<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=418940" style="color:#000;text-decoration:none"><div style="margin:10px 0"><strong>The Brus Book II</strong></div><div style="margin:10px 0">[Bruce escapes to Lochmaben] </div><div style="margin:10px 0"><br>The Bruys went till his innys swyth, <br>Bot wyt ye weile he wes full blyth <br>That he had gottyn that respyt. <br>He callit his marschall till him tyt <br>5 And bad him luk on all maner <br>That he ma till his men gud cher, <br>For he wald in his chambre be <br>A weile gret quhile in prevate, <br>With him a clerk foroutyn ma. <br>10 The marschell till the hall gan ga <br>And did hys lordys commanding. <br>The lord the Bruce but mar letting <br>Gert prevely bryng stedys twa, <br>He and the clerk foroutyn ma <br>15 Lap on foroutyn persavyng, <br>And day and nycht but sojournyng <br>Thai raid quhill on the fyften day <br>Cummyn till Louchmaben ar thai. <br>Hys broder Edward thar thai fand <br>20 That thocht ferly Ic tak on hand <br>That thai come hame sa prevely. <br>He tauld hys brodyr halyly <br>How that he thar soucht was <br>And how that he chapyt wes throu cas. </div><div style="margin:10px 0">[The killing of Comyn and his uncle] </div><div style="margin:10px 0">25 Sa fell it in the samyn tid <br>That at Dumfres rycht thar besid <br>Schir Jhone the Cumyn sojornyng maid. <br>The Brus lap on and thidder raid <br>And thocht foroutyn mar letting <br>30 For to quyt hym his discovering. <br>Thidder he raid but langer let <br>And with Schyr Jhone the Cumyn met <br>In the Freris at the hye awter, <br>And schawyt him with lauchand cher <br>35 The endentur, syne with a knyff <br>Rycht in that sted hym reft the lyff. <br>Schyr Edmund Cumyn als wes slayn <br>And othir mony off mekill mayn. <br>Nocht-for-thi yeit sum men sayis <br>40 At that debat fell other-wayis, <br>Bot quhat-sa-evyr maid the debate <br>Thar-throuch he deyt weill I wat. <br>He mysdyd thar gretly but wer <br>That gave na gyrth to the awter, <br>45 Tharfor sa hard myscheiff him fell <br>That Ik herd never in romanys tell <br>Off man sa hard frayit as wes he <br>That efterwart com to sic bounte. </div><div style="margin:10px 0">[Edward hears of Bruce's flight; news of Comyn's death <br>reaches the bishop of St Andrews] </div><div style="margin:10px 0">Now agayne to the king ga we <br>50 That on the morn with his barne <br>Sat intill his parleament, <br>And eftyr the lord the Bruys he sent <br>Rycht till his in with knychtis kene. <br>Quhen he oft-tyme had callit bene <br>55 And his men efter him askit thai, <br>Thai said that he sen yhysterday <br>Dwelt in his chambyr ythanly <br>With a clerk with him anerly. <br>Than knokyt thai at his chamur thar <br>60 And quhen thai hard nane mak answar <br>Thai brak the dur, bot thai fand nocht <br>The-quhethir the chambre hale thai socht. <br>Thai tald the king than hale the cas <br>And how that he eschapyt was. <br>65 He wes off his eschap sary <br>And swour in ire full stalwartly <br>That he suld drawyn and hangit be. <br>He manansyt as him thocht, bot he <br>Thoucht that suld pas ane other way <br>70 And, quhen he as ye herd me say <br>Intill the kyrk Schyr Jhone haid slain, <br>Till Louchmabane he went agayne <br>And gert men with his lettres ryd <br>To freyndis apon ilk sid <br>75 That come to hym with thar mengye, <br>And his men als assemblit he <br>And thocht that he wald mak him king. <br>Our all the land the word gan spryng <br>That the Bruce the Cumyn had slayn, <br>80 And amang other, lettres ar gayn <br>To the byschop off Androws towne <br>That tauld how slayn wes that baroun. <br>The letter tauld hym all the deid, <br>And he till his men gert reid <br>85 And sythyn said thaim, 'Sekyrly <br>I hop Thomas prophecy <br>Off Hersildoune sall veryfyd be <br>In him, for swa Our Lord help me <br>I haiff gret hop he sall be king <br>90 And haiff this land all in leding.' </div><div style="margin:10px 0">[Douglas leaves St Andrews on the bishop's horse and joins Bruce] </div><div style="margin:10px 0">James off Douglas that ay-quhar <br>Allwayis befor the byschop schar <br>Had weill hard all the letter red, <br>And he tuk alsua full gud hed <br>95 To that the byschop had said. <br>And quhen the burdys doun war laid <br>Till chamyr went thai then in hy, <br>And James off Douglas prevely <br>Said to the byschop, 'Schyr, ye se <br>100 How Inglismen throu thar powste <br>Dysherysys me off my land, <br>And men has gert you understand <br>Als that the erle off Carryk <br>Clamys to gevern the kynryk, <br>105 And for yon man that he has slayn <br>All Inglismen ar him agayn <br>And wald disherys hym blythly, <br>The-quhether with hym dwell wald I. <br>Tharfor, schir, giff it war your will <br>110 I wald tak with him gud and ill. <br>Throu hym I trow my land to wyn <br>Magré the Cliffurd and his kyn.' <br>The byschop hard and had pite <br>And said, 'Swet son, sa God help me <br>115 I wald blythly that thou war thar <br>Bot at I nocht reprovyt war. <br>On this maner weile wyrk thou may. <br>Thou sall tak Ferrand my palfray, <br>For thar is na hors in this land <br>120 Sa swytht na yeit sa weill at hand. <br>Tak him as off thine awyne hewid <br>As I had gevyn tharto na reid, <br>And gyff his yhemar oucht gruchys <br>Luk that thou tak him magré his, <br>125 Swa sall I weill assonyeit be. <br>Mychty God for his powste <br>Graunt that he that thou pasis to <br>And thou in all tyme sa weill to do <br>That ye you fra your fayis defend.' <br>130 He taucht him siluer to dispend <br>And syne gaiff him gud day <br>And bad him pas furth on his way, <br>For he ne wald spek till he war gane. <br>The Douglas then his way has taine <br>135 Rycht to the hors, as he him bad, <br>Bot he that him in yhemsell had <br>Than warnyt him dispitously, <br>Bot he that wreth him encrely <br>Fellyt hym with a swerys dynt, <br>140 And syne foroutyn langer stynt <br>The hors he sadylt hastely, <br>And lap on hym delyverly <br>And passyt furth but leve-taking. <br>Der God that is off hevyn king <br>145 Sauff hym and scheld him fra his fayis. <br>All him alane the way he tais <br>Towart the towne off Louchmabane, <br>And a litill fra Aryk stane <br>The Bruce with a gret rout he met <br>150 That raid to Scone for to be set <br>In kingis stole and to be king. <br>And quhen Douglas saw hys cummyng <br>He raid and hailsyt hym in hy <br>And lowtyt him ffull curtasly, <br>155 And tauld him haly all his state <br>And quhat he was, and als how-gat <br>The Cliffurd held his heritage, <br>And that he come to mak homage <br>Till him as till his rychtwis king, <br>160 And at he boune wes in all thing <br>To tak with him the gud and ill. <br>And quhen the Bruce had herd his will <br>He resavyt him in gret daynté <br>And men and armys till him gaff he. <br>165 He thocht weile he suld be worthy <br>For all his eldris war douchty. <br>Thusgat maid thai thar aquentance <br>That never syne for nakyn chance <br>Departyt quhill thai lyffand war. <br>170 Thair frendschip woux ay mar and mar, <br>For he servyt ay lelely, <br>And the tother full wilfully <br>That was bath worthy wycht and wys <br>Rewardyt him weile his service. </div><div style="margin:10px 0">[Bruce becomes king; Edward I sends Aymer de Valence against him; <br>King Robert's force at Perth] </div><div style="margin:10px 0">175 The lord the Bruce to Glaskow raid <br>And send about him quhill he haid <br>Off his freyndis a gret menyhe, <br>And syne to Scone in hy raid he <br>And wes maid king but langer let, <br>180 And in the kingis stole wes set <br>As in that tyme wes the maner. <br>Bot off thar nobleis, gret affer, <br>Thar service na thar realté <br>Ye sall her na thing now for me, <br>185 Owtane that he off the barnage <br>That thidder come tok homage <br>And syne went our all the land <br>Frendis and frendschip purchesand <br>To maynteym that he had begunnyn. <br>190 He wyst or all the land war wonnyn <br>He suld fynd full hard barganyng <br>With him that wes off Ingland king, <br>For thar wes nane off lyff sa fell <br>Sa pautener na sa cruell. <br>195 And quhen to King Edward wes tauld <br>How at the Bruys that wes sa bauld <br>Had brocht the Cumyn till ending, <br>And how he syne had maid him king, <br>Owt off his wyt he went weill ner, <br>200 And callit till him Schir Amer <br>The Vallang that wes wys and wycht <br>And off his hand a worthy knycht, <br>And bad him men off armys ta <br>And in hy till Scotland ga, <br>205 And byrn and slay and rais dragoun, <br>And hycht all Fyfe in warysoun <br>Till him that mycht other ta or sla <br>Robert the Bruce that wes his fa. <br>Schir Aymer did as he him bad, <br>210 Gret chevalry with him he had, <br>With him wes Philip the Mowbray, <br>And Ingram the Umfravill perfay <br>That wes bath wys and averty <br>And full off gret chevalry, <br>215 And off Scotland the maist party <br>Thai had intill thar cumpany, <br>For yheit then mekill off the land <br>Wes intill Inglismennys hand. <br>Till Perth then went thai in a rout, <br>220 That then wes wallyt all about <br>With feile towris rycht hey bataillyt <br>To defend giff it war assaylit, <br>Tharin dwellyt Schyr Amery <br>With all his gret chevalry. <br>225 The King Robert wyst he wes thar <br>And quhatkyn chyftanys with him war <br>And assemblyt all his mengye. <br>He had feyle off full gret bounte <br>Bot thar fayis war may then thai <br>230 Be fyften hunder as Ik herd say, <br>The-quhether he had thar at that ned <br>Full feill that war douchty off deid <br>And barounys that war bauld as bar. <br>Twa erlis alsua with him war, <br>235 Off Levynax and Atholl war thai. <br>Edward the Bruce wes thar alsua, <br>Thomas Randell and Hew de le Hay <br>And Schyr David the Berclay <br>Fresale, Somerveile, and Inchmertyn. <br>240 James off Douglas thar wes syne <br>That yheyt than wes bot litill off mycht, <br>And othir fele folk forsye in fycht <br>Als was gude Cristell of Setoun 243 <br>And Robert Boyd of greit renoun, 244 <br>245 And uther feill of mekill micht 245* <br>Bot I can nocht tell quhat thai hycht. 243 </div><div style="margin:10px 0">[At Perth; Umfraville's advice to Valence] </div><div style="margin:10px 0">Thocht thai war quheyn thai war worthy <br>And full off gret chevalry, <br>And in bataill in gud aray <br>250 Befor Sanct Jhonystoun com thai 247 <br>And bad Schyr Amery isch to fycht, <br>And he that in the mekill mycht <br>Traistyt off thaim that wes him by <br>Bad his men arme thaim hastily. <br>255 Bot Schir Ingram the Umfravill 252 <br>Thocht it war all to gret perill <br>In playne bataill to thaim to ga <br>Or-quhill thai war arayit sa, <br>And till Schyr Amer said he, <br>260 'Schir, giff that ye will trow to me, 257 <br>Ye sall nocht ische thaim till assaile <br>Till thai ar purvayt in bataill, <br>For thar ledar is wys and wycht <br>And off his hand a noble knycht, <br>265 And he has in his cumpany 262 <br>Mony a gud man and worthi <br>That sall be hard for till assay <br>Till thai ar in sa gud aray, <br>For it suld be full mekill mycht <br>270 That now suld put thaim to the flycht, 267 <br>For quhen folk ar weill arayit <br>And for the bataill weill purvait <br>With-thi that thai all gud men be, <br>Thai sall fer mar be avisé <br>275 And weill mar for to dreid then thai 272 <br>War sumdele out off aray. <br>Tharfor ye may, schyr, say thaim till <br>That thai may this nycht and thai will <br>Gang herbery thaim and slep and rest, <br>280 And to-morn but langer lest 277 <br>Ye sall isch furth to the bataill, <br>And fecht with thaim bot gyf thai faile. <br>Sa till thar herbery went sall thai <br>And sum sall went to the forray, <br>285 And thai that dwellis at the logyng 282 <br>Sen thai cum out off travelling <br>Sall in schort tyme unarmyt be. <br>Then on our best maner may we <br>With all our fayr chevalry <br>290 Ryd towart thaim rycht hardyly. 287 <br>And thai that wenys to rest all nycht <br>Quhen thai se us arayit to fycht <br>Cummand on thaim sa sudanly, <br>Thai sall affrayit be gretumly, <br>295 And or thai cummyn in bataill be 292 <br>We sall speid us swagat that we <br>Sall be all redy till assembill. <br>Sum man for erynes will trymbill <br>Quhen he assayit is sodanly <br>300 That with avisement is douchty.' 297 </div><div style="margin:10px 0">[The Scots go to Methven to camp; the English advance on them] </div><div style="margin:10px 0">As he avisyt have thai done, <br>And till thaim utouth send thai sone <br>And bade thaim herbery thaim that nycht <br>And on the morn cum to the fycht. <br>305 Quhen thai saw thai mycht no mar 302 <br>Towart Meffayn then gan thai far <br>And in the woud thaim logyt thai. <br>The thrid part went to the forray, <br>And the lave sone unarmyt war <br>310 And skalyt to loge thaim her and thar 307 <br>Schyr Amer then but mar abaid <br>With all the folk he with him haid <br>Ischyt inforcely to the fycht, <br>And raid intill a randoun rycht <br>315 The straucht way towart Meffen. 312 <br>The king that wes unarmyt then <br>Saw thaim cum swa inforcely, <br>Then till his men gan hely cry, <br>'Till armys, swyth, and makis you yar, <br>320 Her at our hand our fayis ar.' 317 <br>And thai did swa in full gret hy <br>And on thar hors lap hastily. <br>The king displayit his baner <br>Quhen that his folk assemblyt wer <br>325 And said, 'Lordingis now may ye se 322 <br>That yone folk all throu sutelte <br>Schapis thaim to do with slycht <br>That at thai drede to do with mycht. <br>Now I persave he that will trew <br>330 His fa, it sall him sum-tyme rew. 327 <br>And nocht-for-thi, thocht thai be fele <br>God may rycht weill our werdis dele <br>For multitud mais na victory, <br>As man has red in mony story <br>335 That few folk has oft vencusyt ma. 332 <br>Trow we that we sall do rycht sua. <br>Ye ar ilkan wycht and worthy <br>And full of gret chevalry, <br>And wate rycht weill quhat honour is. <br>340 Wyrk yhe then apon swylk wys 337 <br>That your honour be savyt ay. <br>And a thing will I to you say, <br>That he that deis for his cuntre <br>Sall herbryit intill hevyn be.' <br>345 Quhen this wes said thai saw cumand 342 <br>Thar fayis ridand ner at the hand <br>Arayit rycht avisely <br>Willfull to do chevalry. </div><div style="margin:10px 0">[The battle of Methven] </div><div style="margin:10px 0">On athir syd thus war thai yhar <br>350 And till assemble all redy war. 347 <br>Thai straucht thar speris on athir syd <br>And swa ruydly gan samyn ryd <br>That speris al to-fruschyt war <br>And feyle men dede and woundyt sar, <br>355 The blud out at thar byrnys brest, 352 <br>For the best and the worthiest <br>That wilfull war to wyn honour <br>Plungyt in the stalwart stour <br>And routis ruyd about thaim dang. <br>360 Man mycht haiff seyn into that thrang 357 <br>Knychtis that wycht and hardy war <br>Under hors feyt defoulyt thar <br>Sum woundyt and sum all ded, <br>The gres woux off the blud all rede. <br>365 And thai that held on hors in hy 362 <br>Swappyt out swerdis sturdyly <br>And sa fell strakys gave and tuk <br>That all the renk about thaim quouk. <br>The Bruysis folk full hardely <br>370 Schawyt thar gret chevalry 367 <br>And he him selff atour the lave <br>Sa hard and sa hevy dyntis gave <br>That quhar he come thai maid him way. <br>His folk thaim put in hard assay <br>375 To stynt thar fais mekill mycht 372 <br>That then so fayr had off the fycht <br>That thai wan feild ay mar and mar. <br>The kingis small folk ner vencusyt ar, <br>And quhen the king his folk has sene <br>380 Begouth to faile, for propyr tene 377 <br>His assenyhe gan he cry <br>And in the stour sa hardyly <br>He ruschyt that all the semble schuk. <br>He all till-hewyt that he ourtuk <br>385 And dang on thaim quhill he mycht drey. 382 <br>And till his folk he criyt hey, <br>'On thaim, on thaim, thai feble fast, <br>This bargane never may langer last.' <br>And with that word sa wilfully <br>390 He dang on and sa hardely 387 <br>That quha had sene him in that fycht <br>Suld hald him for a douchty knycht. <br>But thocht he wes stout and hardy <br>And othir als off his cumpany, <br>395 Thar mycht na worschip thar availye 392 <br>For thar small folk begouth to failye <br>And fled all skalyt her and thar. <br>Bot the gude at enchaufyt war <br>Off ire abade and held the stour <br>400 To conquyr thaim endles honour. 397 <br>And quhen Schyr Amer has sene <br>The small folk fle all bedene <br>And sa few abid to fycht <br>He releyt to himm mony a knycht <br>405 And in the stour sa hardyly 402 <br>He ruschyt with hys chevalry <br>That he ruschyt his fayis ilkane. <br>Schyr Thomas Randell thar wes tane <br>That then wes a young bacheler <br>410 And Schyr Alexander Fraseyr 407 <br>And Schyr David the Breklay <br>Inchmertyne and Hew de le Hay <br>And Somervell and other ma. <br>And the king him selff alsua <br>415 Wes set imtill full hard assay 412 <br>Throu Schyr Philip the Mowbray <br>That raid till him full hardyly <br>And hynt hys rengye and syne gan cry, <br>'Help! Help! I have the new-maid king.' <br>420 With that come gyrdand in a lyng 417 <br>Crystall off Seytoun quhen he swa <br>Saw the king sesyt with his fa, <br>And to Philip sic rout he raucht <br>That thocht he wes of mekill maucht <br>425 He gert him galay disyly, 422 <br>And haid till erd gane fullyly <br>Ne war he hynt him by his sted, <br>Then off his hand the brydill yhed. <br>And the king his enssenye gan cry, <br>430 Releyt his men that war him by 427 <br>That war sa few that thai na mycht <br>Endur the fors mar off the fycht. <br>Thai prikyt then out off the pres, <br>And the king that angry wes <br>435 For he his men saw fle him fra 432 <br>Said then, 'Lordingis, sen it is swa <br>That ure rynnys agane us her, <br>Gud is we pas of thar daunger <br>Till God us send eft-sonys grace. <br>440 And yeyt may fall giff thai will chace 437 <br>Quyt thaim corn-but sumdele we sall.' <br>To this word thai assentyt all <br>And fra thaim walopyt ovyr-mar. <br>Thar fayis alsua wery war <br>445 That off thaim all thar chassyt nane, 442 <br>Bot with presoneris that thai had tane <br>Rycht to the toune thai held thar way, <br>Rycht glaid and joyfull off thar pray. <br>That nycht thai lay all in the toun, <br>450 Thar wes nane off sa gret renoun 447 <br>Na yeit sa hardy off thaim all <br>That durst herbery with-out the wall, <br>Sa dred thai sar the gayne-cummyng <br>Off Schyr Robert the douchty king. <br>455 And to the king off Ingland sone 452 <br>Thai wrate haly as thai haid done, <br>And he wes blyth off that tithing <br>And for dispyte bad draw and hing <br>All the presonneris thocht thai war ma. <br>460 Bot Schyr Amery did nocht sua 457 <br>To sum bath land and lyff gaiff he <br>To leve the Bruysis fewte <br>And serve the king off Ingland <br>And off him for to hald the land <br>465 And werray the Brus as thar fa. 462 <br>Thomas Randell wes ane off tha <br>That for his lyff become thar man. <br>Off other that war takyn than <br>Sum thai ransounyt, sum thai slew <br>470 And sum thai hangyt and sum thai drew. 467 </div><div style="margin:10px 0">[The king goes to the Mounth as a refugee] </div><div style="margin:10px 0">In this maner rebutyt was <br>The Bruys that mekill murnyn mais <br>For his men that war slayne and tane, <br>And he wes als sa will off wane <br>475 That he trowit in nane sekyrly 472 <br>Outane thaim off his cumpany, <br>That war sa few that thai mycht be <br>Fyve hunder ner off all mengye. <br>His broder alwayis wes him by <br>480 Schyr Edward that wes sa hardy, 477 <br>And with him wes a bauld baroun <br>Schyr Wilyam the Boroundoun. <br>The erle off Athole als wes thar, <br>Bot ay syn thai discomfyt war <br>485 The erle off the Levenax wes away 482 <br>And wes put to full hard assay <br>Or he met with the king agayn, <br>Bot always as a man off mayn <br>He mayntemyt him full manlyly. <br>490 The king had in his cumpany 487 <br>James alsua of Douglas <br>That wycht wys and averty was, <br>Schyr Gilbert de le Hay alsua <br>Schir Nele Cambell and other ma <br>495 That I thar namys can nocht say, 492 <br>As utelawys went mony day <br>Dreand in the Month thar pyne, <br>Eyte flesch and drank water syne. <br>He durst nocht to the planys ga <br>500 For all the commounys went him fra 497 <br>That for thar liffis war full fayn <br>To pas to the Inglis pes agayn. <br>Sa fayris ay commounly, <br>In commounys may nane affy <br>505 Bot he that may thar warand be. 502 <br>Sa fur thai then with him, for he <br>Thaim fra thar fais mycht nocht warand <br>Thai turnyt to the tother hand, <br>Bot threldome that men gert thaim fele <br>510 Gert thaim ay yarne that he fur wele. 507 </div><div style="margin:10px 0">[The king goes to Aberdeen; the queen joins him; <br>a Theban analogy; they ride to the hills and live rough] </div><div style="margin:10px 0">Thus in the hyllis levyt he <br>Till the mast part off his menye <br>Wes revyn and rent, na schoyn thai had <br>Bot as thai thaim off hydis mad. <br>515 Tharfor thai went till Aberdeyne 512 <br>Quhar Nele the Bruys come and the queyn <br>And other ladyuis fayr and farand <br>Ilkane for luff off thar husband <br>That for leyle luff and leawté <br>520 Wald partenerys off thar paynys be. 517 <br>Thai chesyt tyttar with thaim to ta <br>Angyr and payne na be thaim fra, <br>For luff is off sa mekill mycht <br>That it all paynys makis lych, <br>525 And mony tyme mais tender wychtis 522 <br>Off swilk strenthtis and swilk mychtis <br>That thai may mekill paynys endur <br>And forsakis nane aventur <br>That evyr may fall, with-thi that thai <br>530 Tharthrou succur thair liffys may. 527 <br>Men redys, quhen Thebes wes tane <br>And Kyng Aristas men war slane <br>That assailyt the cite, <br>That the wemen off his cuntre <br>535 Come for to fech him hame agayne 532 <br>Quhen thai hard all his folk wes slayne, <br>Quhar the King Campaneus <br>Throu the help off Menesteus <br>That come percas ridand tharby <br>540 With thre hunder in cumpany 537 <br>That throu the kingis prayer assailyt <br>That yeit to tak the toun had failyeit. <br>Then war the wiffys thyrland the wall <br>With pikkis, quhar the assailyeis all <br>545 Entryt and dystroyit the tour 542 <br>And slew the pupill but recour. <br>Syn quhen the duk his way wes gayne <br>And all the kingis men war slayne <br>The wiffis had him till his cuntre <br>550 Quhar wes na man leiffand bot he. 547 <br>In wemen mekill comfort lyis <br>And gret solace on mony wis, <br>Sa fell yt her, for thar cummyng <br>Rejosyt rycht gretumly the king. <br>555 The-quhether ilk nycht himselvyn wouk 552 <br>And rest apon daiis touk. <br>A gud quhile thar he sojournyt then <br>And esyt wonder weill his men <br>Till that the Inglis-men herd say <br>560 That he thar with his menye lay 557 <br>All at ese and sekyrly. <br>Assemblit thai thar ost in hy <br>And thar him trowit to suppris <br>Bot he that in his deid wes wys <br>565 Wyst thai assemblyt war and quhar, 562 <br>And wyst that thei sa mony war <br>That he mycht nocht agayne thaim fycht. <br>His men in hy he gert be dycht <br>And buskyt of the toun to ryd, <br>570 The ladyis raid rycht by his syd. 567 <br>Then to the hill thai raid thar way, <br>Quhar gret defaut off mete had thai. <br>Bot worthy James off Douglas <br>Ay travailland and besy was <br>575 For to purches the ladyis mete 572 <br>And it on mony wis wald get, <br>For quhile he venesoun thaim brocht, <br>And with his handys quhile he wrocht <br>Gynnys to tak geddis and salmonys <br>580 Trowtis elys and als menounys, 577 <br>And quhill thai went to the forray, <br>And swa thar purchesyng maid thai. <br>Ilk man traveillyt for to get <br>And purches thaim that thai mycht ete. <br>585 Bot off all that ever thai war 582 <br>Thar wes nocht ane amang thaim thar <br>That to the ladyis profyt was <br>Mar then James of Douglas, <br>And the king oft comfort wes <br>590 Throu his wyt and his besynes. <br>On this maner thaim governyt thai <br>Till thai come to the hed off Tay.</div><div style="margin:10px 0"><br /></a><br />poem by <a href="http://en.citatepedia.ro/by.php?a=John+Barbour">John Barbour</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=418940" data-title="The Brus Book II de John Barbour" data-description="[Bruce escapes to Lochmaben] The Bruys went till his innys swyth, Bot wyt ye weile he wes full blyth That he had gottyn that respyt. He callit his marschall till him tyt 5 And bad him luk on all maner That he ma till his men gud cher, For..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black