<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=116696" style="color:#000;text-decoration:none"><div style="margin:10px 0"><strong>To a Mouse</strong></div><div style="margin:10px 0">Wee, sleekit, cowran, tim'rous beastie,<br> O, what panic's in thy breastie!<br> Thou need na start awa sae hasty,<br> Wi' bickering brattle!<br> I wad be laith to rin an' chase thee,<br> Wi' murd'ring pattle!</div><div style="margin:10px 0"> I'm truly sorry Man's dominion<br> Has broken Nature's social union,<br> An' justifies that ill opinion,<br> Which makes thee startle,<br> At me, thy poor, earth-born companion,<br> An' fellow-mortal!</div><div style="margin:10px 0"> I doubt na, whyles, but thou may thieve;<br> What then? poor beastie, thou maun live!<br> A daimen-icker in a thrave<br> 'S a sma' request:<br> I'll get a blessin wi' the lave,<br> An' never miss't!</div><div style="margin:10px 0"> Thy wee-bit housie, too, in ruin!<br> It's silly wa's the win's are strewin!<br> An' naething, now, to big a new ane,<br> O' foggage green!<br> An' bleak December's winds ensuin,<br> Baith snell an' keen!</div><div style="margin:10px 0"> Thou saw the fields laid bare an' wast,<br> An' weary Winter comin fast,<br> An' cozie here, beneath the blast,<br> Thou thought to dwell,<br> Till crash! the cruel coulter past<br> Out thro' thy cell.</div><div style="margin:10px 0"> That wee-bit heap o' leaves an' stibble,<br> Has cost thee monie a weary nibble!<br> Now thou's turn'd out, for a' thy trouble,<br> But house or hald.<br> To thole the Winter's sleety dribble,<br> An' cranreuch cauld!</div><div style="margin:10px 0"> But Mousie, thou art no thy-lane,<br> In proving foresight may be vain:<br> The best laid schemes o' Mice an' Men,<br> Gang aft agley,<br> An' lea'e us nought but grief an' pain,<br> For promis'd joy!</div><div style="margin:10px 0"> Still, thou art blest, compar'd wi' me!<br> The present only toucheth thee:<br> But Och! I backward cast my e'e,<br> On prospects drear!<br> An' forward, tho' I canna see,<br> I guess an' fear!</div><div style="margin:10px 0"><br /></a><br />poem by <a href="http://en.citatepedia.ro/by.php?a=Robert+Burns">Robert Burns</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=116696" data-title="To a Mouse de Robert Burns" data-description="Wee, sleekit, cowran, tim'rous beastie,/ O, what panic's in thy breastie!/ Thou need na start awa sae hasty,/ Wi' bickering brattle!/ I wad be laith to rin an' chase thee,/ Wi' murd'ring pattle!/ I'm truly sorry Man's dominion/ Has broken Nature's..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black