<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=418944" style="color:#000;text-decoration:none"><div style="margin:10px 0"><strong>The Brus Book V</strong></div><div style="margin:10px 0">The king goes to Carrick; he upbraids Cuthbert] </div><div style="margin:10px 0"><br>Thys wes in ver quhen wynter tid <br>With his blastis hidwys to bid <br>Was ourdryvyn and byrdis smale <br>As turturis and the nychtyngale <br>5 Begouth rycht sariely to syng <br>And for to mak in thar singyng <br>Swete notis and sounys ser <br>And melodys plesand to her <br>And the treis begouth to ma <br>10 Burgeans and brycht blomys alsua <br>To wyn the helynd of thar hevid <br>That wykkyt wynter had thaim revid, <br>And all gressys beguth to spryng. <br>Into that tyme the nobill king <br>15 With his flote and a few mengye <br>Thre hunder I trow thai mycht be, <br>Is to the se oute off Arane <br>A litill forouth evyn gane. <br>Thai rowit fast with all thar mycht <br>20 Till that apon thaim fell the nycht <br>That woux myrk apon gret maner <br>Sua that thai wyst nocht quhar thai wer <br>For thai na nedill had na stane, <br>Bot rowyt alwayis intill ane <br>25 Sterand all tyme apon the fyr <br>That thai saw brynnand lycht and schyr. <br>It wes bot aventur thaim led <br>And thai in schort tyme sa thaim sped <br>That at the fyr aryvyt thai <br>30 And went to land but mair delay. <br>And Cuthbert that has sene the fyr <br>Was full of angyr and off ire, <br>For he durst nocht do it away <br>And wes alsua doutand ay <br>35 That his lord suld pas to se. <br>Tharfor thar cummyng waytit he <br>And met thaim at thar aryving. <br>He wes wele sone brocht to the kimg <br>That speryt at him how he had done, <br>40 And he with sar hart tauld him sone <br>How that he fand nane weill luffand <br>Bot all war fayis that he fand, <br>And that the lord the Persy <br>With ner thre hunder in cumpany <br>45 Was in the castell thar besid <br>Fullfillyt of dispyt and prid <br>Bot ma than twa partis off his rowt <br>War herberyt in the toune without, <br>'And dyspytyt you mar, schyr king, <br>50 Than men may dispyt ony thing.' <br>Than said the king in full gret ire, <br>'Tratour, quhy maid thou than the fyr?' <br>'A schyr,' said he, 'Sa God me se <br>The fyr wes nevyr maid for me, <br>55 Na or the nycht I wyst it nocht, <br>Bot fra I wyst it weill I thocht <br>That ye and haly your menye <br>On hy suld put you to the se, <br>For-thi I come to mete you her <br>60 To tell perellys that may aper.' </div><div style="margin:10px 0">[The king decides to stay to attack Percy's men in a village by Turnberry] </div><div style="margin:10px 0">The king wes off his spek angry <br>And askyt his pryve men in hy <br>Quhat at thaim thocht wes best to do. <br>Schyr Edward fryst answert tharto <br>65 His brodyr that wes sua hardy, <br>And said, 'I say you sekyrly <br>Thar sall na perell that may be <br>Dryve me eftsonys to the se. <br>Myne aventur her tak will I <br>70 Quhethir it be esfull or angry.' <br>'Brother,' he said, 'sen thou will sua <br>It is gud that we samyn ta <br>Dissese or ese or payne or play <br>Eftyr as God will us purvay. <br>75 And sen men sayis that the Persy <br>Myn heritage will occupy, <br>And his menye sa ner us lyis <br>That us dispytis mony wys, <br>Ga we and venge sum off the dispyte, <br>80 And that may we haiff done als tite <br>For thai ly traistly but dreding <br>Off us or off our her-cummyng, <br>And thocht we slepand slew thaim all <br>Repruff tharoff na man sall <br>85 For werrayour na fors suld ma <br>Quhether he mycht ourcum his fa <br>Throu strenth or throu sutelte, <br>Bot that gud faith ay haldyn be.' <br>Quhen this wes said thai went thar way, <br>90 And to the toune sone cummyn ar thai <br>Sa prevely but noyis making <br>That nane persavyt thar cummyng. <br>Thai skalyt throu the toun in hy <br>And brak up duris sturdely <br>95 And slew all that thai mycht ourtak, <br>And thai that na defence mocht mak <br>Full petously gan rar and cry, <br>And thai slew thaim dispitously <br>As thai that war in full gud will <br>100 To venge the angyr and the ill <br>That thai and thairis had thaim wrocht. <br>Thai with sa feloun will thaim soucht <br>That thai slew thaim everilkan <br>Owtane Makdowell him allan <br>105 That eschapyt throu gret slycht <br>And throu the myrknes off the nycht. <br>In the castell the lord the Persy <br>Hard weill the noyis and the cry, <br>Sa did the men that within wer <br>110 And full effraytly gat thar ger, <br>Bot off thaim wes nane sa hardy <br>That ever ischyt fourth to the cry. <br>In sic effray thai baid that nycht <br>Till on the morn that day wes lycht, <br>115 And than cesyt into party <br>The noyis the slauchtyr and the cry. <br>The king gert be departyt then <br>All hale the reff amang the men <br>And dwellyt all still thar dayis thre. <br>120 Syk hansell to that fokk gaiff he <br>rycht in the fyrst begynnyng <br>Newlingis at his aryvyng. </div><div style="margin:10px 0">[A kinswoman gives him news and forty men] </div><div style="margin:10px 0">Quhen that the king and his folk war <br>Aryvyt as I tauld you ar, <br>125 Aquhile in Karryk leyndyt he <br>To se quha freynde or fa wald be, <br>Bot he fand litill tendyrnes, <br>And nocht-forthi the puple wes <br>Enclynyt till him in party, <br>130 Bot Inglismen sa angrely <br>Led thaim with daunger and with aw <br>That thai na freyndschip durst him schaw. <br>Bot a lady off that cuntre <br>That wes till him in ner degre <br>135 Of cosynage wes wonder blyth <br>Off his aryvyng and alswyth <br>Sped hyr till him in full gret hy <br>With fourty men in cumpany <br>And betaucht thaim all to the king <br>140 Till help him in his werraying, <br>And he resavyt thaim in daynte <br>And hyr full gretly thankit he, <br>And speryt tythandis off the queyne <br>And off his freyndis all bedene <br>145 That he had left in that countre <br>Quhen that he put him to the se. <br>And scho him tauld sichand full sar <br>How that his brothyr takyn war <br>In the castell off Kyldromy <br>150 And destroyit sa velanysly <br>And the erle off Athall alsua <br>And how the queyn and other ma <br>That till his party war heldand <br>War tane and led in Ingland <br>155 And put in feloun presoune, <br>And how that Cristole off Setoun <br>Wes slayn, gretand scho tauld the king, <br>That sorowful wes off that tithing <br>And said quhen he had thocht a thraw <br>160 Thir wordis that I sall you schaw. <br>'Allace,' he said, 'For luff off me <br>And for thar mekill lawte <br>Thai nobill men and thai worthy <br>Ar destroyit sa velanysly <br>165 Bot and I leyff in lege-powyste <br>Thar deid rycht weill sall vengit be. <br>The king the-quhether off Ingland <br>Thocht that the kynrik off Scotland <br>Was to litill to thaim and me <br>170 Tharfor he will it myn all be. <br>Bot off gud Cristole off Setoun <br>That wes off sa nobill renoun <br>That he suld dey war gret pite <br>Bot quhar worschip mycht provyt be.' </div><div style="margin:10px 0">[Percy is rescued from Turnberry castle] </div><div style="margin:10px 0">175 The king sichand thus maid his mayn <br>And the lady hyr leyff has tayn <br>And went hyr hame till hyr wonnyng <br>And fele sys confort the king <br>Bath with silver and with mete <br>180 Sic as scho in the land mycht get. <br>And he oft ryot all the land <br>And maid all his that ever he fand <br>And syne drew him till the hycht <br>To stynt better his fayis mycht. <br>185 In all that tym wes the Persy <br>With a full sympill cumpany <br>In Turnberys castell lyand, <br>For the King Robert sua dredand <br>That he durst nocht isch furth to fayr <br>190 Fra thine to the castell off Ayr <br>That wes then full off Inglismen, <br>Bot lay lurkand as in a den <br>Tyll the men off Northummyrland <br>Suld cum armyt and with strang hand <br>195 Convoy him till his cuntre. <br>For his saynd till thaim send he, <br>And thai in hy assemblyt then <br>Passand I weyne a thousand men <br>And askyt avisement thaim amang <br>200 Quhether that thai suld dwell or gang, <br>Bot thai war skownrand wonder sar <br>Sa fer into Scotland for to far, <br>For a knycht, Schyr Gawter the Lile <br>Said it wes all to gret perile <br>205 Sua ner thai schavalduris to ga. <br>His spek discomfort thaim sua <br>That thai had left all thar vyage <br>Na war a knycht off gret corage <br>That Schyr Roger off Sanct Jhon hycht <br>210 That thaim confort with all his mycht, <br>And sic wordis to thaim gan say <br>That thai all samyn held thar way <br>Till Turnbery, quhar the Persy <br>Lap on and went with thaim in hy <br>215 In Ingland his castell till <br>Foroutyn distroublyne or ill. </div><div style="margin:10px 0">[Douglas decides to visit his lands] </div><div style="margin:10px 0">Now in Ingland is the Persy <br>Quhar I trow he a quhile sall ly <br>Or that he schap hym for to fayr <br>220 To werray Carryk ony mar, <br>For he wyst he had na rycht <br>And als he dreid the kyngys mycht <br>That in Carrik wes travailland <br>In the maist strenth off the land, <br>225 Quhar Jamys off Douglas on a day <br>Come to the king and gan him say, <br>'Schyr, with your leyve I wald ga se <br>How that thai do in my contre <br>And how my men demanyt ar, <br>230 For it anoyis me wonder sar <br>That the Clyffurd sa pesabylly <br>Brukys and haldys the senyoury <br>That suld be myn with alkyn rycht <br>Bot quhile I lyff and may haiff mycht <br>235 To lede a yowman or a swayne <br>He sall nocht bruk it but bargayne.' <br>The king said, 'Certis I can nocht se <br>How that thou yeit may sekyr be <br>Into that countre for to far <br>240 Quhar Inglismen sa mychty ar <br>And thou wate nocht quha is thi freynd.' <br>He said, 'Schyr, nedways I will wend <br>And tak that aventur will giff <br>Quhether-sa it be to dey or lyff.' <br>245 The king said, 'Sen it is sua <br>That thou sic yarning has to ga <br>Thou sall pas furth with my blyssing, <br>And giff the hapnys ony thing <br>That anoyis or scaithfull be <br>250 I pray the sped the sone to me <br>And tak we samyn quhatever may fall.' <br>'I grante,' he said and thar-with-all <br>He lowtyt and his leve has tane <br>And towart his countre is he gane. </div><div style="margin:10px 0">[Douglas meets Tom Dickson; he acquires a following] </div><div style="margin:10px 0">255 Now takis James his viage <br>Towart Douglas his heritage <br>With twa yemen foroutyn ma. <br>That wes a symple stuff to ta <br>A land or castell to wyn, <br>260 The-quhether he yarnyt to begyn <br>Till bring purpos till ending <br>For gud help is in gud begynnyng <br>For gud begynnyng and hardy <br>Gyff it be folowit wittily <br>265 May ger oftsys unlikly thing <br>Cum to full conabill ending. <br>Sua did it her, bot he wes wys <br>And saw he mycht on nakyn wys <br>Werray his fa with evyn mycht <br>270 Tharfor he thocht to wyrk with slycht, <br>And in Douglasdaile his countre <br>Apon ane evynnyng entryt he. <br>And than a man wonnyt tharby, <br>That wes off freyndis weill mychty <br>275 And ryche off mobleis and off cateill <br>And had bene till his fadyr leyll, <br>And till himselff in his youthed <br>He haid done mony a thankfull deid, <br>Thom Dicson wes his name perfay. <br>280 Till him he send and gan him pray <br>That he wald cum all anerly <br>For to spek with him prevely, <br>And he but daunger till him gais. <br>Bot fra he tauld him quhat he wais <br>285 He gret for joy and for pite <br>And him rycht till his hous had he, <br>Quhar in a chambre prevely <br>He held him and his cumpany, <br>That nane of him had persaving. <br>290 Off mete and drynk and other thing <br>That mycht thaim eys thai had plente. <br>Sa wrocht he throu sutelte <br>That all the lele men off that land <br>That with his fadyr war dwelland <br>295 This gud man gert cum ane and ane <br>And mak him manrent everilkane, <br>And he himselff fyrst homage maid. <br>Douglas in hart gret glaidschip haid <br>That the gud men off his cuntre <br>300 Wald suagate till him bundyn be. <br>He speryt the convyne off the land <br>And quha the castell had in hand <br>And thai him tauld all halily, <br>And syne amang thaim prevely <br>305 Thai ordanyt that he still suld be <br>In hiddillis and in prevete <br>Till Palme Sonday that wes ner-hand <br>The thrid day efter folowand <br>For than the folk off that countre <br>310 Assemblyt at the kyrk wald be, <br>And thai that in the castell wer <br>Wald als be thar thar palmys to ber <br>As folk that had na dreid off ill <br>For thai thocht that all was at thar will. <br>315 Than suld he cum with his twa men, <br>Bot for that men suld nocht him ken <br>He suld ane mantill have auld and bar <br>And a flaill as he a thresscher war. <br>Under the mantill nocht-forthi <br>320 He suld be armyt prevely, <br>And quhen the men off his countre <br>That suld all boune befor him be <br>His ensenye mycht her hym cry, <br>Then suld thai full enforcely <br>325 Rycht ymyddys the kirk assaill <br>The Inglismen with hard bataill <br>Sua that nane mycht eschap thaim fra, <br>For thar-throuch trowyt thai to ta <br>The castell that besid wes ner. <br>330 And quhen this that I tell you her <br>Wes divisyt and undertane <br>Ilkane till his hous hame is gane <br>And held this spek in prevete <br>Till the day off thar assemble. </div><div style="margin:10px 0">[The garrison are attacked and many slain in kirk; <br>the castle is taken; the Douglas Lardner; slighting of the castle] </div><div style="margin:10px 0">335 The folk apon the Sonounday <br>Held to Saynct Bridis kyrk thar way, <br>And thai that in the castell war <br>Ischyt out bath less and mar <br>And went thar palmys for to ber, <br>340 Outane a cuk and a portere. <br>James off Douglas off thar cummyng <br>And quhat thai war had witting, <br>And sped him till the kyrk in hy, <br>Bot or he come, to hastily <br>345 Ane of his cryit, 'Douglas, Douglas.' <br>Thomas Dikson, that nerrest was <br>Till thaim that war off the castell <br>That war all innouth the chancell, <br>Quhen he 'Douglas' sua hey hard cry <br>350 Drew out his swerd and fellely <br>Ruschyt amang thame to and fra, <br>Bot ane or twa foroutin ma <br>Than in hy war left lyand, <br>Quhill Douglas come rycht at hand <br>355 And then enforcyt on thaim the cry, <br>Bot thai the chansell sturdely <br>Held and thaim defendyt wele <br>Till off thar men war slayne sumdell. <br>Bot the Douglace sa weill him bar <br>360 That all the men that with him war <br>Had confort off his wele-doyng, <br>And he him sparyt nakyn thing <br>Bot provyt sua his force in fycht <br>That throu his woschip and his mycht <br>365 His men sa keynly helpyt than <br>That thai the chansell on thaim wan. <br>Than dang thai on sua hardyly <br>That in schort tyme men mycht se ly <br>The twa part dede or then deand, <br>370 The lave war sesyt sone in hand <br>Sua that off thretty levyt nane <br>That thaine war slayne ilkan or tane. <br>James off Douglas quhen this wes done <br>The presoneris has he tane alsone <br>375 And with thaim off his cumpany <br>Towart the castell went in hy <br>Or noyis or cry suld rys, <br>And for he wald thaim sone suppris <br>That levyt in the castell war <br>380 That war bot twa foroutyn mar, <br>Fyve men or sex befor send he <br>That fand all opyn the entre <br>And entryt and the porter tuk <br>Rycht at the yate and syne the cuk. <br>385 With that the Douglas come to the yat <br>And entryt in foroutyn debate <br>And fand the mete all redy graid <br>And burdys set and claithis laid <br>The yhattis then he gert sper <br>390 And sat and eyt all at layser, <br>Syne all the gudis turssyt thai <br>That thaim thocht thai mycht haiff away, <br>And namly wapnys and armyng <br>Silver and tresour and clethyng. <br>395 Vittalis that mycht nocht tursyt be <br>On this maner destroyit he, <br>Als quheyt and flour and meill and malt <br>In the wyne-sellar gert he bring <br>400 And samyn on the flur all flyng <br>And the presonaris that he had tane <br>Rycht tharin gert he heid ilkane, <br>Syne off the tounnys the hedis outstrak. <br>A foul melle thar gane he mak, <br>405 For meile and malt and blud and wyne <br>Rane all togidder in a mellyne <br>That was un semly for to se. <br>Tharfor the men off that countre <br>For sua fele thar mellyt wer <br>410 Callit it 'the Douglas lardner.' <br>Syne tuk he salt as Ic hard tell <br>And ded hors and fordid the well, <br>And brynt all outakyn stane, <br>And is furth with his menye gayne <br>415 Till his resett, for him thocht weill <br>Giff he had haldyn the castell <br>It had bene assegyt raith <br>And that him thocht to mekill waith, <br>For he had na hop of reskewyng. <br>420 And it is to peralous thing <br>In castell assegyt to be <br>Quhar want is off thir thingis thre, <br>Vittaill or men with thar armyng <br>Or than gud hop off rescuyng, <br>425 And for he dred thir thingis suld faile <br>He chesyt furthwart to travaill <br>Quhar he mycht at his larges be <br>And sua dryve furth his destane. </div><div style="margin:10px 0">[Douglas withdraws; Clifford repairs the castle] </div><div style="margin:10px 0">On this wise wes the castell tan <br>430 And slayne that war tharin ilkan. <br>The Douglas syne all his menye <br>Gert in ser placis departyt be, <br>For men suld les wyt quhar thai war <br>That yeid departyt her and thar. <br>435 Thaim that war woundyt gert he ly <br>Intill hiddillis all prevely, <br>And gert gud lechis till thaim bring <br>Quhill that thai war intill heling, <br>And himselff with a few menye <br>440 Quhile ane quhile twa and quhilis thre <br>And umquhill all him allane <br>In hiddillis throu the land is gane. <br>Sa dred he Inglismennys mycht <br>That he durst nocht wele cum in sycht <br>445 For thai war that tyme all-weldand <br>As maist lordis our all the land. <br>Bot tithandis that scalis sone <br>Off this deid that Douglas has done <br>Come to the Cliffurd his ere in hy, <br>450 That for his tynsaill wes sary <br>And menyt his men that thai had slane, <br>And syne has to his purpos tane <br>To big the castell up agayne. <br>Tharfor as man off mekill mayne <br>455 He assemblit gret cumpany, <br>And till Douglas he went in hy <br>And biggyt up the castell swyth <br>And maid it rycht stalwart and styth <br>And put tharin vittalis and men. <br>460 Ane of the Thyrlwallys then <br>He left behind him capitane <br>And syne till Ingland went agayne. </div><div style="margin:10px 0">[Umfraville finds a kinsman of the king willing to slay him] </div><div style="margin:10px 0">Into Carrik lyis the king <br>With a full symple gadryng, <br>465 He passyt nocht twa hunder men. <br>Bot Schyr Edward his broder then <br>Wes in Galloway weill ner him by, <br>With him ane other cumpany <br>That held the strenthis off the land, <br>470 For thai durst nocht yeit tak on hand <br>Till our-rid the land planly. <br>For off Valence Schyr Amery <br>Was intill Edynburgh lyand <br>That yeyt was wardane of the land <br>475 Underneyth the Inglis king, <br>And quhen he herd off the cummyng <br>Off King Robert and his menye <br>Into Carryk and how that he <br>Had slain off the Persyis men <br>480 His consaile he assemblit then, <br>And with assent off his consaill <br>He sent till Ar him till assaill <br>Schyr Ingrame the Umfravill that wes hardy <br>And with him a gret cumpany. <br>485 And quhen Schyr Ingram cummyn wes thar <br>Him thocht nocht speidfull for till far <br>Till assaile him into the hycht, <br>Tharfor he thocht to wyrk with slycht <br>And lay still in the castell than <br>490 Till he gat speryng that a man <br>Off Carrik, that wes sley and wycht <br>And a man als off mekill mycht <br>As off the men off that cuntre, <br>Wes to the King Robert mast preve <br>495 As he that wes his sibman ner, <br>And quhen he wald foroutyn danger <br>Mycht to the kingis presence ga, <br>The-quhether he and his sonnys twa <br>War wonnand still in the cuntre <br>500 For thai wald nocht persayvit be <br>That thai war speciall to the king. <br>Thai maid him mony tyme warnyng <br>Quhen that thai his tynsaill mycht se, <br>Forthi in thaim affyit he. <br>505 His name can I nocht tell perfay, <br>Bot Ik haiff herd syndry men say <br>Forsuth that his ane e wes out 506 <br>Bot he sa sturdy wes and stout 507 <br>That he wes the maist doutit man 507 <br>510 That in Carrik lyvyt than. 508 <br>And quhen Schyr Ingrame gat wittering <br>Forsuth this wes na gabbing, <br>Efter him in hy he sent <br>And he come at his commandment. <br>515 Schyr Ingrame that was sley and wis 513 <br>Tretyt with him than on sic wys <br>That he maid sekyr undertaking <br>In tresoun for to slay the king, <br>And he suld haiff for his service <br>520 Gyff he fullfillyt thar divice 518 <br>Weill fourty pundis worth off land <br>Till him and till his ayris ay lestand. </div><div style="margin:10px 0">[The traitor and his sons seek to kill the king but are killed] </div><div style="margin:10px 0">The tresoun thus is undertane, <br>And he hame till his hous is gane <br>525 And wattyt opertunyte 523 <br>For to fulfill his mavyte. <br>In gret perell than was the king <br>That off this tresoun wyst na thing, <br>For he that he traistit maist of ane <br>530 His ded falsly has undertane, 528 <br>And nane may betreys tyttar than he <br>That man in trowis leawté. <br>The king in him traistyt, forthi <br>He had fullfillyt his felony <br>535 Ne war the king throu Goddis grace 533 <br>Gat hale witting of his purchace, <br>And how and for how mekill land <br>He tuk his slauchter apon hand. <br>I wate nocht quha the warnyng maid, <br>540 Bot on all tym sic hap he had 538 <br>That quhen men schup thaim to betrais <br>He gat witting tharoff allwayis <br>And mony tyme as I herd say <br>Throu wemen that he wyth wald play <br>545 That wald tell all that thai mycht her, 543 <br>And sua myvht happyn that it fell her, <br>Bot how that ever it fell perdé <br>I trow he sall the warrer be. <br>Nocht-forthi the tratour ay <br>550 Had in his thocht bath nycht and day 548 <br>How he mycht best bring till ending <br>His tresonabill undretaking, <br>Till he umbethinkand him at the last <br>Intill his hart gan umbecast <br>555 That the king had in custome ay 553 <br>For to rys arly ilk day <br>And pas weill fer fra his menye <br>Quhen he wald pas to the preve, <br>And sek a covert him allane <br>560 Or at the maist with him ane. 558 <br>Thar thocht he with his sonnys twa <br>For to supprise the king and sla <br>And syne went to the wod thar way, <br>Bot yeit off purpos failit thai, <br>565 And nocht-forthi thai come all thre 563 <br>In a covert that wes preve <br>Quhar the king oft wes wont to ga <br>His preve nedys for to ma. <br>Thair hid thai thaim till his cumming, <br>570 And the king into the mornyng 568 <br>Rais quhen that his liking was <br>And rycht towart that covert gais <br>Quhar lyand war the tratouris thre <br>For to do thar his prevete. <br>575 To tresoun tuk he then na heid 573 <br>Bot he wes wont quharever he yeid <br>His swerd about his hals to ber <br>And that availlyt him gretli ther <br>For had nocht God all thing weldand <br>580 Set help intill his awine hand 578 <br>He had bene ded withoutyn dreid. <br>A chamber page thar with him yeid, <br>And sua foroutyn falowis ma <br>Towart the covert gan he ga. <br>585 Now bot God help the noble king 583 <br>He is ner-hand till his ending, <br>For that covert that he yeid till <br>Wes on the tother sid a hill <br>That nane of his men mycht it se. <br>590 Thiddirwart went this page and he 588 <br>And quhen he cummyn wes in the schaw <br>He saw thai thre cum all on raw <br>Aganys him full sturdely. <br>Than till his boy he said in hy, <br>595 'Yon men will slay us and thai may. 593 <br>Quhat wapyn has thou?' 'Ha, Schyr, perfay <br>Ik haiff bot a bow and a wyr.' <br>'Giff thaim me smertly bath.' A, Schyr <br>Howgaite will ye that I do?' <br>600 'Stand on fer and behald us to. 598 <br>Giff thou seis me abovyn be <br>Thou sall haiff wapynnys gret plente, <br>And giff I dey, withdraw the sone.' <br>With thai wordis foroutyn hone <br>605 He tyte the bow out off his hand, 603 <br>For the tratouris war ner cummand. <br>The fader had a swerd but mar, <br>The tother bath swerd and hand-ax bar, <br>The thrid a swerd had and a sper. <br>610 The king persavt be thar affer 608 <br>That all wes as men had him tauld. <br>'Tratour,' he said, 'thou has me sauld. <br>Cum na forthyr bot hald the thar. <br>I will thou cum na forthermar.' <br>615 'A, Schyr, umbethinkis you,' said he, 613 <br>How ner that I suld to you be. <br>Quha suld cum ner you bot I?' <br>The king said, 'I will sekirly <br>That thou at this tyme cum nocht ner. <br>620 Thou may say quhat thou will on fer.' 618 <br>Bot he with fals wordis flechand <br>Was with his twa sonnys cummand. <br>Quhen the king saw he wald nocht let <br>Bot ay come on fenyeand falset <br>625 He taisyt the wyre and leit it fley, 623 <br>And hyt the fader in the ey <br>Till it rycht in the harnys ran <br>And he bakwart fell doun rycht than. <br>The brother that the hand-ax bar <br>630 Sua saw his fader liand thar, 628 <br>A gyrd rycht to the king he couth maik <br>And with the ax hym our-straik, <br>Bot he that had his sword on hycht <br>Roucht him sic rout in randoun rycht <br>635 That he the hede till the harnys claiff 633 <br>And dede downe till the erd him draiff. <br>The tother broder that bar the sper <br>Saw his brodyr fallin ther <br>And with the sper as angry man <br>640 With a rais till the king he ran. 638 <br>Bot the king that him dred sumthing <br>Waytyt the sper in the cummyng <br>And with a wysk the hed off strak, <br>And or the tother had toyme to tak <br>645 His swerd the king sic swak him gaiff 643 <br>That he the hede till the harnys claiff, <br>He ruschyt down off blud all reid. <br>And quhen the king saw thai war all ded <br>All thre lyand he wipit his brand, <br>650 With that his boy come fast rynnand 648 <br>And said, 'Our Lord mot lovyt be <br>That grantyt you mycht and powste <br>To fell the felny and the prid <br>Off thir thre in sua litill tid.' <br>655 The king said, 'Sa our Lord me se 653 <br>Thai had bene worthi men all thre <br>Had thai nocht bene full off tresoun, <br>Bot that maid thar confusioun.'</div><div style="margin:10px 0"><br /></a><br />poem by <a href="http://en.citatepedia.ro/by.php?a=John+Barbour">John Barbour</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=418944" data-title="The Brus Book V de John Barbour" data-description="The king goes to Carrick; he upbraids Cuthbert] Thys wes in ver quhen wynter tid With his blastis hidwys to bid Was ourdryvyn and byrdis smale As turturis and the nychtyngale 5 Begouth rycht sariely to syng And for to mak in thar singyng ..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black