<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=415843" style="color:#000;text-decoration:none"><div style="margin:10px 0"><strong>Donald MacGillavry</strong></div><div style="margin:10px 0">Donald's gane up the hill hard and hungry<br>Donald comes down the hill wild and angry<br>Donald will clear the gouk's nest cleverly <br>Here's tae the king and Donald Macgillavry<br>Come like a weigh-bauk, Donald Macgillavry <br>Come like a weigh-bauk, Donald Macgillavry<br>Balance them fair, and balance them cleverly<br>Off wi' the counterfeit, Donald Macgillavry</div><div style="margin:10px 0">Donald's run o'er the hill but his tether, man<br>As he were wud, or stang'd wi' an ether, man <br>When he comes back, there's some will look merrily<br>Here's tae King James and Donald Macgillavry<br>Come like a weaver, Donald Macgillavry<br>Come like a weaver, Donald Macgillavry<br>Pack on your back, an elwand sae cleverly <br>Gie them full measure, my Donald Macgillavry</div><div style="margin:10px 0">Donald has foughten wi' reif and roguery <br>Donald has dinner'd wi' banes and beggery<br>Better it were for Whigs and Whiggery<br>Meeting the devil than Donald Macgillavry<br>Come like a tailor, Donald Macgillavry<br>Come like a tailor, Donald Macgillavry<br>Push about, in and out, thimble them cleverly<br>Here's tae King James and Donald Macgillavry</div><div style="margin:10px 0">Donald's the callan that brooks nae tangleness <br>Whigging, and prigging, and a' newfangleness <br>They maun be gane; he winna be baukit, man<br>He maun hae justice, or faith he'll tak it, man<br>Come like a cobler, Donald Macgillavry<br>Come like a cobler, Donald Macgillavry<br>Beat them, and bore them, and lingel them cleverly <br>Up wi' King James and Donald Macgillavry </div><div style="margin:10px 0">Donald was mumpit wi' mirds and mockery <br>Donald was blindid wi' blads o' property <br>Arles ran high, but makings war naething, man <br>Lord, how Donald is flyting and fretting, man <br>Come like the devil, Donald Macgillavry<br>Come like the devil, Donald Macgillavry<br>Skelp them an' scaud them that prov'd sae unbritherly <br>Up wi' King James and Donald Macgillavry</div><div style="margin:10px 0"><br /></a><br />poem by <a href="http://en.citatepedia.ro/by.php?a=James+Hogg">James Hogg</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=415843" data-title="Donald MacGillavry de James Hogg" data-description="Donald's gane up the hill hard and hungry Donald comes down the hill wild and angry Donald will clear the gouk's nest cleverly Here's tae the king and Donald Macgillavry Come like a weigh-bauk, Donald Macgillavry Come like a weigh-bauk, Donald M..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black