<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=116479" style="color:#000;text-decoration:none"><div style="margin:10px 0"><strong>Bessy and Her Spinnin' Wheel</strong></div><div style="margin:10px 0">O LEEZE me on my spinnin’ wheel,<br> And leeze me on my rock and reel;<br> Frae tap to tae that cleeds me bien,<br> And haps me biel and warm at e’en;<br> I’ll set me down and sing and spin,<br> While laigh descends the simmer sun,<br> Blest wi’ content, and milk and meal,<br> O leeze me on my spinnin’ wheel.<br> On ilka hand the burnies trot,<br> And meet below my theekit cot;<br> The scented birk and hawthorn white,<br> Across the pool their arms unite,<br> Alike to screen the birdie’s nest,<br> And little fishes’ caller rest;<br> The sun blinks kindly in the beil’,<br> Where blythe I turn my spinnin’ wheel.<br> On lofty aiks the cushats wail,<br> And Echo cons the doolfu’ tale;<br> The lintwhites in the hazel braes,<br> Delighted, rival ither’s lays;<br> The craik amang the claver hay,<br> The pairtrick whirring o’er the ley,<br> The swallow jinkin’ round my shiel,<br> Amuse me at my spinnin’ wheel.<br> Wi’ sma’ to sell, and less to buy,<br> Aboon distress, below envy,<br> O wha wad leave this humble state,<br> For a’ the pride of a’ the great?<br> Amid their flairing, idle toys,<br> Amid their cumbrous, dinsome joys,<br> Can they the peace and pleasure feel<br> Of Bessy at her spinnin’ wheel?</div><div style="margin:10px 0"><br /></a><br />poem by <a href="http://en.citatepedia.ro/by.php?a=Robert+Burns">Robert Burns</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=116479" data-title="Bessy and Her Spinnin' Wheel de Robert Burns" data-description="O LEEZE me on my spinnin’ wheel,/ And leeze me on my rock and reel;/ Frae tap to tae that cleeds me bien,/ And haps me biel and warm at e’en;/ I’ll set me down and sing and spin,/ While laigh descends the simmer sun,/ Blest wi’ content, an..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black