<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=395589" style="color:#000;text-decoration:none"><div style="margin:10px 0"><strong>A Balade of Complaint</strong></div><div style="margin:10px 0">Compleyne ne koude, ne might myn herte never,<br>My peynes halve, ne what torment I have,<br>Though that I sholde in your presence ben ever,<br>Myn hertes lady, as wisly he me save<br>That Bountee made, and Beautee list to grave<br>In your persone, and bad hem bothe in-fere<br>Ever t'awayte, and ay be wher ye were.</div><div style="margin:10px 0">As wisly he gye alle my joyes here<br>As I am youres, and to yow sad and trewe,<br>And ye, my lyf and cause of my gode chere,<br>And deeth also, whan ye my peynes newe,<br>My worldes joye, whom I wol serve and sewe,<br>Myn heven hool, and al my suffisaunce,<br>Whom for to serve is set al my plesaunce.</div><div style="margin:10px 0">Beseching yow in my most humble wyse<br>T'accepte in worth this litel pore dyte,<br>And for my trouthe my servyce not despyse,<br>Myn observaunce eke have not in despyte,<br>Ne yit to longe to suffren in this plyte;<br>I yow beseche, myn hertes lady, here,<br>Sith I yow serve, and so wil yeer by yere.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Geoffrey+Chaucer">Geoffrey Chaucer</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=395589" data-title="A Balade of Complaint de Geoffrey Chaucer" data-description="Compleyne ne koude, ne might myn herte never, My peynes halve, ne what torment I have, Though that I sholde in your presence ben ever, Myn hertes lady, as wisly he me save That Bountee made, and Beautee list to grave In your persone, and bad hem b..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black