<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=345947" style="color:#000;text-decoration:none"><div style="margin:10px 0"><strong>Alison</strong></div><div style="margin:10px 0">Bytuene Mershe and Averil<br>When spray biginneth to springe,<br>The lutel foul hath hire wyl<br>On hyre lud to synge:<br>Ich libbe in love-longinge<br>For semlokest of alle thynge,<br>He may me blisse bringe,<br>Ich am in hire baundoun.<br>An hendy hap ichabbe y-hent,<br>Ichot from hevene it is me sent,<br>From alle wymmen my love is lent<br>And lyht on Alysoun.</div><div style="margin:10px 0">On heu hire her is fayr ynoh, <br>Hire browe broune, hire eye blake;<br>With lossum chere he on me loh;<br>With middel smal and wel y-make;<br>Bote he me wolle to hire take<br>For to buen hire owen make,<br>Long to lyven ichulle forsake<br>And feye fallen adoun.<br>An hendy hap ichabbe y-hent,<br>Ichot from hevene it is me sent,<br>From alle wymmen my love is lent<br>And lyht on Alysoun.</div><div style="margin:10px 0">Nihtes when I wende and wake,<br>For-thi myn wonges waxeth won,<br>Levedi, al for thine sake<br>Longinge is y-lent me on.<br>In world nis non so wyter mon<br>That al hire bounte telle con;<br>Hire swyre is whittore than the swon,<br>And feyrest may in toune.<br>An hendy hap ichabbe y-hent,<br>Ichot from hevene it is me sent,<br>From alle wymmen my love is lent<br>And lyht on Alysoun.</div><div style="margin:10px 0">Ich am for wowyng al for-wake,<br>Wery so water in wore;<br>lest eny reve me my make<br>Ichabbe y-yerned yore.<br>betere is tholien whyle sore<br>Then mournen evermore.<br>Geynest under gore,<br>Herkne to my roun.<br>An hendy hap ichabbe y-hent,<br>Ichot from hevene it is me sent,<br>From alle wymmen my love is lent<br>And lyht on Alysoun.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Anonymous+Olde+English">Anonymous Olde English</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=345947" data-title="Alison de Anonymous Olde English" data-description="Bytuene Mershe and Averil When spray biginneth to springe, The lutel foul hath hire wyl On hyre lud to synge: Ich libbe in love-longinge For semlokest of alle thynge, He may me blisse bringe, Ich am in hire baundoun. An hendy hap ichabbe y-hent, I..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black