<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=395608" style="color:#000;text-decoration:none"><div style="margin:10px 0"><strong>Lak of Stedfastnesse</strong></div><div style="margin:10px 0">Somtyme the world was so stedfast and stable<br>That mannes word was obligacioun,<br>And now it is so fals and deceivable<br>That word and deed, as in conclusioun,<br>Ben nothing lyk, for turned up-so-doun<br>Is al this world for mede and wilfulnesse,<br>That al is lost for lak of stedfastnesse.</div><div style="margin:10px 0">What maketh this world to be so variable<br>But lust that folk have in dissensioun?<br>For among us now a man is holde unable,<br>But if he can by som collusioun<br>Don his neighbour wrong or oppressioun.<br>What causeth this but wilful wrecchednesse,<br>That al is lost for lak of stedfastnesse?</div><div style="margin:10px 0">Trouthe is put doun, resoun is holden fable,<br>Vertu hath now no dominacioun;<br>Pitee exyled, no man is merciable.<br>Through covetyse is blent discrecioun.<br>The world hath mad a permutacioun<br>Fro right to wrong, fro trouthe to fikelnesse,<br>That al is lost for lak of stedfastnesse.</div><div style="margin:10px 0">O prince, desyre to be honourable,<br>Cherish thy folk and hate extorcioun.<br>Suffre nothing that may be reprevable<br>To thyn estat don in thy regioun.<br>Shew forth thy swerd of castigacioun,<br>Dred God, do law, love trouthe and worthinesse,<br>And wed thy folk agein to stedfastnesse.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Geoffrey+Chaucer">Geoffrey Chaucer</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=395608" data-title="Lak of Stedfastnesse de Geoffrey Chaucer" data-description="Somtyme the world was so stedfast and stable That mannes word was obligacioun, And now it is so fals and deceivable That word and deed, as in conclusioun, Ben nothing lyk, for turned up-so-doun Is al this world for mede and wilfulnesse, That al is..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black