<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=418945" style="color:#000;text-decoration:none"><div style="margin:10px 0"><strong>The Brus Book VI</strong></div><div style="margin:10px 0">[Sir Ingram Umfraville praises the king; <br>the men of Galloway pursue him with a tracker dog] </div><div style="margin:10px 0">The king is went till his logyng <br>And off this deid sone come tithing <br>Till Schyr Ingrame the Umfravill <br>That thocht his sutelte and gyle <br>5 Haid al failyeit in that place. <br>Tharfor anoyit sua he was <br>That he agayne to Lothyane <br>Till Schyr Amer his gate has tane <br>And till him tauld all hale the cas, <br>10 That tharoff all forwonderyt was <br>How ony man sa sodanly <br>Mycht do so gret chevalry <br>As did the king that him allane <br>Vengeance off thre traytouris has tane, <br>15 And said, 'Certis, I may weill se <br>That it is all certante <br>That ure helpys hardy men <br>As be this deid we may ken. <br>War he nocht outrageous hardy <br>20 He had nocht unabasytly <br>Sa smertly sene his avantage. <br>I drede that his gret vassalag <br>And his travaill may bring till end <br>That at men quhile full litill wend.' <br>25 Sik speking maid he off the king <br>That ay foroutyn sojournyng <br>Travaillit in Carrik her and thar. <br>His men fra him sa scalit war <br>To purches thar necessite <br>30 And als the countre for to se <br>That thai left nocht with him sexty. <br>And quhen the Gallowais wyst suthli <br>That he wes with sa few mengye <br>Thai maid a preve assemble <br>35 Off wele twa hunder men and ma, <br>And slewth-hundis with thaim gan ta, <br>For thai thocht him for to suppris <br>And giff he fled on ony wys <br>To folow him with the hundis sua <br>40 That he suld nocht eschaip thaim fra. <br>Thai schup thaim in ane evynnyng <br>To suppris sodanly the king <br>And tillhim held thai straucht thar way, <br>Bot he, that had his wachis ay <br>45 On ilk sid, off thar cummyng <br>Lang or thai come had wyttering <br>And how fele that thai mycht be, <br>Tharfor he thocht with his menye <br>To withdraw him out off the place, <br>50 For the nycht weill fallyn was <br>And for the nycht he thocht that thai <br>Suld nocht haiff sycht to hald the way <br>That he war passyt with his menye. <br>And as he thocht rycht sua did he <br>55 And went him down till a morras <br>Our awatter that rynnand was, <br>And in the bog he fand a place <br>Weill strait that weill twa bow-draucht was <br>Fra the watter thai passit haid. <br>60 He said, 'Her may ye mak abaid <br>And rest you all a quhile and ly, <br>I will ga wach all prevely. <br>Giff Ik her oucht off thar cummyng <br>And giff I may her onything <br>65 Isall ger warn you sa that we <br>Sall ay at our avantage be.' </div><div style="margin:10px 0">[The king alone defends the ford] </div><div style="margin:10px 0">The king now takys his gate to ga <br>And with him tuk he sergandis twa <br>And Schyr Gilbert de le Hay left he <br>70 Thar for to rest with his menye. <br>To the watter he come in hy <br>And lysnyt full ententily <br>Giff he herd oucht off thar cummyng <br>Bot yeit then mocht he her na thing. <br>75 Endlang the watter then yeid he <br>On ather syd a gret quantite <br>And saw the brayis hey standand, <br>The watter holl throu slik rynnand <br>And fand na furd that men mycht pas <br>80 Bot quhar himselvyn passit was, <br>And sua strait wes the up-cumming <br>That twa men mycht nocht samyn thring <br>Na on na maner pres thaim sua <br>That thai togidder mycht land ta. <br>85 His twa men bad he than in hy 85 <br>Ga to thair feris to rest and ly 86 <br>For he wald wach thar com to se. 87 <br>'Schyr,' said thai, 'Quha sall with you be?' 88 <br>'God,' he said, 'forouten ma 89 <br>90 Pas on, for I will it be sua.' 90 <br>Thai did as he thame biddin had 91 <br>And he thar all allane abaid, 92 <br>And quhen he a lang quhile had bene thar 85 <br>He herknyt and herd as it war <br>95 A hundis questyng on fer 87 <br>That ay come till him ner and ner. <br>He stud still for till herkyn mar <br>And ay the langer he wes thar <br>He herd it ner and ner cummand, <br>100 Bot he thocht he thar still wald stand 92 <br>Tyll that he herd mar takynnyng. <br>Than for ane hundis questyng <br>He wald nocht wakyn his menye, <br>Tharfor he wald abid and se <br>105 Quhat folk thai war and quhethir thai 97 <br>Held towart him the rycht way <br>Or passyt ane other way fer by. <br>The moyne wes schynand clerly, 100 <br>[no no.] [Sa lang he stude that he mycht her 101 <br>[no no.] The noyis off thaim that cummand wer 102 <br>[no no.] Than his twa men in hy send he 103 <br>[no no.] To warn and wakyn and walkyn his menye 104 <br>[no no.] And thai ar furth thar wayis gane 105 <br>[no no.] And he left thar all hym allane] 106 <br>109 And sua stude he herknand 107 <br>110 Till that he saw cum at his hand 108 <br>The hale rout intill full gret hy. <br>Then he umbethocht him hastily <br>Giff he held towart his menye <br>That or he mycht reparyt be <br>115 Thai suld be passit the furd ilkan, 113 <br>And then behuffyt him ches ane <br>Off thir twa, other to fley or dey. <br>Bot his hart that wes stout and hey <br>Consaillyt hym allane to bid <br>120 And kepe thaim at the furd syde 118 <br>And defend weill the upcummyng <br>Sen he wes warnyst of armyng <br>That thar arowys thurth nocht dreid, <br>And gyff he war off gret manheid <br>125 He mycht stunay thaim everilkane 123 <br>Sen thai ne mycht cum bot ane and ane, <br>And did rycht as hys hart hym bad. <br>Strang utrageous curage he had <br>Quhen he sa stoutly him allane <br>130 For litill strenth off erd has tane 128 <br>To fecht with twa hunder and ma. <br>Tharwith he to the furd gan ga, <br>And thai apon the tother party <br>That saw him stand thar anyrly <br>135 Thringand intill the water rad 133 <br>For off him litill dout thai had <br>And raid till him in full gret hy. <br>He smate the fyrst sua vygorusly <br>With his sper that rycht scharp schar <br>140 Till he doun till the erd him bar. 138 <br>The lave come then intill a randoun, <br>Bot his hors that wes born doun <br>Combryt thaim the upgang to ta, <br>And quhen the king saw it wes sua <br>145 He stekyt the hors and he gan flyng 143 <br>And syne fell at the upcummyng. <br>The layff with that come with a schout, <br>And he that stalwart wes and stout <br>Met thaim rycht stoutly at the bra <br>150 And sa gud payment gan thaim ma 148 <br>That fyvesum in the furd he slew. <br>The lave then sumdell thaim withdrew <br>That dred his strakys wondre sar <br>For he in na thing thaim forbar. <br>155 Then said ane, 'Certis we ar to blame. 153 <br>Quhat sall we say quhen we cum ham <br>Quhen a man fechtis agane us all. <br>Quha wyst ever men sa foully fall <br>As us gyff that we thusgat leve.' <br>160 With that all haile a schoute thai geve 158 <br>And cryit, 'On him, he may nocht last.' <br>With that thai pressyt him sa fast <br>That had he nocht the better bene <br>He had bene dede withoutyn wen, <br>165 Bot he sa gret defence gan mak 163 <br>That quhar he hyt evyn a strak <br>Thar mycht nathing agane-stand. <br>In litill space he left liand <br>Sa fele that the upcummyng wes then <br>170 Dyttyt with slayn hors and men 168 <br>Sua that his fayis for that stopping <br>Mycht nocht cum to the upcummyng. <br>A! Der God, quha had then bene by <br>And sene howe he sa hardyly <br>175 Adressyt hym agane thaim all 173 <br>I wate weile that thai suld him call <br>The best that levyt in his day, <br>And giff I the suth sall say <br>I herd never in na tym gane <br>180 Ane stynt sa mony him allane. 178 </div><div style="margin:10px 0">[The story of Tydeus of Thebes] </div><div style="margin:10px 0">Suth is, quhen till Ethiocles <br>Fra his brother Polnices <br>Wes send Thedeus in message <br>To ask haly the heritage <br>185 Off Thebes till hald for a yer, 183 <br>For thai twynnys off a byrth wer, <br>Thai strave, for ather king wald be. <br>Bot the barnage off thar cuntre <br>Gert thaim assent on this maner, <br>190 That the tane suld be king a yer, 188 <br>And then the tother and his mengye <br>Suld nocht be fundyn in the countre <br>Quhill the fyrst brother regnand wer, <br>Syne suld the tother renge a yer <br>195 And then the fyrst suld leve the land 193 <br>Quhill that the tother war regnaND. <br>Thus ay a yer suld regne the tane, <br>The tother a yer fra that war gane. <br>To ask haldyn off this assent <br>200 Wes Thedeus to Thebes sent, 198 <br>And sua spake for Polnices <br>That off Thebes Ethiocles <br>Bad his constabill with him ta <br>Men armyt weill and forouth ga <br>205 To mete Thedeus in the way 203 <br>And slay him but langer delay. <br>The constable his way is gane <br>And nyne and fourty with him tane <br>Sua that he with thaim maid fyfty. <br>210 Intill the evynnyng prevely 208 <br>Thai set enbuschement in the way <br>Quhar Thedeus behovyt away <br>Betuix ane hey crag and the se, <br>And he that off thar mavyte <br>215 Wyst na thing his way has tane 213 <br>And towart Grece agane is gane. <br>And as he raid into the nycht <br>Sa saw he with the monys lycht <br>Schynyng off scheldys gret plente, <br>220 And had wondre quhat it mycht be. 218 <br>With that all hale thai gaiff a cry <br>And he that hard sa suddanly <br>Sic noyis sumdele affrayit was, <br>Bot in schort time he till him tais <br>225 His spyritis full hardely, 223 <br>For his gentill hart and worthy <br>Assuryt hym into that nede. <br>Then with te spuris he strak the sted <br>And ruschyt in amang thaim all. <br>230 The fyrst he met he gert him fall, 228 <br>And syne his sword he swapyt out <br>And roucht about him mony rout <br>And slew sexsum swill sone and ma. <br>Then undre him his hors thai sla <br>235 And he fell, bot he smertly ras 233 <br>And strykand rowm about him mas <br>And slew off thaim a quantite <br>Bot woundyt wondre sar wes he. <br>With that a litill rod he fand <br>240 Up towart the crag strekand. 238 <br>Thidder went he in full gret hy <br>Defendand him full douchtely <br>Till in the crag he clam sumdell <br>And fand a place enclosyt weill <br>245 Quhar nane bot ane mycht him assail, 243 <br>Thar stud he and gaiff thaim bataill <br>And thai assaylyt everilkane <br>And oft fell quhen that he slew ane <br>As he doun to the erd wald dryve <br>250 He wald ber doun weill four or fyve. 248 <br>Thar stud he and defendyt sua <br>Till he had slayne thaim halff and ma. <br>A gret stane then by him saw he <br>That throu the gret anciente <br>255 Wes lowsyt redy for to fall, 253 <br>And quhen he saw thaim cummand all <br>He tumblyt doun on thaim the stane, <br>And aucht men thar with it has slayn <br>And sua stonayit the remanand <br>260 That thai war weile ner recreand. 258 <br>Then wald he presone hald no mar <br>Bot on thaim ran with swerd all bar <br>And hewyt and slew with all his mayn <br>Till he has nyne and fourty slayne. <br>265 The constabill syne gan he ta 263 <br>And gert him swer that he suld ga <br>Till King Ethiocles and tell <br>The aventur that thaim befell. <br>Thedeus bar him douchtely <br>270 That him allane ourcome fyfty. 268 <br>Ye that this redys, cheys yhe <br>Quhether that mar suld prysit be <br>The king, that with avisement <br>Undertuk sic hardyment <br>275 As for to stynt him ane but fer 273 <br>The folk that twa hunder wer, <br>Or Thedeus, that suddanly <br>For thai had raysyt on him the cry <br>Throu hardyment that he had tane <br>280 Wane fyfty men allhim allane. 278 <br>Thai did thar deid bath on the nycht <br>And faucht bath with the mone-lycht, <br>Bot the king discomfyt ma <br>And Thedeus then ma gan sla. <br>285 Now demys quhether mar loving 283 <br>Suld Thedeus haiff or the king? </div><div style="margin:10px 0">[His men find the king] </div><div style="margin:10px 0">On this maner that Ik haiff tauld <br>The king that stout wes and bauld <br>Wes fechtand on the furd syd <br>290 Giffand and takand rowtis rid 288 <br>Till he sic martyrdom thar has maid <br>That he the ford all stoppyt haid <br>That nane of thaim mycht till him rid. <br>Thaim thocht than foly for to byd <br>295 And halely the flycht gan ta 293 <br>And went hamewartis quhar thai come fra, <br>For the kingis men with the cry <br>Walknyt full effrayitly <br>And com to sek thar lord the king. <br>300 The Galloway men hard thar cummyng 298 <br>And fled and durst abid no mar. <br>The kingis men that dredand war <br>For thar lord full spedyly <br>Come to the furd and sone in hy <br>305 Thai fand the king syttand allane, 303 <br>That off his bassynet has tane <br>Till avent him for he wes hate. <br>Than speryt thai at him off his state <br>And he tauld thaim all hale the case <br>310 Howgate that he assailyt was 308 <br>And how that God him helpyt sua <br>That he eschapyt hale thaim fra. <br>Than lukyt thai how fele war ded, <br>And thai fand lyand in that sted <br>315 Fourtene that war slayne with his hand. 313 <br>Than lovyt thai God fast all-weildand <br>That thai thar lord fand hale and fer, <br>And said thaim byrd on na maner <br>Drede thar fayis sen thar chyftane <br>320 Wes off sic hart and off sic mayn 318 <br>That he for thaim had undretan <br>With sua fele for to fecht him ane. </div><div style="margin:10px 0">[A comment on valour] </div><div style="margin:10px 0">Syk wordis spak thai of the king, <br>And for his hey undretaking <br>325 Farlyit and yarnyt hym for to se 323 <br>That with hym ay wes wont to be. <br>A! Quhat worschip is prisit thing, <br>For it mays men till haiff loving <br>Gyff it be folowit ythenly, <br>330 For pryce off worschip nocht-forthi 328 <br>Is hard to wyn, for gret travaill <br>Offt to defend and oft assaill <br>And to be in thar dedis wys <br>Gerris men off worschip wyn the price, <br>335 And may na man haiff worthyhed 333 <br>Bot he haiff wyt to ster his deid <br>And se quhat ys to leve or ta. <br>Worschip extremyteys has twa, <br>Fule-hardyment the formast is <br>340 And the tother is cowartys, 338 <br>And thai ar bath for to forsak. <br>Fule-hardyment all will undertak, <br>Als weill thingis to leve as ta, <br>Bot cowardys dois na thing sua <br>345 But uttrely forsakis all, 343 <br>Bot that war derer for to fal <br>Na war faute of discretioun. <br>Forthi has worschip sic renoun, <br>That it is mene betuix tha twa <br>350 And takys that is till underta 348 <br>And levys that is to leve, for it <br>Has sa gret warnysing of wyt <br>That it all perellis weile gan se <br>And all avantagis that may be. <br>355 I wald till hardyment heyld haly 353 <br>With-thi away war the foly <br>For hardyment with foly is vice <br>Bot hardyment that mellyt is <br>With wyt is worschip ay perde, <br>360 For but wyt worschip may nocht be. 358 <br>This nobile king that we off red <br>Mellyt all tyme with wit manheid, <br>That may men by this melle se. <br>His wyt schawyt him the strait entre <br>365 Off the furd and the uschyng alsua 363 <br>That as him thocht war hard to ta <br>Apon a man that war worthy, <br>Tharfor his hardyment hastily <br>Thocht it mycht be weill undretan <br>370 Sen at anys mycht assail bot ane. 368 <br>Thus hardyment governyt with wyt <br>That he all tyme wald samyn knyt <br>Gert him off worschip haiff the price <br>And oft ourcum his ennymyis. </div><div style="margin:10px 0">[Douglas attacks Thirlwall at Douglas Castle] </div><div style="margin:10px 0">375 The king in Carrik dwellyt ay still, 373 <br>Hys men assemblyt fast him till <br>That in the land war travailland <br>Quhen thai off this deid herd tithand <br>For thai thar ure wald with him ta <br>380 Gyff that he eft war assaylyt sua. 378 <br>Bot yeit than James of Douglas <br>In Douglas daile travailland was <br>Or ellysweill ner-hand tharby <br>In hydillys sumdeill prevely, <br>385 For he wald se his governyng 383 <br>That had the castell in keping, <br>And gert mak mony juperty <br>To se quhether he wald ische blythly. <br>And quhen he persavyt that he <br>390 Wald blthly ische with his menye, 388 <br>He maid a gadring prevely <br>Of thaim that war on his party, <br>That war sa fele that thai durst fycht <br>With Thyrwall and all the mycht <br>395 Of thaim that in the castell war. 393 <br>He schupe him in the nycht to far <br>To Sandylandis, and ner tharby <br>He him enbuschyt prevely <br>And send a few a trane to ma, <br>400 That sone in the mornyng gan ta 398 <br>Catell that wes the castell by <br>And syne withdrew thaim hastily <br>Towart thaim that enbuschit war. <br>Than Thyrwall foroutyn mar <br>405 Gert arme his men foroutyn baid 403 <br>And ischyt with all the men he haid <br>And folowyt fast efter the ky. <br>He wes armyt at poynt clenly <br>Outane his hede wes bar. <br>410 Than with the men that with him war 408 <br>The catell folowit he gud speid <br>Rycht as a man that had na dreid <br>Till that he gat off thaim a sycht. <br>Than prekyt thai with all thar mycht <br>415 Folowand thaim out off aray, 413 <br>And thai sped thaim fleand quhill thai <br>Fer by thar buschement war past, <br>And Thyrwall ay chassyt fast. <br>And than thai that enbuschyt war <br>420 Ischyt till him bath les and mar 418 <br>And rayssyt sudanly the cry, <br>And thai that saw sa sudandly <br>That folk come egyrly prekand <br>Rycht betwix thaim and thar warand, <br>425 Thai war into full gret effray 423 <br>And for thai war out off aray <br>Sum off thaim fled and sum abad, <br>And the Douglas that thar with him had <br>A gret mengye full egrely <br>430 Assaylyt and scalyt thaim hastyly 428 <br>And in schort tyme ourraid thaim sua <br>That weile nane eschapyyt thaim fra. <br>Thyrwall that wes thar capitane <br>Wes thar in the bargane slane <br>435 And off his men the mast party, 433 <br>The lave fled full effraytly. <br>Douglas his menye fast gan chas, <br>And the flearis thar wayis tays <br>Till the castell in full gret hy. <br>440 The formast entryt spedyly 438 <br>Bot the chaseris sped thaim sa fast <br>That thai ourtuk sum of the last <br>And thaim foroutyn mercy gan sla. <br>And quhen thai off the castell sua <br>445 Saw thaim sla off thar men thaim by 443 <br>Thai sparyt the yattis hastily <br>And in hy to the wallis rane. <br>James off Douglas his menye than <br>Sesyt weile hastily in hand <br>450 That thai about the castell fand 448 <br>To thair resett, syne went thar way. <br>Thus ischyt Thyrwall that day. </div><div style="margin:10px 0">[The king is pursued by John of Lorn and his tracker-dog; <br>he and his foster brother kill five men] </div><div style="margin:10px 0">Quhen Thyrwall on this maner <br>Had ischit as I tell you her, <br>455 James off Douglas and his men 453 <br>Buskit thaim all samyn then <br>And went thar way towart the king <br>In gret hy, for thai herd tything <br>That off Valence Schyr Amery <br>460 With full gret chevalry 458 <br>Bath off Scottis and Inglis men <br>With gret felny war rerdy then <br>Assemblyt for to sek the king, <br>That wes that tyme with his gadring <br>465 In Cumnok quhair it straitast was. 463 <br>Thidder went James of Douglas <br>And wes rycht welcum to the king <br>And quhen he had tauld that tithing, <br>How that schyr Amer wes cummand <br>470 For till hunt him out off the land 468 <br>With hund and horne rycht as he war <br>A woulff, a theyff, or theyffis fer, <br>Than said the king, 'It may weill fall <br>Thocht he cum and his power all <br>475 We sall abid in this countre, 473 <br>And gyff he cummys we sall him se.' <br>The king spake apon this maner, <br>And of Valence Schyr Amer <br>Assemblyt a gret cumpany <br>480 Off noble men and off worthy 478 <br>Off Ingland and of Lowthiane, <br>And he has alsua with him tane <br>Jhone off Lorn and all his mycht <br>That had off worthi men and wycht <br>485 With him aucht hunder men and ma 483 <br>A sleuth-hund had he thar alsua <br>Sa gud that wald chang for na thing, <br>And sum men sayis yeit that the king <br>As a strecour him noryst had <br>490 And sa mekill off him he maid 488 <br>That hys awyn handis wald him feid. <br>He folowyt him quharever he yeid <br>Sa tthat the hund him lovit sua <br>That he wald part na wys him fra. <br>495 Bot how that Jhon of Lorn him had 493 <br>Ik herd never mencioun be mad, <br>Bot men sayis it wes certane thing <br>That he had him in his sesyng <br>And throu him thocht the king to ta, <br>500 For he wyst he him luffyt sua 498 <br>That fra that he mycht anys fele <br>The kingis sent he wyst rycht weill <br>That he wald chaung it for na thing. <br>This Jhon off Lorne hattyt the king <br>505 For Jhon Cumyn his emys sak, 503 <br>Mycht he him other sla or tak <br>He wald nocht prys his liff a stra <br>Sa that he vengeance of him mycht ta. <br>The wardane than Schyr Amery <br>510 With this Jhone in cumpany 508 <br>And other off gud renoun alsua, <br>Thomas Randell was ane off tha, <br>Come intill Cumnok to sek the king <br>That wes weill war off that cummyng <br>515 And wes up in the strenthis then 513 <br>And with him weill four hunder men. <br>His broder that tym with him was <br>And alsua James off Douglas. <br>Schyr Ameryys rowte he saw <br>520 That held the plane ay and the law 518 <br>And in hale battaill alwayis raid. <br>The king that na supposyn had <br>That thai wer may then he saw thar <br>Till thaim and nother ellisquhar <br>525 Had ey and wrocht unwittily, 523 <br>For Jhom off Lorn full sutelly <br>Behind thocht to supprys the king. <br>Tharfor with all his gadring <br>About ane hill he held the way <br>530 And held him into covert ay 528 <br>Till he sa ner come to the king <br>Or he persavyt his cummyng <br>That he wes cummyn on him weill ner. <br>The tother ost and Schyr Amer <br>535 Pressyt aponthe tother party. 533 <br>The king wes in gret juperty <br>That wes on ather sid umbeset <br>With fayis that to sla him thret, <br>And the leyst party off the twa <br>540 Was starkar than he and ma. 538 <br>And quhen he saw thaim pres him to <br>He thocht in hy quhat was to do <br>And said, 'Lordis we haiff na mycht <br>As at this tyme to stand and fycht, <br>545 Tharfor departis us in thre, 543 <br>All sall nocht sa assailyt be, <br>And in thre partis hald our way.' <br>Syne till his preve folk gan he say <br>Betwix thaim into prevete <br>550 In quhat sted thar repayr suld be. 548 <br>With that thar gate all ar thai gane <br>And in thre partis thar way has tane. <br>Jhone of Lorne come to the place <br>Fra quhar the king departyt was <br>555 And in his trace the hund he set 553 <br>That then foroutyn langer let <br>Held even the way efter the king <br>Rycht as he had off him knawing, <br>And left the tother partys twa <br>560 As he na kep to thaim wald ta. 558 <br>And quhen the king saw his cummyng <br>Efter hys route intill a ling <br>He thocht thai knew that it wes he, <br>Tharfor he bad till his menye <br>565 Yeit then in thre depart thaim sone, 563 <br>And thai did sua foroutyn hone <br>And held thar way in thre partys. <br>The hund did thar sa gret maistrys <br>That held ay foroutyn changing <br>570 Eftre the rowt quhar wes the king. 568 <br>And quhen the king had sene thaim sua <br>All in a rowt efter him ga <br>The way and folow nocht his men <br>He had a gret persaving then <br>575 That thai knew him, forthi in hy 573 <br>He bad his men rycht hastily <br>Scaile and ilkan hald his way <br>All himselff, and sua did thai. <br>Ilk man a syndry gate is gane <br>580 And the king with him has tane 578 <br>His foster broder foroutyn ma <br>And samyn held thar gate thai twa. <br>The hund folowyt alwayis the king <br>And changyt for na departing <br>585 Bot ay folowit the kingis trace 583 <br>But waveryng as he passyt was <br>And quhen Jhon off Lorn saw <br>The hund sa hard eftre him draw <br>And folow strak after thai twa <br>590 He knew the king wes ane of tha, 588 <br>And bad fyve off his cumpany <br>That war rycht wycht men and hardy <br>And als off fute spediast war <br>Off all that in thair rowt war <br>595 Ryn eftre him and him ourta 593 <br>And lat him na wys pas thaim fra, <br>And fra thai had herd the bydding <br>Thai held thar way efter the king <br>And folowyt him sa spedely <br>600 That thai him weill sone gan ourhy. 598 <br>The king that saw thaim cummand ner <br>Wes anoyit on gret maner, <br>For he thocht giff thai war worthi <br>Thai mycht hi, travaile and tary <br>605 And hald him swagate tariand 603 <br>Till the remanand com at hand, <br>Bot had he dred bot anerly <br>Thai fyve I trow all sekyrly <br>He suld have had na mekill dred. <br>610 And till his falow as he yeid 608 <br>He said, 'Thir fyve ar fast cummand <br>Thai ar weill ner now at our hand, <br>Sa is thar ony help at the <br>For we sall sone assailyt be.' <br>615 'Ya, schyr,' he said, 'all that I may.' 613 <br>'Thou sayis weill,' said the king. 'Perfay <br>I see thaim cummand till us ner. <br>I will na forthyr bot rycht her <br>I will byd quhill Ic am in aynd <br>620 And se quhat force that thai can faynd.' 618 <br>The king than stud full sturdely <br>And the fyvesum in full gret hy <br>Come with gret schor and manassing. <br>Then thre off thaim went to the king, <br>625 And till his man the tother twa 623 <br>With swerd in hand gan stoutly ga. <br>The king met thaim that till him socht <br>And to the fyrst sic rowt he roucht <br>That er and chek downe in the hals <br>630 He scharnand off the schuldir als, 628 <br>He ruschyt down all disyly. <br>The twa that saw sa sudanly <br>Thar falow fall effrayit war <br>And stert a litill ovyrmar. <br>635 The king with that blenkit him by 633 <br>And saw the twasome sturdely <br>Agane his man gret melle ma. <br>With that he left his awin twa <br>And till thaim that faucht with his man <br>640 A loup rycht lychtly maid he than 638 <br>And smate the hed off the tane, <br>To mete his awne syne is he gane. <br>Thai come on him full sturdely, <br>He met the fyrst sa egrely <br>645 That with the swerd that scharply schar 643 <br>The arme fra the body he bar. <br>Quhat strakys thai gaiff I can nocht tell, <br>Bot to the king sa fayr befell <br>That thocht he travaill had and payne <br>650 He off his fa-men four has slayn, 648 <br>His foster broder tharefter sone <br>The fyft out of dawys has done. <br>And quhen the king saw that all fyve <br>War on that wys broucht out off lyve <br>655 Till hys falow than gan he say, 653 <br>'Thou has helpyt weile perfay' <br>'It likys you to say sua,' said he, <br>'Bot the gret part to you tuk ye <br>That slew four off the fyve you ane.' <br>660 The king said, 'As the glew is gane 658 <br>Better than thou I mycht it do <br>For Ik had mar layser tharto, <br>For the twa falowys that delt with the <br>Quhen thai saw me assailyt with thre <br>665 Off me rycht nakyn dout thai had 663 <br>For thai wend I sa straytly war stad, <br>And forthi that thai dred me noucht <br>Noy thaim fer out the mar I moucht.' <br>With that the king lokyt him by <br>670 And saw off Lorn the company 668 <br>Weill ner with thar sleuth-hund cummand. <br>Than till a wod that wes ner-hand <br>He went with his falow in hy. <br>God sayff thaim for his gret mercy.</div><div style="margin:10px 0"><br /></a><br />poem by <a href="http://en.citatepedia.ro/by.php?a=John+Barbour">John Barbour</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=418945" data-title="The Brus Book VI de John Barbour" data-description="[Sir Ingram Umfraville praises the king; the men of Galloway pursue him with a tracker dog] The king is went till his logyng And off this deid sone come tithing Till Schyr Ingrame the Umfravill That thocht his sutelte and gyle 5 Haid al fai..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black