<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=417162" style="color:#000;text-decoration:none"><div style="margin:10px 0"><strong>De Rose</strong></div><div style="margin:10px 0">Ce n'est point la paquerete,<br>La marguerite, le lis,<br>L'oeillet ny la violete,<br>La fleur où mon coeur j'ay mis.</div><div style="margin:10px 0">J'aime entre les fleurs la rose, <br>Car elle porte le nom<br>D'une qui mon ame a close<br>A toute autre affection.</div><div style="margin:10px 0">La rose entre les fleurétes<br>Gagne l'honeur et le pris :<br>Parféte entre les parfétes <br>Est la Rose qui m'a pris.</div><div style="margin:10px 0">L'autre rose l'on voit nestre, <br>Comme fille du printems,<br>Mais un printems prend son estre <br>De cette Rose en tout tems. </div><div style="margin:10px 0">La mienne, où queue se place<br>Cent mille fleurs fèt lever, <br>Et, fust-ce dessus la glace,<br>Fêt un aeté de l'yver.</div><div style="margin:10px 0">Cette Rose tant émée<br>Comme l'autre ne sera,<br>Qui de matin estimée <br>Au soir se destimera.</div><div style="margin:10px 0">Car l'autre rose fanie<br>Pourra perdre sa vigueur :<br>Tousjours la mienne épanie<br>Florira dedans mon coeur.</div><div style="margin:10px 0">Amour de douce rosée<br>Cette Rose arousera<br>Quand ma compagne épousée<br>De maîtresse il la fera.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Jean+Antoine+de+Baif">Jean Antoine de Baif</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=417162" data-title="De Rose de Jean Antoine de Baif" data-description="Ce n'est point la paquerete, La marguerite, le lis, L'oeillet ny la violete, La fleur où mon coeur j'ay mis. J'aime entre les fleurs la rose, Car elle porte le nom D'une qui mon ame a close A toute autre affection. La rose entre les fleurétes..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black