<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=346083" style="color:#000;text-decoration:none"><div style="margin:10px 0"><strong>Spring-tide</strong></div><div style="margin:10px 0">Lenten ys come with love to toune,<br>With blosmen and with briddes roune,<br>That al this blisse bryngeth;<br>Dayes-eyes in this dales,<br>Notes suete of nyhtegales,<br>Uch foul song singeth;<br>The threstelcoc him threteth oo,<br>Away is huere wynter wo,<br>When woderove springeth;<br>Thise foules singeth ferly fele,<br>Ant wlyteth on huere wunne wele,<br>That all the wode ryngeth.</div><div style="margin:10px 0">The rose rayleth hire rode,<br>The leves on the lyhte wode<br>Waxen al with wille;<br>The mone mandeth hire bleo,<br>The lilie is lossom to seo,<br>The fenyl and the fille;<br>Wowes thise wilde drakes,<br>Miles murgeth huere makes<br>Ase strem that striketh stille.<br>Mody meneth; so doth mo<br>(Ichot ych am on of tho)<br>For loue that likes ille.</div><div style="margin:10px 0">The mone mandeth hire lygt, <br>So doth the semly sonne bryht,<br>When briddes singeth breme;<br>Deawes donketh the dounes,<br>Deores with huere derne rounes<br>Domes for to deme;<br>Wormes woweth under cloude,<br>Wymmen waxeth wounder proude,<br>So wel hit wol hem seme,<br>Yef me shal wonte wille of on,<br>This wunne weole y wole forgon <br>Ant wyht in wode be fleme.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Anonymous+Olde+English">Anonymous Olde English</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=346083" data-title="Spring-tide de Anonymous Olde English" data-description="Lenten ys come with love to toune, With blosmen and with briddes roune, That al this blisse bryngeth; Dayes-eyes in this dales, Notes suete of nyhtegales, Uch foul song singeth; The threstelcoc him threteth oo, Away is huere wynter wo, When wodero..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black