat up ane off thai <br>215 That com for to sla the king 213 <br>Gaiff hym a strak in his rysing <br>Sua that he mycht help him no mar. <br>The king sa straitly stad wes thar <br>That he wes never yeit sa stad, <br>220 Ne war the armyng that he had 218 <br>He had bene dede foroutyn wer. <br>Bot nocht-forthi on sic maner <br>He helpyt him in that bargane <br>That thai thre tratouris he has slan <br>225 Throu Goddis grace and his manheid. 223 <br>Hys fostyr brother thar wes dede, <br>Then wes he wondre will of wayn <br>Quhen he saw him left allane. <br>His foster broder meny he <br>230 And waryit all the tother thre, 228 <br>And syne his way tuk him allane <br>And rycht towart his tryst is gane. </div><div style="margin:10px 0">[The king goes to a house, where the goodwife gives him her two sons; <br>he meets his companions and they take an enemy force in a <br>village by surprise] </div><div style="margin:10px 0">The king went furth way and angri <br>Menand his man full tenderly <br>235 And held his way all him allane, 233 <br>And rycht towart the hous is gan <br>Quhar he set tryst to meit his men. <br>It wes weill inwyth nycht be then, <br>He come sone in the hous and fand <br>240 The houswyff on the benk sittand 238 <br>That askit him quhat he was <br>And quhen he come and quethir he gais. <br>'A travailland man, dame,' said he, <br>'That travaillys throu the contre.' <br>245 Scho said, 'All that travailland er 243 <br>For ane his sak ar welcum her.' <br>The king said, 'Gud dame, quhat is he <br>That gerris you haiff sik specialte <br>To men that travaillis?' 'Schyr, perfay,' <br>250 Quod the gud-wyff, 'Isall you say, 248 <br>The King Robert the Bruys is he, <br>That is rycht lord off this countre. <br>His fayis now haldis him in thrang, <br>Bot I think to se or ocht lang <br>255 Him lord and king our all the land 253 <br>That na fayis sall him withstand.' <br>'Dame, luffis thou him sa weil,' said he. <br>'Ya, schyr,' said scho, 'sa God me se.' <br>'Dame,' said he, 'hym her the by, <br>260 For Ik am he, I say the soithly, 258 <br>Yha certis, dame.' 'And quhar ar gane <br>Your men quhen ye ar thus allane?' <br>'At this tyme, dame, Ik haiff no ma.' <br>Scho said, 'It may na wys be swa. <br>265 Ik haiff twa sonnys wycht and hardy, 263 <br>Thai sall becum your men in hy.' <br>As scho divisyt thai haiff done, <br>His sworn men become thai sone. <br>The wyff syn gert him syt and ete, <br>270 Bot he has schort quhile at the mete 268 <br>Syttyn quhen he hard gret stamping <br>About the hous, then but letting <br>Thai stert up the hous for to defende, <br>Bot sone eftre the king has kend <br>275 James off Douglas. Than wes he blyth 273 <br>And bad oppyn the durris swyth <br>And thai come in all that thar war. <br>Schyr Edward the Bruce wes thar, <br>And James alsua off Douglas <br>280 That wes eschapyt fra the chace 278 <br>And with the kingis brother met, <br>Syn to the tryst that thaim wes set <br>Thai sped thaim with thar cumpany <br>That wer ane hunder and weile fyfty. <br>285 And quhen that thai haiff sene the king 283 <br>Thai war joyfull of thar meting <br>And askyt how that he eschapyt was, <br>And he thaim tauld all hale the cas. <br>How the fyve men him pressyt fast, <br>290 And how he throu the water past, 288 <br>And how he met the thevis thre <br>And how he slepand slane suld be <br>Quhen he waknyt throu Goddis grace <br>And how his foster brodyr was <br>295 Slayne he tauld thaim all haly. 293 <br>Than lovyt thai God commounly <br>That tthar lord wes eschapyt sua, <br>Than spak thai wordis to and fra <br>Till at the last the king gan say <br>300 'Fortoun us travaillyt fast today 298 <br>That scalyt us sa sodanly. <br>Our fayis tonycht sall ly traistly <br>For thai trow we so scalit ar *301 <br>And fled to-waverand her and thar *302 <br>305 That we sall nocht thir dayis thre *303 <br>All togiddir assemblit be. *304 <br>Tharfor this nycht thai sall trastly *305 <br>But wachys tak thar ese and ly. 301 <br>Quharfor quha knew thar herbery <br>310 And wald cum on thaim sodanly 303 <br>With few mengye mycht thaim scaith <br>And eschape foroutyn waith.' <br>'Perfay,' quod James of Douglas, <br>'As I come hyddyrwart per cas <br>315 I come sa ner thar herbery 308 <br>That I can bring you quhar thai ly, <br>And wald ye speid you yeit or day <br>It may sua happin that we may <br>Do thaim a gretar scaith weile sone <br>320 Than thai us all day has done, 313 <br>For thai ly scalyt as thaim lest.' <br>Than thocht thaim all it wes the best <br>To sped thaim to thaim hastily, <br>And thai did sua in full gret hy <br>325 And come on thaim in the dawing 318 <br>Rycht as the day begouth to spryng. <br>Sa fell it that a cumpany <br>Had in a toun tane thar herbery <br>Weile fra the ost a myle or mar, <br>330 Men said that thai twa hunder war. 323 <br>Thar assemblyt the nobill king, <br>And sone eftre thar assembling <br>Thai that slepand assaylyt war <br>Rycht hidwysly gan cry and rar, <br>335 And other sum that herd the cry 328 <br>Ras sa rycht effrayitly <br>That sum of thaim nakit war <br>Fleand to warand her and thar, <br>and sum his armys with him drew, <br>340 And thai foroutyn mercy thaim slew 333 <br>And sa evyll vengeance can ta <br>That the twa partis of thaim and ma <br>War slayn rycht in that ilk sted, <br>Till thar oist the remanand fled. <br>345 The oyst that hard the noyis and cry 338 <br>And saw thar men sua wrechytly <br>Sum nakit fleand her and thar, <br>Sum all hale, sum woundyt sar, <br>Into full gret effray thai rais <br>350 And ilk man till his baner gays 343 <br>Sua that tthe oyst wes all on ster. <br>The king and thai that with him wer <br>Quhen on ster the oyst saw sua <br>Towart thar warand gan thai ga, <br>355 And thar in savete com thai 348 <br>And quhen Schyr Aymer herd say <br>How that the king thar men had slayn <br>And how that thai turnyt war agayn <br>He said, 'Now may we clerly se <br>360 That nobill hart quharever it be 353 <br>It is hard till ourcum throu maystri, <br>For quhar ane hart is rycht worthy <br>Agayne stoutnes it is ay stoute, <br>Na as I trow thar may na doute <br>365 Ger it all-out dis cumfyt be 358 <br>Quhill body levand is and fre, <br>As be this melle may be sene. <br>We wend Robert the Bruce had bene <br>Sua discomfyt that be gud skill <br>370 He suld nother haiff haid hart ne will 363 <br>Swilk juperty till undreta <br>For he put was at undre sua <br>That he wes left all him allane <br>And all his folk war fra him gayn, <br>375 And he sagat fortravaillyt 368 <br>To put thaim off that him assaylit <br>That he suld haiff yarnyt resting <br>This nycht atour all other thing. <br>Bot his hart fillyt is off bounte <br>380 Sua that it vencusyt may nocht be.' 373 </div><div style="margin:10px 0">[The king goes hunting and is attacked by three men beside a wood] </div><div style="margin:10px 0">On this wys spak Schyr Aymery, <br>And quhen thai off his cumpany <br>Saw how thai travaillit had in vayn <br>And how the king thar men had slayn <br>385 And that his wes gane all fre, 378 <br>Thaim thocht it wes a nycete <br>For to mak thar langer dwelling <br>Sen thai mycht nocht anoy the king, <br>And said that to Schyr Amery, <br>390 That umbethocht him hastily 383 <br>That he to Carlele wald ga <br>And a quhill tharin sojourn ma <br>And haff his spyis on the king <br>To knaw alwayis his contenyng, <br>395 And quhen that he his poynt mycht se 388 <br>He thocht that with a gret menye <br>He suld schute apon him sudanly. <br>Tharfor with all his cumpany <br>Till Ingland he the way has tane, <br>400 And ilk man till his hous is gane. 393 <br>In hy till Carlele wesnt is he <br>And tharin thinkys for till be <br>Till he his poynt saw off the king, <br>That then with all his gaderring <br>405 Wes in Carryk quhar umbestount 398 <br>He wald went with his men til hunt. <br>Sa happynyt that on a day <br>He went till hunt for till assay <br>Quhat gamyn was in that countre, <br>410 And sua hapnyt that day that he 403 <br>By a woud-syd to sett is gane <br>With his twa hundys him allane, <br>Bot his swerd ay with him bar. <br>He had bot schort quhile syttyn thar <br>415 Quhen he saw fra the woud cummand 408 <br>Thre men with bowys in thar hand <br>That towart him come spedely, <br>And he that persayvyt in hy <br>Be thar affer and thar having <br>420 That thai luffyt him nakyn thing, 413 <br>He rais and his leysche till him drew he <br>And leyte hys hundis gang all fre. <br>God help the king now for his mycht, <br>For bot he now be wys and wycht <br>425 He sall be set in mekill pres, 418 <br>For thai thre men foroutyn les <br>War his fayis all utrely, <br>And wachyt him sa bysyly <br>To se quhen thai vengeance mycht tak <br>430 Off the king for Jhon Comyn his sak 423 <br>That thai thocht than thai layser had. <br>And sen he hym allane wes stad <br>In hy thai thocht thai suld him sla, <br>And gyff that thai mycht chevys sua <br>435 Fra that thai the king had slayn 428 <br>THat thai mycht wyn the woud agayn, <br>His men thaim thocht thai suld nocht dred. <br>In hy towart the king thai yeid <br>and bent thar bowys quhen thai war ner, <br>440 And he that dred on gret maner 433 <br>thar arowys, for he nakyt was, <br>In hy a speking to thaim mais <br>And said, 'You aucht to schame perde <br>Sen ik am ane and ye ar thre <br>445 For to schute at me apon fer. 438 <br>Bot had ye hardyment to cum ner <br>And with your swerdis till assay, <br>Wyn me apon sic wys giff ye may, <br>Ye sall wele oute mar prisyt be.' <br>450 'Perfay,' quod ane than off the thre 443 <br>'Sall na man say we dred the sua <br>That we with arowys sall the sla.' <br>With that thar bowys away thai kest <br>And come on fast but langer frest. <br>455 The king thaim met full hardyly 448 <br>And smate the fyrst sa vygorusly <br>that he fell dede doun on the gren. <br>And quhen the kingis hund has sene <br>Thai men assailye his maister sua <br>460 He lap till ane and gan him ta 453 <br>Rycht be the nek full sturdyly. <br>Till top our tale he gert him ly, <br>And the king that his swerd out had <br>Saw he sa fayr succour him maid. <br>465 Or he that fallyn wes mycht rys 458 <br>He him assayllyt on sic wys <br>That he the bak strak evyn in twa. <br>The thrid that saw his falowis sua <br>Foroutyn recoveryng be slayne <br>470 Tok to the wod his way agane, 463 <br>Bot the king folowit spedyly, <br>And als the hund that wes him by <br>Wquhen he the man saw fle him fra <br>Schot till him sone and gan him ta <br>475 Rycht be the nek and till him dreuch 468 <br>And the king that wes ner yneucht <br>In his ryssing sik rowt him gaff <br>That stane-dede to the erd he draff. <br>The kingis men that wer than ner <br>480 Quhen that thai saw on sic maner 473 <br>The king assailyt sa sodanly <br>Thai sped towart him in hy <br>And askyt how that cas befell, <br>And he all haly gan thaim tell <br>485 How thai assaillyt him all thre 478 <br>'Perfay,' quod thai, 'we may wele se <br>That it is hard till undretak <br>Sic melling with you to mak <br>That sua smertly has slayn tthir thre <br>490 Foroutyn hurt.' 'Perfay,' said he, 483 <br>I slew bot ane forouten ma <br>God and my hund has slayn the twa. <br>Thar tresoun combryt thaim perfay <br>For rycht wycht men all thre war thai.' </div><div style="margin:10px 0">[The king goes to Glen Trool; Valence follows him there] </div><div style="margin:10px 0">495 Quhen that the king throu Goddis grace 488 <br>On this maner eschapyt was <br>He blew his horn and then in hy <br>His gud men till him gan rely, <br>tthen hamwartis buskyt he to far <br>500 For that day wald he hunt no mar. 493 <br>In Glentruell all a quhile he lay, <br>And went weyle oft to hunt and play <br>For to purches thaim venesoun, <br>For than der war in sesoun. <br>505 In all that tyme Schyr Aymery 498 <br>With nobill men in cumpany <br>Lay in Carlele hys poynt to se, <br>And quhen he hard the certante <br>That in Glentrewle wes the king <br>510 And went till hunt and till playing, 503 <br>He thocht with hys chevalry <br>To cum apon him sodanly <br>And fra Carlele on nychtys ryd <br>And in covert on dayis bid, <br>515 And swagate with sic tranonting 508 <br>He thocht he suld suppris the king. <br>He assemblyt a gret mengne <br>Off folk off full gud renomme <br>Bath off Scottis and Inglis-men. <br>520 Thar way all samyn held thai then 513 <br>And raid on nycht sa prevely <br>Till thai come in a wod ner by <br>Glentruele, quhar logyt wes the king <br>That wyst rycht nocht off thar cummyng. <br>525 Into gret perile now is he, 518 <br>For bot God throu his gret powste <br>Save him he sall be slayne or tane, <br>For thai war sex quhar he wes ane. </div><div style="margin:10px 0">[Valence sends a woman ahead to spy, but she is discovered; <br>Valence attacks and is discumfitted; his captains quarrel] </div><div style="margin:10px 0">Quhen Schyr Amery, as Ik haiff tauld <br>530 With his men that war stout and bauld 523 <br>Wes cummyn sa ner the king that thai <br>War bot a myle fra him away <br>He tuk avisement with his menm <br>On quhat maner thai suld do then. <br>535 For he said thaim that the king was 528 <br>Logyt into sa strayt a place <br>That horsmen mycht nocht him assaile <br>And giff futemen gaiff him bataile <br>He suld be hard to wyn giff he <br>540 Off thar cummyng may wytteryt be. 533 <br>'Tharfor I rede all prevely <br>We send a woman him to spy <br>That pouerly arrayit be. <br>Scho may ask mete per cherite <br>545 And se thar convyn halily 538 <br>And apon quhat maner thai ly, <br>The quhilis we and our menye <br>Cumand out-throu the wode may be <br>On fute all armyt as we ar. <br>550 May we do sua that we cum thar 543 <br>On thaim or thai wyt our cummyng <br>We sall fynd in thaim na sturting.' <br>This consaill thocht thaim wes to best, <br>Then send thai furth but langer frest <br>555 The woman that suld be thar spy, 548 <br>And scho hyr way gan hald in hy <br>Rycht to the logis quhar the king <br>That had na drede of supprising <br>Yheid unarmyt mery and blyth. <br>560 The woman has he sene alswyth, 553 <br>He saw hyr uncouth and forthi <br>He beheld hyr mar encrely, <br>And be hyr ccontenance him thocht <br>That for gud cummyn was scho nocht. <br>565 Then gert he men in hy hyr ta, 558 <br>And scho that dred men suld hyr sla <br>Tauld how that Schyr Amery <br>With the Cliffurd in cumpany <br>With the flour off Northummyrland <br>570 War cummand on thaim at thar hand. 563 <br>Quhen that the king herd that tithing <br>He armyt him but mar dwelling, <br>Sa did thai all that ever wes thar, <br>Syne in a sop assemblyt ar, <br>575 I trow thai war thre hunder ner. 568 <br>And quhen thai all assemblit wer <br>The king his baner gert display <br>And set his men in gud aray, <br>Bot thai had standyn bot a thraw <br>580 Rycht at thar hand quhen that thai saw 573 <br>Thar fayis throu the wod cummand <br>Armyt on fute with sper in hand <br>That sped thaim full enforcely. <br>The noyis begouth sone and the cry, <br>585 For the gud king that formast was 578 <br>Stoutly towart his fayis gays, <br>And hynt out off a mannys hand <br>That ner besyd him wes gangand <br>A bow and a braid arow als, <br>590 And hyt the formast in the hals 583 <br>Till thropill and wesand yeid in twa <br>And doun till the erd gan ga. <br>The laiff with that maid a stopping, <br>Than but mar bad the nobill king <br>595 Hynt fra his baneour his banar 588 <br>And said, 'Apon thaim, for thai ar <br>Discumfyt all.' With that word <br>He swappyt swiftly out his sword <br>And on thaim ran sa hardely <br>600 That all thai off his cumpany 593 <br>Tuk hardyment off his gud deid, <br>For sum that fryst thar wayis yeid <br>Agayne come to the fycht in hy <br>And met thair fayis vigorusly <br>605 That all the formast ruschyt war, 598 <br>And quhen thai that war hendermar <br>Saw that the formast left the sted <br>Thai tornyt sone the bak and fled <br>And out off the wod thaim withdrew. <br>610 The king a few men off thaim slew 603 <br>For thai rycht sone thar gat gan ga. <br>It discomfortyt thaim all sua <br>That the king with his mengne was <br>All armyt to defend that place <br>615 that thai wend throu thar tranonting 608 <br>Till haiff wonnyn foroutyn fechtin <br>That thai effrayit war sodanly, <br>And he thaim soucht sa angyrly <br>That thai in full gret hy agane <br>620 Out off the wod rane to the plane 613 <br>For thaim faillyt off thar entent. <br>Thai war that tyme sa foully schent <br>That fyften hunder men and ma <br>With a few mengne war reboytyt sua <br>625 That thai withdrew thaim schamfully. 618 <br>Tharfor amang thaim sodanly <br>Thar rais debate and gret distance, <br>Ilkan wytt other off thar myschance. <br>Cliffurd and Waus maid a melle <br>630 Quhar Cliffurd raucht him a cole 623 <br>And athir syne drew till partys, <br>Bot Schyr Aymer that wes wys <br>Departyt thaim with mekill payn, <br>And went till Ingland hame again. <br>635 He wyst fra stryff ras thaim amang 628 <br>He suld thaim nocht hals samyn lang <br>Foroutyn debate or melle, <br>Tharfor till Ingland turnyt he <br>Eith mar schame then he went of ton, <br>640 Quhen sa mony off sic renone 633 <br>Saw sa few men bid thaim battaill <br>Quhair thai ne war hardy till assaile.</div><div style="margin:10px 0"><br /></a><br />poem by <a href="http://en.citatepedia.ro/by.php?a=John+Barbour">John Barbour</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=418946" data-title="The Brus Book VII de John Barbour" data-description="[The king escapes from the hound] The king towart the wod is gane Wery forswayt and will of wane Intill the wod sone entryt he And held doun towart a vale 5 Quhar throu the woid a watter ran. Thidder in gret hy wend he than And begouth fo..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black