<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=116499" style="color:#000;text-decoration:none"><div style="margin:10px 0"><strong>The Braw Wooer</strong></div><div style="margin:10px 0">Last May, a braw wooer cam doun the lang glen,<br> And sair wi’ his love he did deave me;<br> I said, there was naething I hated like men—<br> The deuce gae wi’m, to believe me, believe me;<br> The deuce gae wi’m to believe me.</div><div style="margin:10px 0"> He spak o’ the darts in my bonie black e’en,<br> And vow’d for my love he was diein,<br> I said, he might die when he likèd for Jean—<br> The Lord forgie me for liein, for liein;<br> The Lord forgie me for liein!</div><div style="margin:10px 0"> A weel-stocked mailen, himsel’ for the laird,<br> And marriage aff-hand, were his proffers;<br> I never loot on that I kenn’d it, or car’d;<br> But thought I might hae waur offers, waur offers;<br> But thought I might hae waur offers.</div><div style="margin:10px 0"> But what wad ye think?—in a fortnight or less—<br> The deil tak his taste to gae near her!<br> He up the Gate-slack to my black cousin, Bess—<br> Guess ye how, the jad! I could bear her, could bear her;<br> Guess ye how, the jad! I could bear her.</div><div style="margin:10px 0"> But a’ the niest week, as I petted wi’ care,<br> I gaed to the tryst o’ Dalgarnock;<br> But wha but my fine fickle wooer was there,<br> I glowr’d as I’d seen a warlock, a warlock,<br> I glowr’d as I’d seen a warlock.</div><div style="margin:10px 0"> But owre my left shouther I gae him a blink,<br> Lest neibours might say I was saucy;<br> My wooer he caper’d as he’d been in drink,<br> And vow’d I was his dear lassie, dear lassie,<br> And vow’d I was his dear lassie.</div><div style="margin:10px 0"> I spier’d for my cousin fu’ couthy and sweet,<br> Gin she had recover’d her hearin’,<br> And how her new shoon fit her auld schachl’t feet,<br> But heavens! how he fell a swearin, a swearin,<br> But heavens! how he fell a swearin.</div><div style="margin:10px 0"> He beggèd, for gudesake, I wad be his wife,<br> Or else I wad kill him wi’ sorrow;<br> So e’en to preserve the poor body in life,<br> I think I maun wed him to-morrow, to-morrow;<br> I think I maun wed him to-morrow.</div><div style="margin:10px 0"><br /></a><br />poem by <a href="http://en.citatepedia.ro/by.php?a=Robert+Burns">Robert Burns</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=116499" data-title="The Braw Wooer de Robert Burns" data-description="Last May, a braw wooer cam doun the lang glen,/ And sair wi’ his love he did deave me;/ I said, there was naething I hated like men—/ The deuce gae wi’m, to believe me, believe me;/ The deuce gae wi’m to believe me./ He spak o’ the darts..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black